Иако излезе дека Природонаучниот музеј освен локацијата веќе нема никаква врска со зоолошката градина, наместо во офтопик сепак ќе постирам во оваа нишка (бидејќи е веќе разработена, а целта ми е преку форумов да помогнеме да се промовира музејот). Од музејот беа љубезни и ми дадоа информативни материјали за установата, како и дозвола за фотографирање.

Кратко инфо:
Музејот е основан во октомври 1926 по иницијатива на светски познатиот научник-зоолог Станко Караман. Постојаните изложби на музејот опфаќаат површина од 1700m2, а изложени се околу 4000 оргинални експонати од територијата на Република Македонија. Постојаните изложби се следните:
- Минерали и карпи
- Фосили
- Ратенија
- Без'рбетници
- Инсекти
- Риби
- Водоземци и влечуги
- Птици
- Цицачи

За однапред договорени групи обезбеден е водич.

Адреса:
Булевар Илинден бр. 86
1000 Скопје
(веднаш до влезот на Зоолошката градина)


За жал ми беше кажано дека засега нема никаков поголем проект на повидок и дека интервенциите се сведуваат на тековно одржување. Мислам дека е штета затоа што сум убеден дека музејот има многу поголем потенцијал од оној кој што го остварува со моменталната посетеност. Ако ништо друго мислам дека треба барем да се почне со поголема промоција. Не треба младите само организирано да ги носат од училиштата, туку треба да се стимулираат самите повеќе да се интересираат. Сигурно многу подобро отколку киснење на фејсбук... Па да се надеваме дека на музејот во иднина ќе му биде посветено слично внимание какво што почна да и се посветува на Зоолошката градина 

1


2


3


4


5


6


7


8


9


10


11


12


13


14


15


16


17


18


19


20


21


22


23


24


25


26


27


28


29

Не постојат прстенести мајмуни! Не се ова црвја! Тие се лемури со прстенести опаши, од редот примати! Ај едноподни автобуси, ама прстенести мајмуни!? Од опаш со шара како прстени до прстенест мајмун...


Edited by гитардемон - 22-May-2010 at 03:00

Реконструкцијата на Зоолошката во Битола поважна од патиштата

Центарот за развој на Пелагонискиот плански регион даде зелено светло за обновување на ЗОО-паркот

БИТОЛА – ЗОО-паркот во Битола е регионален топ-проект поважен од санацијата на патиштата кои, исто така, се на листата приоритети. Новоформираниот Центар за развој на Пелагонискиот плански регион даде зелено светло за реконструкција на битолската Зоолошка градина. Од 1956 година, кога е изградена, таму не е обновена ни цигла. Надвор од сите стандарди се кафезите кои единствено можат да се користат за чување домашни животни. Оставени на (не) милоста на државата, под Тумбе-кафе живеат над двесте животни од четириесетина различни вида. Има ѕверови, тревопасни животни, а најмногубројни се птиците.

Грдата слика во ЗОО-паркот ги одвраќа посетителите. Ако порано биле регистрирани и по 80 илјади гости годишно, сега таа бројка е далеку помала. Вработените во Зоолошката градина со децении апелираат за обновување на паркот од корен.

„Половина век ништо не е допрено. Потребна е целосна реконструкција. Од практични решенија за водоводна и одводна мрежа до нови кафези за животните зашто постојните воопшто не одговараат на европските стандарди. Токму овие пропусти ги забележа и делегацијата на Асоцијацијата на европски зоолошки градини“, потенцира Марика Димитриевска, в.д. директорка на Зоолошката.

Надежта за обезбедување средства за обнова на паркот е поголема откако пелагониските општини Битола, Прилеп, Ресен, Крушево, Демир Хисар, Кривогаштани, Долнени, Могила и Новаци се согласија дека тоа е еден од најважните проекти за овој регион. Обновата на Зоолошката се најде пред реконструкцијата на регионалните патишта и нивното осветлување.

„Имаме изработка на целокупна студија и техничка документација за обнова на Зоолошката градина во Битола, како исклучителен регионален проект. Затоа што по ЗОО-паркот во Скопје се' до Солун, друг нема во целиот регион. Следува изработката на техничка документација за голем број регионални патишта. Тие се во мошне лоша состојба и со нестандардна широчина. Битно е и осветлувањето на клучката ’Макзи‘ на патот за Ресен. На листата е и проектот за поврзување на манастирите од двете страни на Баба Планина, односно од битолскиот и од ресенскиот дел. Потребна е мапа со која туристите пеш ќе можат да одат низ планината. И секако доградба на хлорната станица во Долнени, што обезбедува чиста вода за пиење за Крушево, Кривогаштани и Долнени“, набројува Емилија Геровска, раководителка на Центарот.

За рамномерен регионален развој Владата издвојува милиони суми за проекти, ги собира парите од општините, ги распределува и, на крај, врши ревизија дали се транспарентно потрошени.

„Владата определи 1,29 проценти од домашниот бруто-производ за минатата година, а Министерството за локална самоуправа предвиде над 230 милиони денари. Овие средства преку Бирото за рамномерен регионален развој се распределуваат до осумте центри за регионален развој и на тој начин се овозможува правична распределба и рамномерност“, објасни заменик-министерот за локална самоуправа, Фарук Фератоски. Тој оценува дека и покрај големиот буџет за регионален развој, голем дел од општините влегуваат неподготвени. Имено, нудат неадекватни проекти без развојна компонента. „За да не се вратат парите назад, во буџетот, Министерството за локална самоуправа одлучи да ги подели за јакнење на капацитетите на општините, па дури и за изготвување урбанистички планови, без да се почитува таа регионална развојна компонентата“, вели Фератоски.

Оттука се наметна прашањето дали Владата предвидела независен мониторинг за трошењето на народните пари издвоени за овие регионални проекти. Заменик-министерот Фератоски, и покрај неговиот напор, беше неубедлив во објаснувањата.

„Главен надзор во оваа политика за рамномерен регионален развој има Министерството за локална самоуправа. А над Министерството е Националниот совет за рамномерен регионален развој во кој учествуваат седуммина министри. На тој начин, рационално се користат тие средства. Ова е нова политика со европски предзнак“, рече Фаратоски.

Градоначалниците од Пелагонија признаваат дека најтешкиот дел им е усогласување на тоа што им е приоритет за целиот регион и дека меѓу нив има големи разлики. Сепак, сметаат дека овој Центар треба да биде ефикасен инструмент за реализација на заедничките или локалните проекти што ќе добијат приоритет.

„Пелагонискиот регион е еден од најубавите. Се' е од Бога дадено. Имаме прекрасни планини, езера, го имаме Мариово, прекрасното Крушево, богатата Пелагонија. Но, и потенцијали за развој кои овој Центар ќе ги стави во функција и посебно ќе им помогне на помалите општини кои немаат соодветни капацитети“, нагласува градоначалникот на Битола, Владимир Талески.

ТРАЈАНОВСКИ ПОБАРА
Општините да се вклучат во обновата на Зоолошката градина

Градоначалникот Коце Трајановски бара и општините да учествуваат во обновата на Зоолошката градина, за што било разговарано на последниот состанок на координативното тело на градоначалници. - Со моите колеги ја разгледавме можноста општините да се вклучат во реновирањето на Зоолошката градина. Град Скопје ќе вложи во изградбата на живеалишта за слонот и за жирафата, за што ќе се потрошат околу 15 милиони денари. Очекуваме позитивен одѕив од општините, како и интерес од приватни фирми - рече Трајановски. Освен за оваа тема, се зборуваше и за доставата на решенијата за данок на имот, наплатата на комуналната такса за фирмарина и регулирањето на такси-превозот. - Очекуваме во јуни да се донесе новата одлука за регулирање на такси-превозот во градот. Општините во градот треба да ни ги достават предлозите за новите стојалишта, а заеднички работиме на отстранување на такси-станиците коишто ја зафаќаат крајната десна лента на булеварите - изјави Трајановски. На состанокот се одлучи ЈП „Комунална хигиена“ да распише јавен повик за избор на фирми што ќе го собираат сметот од руралните средини. Градоначалниците разговараа и за можностите за промена на начинот на пресметување на цената на отпадот за да им се помогне на домаќинствата кои плаќаат високи сметки за ѓубрарина заради големата квадратура на дворовите. Општините и годинава ќе ја организираат пролетната акција за чистење на нивните подрачја, со учество на службите на градот и јавните претпријатија.

http://www.vreme.com.mk/DesktopDefault.aspx?tabindex=3&tabid=1&EditionID=2012&ArticleID=139997

Битолската ЗОО подари десетина животни Од вчера Зоолошката градина е збогатена со десетина нови животни, подарок од ЗОО од Битола. Пристигнаа пар биволи, две лисици, три златни фазана, по еден ној и паун и неколку кокошки-бисерки. За возврат, скопската ЗОО ќе и' подари на битолската пар лопатари, три нутрии, два американски ракуна и по еден јак и белоглав мршојадец. Дане Кузмановски, директор на скопската Зоолошка градина вели дека размената на животните е само почеток на планираната интензивна соработка на двете зоолошки. „Со оглед на тоа дека нашата ЗОО е членка на ЕАЗА, сите искуства што ги применуваме оттаму ќе ги разменуваме со градината од Битола. Истовремено, кога ќе преговараме за размена на животни со зоолошки од други држави, ќе лобираме за животни и за битолската градина“, вели Кузмановски. Тој најави дека за десетина дена ќе пристигне бенгалски тигар, кој ќе биде на привремен престој во скопската ЗОО за да се спари со тигрица, па така Зоолошката ќе добие принови тигри. http://utrinski.com.mk/?ItemID=442B1BE6334B91419D962852CCB2E191

Белградска зоолошка http://en.wikipedia.org/wiki/Belgrade_Zoo, Скопска зоолошка http://en.wikipedia.org/wiki/Skopje_Zoo, кога се хектарите во прашање веројатно скопската е поголема но кога се во прашање бројот на животни тогаш белграѓаните водат со 3 спрема 1 веројатно бројот на животни било пресудно на тезата на многу лиѓе дека белградската зоолошка е поголема од скопската но да се надеваме дека градов Скопје ќе добие конечно зоолошка за пример во регионот.

На Википедија пишува дека скопската зоолошка е 9,7 хектари (проверив и на гугл еартх и може е малку помала, околу 8 хектари). Тоа значи дека е поголема од белградската (7 хектари), загребската (7,3 хектари), а од зоолошката во Будимпешта е малку помала во која сум бил и сите коментираа дека е многу поголема од скопската. Пред да го видам овој податок мислев дека скопската е каде каде помала од зоолошките во регионов. Со оваа големина и овој развој скопската зоолошка има шанси да прерасне во туристичка атракција каде би доаѓале гости од соседните држави. Мислам дека единствено што ќе и фали е голем аквариум со риби, фоки, делфини... Но да се надеваме дека ќе го доби и тоа во иднина.

Edited by DJ - 27-Apr-2010 at 11:13

ЖИВОТНИТЕ НАСКОРО СО ПОДОБРИ ЖИВЕАЛИШТА
Зоолошката како градилиште Елена Вељановска

Реконструкција на старите и дотраени живеалишта, изградба на нови и современи простори каде што животните ќе живеат по сите светски стандарди, санација на патеките, изградба на ветеринарен и едукативен центар како и зголемување на фондот на животни, се само дел од активностите на кои се работи во последниот период во скопската Зоолошка градина. Во деновите од викендот, градежните работи се одвиваат со значително намален интензитет поради големиот број на граѓани што во тие денови се заинтересирани да ја видат градината, но во работните денови уредувањето активно продолжува. Зоолошката градина, всушност, повеќе личи на градилиште отколку на место интересно за посета, но на скопјани тоа не им пречи затоа што се свесни дека по многу години градината се подновува и се создаваат пристојни услови за живот на животните. Дане Кузмановски, директор на скопската Зоолошка градина, е оптимист и најавува целосна санација на сите живеалишта во текот на следните неколку месеци. - За само половина година обновени се пет нови живеалишта, а изградени се околу дваесет нови, што претставува поттик за сите нас и понатаму да продолжиме со ваквиот интензитет на работење, се со цел животните да добијат услови за живот какви што заслужуваат, по сите светски стандарди - вели Кузмановски. Досега се завршени новите живеалишта на волците, гибоните, лемодите, како и тие за кенгурите, а изграден е и ѕверовникот за лавовите, тигрите, јагуарите и црниот пантер, кои ќе живеат заедно и на отворено. Со изградбата на нови живеалишта и реконструкцијата на старите се менува целата концепција на Зоолошката градина, со што околу 85 проценти од животните нема да живеат во кафези, туку на отворено. Во моментов се изведува тендерска постапка и за изградба на ново живеалиште за нилски коњ, антилопи, за рисови и за птици, како и адаптација на живеалиштето на мајмуните што можат да живеат само во кафези. Ќе се адаптира и живеалиштето на поларната мечка, а ќе се гради и за ракуни и за лисици. Во фаза на проектирање е и живеалиштето за слон и за жирафи, како и за змии и за алигатор. Во изминатиот период, скопската Зоолошка градина се поднови и со неколку животни, како што се четири којоти, пет волци, два риса, три ракуна, црн лебед, лав кој во себе носи албино гени и една игуана, два кенгура. Повеќето од животните се добиени со размена од белградската зоолошка градина, а дел од нив во Скопје пристигнале од Словенија и од Франција. Директорот Кузмановски вели дека другите зоолошки градини се најзаинтересирани за размена со белоглавите орли, кои на ниедно друго место не се размножуваат како кај нас. - Покрај овие животни, кои веќе пристигнаа во градината и оние кои во следниот период веќе е договорено да пристигнат, во преговори сме да донесеме уште многу животни. Преговараме и за бела мечка, слон, жирафи, како и за два тигра од Португалија - вели Кузмановски. Дел од животните што пристигнале во градината ќе бидат сместени во новоизградените живеалишта, а дел од нив привремено ќе живеат во старите, кои во наредниот период треба да бидат реконструирани.


Едукативниот центар до септември


Едукативниот центар, во кој е предвидено во текот на работните денови да доаѓаат деца на организирани посети и на тој начин да учат за животните, треба да биде готов до следната учебна година. Во центарот е предвидено да бидат организирани еднодневни екскурзии, на кои учениците би имале неколку часа предавања во Центарот, а потоа неколку часа настава надвор во градината. Ветеринарната станица, пак, за да профункционира, потребно е да се набават инструменти за работа, а предвидено е и да се вработи еден ветеринари, кој ќе биде задолжен да се грижи за здравјето на животните во градината.

http://www.vreme.com.mk/DesktopDefault.aspx?tabindex=0&tabid=1&EditionID=2005&ArticleID=139405

оолошката градина наскоро со слон и жирафа

Донација на Стопанска банка за Зоолошката градина

Јастребите, соколите и орлите ќе добијат нови живеалишта

Зоолошката градина се збогатува со нови содржини. Наскоро ќе добие уште три женки мајмуни лемури, а во процедура е обезбедувањето на увозни дозволи за две зебри од Белград, седум антилопи од Загреб, а од Софија треба да се обезбедат крокодили, тигар и пума. Во јуни ќе пристигнат и повеќе видови мајмуни, а со помош на градините од Белград и Јагодина ќе се збогати птичјиот фонд. Се очекуваат фазани, папагали, пауни, ему и други птици.
- Зоолошката градина веќе неколку години целосно се реконструира и во моментов почнува да личи на модерно живеалиште за животните. Се што е досега направено во Зоолошката градина е направено со поддршка од Владата, од Град Скопје, од скопскиот градоначалник и од помали донации, а еве денеска сме и благодарни на Стопанска банка а.д. Скопје, која донираше околу 10.000 евра за обнова и реновирање на Зоолошката градина во Скопје, рече Дане Кузмановски, директор на Зоолошката градина, кој потенцираше дека донацијата ќе се искористи за изградба на живеалишта за соколи, јастреби и орли, која е во средишна фаза, а дел од средствата ќе се искористат и за уредувањето на Едукативниот центар во Зоолошката градина, каде што ќе се одржуваат предавања за деца од градинките и од основните училишта.

На предавањето на донацијата Олгица Михаилова од Стопанска банка рече дека следните три месеци организираат саботно дружење во Зоолошката градина.
- Стопанска банка а.д. Скопје на сите граѓани им подарува билети за посета на Зоолошката градина, кои може да се подигнат во филијалите - "Младина", "Веро 2", "Порта Влае", "Кисела Вода" и "Јане Сандански", рече Михаилова.