Резиденцијални објекти

К.Вода кај Рампа на ул.Виктор Иго

Originally posted by stef4o Project for Hrising FS-Skopje https://www.instagram.com/attika_architects/

Ете која куќа била:

Originally posted by Џоле Трнодол Интересна куќа од десната страна, ќе пробам да ја фотнам поубаво нареден пат

Project for Hrising FS-Skopje







https://www.instagram.com/attika_architects/

Во Влае







https://www.facebook.com/groups/1018208674926359

Влае - ул.Бела Краина бр. 1б

Мини зграда на прекрасна локација во Влае. Контролирајте гo вашиот дом преку вашиот телефон. Елаборат за енергетски ефикасен дом и сеизмичка стабилност на објектот одобрен од "Изиис"-Скопје. Топлински пумпи со фенкојлери за најеконимично ладење и греење на собите. Германски 6 коморни "Salamander" профили со трослојно 4 сезонско стакло и германски оков "Roto". Италијански собни врати "Di Porte". Првокласен дабов трослоен паркет во собите. Првоклсани гранитни плочки во бањата,кујната и терасите.





https://www.mcc-construction.com.mk/projects/vlae

на ул.Владимир Назор во Капиштец

Изведбата на колективната станбена зграда (По.+Пр.+2+Пот.) во Карпош, Скопје.



https://www.facebook.com/leart.proekt

На фејсбук ми излезе реклама за зградичкава во Влае:

Вила на Велешко Езеро – Чистина во изразот

Проектантско биро: Архитектура нова

Година: 2020 – 2022

Површина: 425 m2

Автори: Марија Димитриевска, дипл. инж. арх. , Елена Пазарџиевска, дипл. инж. арх.

Локација: Населба на Велешко Езеро

Инвеститор: Приватен

Фотографии: Борис Јурмовски, дипл. инж. арх.





Да се дејствува и гради во веќе изграден контекст претставува одговор и реакција на околината, стремеж за воздигнување на функцијата и нејзиниот естетски израз.

Во таа смисла, проектирањето на овој објект за индивидуално домување претставуваше процес каде потребите и барањата на корисникот беа апстрахирани во архитектонска визија на јасна идеја која интерпретира варијанта на современа вила во природа.





Лоцирана во новооформена викенд-населба на Велешкото Езеро „Младост“, оваа вила е реализирана како долга (инфра)структура поставена на северниот дел од раскошна зелена парцела.

Овој приземен објект е составен од различни волумени кои создаваат посебен однос како со теренот, така и помеѓу себе. На овој начин се постигнува динамика во композицијата, но и различни амбиенти во внатрешниот простор.





Хоризонталната диспозиција овозможува нижење на програмата во секвенци, целосно обмислена според потребите на корисникот.

Главен принцип при проектирањето е создавање близок контакт со надворешноста, дворот и зеленилото. Ова е постигнато со одлуката објектот да лежи директно на котата на теренот, па на овој спој, големи стаклени платна формираат транспарентна визуелна граница помеѓу ентериерот и екстериерот.





„Патувањето“ низ објектот се случува низ подолжен „коридор“,правец, кој нè носи во различни сегменти. Главниот, формален влез на објектот е дискретно поставен на источната фасада, оформен како тенок, а висок шлиц од црна (дематеријализирана) врата со тенко стаклено платно за визуелна комуникација. На северната фасада се организирани помошните простории, додека кон југ се сместени главните простори за одмор и дневен престој. Оваа поставеност се чита и преку обликувањето на фасадите, па така, јужната фасада кон дворот е скоро целосно застаклена, додека северната фасада кон улицата е полна и тивка.





Источниот волумен ја содржи главната спална соба со засебна бања, како и сите потребни помошни простории организирани околу влезот во објектот. Главниот, највисок волумен е простор каде се случува дневниот престој. Овој простор има своја екстензија кон надворешноста, каде се оформува платформа која завршува со долгнавест базен. Базенот е дизајниран како интегрален дел од објектот, конструктивно и програмски. Во централниот волумен фокална точка претставува каминот, поставен слободно во просторот на позиција која овозможува да се одвои посебен дел за рекреација каде е поставена маса за билјард. На северната страна е организирана кујната како отворен концепт со централен остров, понатаму библиотека и бар, сауна и мала вежбална како продолжение на рекреативната зона.



Волуменот на западниот крај е физички одвоен со продор (прекин) во целината, наткриен со бетонски перголи. Овој волумен содржи два апартмани, исполнети со опрема која овозможува нивно функционирање како независни целини.

Гаражата со помошни простории е обликувана како засебен објект, физички одвоена од куќата и поставена на поголема оддалеченост, оставајќи простор за „ритуално“ влегување преку цветна градина.





Конструктивно, објектот е обмислен во безгредов систем од столбови и хоризонтални рамнини. Специфични елементи се подвоените бетонски столбови кои се решени скулптурално, со намера да се одземе дел од нивната маса за да добијат прозрачност и леснотија.



Ентериерното обликување и материјализацијата во објектот ја отсликува архитектурата, па преовладува израз со чисти линии и природни материјали. Мебелот е конструиран од елементи со дабова завршница. Природен гранит е употребен за хоризонталните површини на елементите во бањите, тоалетите , кујната, делови од мебелот како и завршна обработка на каминот и внатрешните скали. Бели плакари и простори за остава се дизајнирани на начин да бидат составен дел од ѕидовите. Едноставноста на материјалите и дизајнираните линии во ентериерот ѝ оставаат простор на светлината да биде главниот креатор на амбиентот и доживувањето. Чистината во изразот на објектот се стреми да претставува неутрална, но раскошна заднина за современото секојдневие на корисникот.

Автор: Марија ДИМИТРИЕВСКА, дипл. инж. арх.























https://www.porta3.mk/vila-na-veleshko-ezero-chistina-vo-izrazot/?fbclid=IwAR14iLih-7Lou4zMmC9bAM6LUB66kdX1E0xjUq6wMFxmi4FoWtpbyUuj6GU

Зградичево во Тафталиџе испаднало супер:





Уште една зградичка:





Edited by Џоле - 03-Sep-2022 at 17:13