Боите се соодветни на намената, а тоа е лесно-забележливи..

не се лоши, се трудам аналитички да проценам што сакале всушност да направат и зашто..

значи бојата била претходен недостаток, претпоставувам 3те "ногарки" наспроти досегашната една има свое значење од сигурносен аспект, има нешто и со тоа што не се прикачува, него се става како во "џеб", ако добро приметувам.. а што е со транспарентноста (има дупчиња?) веројатно заради миризби, дали да се шири или не е релативно.. но за течности претпоставувам не е функционално... хмм..

друг некој ?

Вакви контејнери има скоро сегде низ европа. Сега дур бев у амстердам летово некое време ги користев и се 100 пати подобри од нашиве. Прво и основно подобри се затоа што поради тоа што губрето е под земја не смрдат воопшто, второ не може да зјаат отворени, трето неможе да се фрла све и свашта од проста причина што нема да го собере(пр. кауч, телевизор итн)

У секој случај многу се подобри и многу поубаво и попристојно изгледаат(да не си информиран нема ни да знааеш дека се контејнери)

Edited by toasumjas - 21-Oct-2010 at 14:21

Одлична идеја.... А и возможна за наши услови.....

Мене многу ми се допаѓа системот на Малме, Шведска... 

Но тоа за во иднина... оваа идеја со контенјерите е одлична за сега.....

Вест која многу ме радува. Дај боже да се реализира.

Ѓубрето заминува под земја?



Подземните контејнери имаат поголем капацитет, а не зафаќаат слободна површина

Подземни контејнери покрај зградите се решение за грдата слика со купиштата ѓубре во населбите. Идејата потекнува од градското комунално претпријатие од каде што велат дека овие контејнери успешно се употребуваат во Белград, Љубљана и во други поголеми европски градови. За нив нема да има пари во буџетот за идната година, но од „Комунална хигиена“ апелираат градските власти да почнат да размислуваат за овој концепт. Се работи за мали инвестиции од 7.000 до 10.000 евра за изградба на контејнерите. Најпотребни и најпрактични се за населбите со колективни станбени згради, кои и се најгусто населените делови од Скопје.

Подземните контејнери имаат поголем капацитет, а не зафаќаат слободна површина. Можат да бидат изградени под паркови, пешачки патеки или паркинг-простори. Еден подземен контејнер може да замени десетици стандардни садови за ѓубре. Со нив ќе се намалат трошоците за инвестиции, за одржување, а ќе се запази и еколошката димензија во одлагањето на отпадот од домаќинствата.

Од „Комунална хигиена“ велат дека современите подземни контејнери се отвораат со чип-картички, кои ќе ги поседуваат само станарите од зградите. Тие лесно би биле мониторирани и со видеонадзор. Со тоа ќе се избегне денешната слика присутна на скопските улици, деца, возрасни, но и животни како буричкаат во ѓубрето.

„Единствено, дополнителна инвестиција е рачката неопходна за празнење на овие контејнери, а која ќе мора да се монтира на нашите камиони. Тоа е дел од стандардната опрема што може лесно да се надогради“, велат во „Комунална хигиена“. (С.Н.)

КАПАЦИТЕТ

Подземните контејнери имаат капацитет колку четири или пет стандардни контејнери со зафатнина од 1,1 кубни метри. Во нив отпадот е складиран на пониска температура со што се намалува миризбата, се набива самиот од себе со што ослободува повеќе простор, а празнењето е многу потивко отколку кај стандардните контејнери. Кај помодерните системи нивото на пополнетост на подземниот контејнер може да се следи и на Интернет.

http://www.utrinski.com.mk/?ItemID=39A2D93825FE4C48828C8BAE78CC55A4

"КОМУНАЛНА ХИГИЕНА" НЕ ЈА ЧИСТИ ПОЛОВИНА ОПШТИНА КИСЕЛА ВОДА 10 ДЕНА

Припор базди на ѓубре

"Ова е срамота. Цело лето населбата ни смрди на скапано ѓубре. Камионите на 'Комунална' како да нè заобиколуваат. Доаѓаат само до Кисела Вода и се враќаат назад. Тука многу ретко проаѓаат. Па за џабе ли плаќаме сметки за ѓубрарина?", се жали 60-годишната С.С. од населбата Припор

Населбите Припор и Сопиште смрдат на ѓубре. Цела недела контејнерите по должина на улицата Сава Ковачевиќ се преполни со смет, кој е скапан поради дождот и сонцето, па се шири неподнослива реа само што ќе се одмине автобуската постојка на последна "24".
Кантите се толку преполнети што вишокот ѓубре е расфрлан низ тротоарите и улицата, па едвај може да се помине по нив.
Жителите се жалат дека ваквата слика е честа во нивните населби и дека комуналците чистат само до крајот на населбата Кисела Вода и дека камион за празнење на контејнерите може да не помине и по две недели во нивната населба.
"Ова е срамота. Цело лето населбата ни смрди на скапано ѓубре. Камионите на 'Комунална' како да нè заобиколуваат. Доаѓаат само до Кисела Вода, а кај нас многу ретко. Па за џабе ли плаќаме сметки за ѓубрарина?", се жали 60-годишната С.С. од населбата Припор.
Од ЈП "Комунална хигиена" се правдаат дека деновиве не го собрале ѓубрето зашто имале дефект на дел од камионите.
"Редовно се собира ѓубрето и во Припор и во Сопиште, но имаше мал застој поради дефект на возилата. Уште денес, во втора смена, ќе излеземе на терен и ќе го собереме целото ѓубре", велат од "Комунална хигиена".
Полните контејнери се секојдневие во Скопје. Иако Градот пред половина година купи нови камиони, сепак, ни тие не помогнаа навремено да се собира ѓубрето. Градоначалникот Коце Трајановски зеде кредит да купи уште 10 нови камиони и да може, колку-толку, собирањето ѓубре да биде поредовно.

 

САДОВИТЕ ЗА ОТПАД ВО ПОСЕБНИ ЏЕБОВИ
Скопските булевари ќе куртулат од контејнери

Роза Петкова

На десетина булевари и улици, од кои најголем дел се во Центар и во Чаир, ќе се градат џебови за контејнери. На проблематичните локации каде што се поставени садовите за отпад, кои им сметаат на возилата или, пак, на пешаците, градските власти ќе ги прошират коловозите и ќе направат посебни места за нив. Ваква одлука усвоија советниците на Град Скопје на последната седница. Џебови ќе се прават на поголемите булевари како Партизанска, Александар Македонски, Крсте Петков-Мисирков и на Никола Карев, односно пластичарската улица. Посебни места контејнерите ќе добијат и на Мито Хаџи Василев-Јасмин, Митрополит Теодосиј Гологанов, Рузвелтова, Адолф Циборовски, Антон Попов, Коце Металец, Цветан Димов, Кристијан Тодоровски-Карпош и Џон Кенеди. Планирано е да се изгради 121 џеб, со капацитет од еден до седум контејнери, односно вкупно 361 контејнер. Во Градот уверуваат дека при проширувањето на улиците ќе остане доволно простор и за движење на пешаците и на велосипедите. - Проектот за поставување на џебови за контејнери има добиено во согласност со Министерството за внатрешни работи. Изградбата треба да почне наскоро, откако ќе се завршат сите технички процедури, а за време на градежните работи не треба да се очекува поголем застој на сообраќајот - велат од Одделението за односи со јавност. Местата на кои има потреба да се изградат џебови за контејнери ги одредиле градските власти заедно со „Комунална хигиена“. - Имавме поплаки од граѓани за одредени локации. На пример, во Чаир е доста проблематично затоа што таму имаме контејнери на тротоарите, па на дуќанџиите им пречат и ги симнуваат долу на улица, а на возачите, пак, им сметаат и ги враќаме повторно горе. Од таа причина многу контејнери се удирани и оштетени од возила - вели Катерина Лаова, портпарол во „Комунална хигиена“. На улицата Мито Хаџивасилев-Јасмин, пак, по барање на МВР ќе се постават џебови затоа што оваа сообраќајница ја користат голем број странски делегации. Според одлуката, градежните работи ќе ги заврши јавното претпријатие „Улици и патишта“, а Градот од овој и од наредниот буџет ќе издвои 3,5 милиони денари.

http://www.vreme.com.mk/DesktopDefault.aspx?tabindex=1&tabid=1&EditionID=2116&ArticleID=148064

napredok ima mozeme samo da zboruvame ama napredok ima toa e sigurno.treba da se raboti uste mnogu i isto taka treba da se podobri svesta kaj gragjanite

Го разбирам револтот на жителите во тој дел, но онакво ѓубриште е срамота. Причина: поместени контејнерите од локацијата на сликата 30 метри подалеку.

1.


2.


3.

ВЛАСТИТЕ ОД ЦЕНТАР САКААТ ДА ПРИМЕНАТ СТРАНСКИ ИСКУСТВА
Скопското ѓубре во фински контејнери

Роза Петкова

Место ѓубрето како досега да се растура по тротоарите, скопјани домашниот смет да го фрлаат во длабоки подземни контејнери, кои ќе бидат похигиенски и ќе собираат поголеми количини смет. Ваков предлог нудат властите од Општина Центар, кои неодамна биле во Финска за да научат нови искуства во соочувањето со комуналните проблеми. Општинарите ја посетиле фабриката за производство на современите контејнери „Молок“, во градот Нокија и го виделе механизмот на кој функционираат. Станува збор за длабоки садови, од кои само 40 проценти се гледаат на површината, а другиот дел од 1,5 метар е вкопан во земја. Секое ново количество ѓубре што се фрла го притиска старото и така се обезбедува 30 проценти повеќе место. Општинските власти велат дека со еден ваков контејнер може да се заменат пет метални, а бидејќи се добро изолирани, тие не се достапни за инсекти и ѓубрето не може да се расфрла од нив. Сметот се чува на пониска температура, од 10 до 14 степени, затоа што со најголемиот дел од кантите се наоѓаат во земја. Новина е и начинот на празнење бидејќи, како што велат во Центар, конечно би се решил проблемот со бучавата што сега ја има кога се подигаат и превртуваат целите контејнери. Подземните контејнери не се вадат, туку од нив се извлекува вреќата во која е собрано целото ѓубре и се празни со одврзување на дното. - Општина Центар прави напори да го примени овој систем на подземна технологија и кај нас од повеќе причини. Тоа што е најбитно е дека со него се заменуваат неколку постојни контејнери, нема да има превртени канти по улиците, расфрлано ѓубре, лоша миризба. Со тоа општината ќе придонесе за подобрување на квалитетот на животот на граѓаните во централното градско подрачје - велат општинските власти. Тие инсистирале преку Град Скопје и јавното претпријатие „Комунална хигиена“ да го преземе ваквиот систем на собирање на отпадот, а тој да почне да се применува прво во Центар во вид на пилот-проект. Идејата е понатаму на целото подрачје на Скопје да се постават подземни контејнери за кои ќе се грижи комуналното претпријатие.

http://www.vreme.com.mk/DesktopDefault.aspx?tabindex=0&tabid=1&EditionID=2053&ArticleID=143350

Од Галичица се изнесени 150 камиони отпад, а има уште Иако е подрачје со најстрога законска заштита, националниот парк Галичица одвај може да се дочисти од диви депонии Веќе почна да се реализира втората фаза од проектот за отстранување на цврстиот отпад од паркот, а во првата биле изнесени дури 150 камиони со ѓубре, дури и од строго заштитените зони. Со проектот, кој се изведува од лани, досега главно се чистело машински, а Зоран Ангеловски, директорот на паркот, вели дека во оваа фаза отпадот ќе се собирал и рачно, а ќе се опфателе и непристапните терени. - До почетокот на туристичката сезона очекувам да имаме беспрекорно чист парк - рече Ангеловски вчера, кога го најави почетокот на новата фаза од „генералката“. Надлежните немаа конкретен одговор за тоа како успеале повеќе од 150 камиони отпад да се истурат во еден национален парк. Само објаснија дека станува збор за простор од 25 илјади хектари, за кој немале доволно шумари за да го штитат. Шумарите повторно ќе воспостават 24-часовни дежурства, не само поради истурањето ѓубре, туку и за заштита од пожари, а деновиве треба да се наместат и дигитални камери, кои, иако главно се наменети за да го следат живиот свет во паркот, добро ќе послужат и во борбата против несовесните посетители. Чистењето се одвива според Стратегијата за управување со цврст отпад 2009-2014, која ја финансира германската банка КФВ. Наумче Новески, раководителот на секторот за заштита, информира дека за втората, завршна фаза, се обезбедени 10 илјади евра. - Ќе се чисти просторот од туристичката населба Елешец до комплексот „Свети Наум“. Апелираме до посетителите да не го оставаат ѓубрето на места што не се предвидени за тоа - додаде Новески. http://novamakedonija.com.mk/NewsDetal.asp?vest=52810923356&id=9&prilog=0&setIzdanie=21993