Порта Македонија

Originally posted by Граѓанин Хералдичкото здружение на Македонија (автори на претседателскиот амблем, грбот на МПЦ и тн.) мислам дека реагираше, иако нивната забелешка формално се однесуваше на вексилолошко-правниот аспект дека врз ниедна претстава на знамето (во јавноста) не смее да стојат натписи. Толку знам бидејќи претседателот на здружението ми е пријател. Заправо знам дека сакаа, немам податок дали фактички се пожалиле, но обично тоа го прават бидејќи имаат веќе воспоставен службен однос со владата. Други официјални поплаки по медиумите немам забележано. Во однос на знамето, следејќи ги разговорите, не сум сигурен дали заклучија дека е прекршок, или авторот нашол некоја клаузула за „уметничка претстава“ или такво нешто. Едноставно не ја разбирам психологијата зад ваквиот натпис „Македонија“ врз зраците. Просто неверојатно. Дури ни навивачи не прават ваква комбинација на транспаренти и шалови...

1. Се вика Македонско Хералдичко Здружение.
2. Јас сум во раководството, и покренав внатрешна иницијатива да се реагира официјално, но не постигнавме конечен консензус бидејќи некои членови сметаа дека сепак се работи за уметничка репрезентација и како таква има потполна слобода и не подложи на Законот за Употреба на Симболите.
3. Конечно, не реагиравме кај институциите.
4. Имаме неофицијални контакти само со Кабинетот на Претседателот, а во никој случај службени со Владата.

Значи останаа пропорциите на знамето во позадина на натписот МАКЕДОНИЈА. Алекс знам дека си упатен, имаше ли официјална реакција до институциите?

Originally posted by Шпер Поминав пред неколку дена покрај Порта Македонија, да знаете дека релјефите што ги прават моментално ќе бидат исти како оние цртежи на платното со кое беше покриена горната половина од портата на 8-ми септември... баш ги забележав натписите МАЛА ПРЕСПА и ПИРИН... направени се...

Originally posted by gjoko ако можи слика ќе биде ОК

Повели, мада многу слабо се познава дур е олку чист и бел мермерот.

1


2

ако можи слика ќе биде ОК(одамна нема и од уставен)

Originally posted by Gradinarot .....drugarice posadimo cvece......sega odam na spanje, a utre ke si zemam hamburger i ke go mskam pod portata, koj filing covece.

Haha Najdobro

Eve sto pisuva za portata na vecer.com.mk:

Од Министерството за култура информираат дека започнаа подготовските за изградба на Порта Македонија. Изведувач на градежните работи е г.д. Гранит" а.д. Скопје. Градежното претпријатие викендов го загради просторот каде што треба да биде поставена триумфалната порта. Во моментов на теренот се преземаат подготвителните работи, се оформува градилиштето. Откако ќе завршат сите подготвителни работи, изведувачот ќе биде воведен во работа. - Објектот Порта Македонија ќе биде лоциран во централното градско подрачје на улицата 11 октомври", една од радијалните улици кои водат кон градскиот плоштад. Порта Македонија, која се гради според идејното решение на авторката Валентина Стевановска, која е автор на фонтаната и споменикот на Александар Македонски, има мултидимензионална функција и ќе биде во служба на културата во Република Македонија. Визуелниот приказ на Портата претставува историско обликување со мотиви од длабок релјеф изработени од мермер на површина од 193 квадратни метри, а нејзината височина изнесува 21 метар. На релјефите на Портата, кои се изработуваат во Република Македонија, ќе бидат прикажани прикази од богатата историја на македонскиот народ, велат од Министерството. Тие додаваат дека што се однесува на останатата функција на портата, таа е современа, во неа се предвидува постоење на атрактивен галериски простор наменет за одржување изложби и други културни настани. Галерискиот простор ќе биде распореден на две нивоа и достапен со скалила и лифтови од двете страни на портата. Отворената тераса на Портата на последното ниво ќе дава визура на централното градско подрачје. За овој објект кој е наречен Порта Македонија, којшто е дел од проектот Скопје 2014, ќе бидат потрошени четири милиони евра.

Source: Porta Makedonija

Па во суштина реагирам кога чувствувам дека има некој од "оние", а ти чинам не си ни од овие ни од оние па затоа повели :-) Шала на страна, ајде да дискутираме кој дава легитимитет за градбите, за стилот? Јас, ти, ние, оние? Сите објекти и проекти се направени од луѓе од струката колку што сум запознаен? Позади проектите како главни проектантни или соработници стојат архитекти, магистри, професори? Еве јас не знам ти што си по струка, градежник, архитект? Јас не сум тоа и можам како обичен граѓанин да кажам само дали ми се допаѓа како објект или не, а не можам да обвинувам некого за дилетантизам ако тој човек завршил факултет и стојат други дела позади неговото име. Поздрав со надеж дека нема дисусијава да ја претворам/претвориме во политичка расправија.

Ви благодарам за линкот до Триумфалните капии, научив нова работа денес :-) Сепак мислам дека тој термин се употребува намерно од некои медиуми, па така уште првите реакции беа какви победи имаме ние, какви триумфи (едно самопотценување но тоа повеќе зборува за нив отколку за македонскиот народ). Ако навлеземе да го коментираме коментарот на Милчо Манчевски можно е да се разгори политичка дебата ама ако е дозволено јас би продолжил. Не се согласувам дека паралелата Дебар Маало - Скопје 2014 е несоодветна. Во Дебар Маало се изгубени две работи - изгледот на Дебар Маало и дел од центарот на градот и пари затоа што се градеа згради со поинакви димензии комуналиите којзнае дали се плаќаа и тн. И со право човек ќе се запраша каде отидоа тие пари? Зошто тогаш никој не вршеше таков притисок како сега кога државата гради со дозвола објекти кои горе-долу се исплатливи (ете за некои што не се административни може да се дебатира дали се исплатливи но имаме административни згради кои се повеќе од потребни). Каде беше здружението на архитекти тогаш? Да не случајно членовите на раководството се потписници на некои од проектите за згради и зградички во Дебар Маало, потесниот Центар, Капиштец, Водно? За навраќањето на минатото, тоа не може да се избегне а и не треба! Зошто? Затоа што од кого дојдоа првичните остри реакции? Од опозицијата (инаку истата таа која што дозволи градов да се гради неплански вадеше дозоволи од ракав а сега се буни за центарот односно за подрачје кое е со радиус од 500 метри), од професори блиски на СДС (Грчев беше градоначалник на Центар треба ли повеќе да зборуваме за тоа? Дали спречи некоја градба или нешто?) и некакви невладини организации со нејасна позадина - Плоштад Слобода (главни фаци се ќерката на Ѓунер Исмаил и братучедот на Шеќеринска - Наумовски Никола). Океј почитувам туѓо мислење, почитувам и човек да биде член на било која партија тоа е демократско право, но овој блок започна една валкана војна која што го задуши гласот на обичниот граѓанин. Форумот го пратев одамна имаше интересни дебати ЗА и ПРОТИВ и сеуште има, само се чувствува политичката тензија. Да бидеме реални, на колку од граѓаните им е прашање на живот или смрт дали некоја зграда ќе биде градена во неокласичен или модерен стил? А овие структури што ги набројав претходно направија таков театар и таков притисок што прашањава веќе не можат мирно да се дискутираат, ако воопшто има потреба од тоа.

@ Observer

Во право си за името, но дека причината е толку длабока за да биде пропаганда и некаква конспирација, тоа тешко богами. Погледни ги овие, па можеби ќе ти биде појасно зошто сите рефлексно ја ословуваат како триумфална капија, без разлика какво официјално име и залепиле. Во секој случај, сето тоа е многу далеку од суштината - не може семантика да биде клучно прашање, кога во суштина имаме здание кое ќе не чини 4,4 милиони евра и за кое најголем број граѓани сметаат дека е урбанистички и естетски чир. Вистинското прашање не е „зошто упорно се користи терминот триумфална порта“, туку зошто упорно и слепо се турка проектов.

Зошто упорно се користи терминот Триумфална Порта или Капија кога се вика Порта Македонија? Пропаганда...