Skopje East Gate (поранешно ERA City)

Тука темпото на работа е доста забрзано,очигледно се работи и доцна навечер,еве извадоци од едно видео(од фб) каде се забележува ископот за станбениот комплекс...

Originally posted by Staro Skopje Ја фарбале саат кулата или така ми се чини?

Кулата беше реставрирана преку агенцијата ТИКА, која работеше на уште неколку реставрации на отомански градби во чаршијата (претежно џамии).

Јас исто така мислам дека би бил успешен деловниот комплекс, но не мислам дека таргет им се мали фирмулиња во градот или веќе постоечки големи фирми да се префрлат. Мислам дека целта ќе им е да донесат нови странски инвестиции со поголема додадена вредност (ИТ, финансии, R&D, итн.) од кои ќе можат многу повеќе да профитираат со издавање на просторот. Тој им беше концептот и со Сити Мол (донесоа брендови што ги немаше во Мк, а не постоечки бутичиња), веројатно исто ќе е и со новиот трговски во Ист Гејт.

Пола фирми и повеќе, зборувам за мали и средни претпријатија, од 10 до 50 вработени функционираат во неделовни простории, односно напикани во адаптирани станови, така што градов и те како има потреба од деловен простор.

Градот на месечно ниво расте, како во поглед на население, така и во поглед на економија така што тие пет деловни висококатници се далеку од одвишок. Голем број фирми кои нудат различни услуги (не се тоа само банки и сл.) ќе имаат добро место од каде што би го ширеле сопствениот бизнис.

Трговскиот ќе успее. Но многу ме интересира што ќе биде со зградите... толку деловен простор, таму...

Комплексот згради дефинитивно ќе бидат многу атрактивно место за живеење на студенти.

Сообраќајното решение(предвидени се 4 влеза и 3 излеза)



Има брошура во врска со проектот на овој линк

https://issuu.com/nextsense7/docs/east_gate_brochure__rgb_

Малку инфо околу капацитет,паркинг места,површини и слично...

--------------------------------------------------------------
Порта кон шопингот во 2020
Трговскиот центар „Ист гејт“ претставува дестинациски центар за новата генерација

Трговскиот центар „Ист гејт“ претставува дестинациски центар за новата генерација, којшто се протега на вкупна изградена површина од 147.000 м2 и нуди вкупна површина за изнајмување од 53.000 м2. Трговскиот центар се протега на правоаголна парцела со две надземни нивоа (приземје+1) и две подземни нивоа за паркирање со капацитет од 2000 паркинг-места.

Трговскиот центар ќе биде препознатлив по досега најголемиот микс од 250 продавници и брендови и се очекува да привлече значителен број малопродажни трговци и брендови што во моментов не се присутни во Македонија, вклучувајќи ги и клучните трговци кои веќе се присутни на соседните пазари.

Поинакво шопинг искуство

Новиот трговски центар „Ист гејт“ не само што ќе им овозможи разновидно шопинг-искуство на купувачите, туку ќе стави особен акцент и на забавата, спортовите и социјалниот живот. Имено, во трговскиот центар ќе има голем фитнес-простор со различни спортски активности, неколку рестoрани и амфитеатар на отворен простор наменет за социјално собирање кое ќе создаде синергија помеѓу трговскиот центар и резиденцијалните згради. Местото ќе има речиси сè што би посакало едно семејство: забава за деца, игралишта и кино.

Трговскиот центар „Ист гејт“ ќе има специфични стилови и брендови, со што и ќе ги спои атрактивните малопродажни аутлет-продавници, ресторани и современиот простор за забава и ќе стане место за средби за сите генерации.

Со својата уникатна архитектура и функционалност, трговскиот центар „Ист гејт“ ќе биде чекор понапред од други слични малопродажни објекти не само во Македонија, туку и во регионот. Неконвенционалниот дизајн на трговскиот центар вклучува стаклен булевар наречен „Булевар Ист гејт“, кој ќе го поврзува трговскиот центар од еден крај до друг. Булеварот Ист гејт ќе промовира брендови од високата мода и ќе претставува најистакната модна улица во трговскиот центар. Исто така, ќе претставува коридор кој ќе води до зелените површини зад трговскиот центар и амфитеатарот на отворен простор, како и до „Ист гејт ливинг“. Другите делови од ентериерот, кои го одземаат здивот, како што се The Egg, Children Court и the Green Court Café, како и The Hanged Forest, прават ова место да биде целодневна дестинација за сите генерации. Делот за храна со повеќе од 800 седишта нуди различни извонредни вкусови и се протега до барот Ring Café кој, пак, поминува преку булеварот „Ист гејт“.

Врвни ресторани со поглед кон зелени површини – ќе бидат помеѓу неколкуте инспиративни места во градот и ќе донесат нови стилови на храна и гурмански деликатеси.

Практичен и примамлив шопинг

Пространите шопинг-патеки дизајнирани со стил и извонреден вкус, со многу светлина и простор обезбедуваат голема удобност за посетителите, кои сакаат да се чувствуваат како да шетаат на отворено.

Како најголем трговски центар во целиот регион, со над 250 меѓународни и локални брендови, трговскиот центар „Ист гејт“ ќе пружи незаборавно искуство во однос на разновидноста и квантитетот. Комбинацијата на закупците внимателно се одбира со цел сите потреби да се спојат на едно место: супермаркет со свежи прехранбени производи, како и електроника, мода, книги, играчки, модни додатоци и услуги.

,,Градежните активности ќе започнат во рана пролет 2019 година и планираме отворањето на трговскиот центар да биде до есента 2020 година. Имајќи ја предвид модерната перспектива и разновидната малопродажна понуда, концентрацијата на клучните брендови, како и 40 % од учеството на новите брендови, трговскиот центар „Ист гејт“ ќе стане број 1 место за шопинг. Планираме да го отвориме трговскиот центар со 100 % издадени локали, а проценетиот број посетители изнесува над 12 милиони во првата година по неговото отворање“ - изјави Игор Давков, главен извршен директор на проектот „Скопје Ист гејт“.

http://eastgate.mk

IN_MOTION, фала за фоткиве! Заедно со Лимак, дефинитивно двете најголеми градилишта во поновата историја на Скопје. Се надевам дека позитивно ќе го сменат изгледот на градов кој веќе запаѓа во естетски архитектонски очај.