Зоолошки градини во Македонија

Нема потреба од никакви софистицирани системи за набљудување, кои и да се постават нема да се користат. Има потреба од доследна редарска служба која прво ќе млати и после ќе казнува несовесни и исфрустрирани граѓани! И Гитар, значи нема прилика да не ги нападнеш скопјаните како викале на сите Провинцијалци итн., а всушност самите биле најдиви. Те молам воздржи се од такви дегутантни и сосема непотребни изјави...Нема провинцијалци и главно-градци, има културни и некултурни луѓе.

бесот насобран низ годините луѓе го канализираат со истурање врз се што е беспомошно, односно доколку се во позиција на недопирливи а можат да стегаат чивии, тоа го прават од се срце, можеби и некој од љубопитност да проба такво нешто но мислам дека таквите случаи се ретки во однос на исфрустрираните насилници...

Од каде тој фашистичко-дилетантско-варварски порив да се изживљава "човек" врз животни кои се затворени во кафез. Затнување на пукнатините од минатото исплонети со искомплексираност не се право во зоолошка врз животните! Стварно неможам да сконтам што им се врти низ глава на "луѓето" што го прават тоа?! Им се дига ли (и таквото и адреналинот), што е работава?!

... Деца каменуваа лавови Неколку младинци на возраст од 15 до 18 години вчера се забавуваа каменувајќи ги лавовите во градината. Не се плашат од никого, иако на неколку метри од нив имаше и посетители и работници со багер. Агресивните тинејџери на оградата имаа наредено дваесетина камења. Во тој дел немаше чувари, па со нив се расправаа посетителите. Откога беа опоменати, се разбегаа. Директорот на Зоолошката, Анастас Петров, вели дека вистински проблем им се несовесните посетители што ги мачат животните, но дека немаат решение за нив, бидејќи чуварите физички не можат да постигнат да бидат на секоја педа од градината. Тој најави дека по обновата на градината ќе постават видеонадзор и верува дека камерите ќе ги одвраќаат агресивните посетители од насилство врз недолжните животни. Дневник - Јорданка Ивановска - 28.02.2008

знае некој до каде се работите околу видео надзорот? не само што треба видео надзор туку треба и казни, но ова треба да биде истакнато и на самиот влез и во самата програма или флаер што претпоставувам ги делат на посетителите!?

туку кога го испраќаа Коко деновиве на ресоцијализација во Амстердам, директорот најави дека е во фаза на реализација ново живејалиште по сите европски стандарди на ЕАZА за примати со површина од 5000 м2 и тропска куќа, каде со коко ќе бидат донесени назад уште неколку шимпанза од центарот Алмера...

„На сите во градината ни е жал што заминува, но знаеме дека таму ќе му биде подобро. Инаку, на големо се подготвуваме за правење на живеалиште за мајмуни по светски стандарди и се надеваме дека во скоро време ќе донесеме цело семејство на шимпанза“, додаде Петров. [1]

- ЕАЗА, ААП и скопската Зоолошка градина се договорија да работат на создавање услови за вдомување на големи примати во скопската ЗОО градина. Идното живеалиште на шимпанзата треба да биде изградено така да ги задоволува постоечките стандарди за одговорно зоо чување на овој вид животни. За овие шимпанза ќе биде поставен протокол за животинска грижа. Во зависност од тоа колку ќе биде успешна ресоцијализацијата на Коко, постои можност тој да се врати и да се вклопи во новиот проект на скопската зоолошка градина задно со група шимпанза – истакна Баарс.   ... Тој додаде дека идните планови на скопската Зоолошка градина се изградба на карантин и тропска куќа во која ќе има посебен дел за шимпанза, внатрешен и надворешен. Баарс нагласи дека скопската ЗОО градина има три цели: подобрување на Зоолошката, подобрување на услугите за посетителите и подобрување на квалитетот на вработените. Во моментов се врши обука на кадарот за новите стандардизирани начини на исхрана, вакцинирање, безбедност, прочистување на животните од паразити итн. Главната цел е скопската Зоолошка градина да се направи финансиски независна и преку целосната реконструкција на живеалиштата, збогатувањето на содржините и на животинските видови да се зголеми и бројот на посетители од 100.000 оваа година, на 150.000 идната година. [1] - 28.11.2007

     

прилично оскудни адреси! најверојатно инспирацијата за покретивен пристап останала во некој од кафезите 

www.zooskopje.com.mk/en/karta.html

zoo.com.mk/rabotnovreme.htm

Мене воопшто не ми прави логика луѓето да се развозуваат низ зоолошка. Тоа е место каде што човек треба колку толку да се доближи до природата. Уште повеќе што нашиве не се воопшто до толку големи, за да се наметнува потреба од превоз. Ме изненади ова што викаш дека имало воведено таква работа.

1. Ара, која ја има уште во зоолошкава откако се сеќавам за себе.



2. Мечка затворена сама во кафез, за разлика од другата (подолу на сликите) која сега има и новороденче и живее во една јама делумно исполнета со вода (зависи од временските услови), место кое првично било наменето за поларните мечки кои умреа пред 20-тина години.



3. Пак истата мечка



4. Лавот и лавицата.



5. Пак заљубената двојка.



6. Тигарот кој има и партнер (кој беше скриен внатре во моментот), и во позадина човек од Источна Македонија, не знам точно од каде, но имаше цела група од околу 50-тина деца и возрасни (+10 рандом битолчани).



7. Пак тигарот.



8. Другиот тигар, самец



9. Мечокот во таа јамата за која што ви зборував, додека мечката е внатре со малото.



10. Пак мечокот.



11. Пауни, едни од многуте птици во зоолошката, меѓу кои и четири ноја.



12. Пак пауните.



13. Избудалени мајмуни кои крадат од храна до обетки, и уринираат врз вас



14. Некој друг тип на мајмуни

Значи сè на cè ова се егзотичните животни (плус леопардот кој не го сликав, како и белоглавиот орел), а останатото се коњи, крави, диви свињи, лисици и волци, со други зборови животни од нашето поднебје. Змии немаше повеќе, последните умреле пред 3 години.

Зоолошка ќе процвета за пет години

За пет години ќе заврши целата реконструкција на сите живеалишта во Зоолошката градина, со која таа треба да ги исполни високите стандарди за да заличи на современите градини и да стане членка на Европската асоцијација на зоолошки градини и аквариуми-ЕАЗА. Реконструкцијата трае веќе две години, а во довршувањето на градината ќе се вклучат и експертите од европската асоцијација, кои ќе ги посочат сите елементи со кои живеалиштата ќе потсетуваат на природната средина од каде што потекнуваат животните. Ова вчера беше најавено на средбата помеѓу Анастас Петров, директорот на Зоолошката градина, и Доминик Тропеано, претседателот на групата за техничка асистенција и добросостојба на животните од ЕАЗА. - Скопската зоолошка градина не е членка на ЕАЗА, но тука сме за да дадеме техничка помош и да најдеме начин како да ја интегрираме во европската асоцијација. Последен пат бев тука пред четири години, но сега гледам дека работите одат нагоре. Направено е големо подобрување, а има и волја кај менаџерскиот тим. Во мај ќе одлучуваме како да ја вклучиме градината во асоцијацијата, а за пет години треба да се заврши целиот проект со кој таа ќе ги исполни сите стандарди за да стане наша членка. За да се постигне нивото се потребни многу пари и време, а ќе дојдат околу 15 експерти што ќе асистираат во работите. Не се работи само за изградбата на објектите и живеалиштата, туку и за грижата за животните и безбедноста на посетителите - објасни Доминик Тропеано, претседателот на групата за техничка асистенција и добросостојба на животните во ЕАЗА. Анастас Петров, директорот на градината, истакна дека веќе се изградени некои нови живеалишта, а напролет ќе имаат што да им покажат на посетителите. - Вклучувањето во европската асоцијација е значајно, бидејќи таму членуваат околу 350 зоолошки градини од цела Европа, а со тоа ќе добиеме стручна помош, како и размена на искуства и на животни. Изградени се нови живеалишта за тигрите, за волците, мечките, гибоните и мајмуните. Почнуваме и со нови проекти, како австралискиот дел, а очекуваме и нови животни како рисови, кенгури, ему, црн лебед и типични австралиски птици - додаде Петров. И покрај изведувањето на градежните работи, Зоолошката располага со 400 животни од 70 вида, кои се чуваат во помали кафези. На влезот на градината е направено езерце со мост за водните животни, а се прави и река, која ќе тече низ неколку живеалишта и ќе се користи за напојување. Во план е и отворање кафетерија и игротека, за да се задржат и привлечат посетителите. Досега се обезбедени околу 2,5 милиони евра, пари што се трошат во изградбата на градината, а за завршување на проектот ќе бидат потребни уште 1,5 милион. Зоолошката градина се ревитализира со пари од градот, од Владата, како и од донации на разни фирми, поединци или институции. Коко за два месеца ќе лета за Холандија Шимпанзото Коко за два месеца ќе замине на рехабилитација во Холандија, соопшти Анастас Петров, директорот на Зоолошката градина. Иако неговото патување беше најавувано пред неколку месеци, сепак процедурата за неговиот транспорт е сè уште во тек. - Готови се сите сертификати за неговиот транспорт, сето тоа ни одзема време, бидејќи се работи за високи европски стандарди. Сега треба да му се извади крв, која ќе се даде на испитување и потоа ќе биде подготвен за патување - објасни тој. Коко е болен од депресија поради осаменоста, а во холандскиот резерват треба да престојува една година http://www.novamakedonija.com.mk/DesktopDefault.aspx?tabindex=0&tabid=2&fCat=1&top=1&EditionID=318&ArticleID=18193

Животните на чекор до ЕУ!

Според оценките на високата делегација од групата за техничка асистенција и добросостојба на животните при Европската асоцијација на зоолошки градини и аквариуми, со реконструктивните зафати полека се исполнуваат строгите европски правила и најави дека одлуката за нејзино интегрирање во европската асоцијација ќе ја донесат во мај

Скопската Зоолошка градина пролетва ќе ја дочека со неколку нови живеалишта и животни. При крај е изградбата на новиот дом за мајмуните, но и на автентичните живеалишта за тигри, за волци... Конечно, посетителите ќе има што да видат и да уживаат при посетата на најголемиот резерват за животни во државава. Ова го најави првиот човек на Зоолошката градина Атанас Петров, кој деновиве е домаќин на висока делегација од групата за техничка асистенција и добросостојба на животните при Европската асоцијација на зоолошки градини и аквариуми - ЕАЗА. Претседателот Доминик Тропеанов рече дека е задоволен од напредокот во обновата на ЗОО и најави дека ЕАЗА ќе обезбеди стручна помош од експерти кои ќе ги дадат основните насоки како да се продолжат новите проекти и како да се изработат нови. Со тоа би се отвориле можностите за побрз влез во европската асоцијација.

- Пред 4 години бев во посета на ЗОО во Скопје и оттогаш до сега можам да кажам дека е направен голем напредок во смисла на реконструкција на градината за подобрување на условите за живеење на животните. Се гледа дека постои волја во менаџментот за вложување на сите капацитети во подобрување на општата состојба на градината. Доколку се продолжи со оваа динамика, се надевам дека за пет години зоолошката ќе ги достигне европските стандарди - потенцираше Тропеанов. Бидејќи скопската ЗОО не е членка на ЕАЗА, Тропеанов рече дека таа полека ги исполнува строгите европски правила и најави дека одлуката за нејзино интегрирање во европската асоцијација ќе ја донесат во мај.

- Морам да истакнам дека не е важен квантитетот туку треба да се обрне внимание на квалитетот на реконструкцијата. Не се работи само на градби, туку и на сите останати делови: известувањата, таблите, безбедноста на зоо-негувателите, на посетилите, појасни тој.
Директорот на градината рече дека во новите живеалишта ќе бидат сместени старите животни, а за оние кај што немаме ќе се набават нови.

- Во австралискиот дел ќе се донесат нови животни, нови рисеви, гибон. Моментно ЗОО е во фаза на реконструкција, на повеќе места се гради што е неминовен период којшто мора да го поминеме, но веќе има нови живеалишта кои можат да се видат. На пролет ќе има многу повеќе да се види, најави Петров.

Претставниците на ЕАЗА и Градот Скопје, викендов одржаа работилница со цел да се отвори можност за примена на европската ЗОО легислатива од страна на скопската зоолошка градина.
Проектот за реконструкција на ЗОО изработен од експерти од Нирнберг и на Москва почна пред две години кога беше изградена комплетно нова инфраструктурна мрежа.
Скопската зоолошка постои 80 години, но речиси 40 години врз неа не била извршена ниту една посериозна реконструкција.

НАЈАТРАКТИВНИОТ ЖИТЕЛ ЌЕ ОДИ НА РЕСОЦИЈАЛИЗАЦИЈА
Коко сепак ќе лета за Холанија
Најатрактивните жители на Скопската ЗОО, шимпанзото Коко, се уште е во своето старо живеалиште иако неколкупати беше најавувано дека ќе оди на ресоцијализација во Холандија. Директорот Атанас Петров вчера информираше дека тој сепак наскоро ќе се пресели.
- Терминот беше пролонгиран бидејќи се појавија некои технички, административни проблеми, но асоцијацијата која ја презеде обврската да се грижи за Коко веќе ги надмина сите проблеми така што деновиве очкуваме да се средат сите останати процедури како испитувања на крвта и слично. Ресоцијализацијата треба да трае извесен период по што очекуваме Коко да се врати во својот нов дом во Скопје, се надевам со семејство-рече Петров.

Елизабета АРСОСКА

Статијата е прочитана 38 пати.

http://vecer.com.mk/?ItemID=DCA7D46BD4C55D439B6C19C94EC96A98

Животните во битолската зоо снабдени со храна ПОНЕДЕЛНИК, 02 ФЕВРУАРИ 2009 17:25 За среќа на животните во зоолошката градина, оваа година е многу богата со храна, вели директорот Калаповски. Имаат секаков вид храна благодарение на донатори или пак склучени договори. -Со Веро да речеме, не опслужуваат и секогаш ги добиваме постарите производи и за мајмуните, тигрите, лавовите моментално 10-12 тони месо имаме и се надевам дека добро ќе поминеме, вели Пеце Калаповски, директор на Битолската зоолошка градина. Минатата година, овој период волци ја нападнаа зоолошката градина, а беше повредени беа еден ној и пони. -За несреќа на посетителите не можеа да го видат нојот, но за голема среќа кон крајот на 2008 добивме 4 нови ноеви и сега моментално има 5 ноеви. Нив ги подготвуваме за трката на ноеви. Она што беше критично со оградите, во 2008 извршивме санација и се надевам дека животни надвор од зоолошката градина нема да ни влезат, вели Калаповски. Од минатогодишната трка со магариња имаа голем бенефит, но не материјален. -Повеќе ни донесе слава, ни донесе луѓето да мислат на зоолошките градини, да мислат на животните и да ја чувствуваат како катче каде што ќе можат слободното време со своите најблиски да го поминат. Пролеттва подготвуваме часови за едукација на младата популација, вели Калаповски. Предвидени се повеќе проекти кои треба да се реализираат во градината, но тоа нема да биде за брзо време заради решавање на статутот. -Таа беше под Република Македонија, се надевам дека во скоро време ќе се реши статутот катастарски и тогаш ќе можеме повеќе проекти да ги продолжиме. Дотогаш ќе остане статус кво, заради решавање на правните работи, додава директорот на ЗОО. Минатата година бројот на посетители им беше за 20-30% поголем за разлика од претходните години.

Преземено од: http://tera.com.mk/index.php?option=com_content&task=view&id=3914&Itemid=106

Ме збуни човеков, што сака да каже да се реши статутот? Не може да градат не е државна повеќе, нешто со земјиштето, или? Глупости...