Скопски сообраќај (општо)

не е проблем само големиот промет на возилата, семафорите се десинхронизирани во голем дел од градов, којзнае од кога ги немаат наместено
второ е сообраќајната култура ко што спомна гитар погоре

Беласица не страда толку од кривината на мостот, колку што страда од 1000 споредни улици што се приклучуваат на нејзе, ја ја користам стално кога влегувам од Карпош/Центар према Аеродром и знае да има невидени колони кои почнуваат да ја оптеретуваат и раскрсницата кај макпетрол... ова е огромен проблем на целиот комплекс околу железничка

@stef4o не сум баш сигурен за пешачки премин, затоа што истиот би бил нефункционален ако се наоѓа на раскрсница, чист пример ти е влајко и пешачкиот кај скопјанка подоле, кој не се користи, затоа што има пешачки премин во близина и луѓе свесно прерипуваат преку жардиниери

Edited by zabegan - 28-Oct-2020 at 21:24

За раскрсницата кај Мавровка, ако добро се сеќавам, планираат да биде на две нивоа. Ако ја направат на две нивоа, тогаш најверојатно не би имало никаков проблем, но не треба да се занемарува и раскрсницата од мостот на ул. „Беласица“.

Новиот мост кај СЦЈС и корекција на мостот на ул. „Беласица“, би требало да го реши проблемот.

Овој проблем ќе се реши во голема мера со пуштање на новиот мост во Аеродром, ќе ја подели гужвата.
На скопје му требаат уште 2 моста, кружни текови и надвозници инаку ништо не правиме...
Ако можеше Владата да инвестира 500 мил евра во објекти не гледам зошто не може сега барем 100 мил и за инфраструктура. Сепак тука живее пола држава.

ПОСТАВЕНИ ПОДИГНАТИ ПЕШАЧКИ ПРЕМИНИ НА УЛИЦАТА ФРАЊО КЛУЗ

За да се зголеми безбедноста за сите учесници во сообраќајот на улицата Фрањо Клуз во општината Аеродром деновиве беа поставени подигнати пешачки премини.
Градот Скопје апелира до граѓаните да ја почитуваат поставената сообраќајна сигнализација на градските улици и да ја ограничат брзината на движење.









https://www.facebook.com/CityofSkopje/

ОД ПОНЕДЕЛНИК ЌЕ НЕМА ГУЖВИ ЗА ИЗЛЕЗ ОД СКОПЈЕ, ГО ЗАВРШУВАМЕ БУЛЕВАРОТ АЛЕКСАНДАР МАКЕДОНСКИ, ВЕЛАТ ОД ГРАДОТ



За неколку дена ќе заврши реконструкцијата на булеварот Александар Македонски односно источниот влез на Скопје, најавуваат од Град Скопје. Вчера попладне започната е последната фаза од градежните работи со што булеварот целосно ќе биде отворен за сообраќај.

„Почнато е асфалтирањето на коловозот во правецот од Автокоманда кон излезот на Скопје. Очекуваме градежните работи да завршат за неколку дена со што источниот влез на Скопје ќе има нов лик“, велат од Град Скопје.

Реконструкцијата на булеварот Александар Македонски на потегот од крстосницата со улица 16. Македонска бригада до пешачкиот мост пред клучката кај Хиподром, почна на 5 септември. Градоначалникот Петре Шилегов на почетокот на градежните работи кажа дека на овој потег во должина од 5,8 километри работат три фирми за да биде завршен за 40 дена. Долж реконструираниот булевар ќе биде изведена и велосипедска патека.

Во моментов, градежните работи има уште на булеварот „8 Септември“ на потегот од крстосницата со Илинденска до „Хубо маркет“, и на улицата Васил Ѓоргов во Капиштец.

https://sdk.mk/index.php/dopisna-mrezha/od-ponedelnik-ke-nema-guzhvi-za-izlez-od-skopje-go-zavrshuvame-bulevarot-aleksandar-makedonski-velat-od-gradot/

Претесни се десните ленти за +1.5м велосипедски, а левите пак се широки. Најверојатно ќе се сведе на цртање патека на тротоарот и ставање столпчиња, освен доколку не ги менуваат линиите на коловозот еден месец по нивното цртање.

Пошо често возев со точак по Џон Кенеди и се молев дур возам да не ме акнат, ненормални се на тој потег...па додуша цел Чаир е ист.

Баш ме интересира како ќе ги изведат велосипедските, дали ќе се одземе простор од коловозот или ќе бидат на тротоар.

УЛИЦАТА НИКОЛА КАРЕВ ПУШТЕНА ВО СООБРАЌАЈ СО НОВ ПРОСТОР ЗА ВЕЛОСИПЕДИСТИТЕ

Екипите на Град Скопје деновиве ја завршија реконструкцијата на коловозот на улица Никола Карев кај Железничка станица.
Реконструкцијата на потегот од крстосницата со булевар Кузман Јосифовски Питу до крстосницата со булевар 3-та Македонска Бригада, опфати целосна обнова на асфалтот на улицата, во должина од 510 метри, направена е нивелација на сливниците и атмосферските шахти, како и замена на оштетените рабници. Во тек е целосната репарација на тротоарите.

На улицата Никола Карев од четирите постојни сообраќајни ленти сега се направени три со што е обезбеден простор за велосипедистите

Со пробивањето на улицата Есенинова, реконструкцијата на оваа сообраќајница, па преку улицата Беласица, Град Скопје прави поврзување на трите општини Кисела Вода, Центар и Гази Баба, а патувањето на возилата од булевар Борис Трајковски до клучката Континентал се очекува да биде скратено за повеќе од 10 минути.









https://www.facebook.com/CityofSkopje