build.mk » Forum: Пуцко Петрол(поранешен G Mall Skopje)

Чудна информација околу Алумина. Продадена е на Израелска фирма Gazit-Globe Ltd. Чудно е што оваа информација ја најдов во саботниот број на Време а не е објавена во ниеден друг медиум ниту е промовирана од владата (која знае да држи прес за најситни работи каму ли за инвестиција од 19 милиони ЕУР). Другиот чуден момент е што читав пред само 6-7 дена дека единствена заинтересирана компанија за Алумина е некоја Холандска (и го заборавив името).

Е сега зошто го постирам ова во секцијата проекти. Побарав малку информации за Gazit-Globe Ltd. на интернет и се работи за солидна компанија, но компанија која се занимава со недвижности. Тоа веројатно укажува дека Израелците го купиле просторот под Алумина за развој на недвижнини и дека Алумина дефинитивно нема веќе да постои (таа локација и онака е предвидена за недвижнини при што фабриката би се релоцирала во некоја индустриска зона но изгледа до релокација нема да дојде).

Еве го сајтот на компанијата

http://www.gazit-globe.com/

„АЛУМИНА“ СЕ ПРОДАДЕ
Израелска компанија плати 19 милиони евра за загубарот

Израелската компанија „Газит-глоуб“ е новиот сопственик на скопска „Алумина“. Израелците платиле 19 милиони, односно три милиони евра повеќе од минималната побарана цена. - Одборот на доверители донесе одлука да се прифати понудата на израелската компанија, која понуди 19 милиони - изјави Ацо Дамчевски, стечаен управник на „Алумина“. „Газит-глоуб“ со потпишување на договорот за продажба на „Алумина“ станува сопственик на имотот на фабриката, кој се состои од градежни објекти, земјиште, опрема, транспортни средства и резерва, кои ја сочинуваат производствената целина на „Алумина“Контактот со Израелците бил воспоставен во почетокот на оваа година од страна на министерот за привлекување странски инвестиции Глигор Ташковиќ, кој контактирал со израелската компанија во Мајами. Досега за „Алумина“ беа распишани пет тендери за продажба, но ниту еден не беше успешен.

Г. Г.

Извор: Време