Вандализам и примитивизам

Бројот на повредени граѓани или пак оние кои направиле некоја штета на автомобилот во отворените шахти постојано се зголемува. Дел од оштетените бараат отштета од надлежните институции

Проблемот со несовесните граѓани кои ги крадат капаците на шахтите низ скопските маала никако да добие своја завршница. Иако за овој проблем своевремено со соодветна уредба реагираше и Владата на РМ, со моменталната зголемена цена на железото оваа појава повторно го отежнува секојдневието. Речиси и да нема улица каде канализационите шахти се покриени со капаци, па мала невнимателност е доволна да се случи некоја непријатност. Бројот на повредени граѓани или пак оние кои направиле некоја штета на автомобилот во отворените шахти постојано расте. Дел од нив бараат отштета од надлежните институции.

Од ЈП "Водовод и канализација" велат дека голем број граѓани поднесуваат тужби адресирани до нив поради повреда, но дека само мал број од нив ги засегаат, додека пак поголем број судот ги има отфрлено затоа што се работи за шахти за кои ти не се надлежни и одговорни за нивно одржување, туку одговорноста е на некој друг правен субјект.
- Важно е да напоменеме дека постојат и шахти кои се под сопственост на повеќе правни субјекти. Нашето јавно претпријатие е одговорно да извршува редовни контроли на состојбата на водоводната и на канализациската инфраструктура која опфаќа 44.000 ревизиони шахти и 17.088 сливници распоредени на површина од 1818 километри. За жал, и покрај динамиката, интензитетот и посветеноста на нашите служби проверките на состојбата на инсталациите, невозможно е појавата на отворена шахта или сливник да биде забележана, велат од Водовод, при тоа истакнувајќи дека знаат дека има голем број отворени шахти, но дека вината е во постојаните кражби, со кои надлежните тешко се справуваат. Но, додаваат тие, кражбите не им создаваат проблеми само со граѓаните. Главоболка им создава и високата цена на металните капаци која мора да плаќаат за да извршат замена.
- Ваквиот проблем не насочи кон иновирање и набавка на армирано-бетонски решетки. На тој начин, секогаш кога некоја шахта ќе остане отворена, се затвора со нов армирано-бетонски капак, кој е невозможно да биде украден, додаваат од ЈП "Водовод и канализација".

Моментално десеттина дупки поради украдени капаци на шахти од страна на несовесни граѓани има на улицата "Михаил Чаков" 7 а, која деновиве не е безбедна за возачите и жителите. http://vecer.com.mk/?ItemID=BC5C4737197D8E418DE5FA55E0D9963E