Скопски сообраќај (општо)

која е логиката да има само една лента, ако е предвидено булеварот да се продолжи кон кисела вода?
и која е логиката пак да ги направат глупиве патеки на коловоз, кога и онака се прекопува целата улица, и можеле со минимално стеснување да направат физичко одвојување на велосипедската од коловозот
исто така, на тротоарот од страната на железничка, има доволно простор за велосипедска патека без да се меша со коловозот

сетоа ова се прави само да изгледа убаво и да се пука со наслови... везе нема од урбано планирање

Edited by Théoden - 05-Oct-2020 at 17:20

Пелагонија АД Гостивар активно работи на Проектот “Реконструкција на ул. 11 - ти Октомври” од раскрсница со бул. Кочо Рацин” до раскрсница со ул. Филип Втори Македонски” - Град Скопје









https://www.facebook.com/PelagonijaADGostivar

Bravo za velo patekite samo odma mora stolbcinja portokalovi! Neka se mnozat vakvi rekonstrukcii!

Во Зеница сите семафори ги замениле со кружни.

Има место на Дрезденска и Орце Николов? Куќи и мали згради може да сметаат, инаку добро би било Градот да направи поопширна сообраќајна стратегија, вклучително и реобмислување на раскрсниците. Се надевам ќе вметнат нешто во ГУП-от.

Originally posted by hcitrS Originally posted by Staro Skopje Originally posted by stef4o Чија идеја се ваквите лежечки полицајци? Многу се непрактични, цела кола неретко не може да помине врз нив, а сите полвично ги одбегнуваат по средина. Зошто не се преку цела улица? Ако имам добро разбрано, идеата со овие лежечки е да имаат таква ширина за да и сметаат на обична кола, но да не се не прешироки па така што комбе на брза помош или пожарна да можат непречено да ги земат "меѓу ноѕе", без застанување

од твитер

Хаос низ Скопје поради поправка на улиците, граѓаните нетрпеливи



https://telma.com.mk/2020/10/02/хаос-низ-скопје-поради-поправка-на-ули/

ИСТОВРЕМЕНО СО УЛИЦАТА 11 ОКТОМВРИ КАЈ ЗЕЛЕН ПАЗАР ШИЛЕГОВ ПОЧНА ДА ЈА ПОПРАВА И ВАСИЛ ЃОРГОВ ВО КАПИШТЕЦ

Град Скопје денеска почна со реконструкција на улицата Васил Ѓоргов во населбата Капиштец, на потегот од крстосницата со Рузвелтова до Водњанска. Градежните работи на оваа фреквентна сообраќајница во центарот на градот се одвиваат истовремено со оние на улицата 11 Октомври кај Зелен пазар, која почна да се реконструира вчера, што предизвика метеж и колони возила од Црвен крст до Рекорд.

Градоначалникот Петре Шилегов на прашањето на САКАМДАКАЖАМ.МК зошто истовремено се прават овие две фреквентни улици во градот и зошто не се почека 10 дена да се заврши 11 Октомври па да се почне да се работи овој потег, кажа дека станувало збор за различни делови од градот.

„Улицата 11 Октомври се наоѓа во источниот дел од градот, Васил Ѓогов во западниот, па луѓето кои гравитираат се различни. Јас немам чувство дека кај граѓаните има револт за тоа што реконструираме улици, можеби имаа моментално поради гужвите, но не постои начин да се направи улица без метеж. Поради тоа што сме брзи сметам дека има разбирање кај граѓаните“, рече Шилегов и најави дека улицата ќе биде готова за 20 дена.

На овој потег, покрај нов коловозот на должина од околу 1.000 метри, ќе се обноват оштетените делови од тротоарите, ќе се заменат оштетените рабници, а ќе има и корекција на крстосницата со улицата Франклин Рузвелт.

За реконструкција на улицата Васил Ѓоргов ќе се вложат околу 20 милиони денари (околу 330.000 евра) со вклучен ДДВ.

https://sdk.mk/index.php/dopisna-mrezha/istovremeno-so-ulitsata-11-oktomvri-kaj-zelen-pazar-shilegov-pochna-da-ja-poprava-i-vasil-gorgov-vo-kapishtets/

не мораа буквално во исто време да го раскопаат цел град
вакви работи се прават плански со контрола на сообраќај... нема еден граѓанин на Скопје што не е видно исфрустритран од целиов поход

Во слепа улица од возила врвулица – вози кој како стигне!




На некои им текнало, па ставиле земја за полесно да се искачат со возилата на тротоарот и потоа десно по булеварот. Но што е уште поопасно, некои ги пресекуваат двете средишни ленти и се приклучуваат на левата страна на булеварот што води кон центарот на градот. Сега новиот булевар е многу фреквентен и не дај боже, може да дојде до несреќа го големи последици, вели жител на Бутел 1. – Веднаш ќе ги известам од Градот за случајот и ќе наредам до крајот на неделава да се тргне земјата, песокот или што и да е. Заштитни столпчиња мора да се постават заради безбедност. Инаку, имаше опција улицата „Марко Крале“ да не биде слепа улица, туку да оди паралелно со булеварот, за што требаше да се урне една куќа. Но, тогаш 80 проценти од жителите го побараа првото решение. Сепак, повторно ќе направиме анкета со жителите да видиме какво е сега нивното размислување околу тоа – изјави Смилевски



Жители на улицата „Марко Крале“ во Бутел 1 се жалат дека со пробивањето и изградбата на булеварот „Христијан Тодоровски Карпош“ останале како слепо црево во тој дел на градот. Велат дека по изградбата на булеварот нивната улица останала затворена за излез со возила кон центарот на градот, па општинските власти им кажале да ја користат улицата „Хо Ши Мин“, или пак, да одат до последна автобуска постојка на „57“ и да возат преку надвозникот за да се приклучат на булеварот „Х.Т. Карпош“.

Еден жител, кој се јави во редакцијата на весникот ВЕЧЕР, вели дека не се против што нивната улица „Марко Крале“ сега е слепа, туку се мошне загрижени што некои не го почитуваат новиот режим, па за да не вртат по другите улици, направиле пристап до булеварот и диво се приклучуваат, со тоа доведувајќи се во ситуација да предизвикаат сообраќајна незгода.



– На некои им текнало, па ставиле земја за полесно да се искачат со возилата на тротоарот и потоа десно по булеварот. Но што е уште поопасно, некои ги пресекуваат двете средишни ленти и се приклучуваат на левата страна на булеварот што води кон центарот на градот. Сега новиот булевар е многу фреквентен и не дај боже, може да дојде до несреќа го големи последици, вели жител на Бутел 1.

Бараат надлежните да постават заштитни столпчиња или ограда на тој дел за да се спречи дивото приклучување од „Марко Крале“ на булеварот, како и да се постави вертикална сигнализација која ќе покажува дека улицата е слепа. Бараат и одговор зошто не е поставена звучна бариера со оглед дека куќите им се до булеварот, а станува збор за многу фреквентна сообраќајница.

Булеварот „Х.Т. Карпош“ го градеше градот и оттаму ни одговорија дека согласно Генералниот урбанистички план на Град скопје, како и Деталниот урбанистички план за Бутел 1, посочената сообраќајница „Марко Крале“ не се приклучува на новоизградениот булевар.



– Булеварот од наша страна е соодветно обележан. На оваа позиција, како што може да се види на самите фотографии е изграден соодветен тротоар и на оваа локација не е предвиден сообраќаен приклучок на булеварот – кусо одговорија од Градот.

Градоначалникот на општина Бутел, Велимир Смилевски ни рече дека никој досега не го известил за овој проблем со дивото приклучување од „Марко Крале“ на булеварот.

– Веднаш ќе ги известам од Градот за случајот и ќе наредам до крајот на неделава да се тргне земјата, песокот или што и да е. Заштитни столпчиња мора да се постават заради безбедност. Инаку, имаше опција улицата „Марко Крале“ да не биде слепа улица, туку да оди паралелно со булеварот, за што требаше да се урне една куќа. Но, тогаш 80 проценти од жителите го побараа првото решение. Сепак, повторно ќе направиме анкета со жителите да видиме какво е сега нивното размислување околу тоа – изјави Смилевски.

Тој истакна дека низ општината досега се направени само пет сообраќајни решенија на улиците и приоритет е даден на оние кои водат до училиштата и градинките. Постепено ќе се изготвуваат сообраќајни решенија и за другите улици, вклучително и за „Марко Крале“.

(С.Бл.)   

https://www.vecer.press/во-слепа-улица-од-возила-врвулица-вози/