„Пресушија“ новите италијански чешмички Италијанските чешмички што пред десетина дена екипите на ЈП „Водовод и канализација“ ги поставија, веќе се расипани и не функционираат Водата или постојано е пуштена или воопшто не тече. Некои од новите славини во Градскиот парк се отстранети, некој си ги присвоил. На чешмичката во Капиштец, близу трговскиот центар „Беверли Хилс“, автоматското копче е извадено и водата тече постојано. А целта на поставување на новите чешми беше да се намали загубата на водата, која постојано течеше со старите чешмички. - Не можеш да се напиеш вода од новите славини на фонтаните. Нема доволно притисок. Водата се слева низ славината и мораме да се наведнуваме до славините за да се напиеме, што е непрактично и нехигиенски. Баш добро што ги променија, но не можеме да ги користиме - вели Соња Јакимовска од Центар. Надлежните од претпријатието апелираат до несовесните граѓани оваа негативна појава да престане. - За поставување на новите вентили добивме позитивни реакции од страна на граѓаните. За жал, на неколку локации некои од чешмичките се оштетени, а на некои места се украдени од некои несовесни граѓани. Сега дополнително формиравме еден наменски тим, кој секојдневно ќе врши поправки, контроли и интервенции на сите чешмички што се во наша надлежност - изјави Светлана Димитрова, портпаролка на ЈП „Водовод и канализација“. ЈП „Водовод и Канализација“ набавија 200 вентили од лиено железо со релјефен стил и со автоматско копче за временско користење на водата за да ги вратат сите чешмички во градот во функција. Вентилите се изработени од италијанската фирма „Марио Цирино Помицино“, а целата инвестиција чини 626 илјади денари. http://novamakedonija.com.mk/NewsDetal.asp?vest=531193348&id=14&prilog=0&setIzdanie=22270

Стока!!!!!!!!!!!!! И јасно е зошто е ова вака, некои луѓе си ја оставиле културата од кај што дошле, а овде се осеќаат како да можат што сакаат да прават. И не само во парк и на други места се уништени новите чешмички, клупи се превретни, а приметив и дека и кантите им сметаат. Само се дигаше помпа за законот, кој очигледно веќе не се применува. За такви не 50, 500 евра треба казна.

Понекогаш се прашувам каква култура имаат овие луѓе.

Немам слики, ама новите чешмички низ парк веќе се во голема мера уништени. За срамота сме.

Вака се крадат љубичици

"Вест" улови скопјанец среде бел ден како откорнува цвеќиња од жардиниера на Партизанска, спроти бараките на Општина Карпош

Љубичиците од жардиниерите на булеварот Партизански одреди ги снема. Секој ден се краде по едно ќесе цвеќиња што Општина Карпош ги посади во тревникот. Место цвеќето да се згуснува, жардиниерата веќе целосно е проретчена.
"Вест" улови скопјанец како среде бел ден краде љубичици. Друштво на крадецот му правеше една жена, која му чуваше стража додека тој си правеше букет.
Градоначалникот на Општина Карпош Стевче Јакимовски вели дека љубичиците често ги снемува, но тој нема намера да се откаже.
"Овие граѓани не можат да украдат толку колку што јас можам да посадам. Според планот кој го имаме до крајот на годинава, во Карпош ќе има посадено 100.000 цвеќиња од различни видови и бои", вели Јакимовски. (А.А.)

1. Крадецот седнува на жардињерата на Партизанска и ги набљудува љубичиците, а жената што го придружува ја разгледува околината



2. Откако се сигурни дека на пешачката патека нема минувачи, крадецот скокнува во тревата, го шири ќесето и почнува да го полни со љубичици



3. Жената го остава крадецот сам да преброи колку цвеќиња успеал да собере



4. Задоволен од остварениот план, заминува



http://vest.com.mk/default.asp?ItemID=AACF49240A89734C9BDAEE78341C5D47

не само еднаш во годината, такво нешто треба да е секојдневие и такви акции се основата на „урбаното“ во секој град, одржување, чистење и менување
еве не само за графитиве, сум приметил многу пати дека нешто ќе се искрши или уништи на било каков начин, и властите не превземаат ништо истото тоа да се реновира или замени
најдобро решение е некој постојано да патролира, а со парите од казните да се реновира и обновува

Па и не е толку страшна ситуацијата со шкртаниците. Секаде каде сум бил сум читал различни шкртаници по стнабените згради во близина на центарот. Ние треба да сме среќни што после толку години конечно воведоа општинска служба за чистење, па со тек на време би требало да се ангажираат и луѓе кои ќе ги бришат графитите. Мислам дека овие графити се на некое 3-4 место по важност при средувањето и чистењето на овој град, сепак има други основни работи кои се поприоритетни.

После изборите, сега пак ќе ги направат партал. А иначе тешко е да се најдат сторителите ама не и невозможно, се знае каде обично се шкрта два три пати казни објави во весник и ќе се намали таквата појава гарантирано.

Испишување графити и цртање по јавни објекти претставува прекршочно дело додека оштетувањето (и уништувањето) на културно-историски споменици е кривично дело. Санкцијата предвидена според Законот за меморијалните споменици и спомен обележја предвидува парична казна со можност за затворска казна до три години. Според Кривичниот законик пак доколку ваквото оштетување или уништување е во форма на сквернавање и  предизвика  или  разгори  национална,  расна  или  верска омраза,  раздор  или  нетрпеливост,  е казниво  со  затвор  од  една  до  пет години. 

Edited by OCB - 27-Apr-2011 at 14:58

Originally posted by Рок-Барок Центарот е испошкртан цел..не со графити него со шкртаници,кои делуваат крајно бедно.. Дали според закон е тоа казниво дело, дали до сега некој џандар има фатено мангуп како шкрта и му слупал 2-3  , или барем парично да го казни ?

Закон за јавната чистота

Член 17
На јавни објекти е забрането испишување графити, цртање и лепење на плакати.

Член 33
Глоба во износ од 50 евра во денарска противвредност во мандатна постапка ќе
му се изрече на физичко лице, ако:
- на јавни објекти испишува графити, црта или лепи плакати