Базени и водени паркови

Затворен базен во Ѓорче Петров
Во соработка со Агенцијата за млади и спорт, во основното училиште „Димитар Поп Георгиев Беровски“ се гради затворен училишен базен.
Со ова за првпат во историјата Ѓорче Петров ќе добие современ, затворен базен кој покрај учениците, во текот на викендите и по завршување на часовите на учениците, ќе можат да го користат и граѓаните од општината.
Затворениот базен е со димензии 20,40х30,35 метри, со длабочина од 0,9 до 1,4 метри, прилагоден за децата од училишна возраст. Во склоп на базенот ќе има соблекувални и централен систем на загревање.





https://www.facebook.com/AleksandarNaumoskizaGorce

Originally posted by stef4o ТЕТОВО ЌЕ ДОБИЕ БАЗЕН КАКО ДЕЛ ОД ПРОЕКТОТ ЗА ИЗГРАДБА НА 14 БАЗЕНИ ВО ДРЖАВАТА https://www.facebook.com/AMSMacedonia/

https://www.facebook.com/teutaarifiofficialmk

Originally posted by Џоле Пред водениот парк во Скопје (кај хотел Александар Палас), има нова фонтана со христијански мотиви:

не ми е јасно што се врти во главата на човек што помислува дека влезот на аква-парк во спортско-рекреативен комплекс е супер место за фонатана со Богородица

Originally posted by гитардемон А дали аквапаркот е уште функционален?

Лани отвори во јули, ако добро памтам, бидејќи јуни беше врнежлив, а годинава не знам што ќе се случи, земајќи предвид дека го имаме и проблемот со вирусот.

А дали аквапаркот е уште функционален?

Тетово до крајот на годината ќе добие затворен базен







Тетово до крајот на годината пред предвидениот рок ќе го добие првиот затворен пливачки базен, и покрај отежнатите услови предизвикани од пандемијата, соопшти Владата.

Директорот на Агенција за млади и спорт, Дарко Каевски и заменик-директорот, Измит Нура, денеска извршија увид во градежните активности за изградба на првиот затворен пливачки базен во Општина Тетово.

Во отежнати услови предизвикани од пандемијата на коронавирусот ковид-19, темпото на изградба не е забавено, и покрај најавениот рок за целосна изградба на овој проект септември 2021 година, базенот ќе биде готов на крајот на годинава, а веќе во почетокот на 2021 година ќе биде пуштен и подготвен за употреба.

Младите од Тетово ќе имаат простор за рекреација и спортување, како и практикување на еден од најздравите спортови – пливањето, што дополнително ќе помогне во намалување на последиците од глобалната здравствена криза предизвикана од корона вирусот и ќе ги поттикне младите на стекнување здрави навики, кои ќе придонесат за нивен правилен раст и развој.

Инаку, базенот е дел од проектот „Изградба на 14 пливачки базени” на Агенција за млади и спорт. Проектот предвидува изградба на затворени базени во 14 општини, што воедно е и еден од најголемите капитални проекти на АМС во делот на спортската инфраструктура.

https://nezavisen.mk/tetovo-do-krajot-na-godinata-kje-dobie-zatvoren-bazen/

Базенот е дел од проектот „14 затворени пливачки базени“. Во првата фаза, опфатени се шест општини меѓу кои и Ѓорче Петров.

Овие објекти ќе може да се користат како дел од часовите по физичко образование, да ги користат спортистите, но и сите граѓани. Рокот за изведба е 18 месеци.





https://www.facebook.com/AMSMacedonia/

Почна реконструкцијата на затворениот базен во Струга



Струга, 31. октомври 2019 (ОХРИДПРЕС) – Со години нефункционален и надвор од употреба, затворениот базен во Струга ќе биде реконструиран.

Започнаа градежните работи за реконструкција на објектот кој беше гордост на стружани. Некогаш место каде што своите вештини ги стекнале и докажувале значајни имиња од пливачката сцена во Македонија и пошироко, денеска збиралиште за ѓубре. Сега со средства на Агенцијата за млади и спорт истиот ќе биде вратен во живот.

– Со реконструкцијата на овој базен во Струга, стружани ќе добијат многу, спортот ќе добие многу. Пред се ќе добијат пливачите и сите млади деца кои секако се наша најголема интенција да ги тргнеме од улиците , од сите негативни влијанија и пороци и да ги ставиме во спортските сали и секако базенот во општина Струга. Во разговор со многу луѓе инволвирани во спортот, со пливачи и граѓани на Струга ни беше укажано дека базенот е еден од главните приоритети, истакна првиот човек на Агенцијата за млади и спорт, Дарко Каевски.

Тој информира дека е завршен процесот за собирање на потребната документација.  Реконструкцијата „тежи“ 30 милиони денари, а се очекува базенот да профункционира на почетокот на 2021 година. (Крај)

https://ohridpress.com.mk/?p=98786

Да не знае некој што се деси со изградбата на аква паркот во н. аеродром покрај вардар помеѓу хотел русија и хилтон хотелот на азманов, инвестиција најавена од поранешен кошаркар/пратеник... зарем општината не требаше да ја одземе дозволата ако во одреден период не се започне со работа...?

Куманово













http://kumanovskimuabeti.mk/gradskite-bazeni-svecheno-pushteni-vo-upotreba-galerija1/