Обнова на Офицерскиот дом

Инвеститорот плаќа пенали за недоизградениот Офицерски дом

Градоначалникот на Општина Центар, Горан Герасимовски за весникот ВЕЧЕР информираше дека договорниот рок за завршување на објектот истекол пред неколку месеци, а пеналите се наплаќаат во износ од 571.181 денари месечно.

– Инвеститорот ќе плаќа пенали се додека не се изврши технички прием на објектот, дециден е Герасимовски. Што се однесува до хотелот на Градскиот плоштад, за него, како што информираше тој, не се истечени 10 години, а рокот за неговата изградба е до 2024 година



Општина Центар веќе започнала со изрекување казнени пенали кон инвеститорот што го гради објектот – Офицерски дом на плоштадот „Македонија“, бидејќи навреме не ја завршиле градбата согласно договорот. Ова го најави градоначалникот на Општина Центар, Горан Герасимовски. Тој за весникот ВЕЧЕР информираше дека договорниот рок за завршување на објектот истекол пред неколку месеци, а пеналите се наплаќаат во износ од 571.181 денари месечно.

– Инвеститорот ќе плаќа пенали сè додека не се изврши технички прием на објектот – дециден е Герасимовски.

Што се однесува до соседниот објект – хотелот на Градскиот плоштад, за него, како што информираше Герасимовски, не се истечени 10 години, а рокот за неговата изградба е до 2024 година.

– Вршам притисок да се изградат зградите. Целта и идејата ми е да го разубавиме плоштадот и тие згради кои стојат веќе една деценија конечно да се направат – вели Герасимовски.

Газда на земјиштето и објектите останува Сергеј Самсоненко откако пред две години беше отворена судска постапка за стечај. Спорот кој го покрена еден од изведувачите на објектите поради неисплатени побарувања го добил Самсоненко, односно судот не прогласил стечај, што значи дека тој останува сопственик.

Но, и по завршување на судскиот спор на терен немаше никакви градежни работи. Објектите се во фаза на карабина.

Хотелот „Мериот кортјард” и Офицерскиот дом, кој треба да биде резиденцијален кабинет на градоначалникот на Скопје и да има матична служба, почна да го гради грчкиот бизнисмен Димитрис Кондоминас во 2011 година. Тогашната влада на Никола Груевски преку Министерството за транспорт и врски му го продаде ова атрактивно земјиште со површина од 6.300 квадратни метри по багателна цена од 100 евра за квадрат. Но, откако Кондаминас во 2015 беше уапсен во Грција, поради затајување данок, проектот го презема Сергеј Самсоненко, кој ја купува фирмата на грчкиот бизнисмен за 600.000 евра.

Герасимовски нагласи и дека имало многу барања од граѓаните за места за кои Општина Центар нема надлежност да постапува.

– Самиот плоштад е ингеренција на Градот Скопје вклучувајќи ја и улицата „Македонија“ за која често добиваме преписки до општината по социјалните мрежи поради тоа што дел од неа е во лоша состојба, особено за оние плочки кои се раскопани – објасни Герасимовски, но нагласи дека Општина Центар има ингеренции во одржувањето на Офицерскиот дом и хотелот на плоштадот.

https://www.vecer.press/инвеститорот-плаќа-пенали-за-недоизг/

Има некој повеќе информации дали сеуште се работи?

Денес минував поред објектов и по подолго време забележав група работници кои нешто работеа на северната страна,мислам беше фирма Torax и уште некоја.На фасадата нема некои поголеми активности освен монтирано скеле.

Во прилог неколку фотки

не мислев да направиме рангирање, сите се еднакво лоши периоди
генерално муабетот е дека Скопје страда од промени на власти и политички системи, поради кои секој претходна визија комплетно се игнорира и се насадува нова што е неповрзана со реалноста
единствено омилен ми е периодот баш кога е граден и Офицерскиот дом, не поради изгледот на објектите, туку поради тоа што градот тогаш добил струја, водовод и цивилизирани улици, како и обид за градежни линии и симетрии кои без разлика на тоа како изгледале објектите, би се добиле пријатни визури
без разлика како изгледа Офицерскиот дом, заедно со банката од карши и мостот во средина, имаат доза монументалност за десетка и затоа сите ги памтат и покрај тоа што луѓето што попуваат за „Старо Скопје“ појма немаат од него

Edited by zabegan - 15-May-2022 at 22:31

Originally posted by kiriOK Официрскиов, заедно со мостот кај мнт и двете универзитетски згради се типичен пример за целиот урбанизам кај нас. Корумпирана забегана власт решава да гради скапо со фушерај материјали, доаѓа друга корумпирана забегана власт со ветувања дека ќе ги запре проектите, потоа пошто немаат пари ни да ги срушат основите, решаваат да ги баталат проектите кои остануваат да чмајат ко ругло во сред центар, или пак да ги редизајнираат со образложение дека штедат финансии, а резултатот на таквиот редизајн е уште поголем фушерај и кич него кога би биле изградени во фул.

се согласувам скроз, а и да ја иземеме лудата политичка сцена во независна Македонија, Скопје си има традиција во тоа неговите власти да го упропастуваат константно
било да се тоа турците, кластерфакот на нации шпто владееле со него во прва половина на 20-ти век, Југославија, ВМРО, СДСМ, можеш да бираш кој му е најлош период во јака конкуренција

Официрскиов, заедно со мостот кај мнт и двете универзитетски згради се типичен пример за целиот урбанизам кај нас.

Корумпирана забегана власт решава да гради скапо со фушерај материјали, доаѓа друга корумпирана забегана власт со ветувања дека ќе ги запре проектите, потоа пошто немаат пари ни да ги срушат основите, решаваат да ги баталат проектите кои остануваат да чмајат ко ругло во сред центар, или пак да ги редизајнираат со образложение дека штедат финансии, а резултатот на таквиот редизајн е уште поголем фушерај и кич него кога би биле изградени во фул.

Поентата на Денко е дека Офицерскиот дом е симбол на српската окупација и влијание во Македонија. А зградите што ги спомнуваш ти се изградени во истиот период, од истата (окупаторска) власт. Пред доаѓањето на Србите, реално Скопје било типична отоманска/ориентална касаба. Погледнете ги фотките од почетокот на 20-ти век, личи на село, а не на град. Е сега, факт е дека по протерувањето на Турците/Отоманците, Србите се нафаќаат да го „европеизираат“ Скопје, и до некаде успеале, но со земјотресот во 1963 се изгубиле многу од тие неокласични згради. Понатаму си ја знаеме прикаската како се одвива.

Da se imase malku nacionalna samosvest i zdrav razum ovoj objekt voopsto nemase da bide postaven na dveven red a kamo li da dojde red da se izgradi. Zalosno e kolku lutame so nacionalnite cuvstva i vo najblaga forma kazano, se glupirame, so vakvite gradbi koi direktno gi rusat nacionalnite cuvstva na Makedonecot.   

БИЗНИСМЕНОТ САМСОНЕНКО ОБВИНУВА Фирмата „Кратер“ незаконски си присвои удел од мојата вреден 9,5 милиони евра

Фирмата „Кратер“ на бизнисменот Миле Младеновски успеала незаконски да стане сопственик на удел во компанијата СИС ИНВЕСТ ГРУП ДОО на рускиот бизнисмен Сергеј Самсоненко вреден 9,5 миилиони евра во ноември годинава преку Налог за извршување, обвинуваат од СИС ИНВЕСТ ГРУП, пишува порталот Фактор.

Од СИС ИНВЕСТ ГРУП објаснуваат дека „Кратер“ веќе има добиено 3,2 милиони евра, пари кои се исплатиле договорно како долг за целиот случај и настанатиот проблем кој впрочем почнува со намерата за изградбата на објект – Офицерскиот дом во центарот на Скопје. Од „Кратер“ не сакаат да коментираат за случајот.

Приказната е од 2016 година кога помеѓу фирмите на рускиот бизнисмен – СИС ИНВЕСТ ГРУП која е носител на одобрение за градба и БАЛКАН ГРУП КОНСТРАКШН ДООЕЛ – кој се јавува во функција на изведувач на работите од една страна и фирмата „Кратер“ на Младеновски, како изведувач на машинска инсталација на објектот, од друга страна, се склучува Договор за деловно техничка соработка со гаранција.

Од СИС ИНВЕСТ објаснуваат дека и покрај сите перипетии и недоследности во случајот за кој тие веќе го исплатиле „Кратер“, сега фирмата на Младеновски станала сопственик на удел во СИС ИНВЕСТ, за што и самиот Самсоненко, како што велат, дознал од промената во Централниот регистар.

Адвокатата Сања Трајановска вели дека „Кратер“ има фактички инсталирано машински инсталации во вредност од 1.088.000 евра, што е потврдено со две машински и економско финансиски судски вештачења, а вредноста на инсталации кои, како што вели, неосновано ги фактурирал и кои не се изведени на лице место во Офицерски дом ниту машинската опрема и инсталации изнесуваат 2.065.000 евра износ што според ена, неосновано го побарува.

– Најверојатно ова е земјата во која секој кој има повеќе моќ и здружени сили од другиот може да го добие она кое го сака, колку истото да е неосновано и незаконски. Така и овој пат. Преку Извршител Никола Богатинов, на рускиот бизнисмен Сергеј Самсоненко поради наплата на побарување му се запленува удел во компанијата СИС ИНВЕСТ ГРУП во вредност од 9,5 милиони евра. За истото целосно неосновано побарување и наплата не е доставен Налог ниту е известена одбраната односно адвокатскиот тим на Сергеј Самсоненко кој информацијата ја дознава случајно од направената промена во Централен регистар – вели Сања Трајановска, адвокат.

Објаснува дека фирмата на Самсоненко веќе му платила договорен долг на 199.065.403 милиони денари што е 3,2 милиони евра. Велат дека и овој долг не е фактички ниту реален туку е износ на кој Самсоненко договорно пристапил да го исплати, за како што велат стави крај на целиот случај.

Сумата која пред само еден месец е извршена на штета на Самсоненко е 9,5 милиони евра, во удели во фирмата СИС ИНВЕСТ ГРУП. Трајановска вели дека вооедно „Кратер“ ДООЕЛ увоз-извоз Илинден, побарал од извршителот Богатинов, наплатата на побарувањето да се спроведе и со заплена освен на уделите на Самсоненко во „СИС ИНВЕСТ ГРУП“ ДОО Скопје во износ од 9.5 милиони евра, така и во фирмата „СИС АВИАТИОН“ ДООЕЛ Скопје на удел во висина од 10 милиони евра, удели кои како што вели, се повеќекратно повисоки од побарувањето на „Кратер“. Тоа според неа е заради неоснована наплата на побарување во вкупен износ од 31.000.000 денари или 505.000 евра.

– Тоа е речиси три пати повисока сума од договорената и веќе исплатена сума на „Кратер“ од страна на Самсоненко. Доколку се разгледа целосната документација на случајот никаде „црно на бело“ низ сите договори важечки, неважечки, законски, спогодбени, ниту меѓу редовите на истите не постои извршна клаузула која го поткрепува овој чин на благо речено „грабеж и рекет’’ на бизнисменот кој единствено може да се изведе доколку истиот како во случајот е поддржан од моќните или подобро кажано гладни за моќ лица со различни функции – адвокати, судии, нотари, извршители, бизнисмени – во системот во кој се применува селективна правда и владее и важи се, освен законот и правилата – вели Трајановска.

Инаку целата приказна од почетокот па до сега ја следат многу перипетии. Во 2018 година „Кратер“ иако, како што тврдат, не ја инсталирал опремата која ја фактурира во Офицерски дом ги блокирал сметките на СИС ИНВЕСТ ГРУП и БАЛКАН ГРУП ДООЕЛ. По истекот на 45 дена, Кратер поднесува барање за отворање на стечајна постапка единствено за СИС ИНВЕСТ ГРУП – кој е носител на одобрението на градба на објектот.

Во февруари 2019 година поднел предлог за стечајна постапка до Основниот граѓански суд, се назначил привремен стечаен управник и во септември истата година се отворила стечајна постапка врз СИС ИНВЕСТ ГРУП. Од компанијата велат дека целата оваа постапка е проследена со низа неправилности и доаѓа до судски спор на кој упатува стечајниот управник.

Според нивната страна истовремено, фирмите БАЛКАН ГРУП ДОО како должник и СИС ИНВЕСТ ГРУП во својство на гарант платец, поднесуваат тужба за поништување на договорот за техничка соработка и бараат вештачење како на договорот – конкретно печатите и потписите на истиот, но и на работите кои се изведени во „Офицерскиот дом’’ до моментот на запирање на активностите на објектот.

Додаваат дека во 2020 година, Сергеј Самсоненко како физичко лице се одлучил да пристапи кон преговори со „Кратер“, поради отворената стечајна постапка која „Кратер“ ја отворило над СИС Инвест како истата би се запрела и да може да се продолжи со доградба на Офицерски дом, која изградба е запрена бидејќи е отворена стечајната постапка.

Во овој договор за пристапување кон долг со обезбедување на побарување покрај Сергеј Самсоненко како физичко лице, пристапува и СИС БАЛКАН ДООЕЛ, чиј сопственик е исто така рускиот бизнисмен. Преку СИС БАЛКАН ДООЕЛ се дава обезбедување на побарување во имот, а за возврат ,,Кратер’’ треба да даде согласност за запирање на стечајната постапка врз СИС ИНВЕСТ ГРУП. Покрај договорената сума на долг во висина од 119.065.403 милиони денари, во договорот постоела и камата од 31 милиони денари, за која се тврди дека не е законска ама била исплатена. Кон крајот на 2020 година се запира стечајната постапка врз СИС ИНВЕСТ ГРУП,а ,,Кратер’’ го добива износот на договорениот износ и кога се појавуваат првите изгледи за разрешница на случајот

Во јуни 2021 година фирмите „БАЛКАН ГРУП КОНСТРАКШН“ ДООЕЛ Скопје, и „СИС ИНВЕСТ ГРУП“ ДОО Скопје го известуваат „Кратер“ дека еднострано ги раскинува сите заеднички договори, поради незавршени обврски од другата страна и сите договори помеѓу овие две компании се раскинуваат. Сепак во ноември било испратено и новото барање за извршување со заплена на уделите на Самсоненко во двете фирми едниот удел на 9,5 милиони евра на Самсоненко во „СИС ИНВЕСТ ГРУП“ ДОО Скопје и другиот на 10 милиони евра во фирмата „СИС АВИАТИОН“ ДООЕЛ Скопје.

– Овие удели се повеќекратно повисоки од побарувањето на „Кратер, поточно 40 пати повисоки, а заради неоснована наплата на побарување во вкупен износ од 31.000.000 денари или 505.000 евра. Откако побаравме да ни бидат доставени налозите за запленување на удели од страна на извршителот Богатинов, против истите поднесовме приговори за сторени неправилности и незаконитости при извршувањето во постапката за присилно извршување кои приговори Основниот Граѓански суд Скопје ни ги усвои, но „Кратер“ ги обжали – заклучува Трајановска.

Фактор се обиде да добие коментар и објаснување за сите овие тврдења и од фирмата „Кратер“. Оттаму одбија да ги коментираат објаснувањата на Самсоненко и не дадоа изјава.

https://plusinfo.mk/biznismenot-samsonenko-obvinuva-firmata-krater-nezakonski-si-prisvoi-udel-od-mo-ata-vreden-9-5-milioni-evra/

Незнам дали досега рендериве биле постирани во темава,листав наназад но не ги најдов...проектов е веќе со години во стагнација и разврска би можело да се очекува дури по 2023г