Јавен превоз во Скопје (линии и возен ред)

Тоа што цената на билетите со ова се зголемува, се уште никој не го отвора како тема. Браво за ЈСП

Originally posted by kultuzin Некаде прочитав дека и натаму ќе има можност кај возачот да се купи карта но таа ќе биде во вид на фискална сметка.

E стварно јака имплементација. Во приватниот градски превоз во Куманово е така. Не ти даваат билет, туку ти даваат фискална сметка.

Новинарството во Македонија е дно. Што не кажете гласно и јасно, ние што не сме жители на главниот град како ќе купуваме билет? Дали ќе плаќаме исклучиво со мобилен телефон, по цена од 40 денари за еден билет? И како ќе плаќа оној кој нема мобилен телефон?

Ова многу битна информација не ја кажува ниту новинарот на Утрински Весник (непотпишан е текстот, што значи дека може и чистачката да го напишала), ниту на страницата на Скопска каде го нема ова прашање во Прашања и Одговори.

И овие ќе овозможеле подобра оптимизација на возните редови и обезбедување поквалитетен превоз на патниците, како што се пофалиле на страницата?

Edited by phenomenon - 18-Aug-2016 at 10:41

ЗА ДВЕ НЕДЕЛИ, ВОЗЕЊЕ ВО АВТОБУС САМО СО „СКОПСКА“ За редовните корисници, најисплатливо е возењето со електронска картичка за десет возења со која едно возење чини 25 денари За десетина дена во автобусите на ЈСП ќе може да се вози исклучиво само со електронска картичка „скопска“, хартиените билети ќе станат минато. Постојат два вида картички, персонализирана (со слика), која е замена за слободната карта, а чини 200 денари и може да ја користи само сопственикот, и неперсонализирана (пренослива), по цена од 150 денари која ќе може да ја користат и други. На неа ќе треба да има „впишано“ билет, или електронски ваучер-паричник со одредена сума. Електронскиот паричник ќе може да се троши без ограничена временска рамка. Во случај картичката да се оштети, а корисникот ја поседува физички и на неа е видлив серискиот број, тогаш средствата можат да се префрлат на новата картичка. Картичките може да се користат и како електронски ваучер-паричник и ќе може да се дополнуваат со најмногу 6.000 денари. Дополнувањето не може да биде помало од 100 денари. Доколку се возите со билет впишан преку електронски паричник, едно возење е 35 денари. Во автобус може да се возите и со билет купен преку мобилен телефон и тогаш возењето чини 40 денари. Во тарифниот систем на ЈСП има и други видови билети, во зависност од времетраењето на важноста, како дневен, седумдневен или месечен, месечен за ученици и студенти, за пензионери и пакети од комбинирани билети. Од ЈСП информираат дека во моментов на услуга се ставени осумдесетина продажни места за дополнување на „скопска“ и на ваучерите. Според процените на надлежните, бројот на продажните места е доволен, а и нивниот распоред бил така направен за да се достапни во сите населени места. „Во случај да има реакции од граѓаните или официјално барање или иницијатива за отворање нови пунктови, ќе ја разгледаме ситуацијата и ќе одлучиме дали има потреба од проширување на мрежата“, велат од ЈСП. Засега е неизвесно дали електронската наплата од 1 септември ќе почне да се применува и кај приватниците. Од ЈСП вчера немаа никакви сознанија, а од Град Скопје кусо одговорија дека се разгледува барањето на приватните превозници за одложување на системот во нивните автобуси. Пред неколку дена од „Макекспрес“ и „Слобода превоз“ најавија дека ќе бараат пролонгирање на електронската наплата со образложение дека голем дел од приватните автобуси биле оштетени од неодамнешната поплава и им требало време за санација, поточно да се пуштат во сообраќај. Од тие причини, не сакале системот да почне да се применува делумно, односно само во возилата кои се оспособени за возење.

http://utrinski.mk/default.asp?ItemID=F3227B50F6F6A34EA523D777659AA4E7

Најдоа да воведуваат нови линии откако ги испечатија и дистрибуираа мапите по автобуските постојки. Пред тоа не можеа.

Сега на мапите недостигаат десетина линии:5А, 21Б, 25, 27, 41А, 43, 73, 118, 163.

Според мене мисли на „интегрирање“ во смисла што истата картчка би можел да ја дополниш и во Куманово, и во Скопје, Охрид итн. , но секако цените на билетите да бидат соодветни на градовите, растојанието...

Originally posted by Staro Skopje А не ќе беше подобро истите електронски картички од Скопје да важат за секој јавен и приватен градски превоз во цела држава? Така значително би се олеснило користењето јавен превоз во друг град, со што би се намалила употребата на автомобили, а не би имало потреба да се продаваат билети во автобус што би довело до помал застој на автобусот, што пак значи помало време на патување и помалку загадување.

Ова би било идеална солуција. Голем проблем е што ваквиот систем не е инсталиран во другите јавни претпријатија. Да не заборавиме дека во Куманово, Битола, Охрид и во другите градови сообраќаат приватни транспортни компании со по мал број комбиња и автобуси. Да ги интегрираш во еден ваков систем е прашање на исплатливост, на расположение на секој од тие десетици превозници, на интересот на локалната самоуправа.

Она што реално би сакал да го видам во иднина е некаква соработка на ЈСП-Скопје со Македонски железници и со аеродромот „Александар Велики“. Во која форма, можеме да зборуваме тука.

А не ќе беше подобро истите електронски картички од Скопје да важат за секој јавен и приватен градски превоз во цела држава? Така значително би се олеснило користењето јавен превоз во друг град, со што би се намалила употребата на автомобили, а не би имало потреба да се продаваат билети во автобус што би довело до помал застој на автобусот, што пак значи помало време на патување и помалку загадување.

 
Автобусот кој сообраќа од Транспортен Центар кон Средно Водно и назад, уште кога почна да сообраќа, почна да сообраќа под бројот 25, но истовремено сообраќаше и со буквата М, па после краток временски период, бројот 25 го исфрлија од употреба за означување на автобусите кои сообраќаат на таа превозна линија.
 
И еве, 5 години подоцна, вртење за 180 степени назад, се исфрлува буквата М, а се враќа бројот 25.


Edited by Dexter26 - 22-Jan-2016 at 20:11

Неможе администрација која влакно не чепнала со децении преку ноќ да ги школуваш, да ги update ираш, да ги натераш да се фатат за работа. Тоа оди троа потешко и потребно е многу повеќе време, промена на генерации, промена на начинот на размислување. Секако тоа не го амнестира раководството на ЈСП за тоа што од тој аспект многу бавно се движат рабатите и за тоа што немаат нормална интернет страна, не информираат тековно за новините, немаат планер на патување на нивната веб страна, воглавном истите проблеми со кои се соочуваат и македонски железници. Но како што реков не е лесно со наследена администрација учена со децении дека главната задача им е да пијат кафе па ако остане време да се фатат за работа. Затоа и се сомневам дека сите новини во кои се инвестира има кој да ги управува и да ги одржува. Дај Боже да грешам но за очекување да имаме многу проблеми со системите кои се вградија во последно време.