Моторни гарнитури

Originally posted by mr bombastic Повторно лажги со опашки, се утепаа кажувања ќе стигнеле до април, до јули еве сеуште ги нема останатите две гарнитури, зошто дојде до ваков застој после брзото стигање на трите гарнитури не ми е јасно...

Не знам бре луѓе како не ви е јасно. Сето она што се финансира преку европските финансиски институции доцни. Ми се чини дека ЕУ потајно притиска врз македонските власти преку прекинување или стопирање на финансиите за разни проекти. Овие моторни гарнитури од Кина се купуваат преку кредит, па треба да го почекаме расплетот на нештата периодов. Инаку не е тајна дека тие се веќе произведени од кинеската компанија.

Дали е некој запознат дали имало случај на некакво пребрзо абење на тркалата,осовините на новите (дизел) гарнитури при кочење на возот и дали дел од нив се чепкале во Колска?

Претпоставувам дека големината на тоалетите е толкава за да се овозможи пристап на инвалиди со количка. Не би се сложилил дека има премногу места за инв. колички и напротив сметам дека во тој поглед треба и тоа како да учиме од скандинавците.
Фактот што кај нас скоро и да не може да се види инвалидизирано лице во јавен превоз и токму неприлагоденоста на истиот. Додатно местата можат да се користат и за колици за деца. Ова посебна тема но кога се работи за возовиве мислам дека се позитивен пример и повеќе лица со посебни потреби ќе се охрабрат да ги користат.

прво, да бидам искрен, конкретно за новите гарнитури не сум во позиција да коментирам, најпрво затоа што не сум ги испробал, а потоа поради самиот факт дека се нови... слушнав поплаки за удобноста на седиштата, ама од друга страна слушнав дека тоа е нормална работа во ваквите возови

а како стигаме до тоа да одиме „офтопик“?
со тоа што ги коментираме моторниве гарнитури од аспект на целосната ситуација на МЖ... а зошто?
зошто не можам да ги доживеам гарнитуриве како „голем чекор напред“? ...затоа што обнова на возен парк е нешто што се подразбира дека сериозна транспортна фирма би го направила на одреден период... затоа што е нешто што и онака требало да се случи и не е потег на развој, туку пополнување на дупка ѓто е испуштена во огромен временски период
само што ние сме толку беден народ во една забаталена од господ земја, што тогаш кога ќе се направи нешто што всушност требало да се направи, и тоа одамна, го доживуваме како развој само затоа што во текот на тој огромен период не сме виделе ништо подобро...
...тогаш кога железницата ќе превземе големи чекори на реформација на инфраструктурата, возниот парк и услугите, тогаш ќе можеме да кажеме дека доживуваме некој развој... меѓудругото, тогаш кога железницата ќе може да биде конкурент меѓу превозниците без да се потпира на она население кое е приморано да ја користи како прво...
еве кажи на пример, зошто би се радувал на новите возови ако времетраењето на патот со нив ми е исто како со старите? и зошто би гледал некаква иднина во нив ако знам дека старите возови се такви какви што се поради несоодветно одржување?

битно е да се врти истата лента затоа што единствената работа што е подобрена со новиве возови е што се добро затворени и климатизирани... нешто што доколку некој сакал да го направи, ќе го направел со старите возови реално гледано
џабе ми се новиве возови ако не може да се искористи нивната брзина, ако нема директни линии и ако наидуваме на истите проблеми на кои сме наидувале до сега
едноставно железницата има купишта проблеми кои треба да ги решава и со новиве возови се решава најмалиот и наједноставниот проблем
како прво, нема најосновни услови во кои возовите треба да се чуваат и одржуваат, една перална што постои во земјава, па не ја користат како што треба
затоа и го спомнувам расипаниот прозор... како прво, на менаџментот не му е гајле за одржување на она што го поседува... затоа возовиве за кратко време ќе станат невидени скапаници
затоа и правам паралела со новите автобуси на ЈСП, така го тупевте и со нив, па сега се скапаници, а во поглед на услуга и менаџмент, претпријатитето е сеуште заостанато во титова младост...

а поплаки може да слушнете колку сакате, од типот на мојава и оваа на phenomenon, затоа железницата си останува последен вид на превоз што еден жител на земјава би го одбрал за да стигне од точка а до точка б.. слободно радувајте се на новите возови додека не ви помине еуфоријата и додека не се вратиме назад во реалност

Трошки Дечкото е недоволно информиран, ама со огромна желба за дебата. Сака да се контра на сите теми, ама не ги разбира доволно и делува површно. Еднаш патувал со воз, прозорот бил расипан и сега ќе ја врти истата лента додека сите не се откажат од дискусијата.

Како и да е, деновиве се возев со новиот воз, првпат на подолга релација - Битола. Искуствата ми се во главно позитивни и во голем дел се сложувам со Бојан. Прво и најосновно, се осеќаш достоинствено како патник. Второ, има ред. Картите се издаваат со ред, се почитува резервацијата на седишта, кондуктерот е присутен низ возот, возот поаѓа и стигнува на време. Трето, не знам дали беше случајно или луѓето навистина го чуваат новиот воз. Немаше ниеден инцидент, освен една постара жена што ги подигна нозете на седиштето до неа. Беше опомената, ги спушти. Впечатокот ми е дека полека свеста ќе исплива и кај нас дека ќе почнеме поодговорно да се однесуваме кон заедничките работи. И тоа ме радува.

патниците не мора да се стока за одреден воз со текот на времето сам од себе да си скапе... прозорот поради кој измрзнав во шпанец нити беше скршен, нити беше расипан од страна на некој патник
а на општиве теми и тоа како им е секаде местото, затоа што кога ќе ја погледнеш ситуацијата во глобала, сваќаш каде сме и на што сме
не можеш ни да им се порадуваш на новите возови, затоа што знаеш дека тоа се ситни трошки кои ни се фрлаат да се порадуваме малце и да се правиме дека нешто било што се прави

Прво возење со новите возови ми беше денес. Мора да напоменам најпрво дека на Македонски железници не и се случила подобра работа во изминативе 3-4 децении. Тоа мора да се признае. Гарнитурите од Кина наспроти Шпанците и Горбачов се како фудбалски клубови од прва лига наспроти оние од втора или од трета.

Е сега, по првото возење и сите овие позитивни коментари кои следат, морам да дадам неколку забелешки, кои делумно можат да се решат „во од“ во натамошниот период.

Како прво, не знам дали има и како функционира вентилационен систем, а не само ладење и греење. Од Битола до Скопје со цирка 200 патници и без можност да се отвори ниту еден прозор, со небањати луѓе, со кромид и месо кај дел од патници итн. итн. Е СТРАШНО.

Како второ, внимание да се посвети на тоалетите. Имам чувство дека нашите „драги и ценети“ патници има во буквална смисла да се усерат на овој дел од возовите. Знам дека има сешто од луѓе, ама ќе треба да се посвети поголемо внимание на одржување хигиена во возовите.

Како трето, мора да споменам дека нема место за велосипеди. Никаде не се предвидени. Можеби во иднина би можеле да се извадат едно-две седишта на еден дел од возот, па да се монтираат рачки за закачување на велосипеди. Тоа би било супер. Доволно е да има место за 2-3 велосипеди, повеќе не е потребно.

Конечно, возот оди побрзо од старите возови. Не знам како, ама штом закасни на некоја споредба станица 5-10 минути, секогаш стигнува на време во поголемите градови. Скопје и Битола бевме точно на време.

И да, како и кај секои од новите моторни гарнитури во Европа, по 2-3 часа возење, ќе сакате малку да станете и да прошетате поради потврдиот материјал на столчињата.

Генерално земено, треба да кажам дека на форумов треба да вклучиме категорија за оценка на новите гарнитури. Од 1 до 5, јас во моментов би им дал 4.

П.С. Железница ќе треба да научи да си ги цени патниците. Стигнувајќи во 22 часот во Скопје, сфатив дека има луѓе кои го чекаат експресниот воз од Солун за Белград со многу куфери. Сите тие сфатија на железничка станица дека возот не сообраќа до 17 јуни, поради реконструкција на пругата во Србија. Многу е непријатно тоа. Станува збор за меѓународни возови, организирани според меѓународна регулатива што изискува почитување на строги критериуми...АКО ВОЗОТ ПРИВРЕМЕНО НЕ СООБРАЌА ДВА МЕСЕЦИ, ТОГАШ ТРЕБА ДА ИМА АВТОБУСКИ ПРЕВОЗ ЗА ПАТНИЦИТЕ!!!

сеуште не сум се возел со змаевиве, но многу скоро разбрав дека штом вецето е затнато истите неможат да тргнат никаде она старите пушти вода и на пруга нели немет гајле додека овие се далеку посклет, сензори, вакум, екстра инсталации, минимализам у става и остала финоќа у табиет, чинам ми рекоа дека каснат само заради ова!?

ах нови возови, нема веќе авантура ко глава луфтирање низ прозор или прибирање закаснети патници во лет, а не пак оптегнување во купе

и овие да не со нагибна технологија, или за тоа задоволство ќе почекаме уте некоја деценија!? во секој случај Аирлија подновата и технички и маркетиншки, патем што музика врти при патувањата ...

Постојат патници кои ги интересираат и задоволни се од реализирањето на идејата „Велигденски воз„
кои повеќе од сигурно позитивно гледаат на ваквите настани.

Битно е тоа да половина-вековната монотонија во Македоснките железници е прекината со набавката на „кинезиве„,
со Велигденското украсувањето на истите се покажува нов начин на размислување.

Останува уште многу проблеми да се решат меѓутоа набавката на овие гарнитури
може да биде првиот чекор кон подобро утре за сите, и за МЖ и за патниците.

Кога го велам ова се оградувам од политичките влијанија и цели во сето тоа
и зборувам како обичен граѓанин кој се радува на убавите нешта.
А убаво е да се види нов воз, убаво е да се види украсен воз, и насмевки кај патниците како на онаа фотографија на Владимир.
.