Театар и библиотека - Тетово

Од фб

Од фб страната на изведувачот

Еве до каде напреднала изградбата-превземено од фб профилот на изведувачот

Од фејсбук

Тетово со нов театар и библиотека во 2018 година

По четири години одложувања на реализацијата на проектот, конечно се потпиша договорот за изградба на планираниот културно – образовен центар во Тетово [»мапа], во чии рамки ќе се сместат театарот и градската библиотека. Културната установа „Иљо Антески – Смок“ вчера го потпиша договорот за изведба на севкупните градежни и градежно – занаетчиски работи на зданието што ќе се простира на 15.000 метри квадратни во центарот на градот. Тетовската компанија „Урбан План Конструкти“ ќе треба да го реализира градителскиот проект за 819.504.100 денари или околу 13,3 милиони евра. Новата зграда на театарот и библиотеката е предвидено да се заврши до 31 декември 2017 година.



Со изведбата на објектот по принципот „клуч на рака“, Тетово ќе добие културно – образовен центар со голема и мала театарска сала, простор за библиотечен фонд, кино сала, простории за училиште за странски јазици и за комерцијални дејности, отворен амфитеатар и подземен паркинг со капацитет од 221 возило. Во внатрешните простории ќе се постави најсовремена опрема за изведување на театарски претстави, а сценската опрема и модерните проекциони системи ќе бидат соодветни и за одржување на други културни настани.

Основниот проект за културно – образовниот центар во Тетово го изработи Градежниот институт „Македонија“, додека идејното решение е дело на бирото „Архинг Груп“, односно на архитектите Бесиан Мехмети, Бетим Зеќири, Бекир Адеми и Никола Стрезовски.

http://www.build.mk/?p=40932

Театар и градска библиотека во Тетово. Проектот е изработен од истата фирма која го изработи и оној за плоштад Скендербег во Скопје. Одредени детали на овој објект потсетуваат на веќе изградениот дел на плоштадот.

Нема смисла да се фрла во канта Уште помалку наместо објекти од културата и образованието да се градат катни гаражи.

Изградба на културно-образовен центар во Тетово со нов театар и библиотека, со што ќе се зачувува непроценливото културно и книжевно богатство што го поседува овој град (2015) http://vlada.mk/node/101

За театар во Тетово, само празни ветувања

Комбинирана установа заедно со библиотека требаше да се гради во центарот на градот

Гојко Ефтоски


ТЕТОВО - Очекувањата на тетовци дека ќе имаат можност да гледаат театарски претстави во нов објект, се стопија како меур од сапуница. Празни останаа ветувањата дека во истата зграда на театарот ќе функционира и библиотека. Април 2011 беше терминот за кога се најави удирањето темел за нов објект од културата, но тоа не е зацртано во агендата на надлежните. Комбинираната установа требаше да се гради во центарот на Тетово, меѓу Домот на културата „Иљо Антевски-Смок“ и поштата. Но, тоа што е вклопена во „капитални објекти од областа на културата“, повлекува поинакви процедури од вообичаените. Засега нема никакви сознанија дека се почнати таквите постапки поради што спласнува оптимизмот дека конечно ќе се реши просторното прашање за библиотеката и за театарот.

На 6 октомври минатата година во Тетово беше презентиран идеен проект на четворица млади архитекти и прогласен за најуспешен на конкурсот на Министерството за култура. Во изминатата половина година требаше да се спроведе тендер за изработка на основен проект, а потоа уште еден тендер за избор на изведувач на работите. Оваа процедура трае најмалку 100 дена, но не е почната. Упатените пресметале дека нема временски можности нешто да се направи годинава.

Тетово со децении мака мачи за простор на театар и на библиотека. Театарската уметност има долги традиции, а во 1920 година тетовски актери - аматери ја извеле „Македонска крвава свадба“. Оттогаш театарската традиција постојано се негува. Во рамките на Центарот за култура „Иљо Антевски-Смок“ работи аматерско драмско студио, Детско-младински театар, а од 2007 година и Професионалниот театар. Иако јазично не е ограничен, Професионалниот театар функционира само на албански јазик и веќе има изведено 20-ина претстави. Актерите Елмир Сејфулаи и Бурхан Амети се добитници на први престижни награди на фестивалите во Дебар, Корча (Албанија) и Урошевац и во Подуево (Косово).

Што се однесува до библиотека, досега не се изгради главно поради партиско-политички игри и тоа зависно која од партиите на Албанците е во локалната, а која во централната власт. Нашите сознанија велат дека оправдувањата се наоѓале во „незавршена денационализација“, „во некомплетна документација“, „необезбедени финансиски средства“...

Во тој ист период библиотеката неколку пати се сели, или во приватни или во несоодветни простории. Во последните четири години е сместена во двесте квадрати во Домот на културата што се недоволни за елементарна работа. Библиотеката располага со над 150.000 наслови, а за нив нема простор ниту на рафтови. Не станува збор за опслужување на студентите, учениците и граѓаните - вкупно над 5.500 членови. Нема никакви услови ни за за читалница.

Чудно е зошто толку години се тактизира со изградба на објект за театар и библиотека, кога Тетово има два универзитета, шест средни и уште толку основни училишта.

Во Тетово библиотекарството има долга традиција. Во пишани документи стои дека во градот под Шара првата библиотека била отворена во 1922 година со 2.000 книги и 500 членови, главно ученици од гимназијата. Во 1945 година покрај на македонски била формирана и библиотека со книги на албански јазик. Во 1952 година овие две библиотеки биле споени во единствена, а од пред седум години има статус на национална установа.

http://www.utrinski.com.mk/?ItemID=722BFF111FC3D14AAE163BC322E14593

а кога ќе почне ова да се гради ,гледам почна да се реновира и гради моето Тетово

Изгледа слабо се чита, повеќе слики се гледаат 

Автори на победничкиот конкурсен труд под работна шифра „Перде“ се „Архинг Груп“, односно архитектите Бесиан Мехмети, Бетим Зеќири, Бекир Адеми, и Никола Стрезовски.

Инаку Митко не е Пула туку Хаџи-Пуља
А они работеа на театар центар, не на драмски. Драмски ќе се гради според проект на Емил Јегени, Елена Икономов, Јасна Милојковиќ и Билјана Стојменовска. Има све регистрирано по нишките.