Образовни институции (општо)

Се распаѓа старото училиште „Димитар Македонски“, новиот објект сѐ уште се гради





На прагот од новата учебна година ниту стариот објект е во состојба да прими ученици, ниту новиот е довршен, а нема ниту информација од надлежните каде децата ќе ја следат наставата

Испукани ѕидови, стара и дотраена инсталација, покрив што при секој посилен дожд протекува, несоодветни тоалети, искршени плочки. Вака изгледа стариот објект на ООУ „Димитар Македонски“ во Лисиче.

Поради несоодветните услови за нормално и непречено одвивање на наставата, пред неколку години започна да се гради ново училиште, кое треба да ги задоволи потребите не само на децата и наставниците и да ги исполнува сите потребни стандарди за едно модерно училиште во кое основите на своето образование ќе ги постават многу идни генерации. Но, на прагот од новата учебна година ниту стариот објект е во состојба да прими ученици, ниту новиот е довршен, а нема ниту информација од надлежните каде децата ќе ја следат наставата.

Објавата на надлежните за изградба на ново училиште беше поздравена од страна на локалното население како исклучително важна, но сепак, и по неколку години, ова ново основно училиште сѐ уште се гради, а во стариот објект нема повеќе никакви услови за одвивање на наставниот процес. Како резултат на тоа, децата и родителите но и наставниците што предаваат во училиштето, буквално на само неколку денови пред стартот на новата учебна година не знаат како и каде ќе се оди на училиште.

-Немаме никакви информации како родители како ќе учат нашите деца, а еве уште неколку денови и ќе почне учебната година. Цело време на вести слушаме дека наставата ќе се одвива со физичко присуство, а во училиштето каде што учи моето дете, нема услови за тоа. Не знам зошто толку долго се прави новата зграда – вели родител чие дете посетува настава во ова училиште.

И директорката на ова основно училиште вели дека нема подетални информации околу тоа како ќе се одвива наставата од први септември.

-Немам подетални информации како ќе се одвива наставата од први септември. Во моментот првата ламела од новата училишна зграда е готова, а на втората ламела интензивно се работи – истакна Јулијана Тодоровска, директорка на ООУ „Димитар Македонски“ која меѓу другото потенцираше и дека во просториите на стариот објект во кој досега се изведуваше наставата, нема услови да се продолжи со работа.

За одговор на прашањата зошто толку долго се гради ова училиште, кога ќе биде пуштена во употреба новата училишна зграда како и каде ќе учат децата од први септември, досега не добивме одговор ниту од Општина Аеродром ниту од Министерството за образование и наука.

Основното училиште Димитар Македонски е основано во 1964 годинa, а наставата се одвиваше во објект од монтажен тип. Најавите од Општина Аеродром за стартот на изградбата на новиот училиштен објект се од јули 2017 година.

– Денеска, 29.7.2017 година, на местото на старите бараки на ОУ „Димитар Македонски“ почна изградба на нов модерен објект во соработка со Министерството за образование и наука. Според рокот на изградба новото училиште, ќе се гради во две фази, така што околу 1.000 ученици, колку што е капацитетот на новата зграда, ќе можат да посетуваат настава веќе наредната учебна 2018/2019 година – стоеше тогаш во официјалната најава за почеток на градежните работи.

Сепак, и три учебни години потоа, ваквите најави сѐ уште не се реализирани.

Од друга страна, пак, на официјалната веб-страница на Општина Аеродром на чијашто територија се наоѓа ова училиште, стои дека во јуни оваа година, Општината направила увид на терен и било констатирано дека работата се одвива во предвидената динамика.

Училиштето што е во изградба ќе биде со површина од 2 840 квадратни метри и со капацитет за 700 ученици, кои ќе ја посетуваат наставата организирани во две смени. Ќе биде опремено со најсовремени кабинети, простории за дневен престој, кујна и простории за наставниците.

https://www.slobodenpecat.mk/se-raspagja-staroto-uchilishte-dimitar-makedonski-noviot-objekt-sѐ-ushte-se-gradi/

Увид во реконстуираното училиште ОЕМУЦ „Наум Охридски“ во Охрид [24.07.2021"> by Влада на Република Северна Македонија, on Flickr

Увид во реконстуираното училиште ОЕМУЦ „Наум Охридски“ во Охрид [24.07.2021"> by Влада на Република Северна Македонија, on Flickr

Увид во реконстуираното училиште ОЕМУЦ „Наум Охридски“ во Охрид [24.07.2021"> by Влада на Република Северна Македонија, on Flickr

Увид во реконстуираното училиште ОЕМУЦ „Наум Охридски“ во Охрид [24.07.2021"> by Влада на Република Северна Македонија, on Flickr

Edited by Џоле - 25-Jul-2021 at 13:00

Образовно-културен центар Битола(28.06.2021)





https://www.facebook.com/Qendra-për-Kulturë-dhe-Arsim-

Не сум сигурен дали моментално нешто е во изградба бидејќи можно е фотките да се постари,ретко минувам во тој дел и немам претстава што е во градба.

Originally posted by stef4o Изградба на модуларно училиште во Општина Илинден - Скопје

Во Илинден веќе има едно модуларно училиште, го изградија пред некои 7-8 години.

Во Чаир

...

The additional facility of the Municipal Primary School ′′ Ismail Qemali ′′ is heading towards completion. Most of the construction works are underway, so at the moment the work crews are doing central heating installation, window installation and interior painting of the facility.







https://www.facebook.com/VisarGaniu.Cair

СРАМНА СЛИКА ВО УНИВЕРЗИТЕТСКАТА БИБЛИТЕКА - РУИНИРАНА, ЗАПУСЕНА, ЗАБОРАВЕНА



Прокиснат кров со дупки, вода на подот и скршени светла во Националната и универзитетска библиотека „Св. Климент Охридски“.

Вработените поставаат кофи на подовите за да се собере водата. Во вакви услови учат студентите во библиотеката, кои се подготвуваат за своите испити. Оваа зграда на библиотеката не е реновирана декади наназад- изгледа запустено, руинирано и отфрлена од сите власти, од сите надлежни.

Сегашниот директор на библиотеката Фримзим Даути денеска не беше на своето работно место, а за состојбата во читалните на библиотеката, во кратка писмена изјава за Телевизија 24, констатира дека запуштената и руинирана зграда е реалност, но ја потенцира сопствената немоќ да стори нешто, затоа што- не зависи тоа од него

- Состојбата во читалните на НУБ „Св. Климент Охридски“ - Скопје, е во крајно лоша состојба. Очекуваме од Владата и Министерството за култура да превземе мерки т.е. да ги обезбеди финансиските средства и да се реновира целата зграда а под итно кровот и читалните. Се надеваме дека во најбрз можен рок ова ќе се реализира и читателите ќе може да работат, учат и истражуваат во нормални услови. - вели Фримзим Даути, директор на Национална и универзитетска библиотека „Св. Климент Охридски“.

Од Министерството за култура велат дека министерката испратила комисија во ненајавена работна посета на библиотеката, и по извршениот увид биле констатирани бројни слабост и дека поради негрижа, објектот со години е запоставуван и доведен до исклучителна лоша состојба.

- Комисијата за Инвестициско одржување, осигурување, адаптација и набавка на опрема при Министерството за култура, во февруари годинава, достави извештај со кој за Нацрт-годишната програма за работа на НУБ не ги прифати барањата (за набавка на лифт, за сервисирање на системите за ладење и греење и за санација на покривот на стариот објект ) заради погрешна и непотполна документација. Вистинската адреса за овие барања е Програмата за инвестиции во културата каде што, доколку конкурирале, би им биле одобрени бараните средства за санација на покривот за која проектот е веќе направен. И во овој случај се работи за недоволна ангажираност на раководните лица. - велат од Министерство за култура.

Апсурдот продолжува- Во 2009 година беше отворена нова модерна зграда во продолжение на постоечката зграда на библиотеката, со што се зголеми за дополнителни 3000 м2. Но, овој простор не е во употреба, бидејќи ништо не се презема од Универзитетската бибилиотека за да функционира, ниту пак има одговор зошто не се создаваат тие неопходни критериуми и услови.

[URL= ][https://24.mk/details/sramna-slika-vo-univerzitetskata-bibliteka-ruinirana-zapusena-zaboravena/URL]

Овие глетки се од дополнителниот објект на ОOУ "Исмаил Ќемали"









https://www.facebook.com/VisarGaniu.Cair/videos/795348657778623

The second phase of work for building school in Little Recica has begun.
After the finalization of the strong construction, the installation of the distribution system for water and electricity and infrastructure for information cabinets has begun and partially finished.
Window constructions have also been placed in the gout, and in realization is the interior of the walls.
Next September this school will have its doors open for students!



https://www.facebook.com/teutaarifiofficial

Порталб: Студентскиот дом во Тетово ветен во 2016 година е пред завршување (ФОТО)



Министерството за образование и наука не дава конкретен датум кога ќе заврши изградбата на студентскиот дом во Тетово, а новинарот на Порталб.мк беше на местото каде што се гради објектот и потврди дека работите се речиси завршени. Според договорот, работите мора да бидат завршени за најмногу уште 3 месеци. Станува збор за студентски дом со вкупно 305 легла, пишува Порталб.мк.

Пред една недела, Владата на Северна Македонија на 61-та седница одвои вкупно 11.200.000 денари за студентскиот дом во Тетово, кој се гради во близина на Универзитетот, на патот кон Брвеница.

Инаку, иако во Тетово има два универзитета и седум средни училишта во кои доаѓаат и студенти и ученици од различни градови, ова е првиот јавен студентски дом што во моментов се гради и е при крај.

Во октомври минатата година, Порталб.мк направи интервју со студентка од Република Косово, токму за овој проблем. Притоа, таа рече дека била принудена да патува од Косово во Северна Македонија едноставно затоа што имала проблем да најде некого со кого би ја споделила просторијата за живеење, бидејќи цената да се живее под кирија самостојно е многу скапа.

„Барав и преку интернет и физички, кога пристигнав на Универзитетот, имаше такви кои се двоумеа, па друг пат јас се двоумев, проблем е да прашате некого дали ќе живее со вас, едноставно не можев да најдам цимерка, студентски дом на Универзитетот во Тетово немаше, и сега за обичен документ морам да патувам”, изјави таа.

Таа истакна дека цените за домување не се многу скапи доколку имате цимерка, но не секој, секогаш, сака да ја дели просторијата со уште 3 други лица, така што не е лесно да се најдат цимерки.

„Не, цената е скапа ако сте двајца или сте сами, и нема секој можност да живее со само 1 цимер или да најде уште 3 други“, додаде студентката на Универзитетот во Тетово Б.А.

Според договорот, работите мора да бидат завршени во мај/јуни годинава
Контактирани од Порталб.мк, од Министерството за образование и наука информираа дека проектот се реализира со предвидената динамика, што значи дека треба да заврши во мај/јуни следната година.

„Изградбата на студентскиот дом во Тетово е инвестиција вредна 166,5 милиони денари и истата се реализира во согласност со планираната динамика. Со проектот подготвен од Универзитетот во Тетово, објектот ќе има 305 кревети“, соопштија од Министерството за образование и наука.

Покрај студентските соби, во домот е предвидено да има и технолошка просторија, читална, сала каде што студентите ќе може да вежбаат фитнес, просторија за менза итн.

Домот се ветува од 2016 година
Истиот ден кога Владата на Северна Македонија го одобри законот за основање на Универзитет „Мајка Тереза“, беше најавена изградба на студентски дом во Тетово. Станува збор за 2016 година, при што истата година беше отворен тендерот за изградба на овој студентски дом.

Потсетуваме дека во тоа време министер за образование и наука беше сега починатиот Абдилаќим Адеми.

Сепак, и покрај фактот дека тендерот за изградба беше отворен во септември 2016 година, немаше одлука за започнување на работите, а оваа одлука беше официјално донесена на крајот на март 2018 година и беше предвидено да се финализира во април оваа година.

Инаку, неофицијално од Министерството за образование и наука беше соопштено дека овој објект се очекува да заврши во мај или јуни следната година, така што студентите ќе можат да бидат сместени во овој студентски дом од следната академска година.

https://meta.mk/portalb-studentskiot-dom-vo-tetovo-veten-od-2016-godina-e-pred-zavrshuvanje-foto