Објект на Мајка Тереза на плоштад „Македонија“ |
Post Reply | Page <12345 20> |
Author | |
<Fresno>
Senior Member Joined: 13-Jun-2010 Online Status: Offline Posts: 1123 |
Quote Reply #41 Posted: 19-Feb-2020 at 22:32 |
Во меѓувреме може и Дистрикт да го сведат на некоја нормална површина. Трагикомично изгледа тој пролаз.
|
|
Théoden
Senior Member Joined: 31-May-2018 Location: Р. Македонија Online Status: Offline Posts: 543 |
Quote Reply #42 Posted: 18-Feb-2020 at 23:03 |
Па и не е толку налудничава идејата, со оглед на алтернативите, секако, само ако е изводлива. А некоја симболика лесно може да се најде. Споменикот ќе остане посветен на Мајка Тереза, па портата би го славела триумфот на нејзината добрина и вера, на хуманитарниот дух или сл.
|
|
kiriOK
Senior Member Joined: 11-Apr-2012 Location: Tamworth,UK Online Status: Offline Posts: 996 |
Quote Reply #43 Posted: 18-Feb-2020 at 07:52 |
Или ова онака си го кажа,па нека биде триумфална арка ако не може друго,башка проход испод ќе има башка не се руши. Edited by kiriOK - 18-Feb-2020 at 07:53 |
|
Théoden
Senior Member Joined: 31-May-2018 Location: Р. Македонија Online Status: Offline Posts: 543 |
Quote Reply #44 Posted: 17-Feb-2020 at 20:28 |
Нека пробијат премин под сводот и нека го пренаменат во триумфална арка. Тоа е единствениот компромис помеѓу нерушење и непопоречување на пешачкиот коридор што можам да го замислам.
|
|
stef4o
Moderator Group Joined: 20-Oct-2015 Location: Skopje Online Status: Offline Posts: 19981 |
Quote Reply #45 Posted: 17-Feb-2020 at 14:28 |
ВЛАДАТА ЌЕ РАСПИШЕ КОНКУРС ЗА ПРЕНАМЕНА НА СПОМЕНИКОТ НА МАЈКА ТЕРЕЗА, ГРАДОНАЧАЛНИКОТ ШИЛЕГОВ ВЕЛИ ДАЈТЕ МИ ГО И ВЕДНАШ ЌЕ ГО УРНАМ
За недоизградениот 32-метарски споменик на Мајка Тереза, кој го крши Уставот и низа закони бидејќи се наоѓа на пешачки дел за влез на Плоштадот Македонија, Владата и понатаму ја тера постапката да најде начин како тој да не се урне. За бетонската ѕидина наскоро ќе биде распишан конкурс за идејно решение во што да биде пренаменет и што да има на просторот, кој според сите закони треба да е слободен и прооден. Конкурсот треба да се распише овој месец, како резултат на одлуката на Владата споменикот да не се урива, оти тоа ќе било поскапо од пренамена. Владата донесе ваква одлука и покрај извештајот и препораките на работната група за „Скопје 2014“, која беше формирана токму од Владата. Во препораките на работната група не се спори намената туку тоа дека на тој простор не треба воопшто да има никаков објект оти се прекршуваат низа закони. На сајтот за јавни набавки, во Планот за јавни набавки на Министерството за култура во месец февруари, стои дека ќе биде распишан конкурс за избор на идејно-архитектонско решение за пренамена на објект со скулптурална композиција во Скопје, кој ќе заврши со доделување награди. „За наредниот период предвиден е предмет на јавна набавка за измена на основен проект во тек на градба. Согласно Законот за јавни набавки, Планот за јавни набавки се поднесува до 31.01 2020 година. Министерството за култура во целост ќе ја следи постапката за јавни набавки. Согласно проектната документација на јавната набавка ќе произлезе и сумата која ќе биде потребна за извршување на истата“, велат од Министертсвото за култура. Досега, на градежната фирма „Бетон АД Скопје“ за овој објект ѝ се исплатени околу 2 милиони евра. Откако градежните работи беа стопирани додека се одлучи што ќе биде со објектот, договорот со „Бетон“ не беше раскинат. „Има можности за негово продолжување со реализација, спогодбено раскинување на договорот или еднострано раскинување“, велат од Министертсвото за култура. И додека од Владата не отстапуваат од идејата да не се урива овој недовршен споменик од проектот „Скопје 2014“ и тече постапката тој да добие нова намена, градоначалникот на Скопје Петре Шилегов смета дека тој треба да се урне. Тој ја повикува Владата ако таа не е спремна тие тоа да го направи, да му го предаде под негова надлежност и тој веднаш ќе го отстрани. Споменикот на Мајка Тереза се наоѓа на улица Орце Николов, тоа е вештачко преградување на природниот тек на движењата за влез на плоштадот. Јас лично, како градоначалник побарав од Владата и од Министерството за култура недоизградениот објект да биде доделен на Град Скопје, со цел истиот да биде срушен. За жал, од централната власт за проблемот ‘Скопје 2014‘ досега немаме доволно слух. Град Скопје е единствена институција која имаше отстрането споменик од овој криминален проект. Ако ме прашате мене, лично јас би бил сериозно порадикален во односот кон проектот ‘Скопје 2014‘. За жал, дали во недостаток на време, дали во недостаток на фокус на интерес на централната власт, не наидовме на целосна соработка. Да беше до Град Скопје, досега улицата Орце Николов ќе беше проодна“, вели градоначалникот Шилегов. Мирослав Грчев, координатор на работната група која донесе одлука тој да се урива, а не да се пренаменува, вели дека изградбата на споменикот на Мајка Тереза е најсурово прекршување на низа закони, правниот поредок и владеењето на правото и тој треба да се отстрани. „Ако сакате да речете дека ги спроведувате законите, тогаш нема дилема дека тој објект треба да биде отстранет. Се работи за тежок злочин, злоупотреба на јавен простор, тешка кражба и криминал. Споменикот е ставен на место кое ниту една земја, колку и да е фашистичка, нема да го смести. Прекршени се Законот за градба, Закон за споменици, Закон за Буџет, Законот за градење и урбанистичко планирање. Очигледно е што треба да се напра Споменикот на Мајка Тереза беше најавен како донација на фирмата „Сахара Индија“, сопственост на контроверзниот индиски бизнисмен Субрата Рој. Тој заедно со тогашниот премиер Никола Груевски во јануари 2013 го најавија проектот отворајќи ја спомен плочата на Мајка Тереза на Плоштадот Македонија, на местото каде ќе се гради споменикот. Откако Рој отиде в затвор оти не платил оштета на измамени инвеститори во Индија, Владата на Груевски преку Министерството за култура и тогашната министерка Елизабета Канческа-Милевска го презеде проектот. Официјалниот старт на градежните работи беше во октомври 2015, а вредноста на договорот за негова изградба е 5,5, милиони евра. А. АНТЕВСКА https://sdk.mk/index.php/sakam-zeleno/vladata-ke-raspishe-konkurs-za-prenamena-na-spomenikot-na-majka-tereza-gradonachalnikot-shilegov-veli-dajte-mi-go-i-vednash-ke-go-urnam/ |
|
stef4o
Moderator Group Joined: 20-Oct-2015 Location: Skopje Online Status: Offline Posts: 19981 |
Quote Reply #46 Posted: 28-Oct-2019 at 15:30 |
Богдановиќ ја презема метлата во Центар
Ќе се брише маркичката за споменикот Мајка Тереза на влезот пред Плоштад Градоначалникот на Општина Центар, Саша Богдановиќ на денешниот брифинг со новинарите најави дека ќе се избрише маркичката за споменикот Мајка Тереза од урбанистичкиот план за Малиот ринг кој беше дел од проектот „Скопје 2014 година на ВМРО-ДПМНЕ“. Прво треба да извршиме промена на планот и да заврши истрагата која е спроведена, па споменикот кој почна да се гради и остана незавршен ќе биде урнат. Тој пречи урбанистички, бидејќи е на самата улица – дециден е Богдановиќ. https://www.vecer.press/богдановиќ-ја-презема-метлата-во-цент/ |
|
stef4o
Moderator Group Joined: 20-Oct-2015 Location: Skopje Online Status: Offline Posts: 19981 |
Quote Reply #47 Posted: 12-Jun-2019 at 16:59 |
Што со недоправениот постамент за споменикот на Мајка Тереза од главниот плоштад?
Кабина за тоалет, наредени гранитни плочки од некој дел од градскиот плоштад, лимени тараби излепени со плакати… тоа е она со што скопјани секојдневно се среќаваат кога поминуваат покрај постаментот за споменикот на Мајка Тереза на главниот плоштад. Од една страна притеснет е со хотелот „Мериот“, а од друга со оградениот постамент каде е и карабината на со години незавршениот хотел на градскиот плоштад. На сите им е очигледно дека големиот постамент кој сега претставува џиновски бетонски блок опкружен со скелиња и заштитни мрежи им пречи на пешаците и е прилично грда слика. Преиспитувањето на проектот „Скопје 2014“ од страна на посебна работна група потврди дека на овој споменик местото не му е тука и дека треба да се тргне. Не само заради тоа што бил изграден во една незаконска постапка туку и најмногу од причина што преставува проблем во овој важен дел од градскиот простор. Но, таков став на работната група не го прифати Владата бидејќи пресметала дека уривањето на постаментот ќе чини поскапо отколку неговото искористување за некоја друга намена. Колкава сума е во прашање, не е соопштено. Надлежното Министерство за култура во февруари годинава е задолжено да распише јавен конкурс за пренамена на овој објект. Но, оттогаш до сега ништо не е соопштено. -Тој постамент, едноставно, не може да се пренамени во ништо и заради тоа непотребна беше таква иницијатива. Очигледно е дека тој постамент треба да се тргне, односно, целосно да се урне. Тој не само што е назаконски поставен туку многу го нагрдува просторот, го задушува одењето на пешаците и тој спој на улицата „Орце Николов“ со плоштадот треба да биде слободен. Не може цената за уривањето да биде алиби за неговото останување таму. Тој простор треба да се ослободи, ни вели архитектката Душанка Шуловиќ. Таа не е единствена што мисли така. Архитектот Мартин Пановски, кој беше дел од работната група која предложи уривање, поднесе оставка откако Владата реши да се прави пренамената. И другите граѓани смеаат дека на овој објект местото не му е тука. -Плоштадот е и онака пренатрупан со градби. Овој споменик уште не е направен и може да се урне. Навистина, луѓето не можат ниту да поминат за да дојдат до плоштадот. Грешка беше уште тогаш кога се определи локацијата. Сега барем таа грешка да не станува уште поголема, ни вели скопјанецот Ристе Алексовски. Време надлежните да се откажат од идеите да го пренаменат постаментот се уште има. Овој пример е типичен за тоа како треба да се однесуваме и да го вреднуваме градскиот простор. Односно, дека одлуките за тоа што ќе има на некој простор не може да се носат со образложение дали е нешто поскапо или поефтино, туку дали со тоа просторот во градот е поубав или не. Требаше да биде висок 32 метри и да чини 5,5 милиони евра Споменикот на Мајка Тереза беше најавен како донација на фирмата „Сахара Индија“, сопственост на контроверзниот индиски бизнисмен Субрата Рој. Тој заедно со тогашниот премиер Груевски во јануари 2013 го најавија проектот отворајќи ја спомен плочата на Мајка Тереза на местото каде ќе се гради споменикот. Откако Рој отиде во затвор оти не платил оштета на измамени инвеститори во Индија, Владата на Груевски преку Министерството за култура го презеде проектот. Официјалниот старт на градежните работи беше во октомври 2015 и според договорот со изведувачот „Бетон-Скопје“ треба да чини 5,5, милиони евра и треба да биде висок 32 метри. https://skopskoeho.mk/shto-so-nedopraveniot-postament-za-spomenikot-na-majka-tereza-od-glavniot-ploshtad/?fbclid=IwAR2K7A8fz1imAzEOlH3EFVmHvc_-W9h1B0kACcbrCyJe3a2oRIAUqgfbdaE |
|
kiriOK
Senior Member Joined: 11-Apr-2012 Location: Tamworth,UK Online Status: Offline Posts: 996 |
Quote Reply #48 Posted: 22-Feb-2019 at 05:27 |
Што не ви е јасно,буџетот е усисан,празен.
Оградата пред влада то ест пола од оградата ја вадеа членови на паркови и зеленило,значи до толку гледале да не се потрошат и да најмат луѓе од градежен сектор...не е случајно што пајаци и сообраќајци секој ден крстарат и подигаат возила и фрчат казни ко да нема утре...не е случајно што укинуваат додатоци за трето дете,еве вчера од мои познати вработени во здравство слушам плата земале на 18 ти место на први,други познати во водостопанство им каснат плати пар месеци,така и оградава,неможеа да дадат токмаци и по еден багер на овие од паркови и зеленило да ги вадат фамозните 1,3 метар во земја вдлабнати колони,многу скапо ќе било. Па вие видете на каде се движи работава. |
|
Staro Skopje
Senior Member Joined: 07-May-2013 Location: Skopje Online Status: Offline Posts: 2692 |
Quote Reply #49 Posted: 21-Feb-2019 at 17:40 |
Значи правото (противуставноста и противзаконитоста), урбанизмот (затворањето улица), архитектурата (ужасниот изглед), политиката (губењето поени поради несправувањето), идеологијата (симбол на режимот и заробената држава), економијата (цената на довршување и, напоменувам, одржување) и здравиот разум (сѐ набројано) не се важни, важно е што ќе се дале неколку илјади евра (точните суми не се објавуваат) повеќе за рушење отколку довршување. Нека викнат волонтери, голем број скопјани со задоволство ќе го срушат натрапников без да бараат паричен надомест.
|
|
Градот убав никна, но го откорнаа
|
|
alexsend
Senior Member Joined: 11-May-2011 Location: Скопје, Центар Online Status: Offline Posts: 2085 |
Quote Reply #50 Posted: 21-Feb-2019 at 16:02 |
Во што ќе го пренаменат во ѕид на плачот?
А за оградата пред Влада утка на годината! Ама тоа е. |
|
Јас Скопје никогаш не сум го замислувал вака.
|
|
JovanOdGjorche
Senior Member Joined: 13-Oct-2012 Location: Скопје Online Status: Offline Posts: 515 |
Quote Reply #51 Posted: 21-Feb-2019 at 13:44 |
Епа тоа е,го тргнаа Ќосето од пред судската палата и ја тргнаа оградата од Владата бидејќи бидејќи беше поевтино (а можеби и железото си заврши во некоја хациенда) а ова веќе чини пари. Секоја популистичка мерка нема иста цена пријатели.
|
|
And something, somewhere was lost in 1938...
|
|
iGi_PoP
Senior Member Joined: 09-Apr-2015 Online Status: Offline Posts: 213 |
Quote Reply #52 Posted: 21-Feb-2019 at 11:35 |
Trazili ste, gledajte
|
|
stef4o
Moderator Group Joined: 20-Oct-2015 Location: Skopje Online Status: Offline Posts: 19981 |
Quote Reply #53 Posted: 21-Feb-2019 at 10:46 |
Незнам што мислат да прават ама плоштадот па и пошироко го натрупаа со недовршени објекти односно карабини. Хотелот и офицерски останаа недовршени,фасадите на ЕВН и Пелагонија исто така,кај Св Константин и Елена мислам дека повеќе од година дена не се работи а незнам што се случува и со новата зграда на Елем која надворешно изгледа готова но сеуште стои оградена.
Edited by stef4o - 21-Feb-2019 at 10:49 |
|
Џоле
Moderator Group Joined: 23-Apr-2013 Location: Скопје Online Status: Offline Posts: 15106 |
Quote Reply #54 Posted: 21-Feb-2019 at 10:15 |
ПОСКАПО Е ДА СЕ УРНЕ СПОМЕНИКОТ НА МАЈКА ТЕРЕЗА ОТКОЛКУ ДА СЕ ПРЕНАМЕНИ, ЗАТОА НЕМА ДА СЕ РУШИ, ВЕЛАТ ОД ВЛАДАТА Споменикот на Мајка Тереза на плоштадот Македонија нема да се урива оти тоа било поскапо отколку да се пренамени, велат од Владата. Работната група за „Скопје 2014“ која ја формираше Министерството за култура предложи тој да се урне бидејќи прекршува низа закони, правниот поредок и владеењето на правото. Но, и покрај тоа Владата предводена од СДСМ која додека беше опозиција го критикуваше проектот и го нарекуваше кич и криминален, реши да се распише конкурс за избор на идејно решение за негова пренамена. „Владата на Република Северна Македонија го задолжи Министерството за култура да спроведе постапка за пренамена на објектот со скулптурална композиција Мајка Тереза согласно со предвидените можни намени во урбанистичката планска документација за предвидената парцела. На јавниот конкурс треба да се предложуваат идејни решенија за пренамена на објектот. Оваа владина одлука е резултат на направените анализи кои што покажаа дека ќе бидат потрошени повеќе пари доколку се урива, во споредба со средствата потребни за пренамена на објектот“, велат од Владата. Од таму не одговорија на нашето прашањето колку пари ќе бидат потребни за пренамена, а колку за уривање на објектот. Владата не одговори ниту на прашање дали сметаат дека почитувањето на законите кои во овој случај се прекршени и правото на јавен простор, се поважни од парите. Откако Владата кон почетокот на февруари донесе одлука споменикот на Мајка Тереза да не се урива туку да добие нова намена, оставка од работната група поднесе претседателот на Асоцијацијата на архитекти на Македонија Мартин Пановски. „Споменикот на Маја Тереза е изграден во пешачки дел на влезот на Плоштадот, таа градба го прекршува Уставот, Законот за урбанистичко планирање и ред други закони. Сметам дека тој споменик треба да се урне, а не да се доградува. Не сакам да бидам алиби од довршување на проекот ‘Скопје 2014’“, изјави за САКАМДАКАЖАМ.МК на 13 февруари Пановски. повеќе на https://sdk.mk/index.php/dopisna-mrezha/poskapo-e-da-se-urne-spomenikot-na-majka-tereza-otkolku-da-se-prenameni-zatoa-nema-da-se-rushi-velat-od-vladata/ |
|
За сè има вторпат
|
|
xnx
Senior Member Joined: 05-Apr-2009 Online Status: Offline Posts: 1943 |
Quote Reply #55 Posted: 24-Oct-2017 at 09:47 |
ovdeka se sozdade istoto slepo crevo kako i na drugiot kraj na plostadot kaj vrteleshkite. tolku go napikaa so gluposti sto koga se pominuva tuka osobeno so tocaci ili kolicki se ceka na red. se nadevam deka novive gradonacalnici ke go otstranat ova gjubre i ke ovozmozat priroden prokot na pesaci
|
|
Skopje 1982
Newbie Joined: 13-Nov-2016 Online Status: Offline Posts: 27 |
Quote Reply #56 Posted: 23-Oct-2017 at 16:16 |
Сеа тие од Дистрикт се криви..Овие што го начукаа чиров бетонски овде на сред улица е во ред.
|
|
skopskodete
Senior Member Joined: 17-Feb-2017 Online Status: Offline Posts: 926 |
Quote Reply #57 Posted: 23-Oct-2017 at 13:20 |
Да имаа малце осет тие од Дистрикт немаше да ја направат бараката во правоаголна форма, туку според просторот, па ќе имаше и место за разминување... Овака е ужасно. |
|
zabegan
Senior Member Joined: 01-Jul-2008 Location: Skopje Online Status: Offline Posts: 7859 |
Quote Reply #58 Posted: 23-Oct-2017 at 00:45 |
од пред околу една недела
Edited by zabegan - 23-Oct-2017 at 00:47 |
|
Architects create dreams...politicians create nightmares
|
|
Џоле
Moderator Group Joined: 23-Apr-2013 Location: Скопје Online Status: Offline Posts: 15106 |
Quote Reply #59 Posted: 03-Jul-2017 at 17:46 |
А што мајка бараат да се разминуваат токму таму, кога има други места во градов за разминување?
|
|
За сè има вторпат
|
|
fichot
Senior Member Joined: 02-Feb-2010 Location: Skopje Online Status: Offline Posts: 2602 |
Quote Reply #60 Posted: 03-Jul-2017 at 17:03 |
A што да речеме за баракана на Дистрикт, двајца не можат да се разминат во преостанатиот слободен простор.
Edited by fichot - 03-Jul-2017 at 17:04 |
|
Post Reply | Page <12345 20> |
Forum Jump | Forum Permissions You cannot post new topics in this forum You cannot reply to topics in this forum You cannot delete your posts in this forum You cannot edit your posts in this forum You cannot create polls in this forum You cannot vote in polls in this forum |