Јавна чистота

Обично секое лето општините донесуваа контејнери за фрлање кабаст отпад, е сега што некои луѓе не се трпеливи да почекаат – тоа е веќе друга работа. Мислам дека дури и двапати годишно се правеа такви акции, но може грешам.

ова е огромен проблем кај сите маркети во градот, немаат свој систем за отпад па ги преполнуваат локалните контејнери... истото важи и за ресторани/кафулиња... ни требаат закони кај што нема да смеат фирми да се приклучуваат на се што е наменето за локално население

ТЕТОВСКИОТ ГРАДОНАЧАЛНИК КАСАМИ НАЈАВИ ДЕКА СО КАМЕРИ ЌЕ СЕ СЛЕДИ КОЈ ФРЛА ЃУБРЕ НАДВОР ОД КОНТЕЈНЕРИ

На првиот ден на пролетта и по повод Светскиот ден на планетата Земја, тетовскиот градоначалник Билал Касами почна акција за чистење на градот. Заедно со дел од општинската администрација поминаа по неколку тетовски улици и собираа отпадоци фрлени на тротоарите, а посетија и неколку точки во градот кои се сметаат за позагадени.

„Денеска на симболичен начин го одбележуваме Денот на планетата Земја. Ова е една во низата акции за чистење, со цел да ги сензибилизираме и информираме граѓаните дека доколку сакаме да живееме во чист град и чиста средина, треба да се научиме дека е полесно да не фрламе ѓубре, отколку некој тоа ѓубре да го собира од патот. Заедно со сите граѓани можеме да придонесеме да живееме во почиста средина“, изјави Касами.

И покрај ваквите залагања на тетовските општинари, градот и понатаму има проблем со преполните контејнери и сметот што се фрла насекаде околу нив. Касами најави набавка на повеќе контејнери, но и дека на одредени критични точки се размислува да се постават камери за да се утврди кој го расфрла сметот.

„Се обидуваме да обезбедиме контејнери за секаде каде што има потреба, иако и таму каде што ги има луѓето го фрлаат ѓубрето надвор од нив. Првин ни треба процес на сензибилизирање и едуцирање на луѓето, за потоа да дојдеме до казни, но за да казниме некого, ни треба и систем на идентификација. Планираме на некои покритични локации да се инсталираат камери за надзор, а се размислува снимките да одат директно на веб-страницата на општината за да може секој граѓанин да види кој се однесува несовесно и соодветно да се казни“, вели Касами

https://sdk.mk/index.php/dopisna-mrezha/tetovskiot-gradonachalnik-kasami-najavi-deka-so-kameri-ke-se-sledi-koj-frla-gubre-nadvor-od-kontejneri/

Околината на „Ист гејт мол“ далеку од луксузот на трговскиот



Дежурства на градските комунални редари спроти „Ист гејт“, а поднесени се и четири прекршочни пријави за неправилно одложување комунален отпад од страна на Инспекторатот на Град Скопје, информираа од таму.

Покрај засилените контроли се организира и дежурства на градските комунални редари на локацијата спроти трговскиот „Ист гејт мол“, каде што изминатиов период од несовесни граѓани континиурано неправилно се одложува комунален отпад и се создаваат диви депонии.

Градските комунални редари деновиве на самото место затекнале четири сторители и против истите се поднесени соодветни прекршочни пријави.

Екипи на ЈП „Комунална хигиена“ веднаш го подигнале отпадот, а просторот е целосно исчистен.

Од Градот апелираме отпадот да се одлага во садови наменети за комунален отпад во спротивно ќе следаат соодветни санкции согласно со Законот за јавна чистота. Секое исфрлање на отпад на јавни површини претставува кршење на Законот за јавна чистота и директно ја загадува околината.

Дежурствата на Инспекторатот на Градот продолжуваат и во наредниот период на целата територија на град Скопје.

https://nezavisen.mk/okolinata-na-ist-gejt-mol-daleku-od-luksuzot-na-trgovskiot/

Само комунална полиција,камери и казни најчесто за сопственици на минибуси и автобуси кои тука користат да ги исчистат по извозена тура.Слично беше и кај недоградениот Турски Театар ама сега пак почнаа да го градат и ги избркаа од тој плац.
Но колку што знам тука треба да никне нова зграда на Адора и паркингот си е приватен посед па така општинските власти само одвреме-навреме ќе поминат со по некоја акција ама залудно...
И куќаркиве ги оставија во Крњево да се распаднат чекајќи план и инвеститори.

Originally posted by Џоле Паркингот спроти Ист Гејт ми се чини не е исчистен едно десет години Утрово кога поминав оттаму не можев да поверувам колку ѓубре имаше, а најјако е што отспротива блешти од Ист Гејт, па дури и ги гланцаат плочниците со машини за чистење

За тој паркинг да биде чист има две решенија

1-пак да дојде папата(мај 2019 го гланцнаа ама тоа траеше 20-дена и пак по старо)
2-Адора да изгради зграда



Шала на страна,проблемот лежи во тоа што сите минибуси и автобуси кои не преноќуваат во Транспортен се на овој паркинг пред ВИП хотел и си ги чистат автобусите плус фрлаат и друг отпад и затоа сликата е таква.А мислам дека слабо стои паркингот и со контејнери и со канти за џебен отпад.

„ПАРКИНЗИ ОПШТИНА ЦЕНТАР“ ЌЕ БИДЕ ПРЕТПРИЈАТИЕ И ЗА ЧИСТЕЊЕ И МЕТЕЊЕ НА УЛИЦИТЕ И ПАРКОВИТЕ

Јавното претпријатие „Паркинзи Општина Центар“ (ПОЦ) ќе има нова дејност за одржување на јавната хигиена низ општината. Со тоа, покрај одржување на паркиралиштата и казнување за неправилно паркирање, претпријатието ќе ги чисти и мете улиците, парковите и плоштадите низ Центар.

Градоначалникот Горан Герасимовски вели дека веќе разговарал со директрот на ПОЦ Васко Кичевски за првичните постапки кои треба да се направат во претпријатието, за да се одвои и зајакне секторот јавна хигиена во посебен нов сектор.

Првично, треба да се дефинира новата структура на претпријатието и постапките за префрлање на хигиеничарите кои се вработени и механизацијата во ПОЦ. Потоа ќе се направи структура за потребните одделенија, број на координатори, поделба на општината на реони и проценка на потребните капацитети. Со ваков пристап, ќе бидеме сигурни дека ќе располагаме со доволно ресурси и прецизен план на работа за да ја одржуваме општината чиста. Анализата за структурата на новиот сектор ќе започне да се прави наредната недела, а по одлука на Советот ќе се започне со нејзино спроведување“, вели градоначалникот Герасимовски, и додава дека очекува тоа да профункционира наредната година откако ќе се предвиди буџет за дополнителната дејност.

За успешно функционирање на претпријатието потребно е да се набави и соодветна механизација. До крајот на февруари треба да се набави нова цистерна за чистење на улиците, а ќе се набават и три метларки и дополнително една помала за чистење на пешачките зони.

Герасимовски вели дека ќе се формираат и таканаречени маалски патроли, кои ќе бидат задолжени за грижа и заштита од уништување на јавното добро и урбаната опрема.

https://sdk.mk/index.php/dopisna-mrezha/parkinzi-opshtina-tsentar-ke-bide-pretprijatie-i-za-chistene-i-metene-na-ulitsite-i-parkovite/

од фб

Убаво е да се има станица за кабаст отпад, уште поубаво е да се празни редовно



Во јуни годинава жителите на Аеродром се израдуваа дека ќе се воведе макар и минимален ред во фрлањето на кабастиот отпад. Станицата за собирање на таков вид отпад кој ја нагрдува населбата во близина на спортската сала на почетокот нависитина ја имаше таквата функција. Но, како што одминуваше времето, таа се поретко се празнеше а се повеќе отпад се трупаше во неа.

Така е и во изминатиот период. Станицата е преполна а веќе со недели никој не доаѓа да ги собере фрлените фотељи, плакари, ормани, врати, прозорци… Ако нешто не се преземе аеродромци наскоро ќе добијат нова депонија во срцето на населбата.

Надлежните општински власти кои во јуни се пофалија со оваа идеја треба да побрзат да се расчисти оваа депонија. Или, веќе заборавиле на неа?

https://skopskoeho.mk/ubavo-e-da-se-ima-stanitsa-za-kabast-otpad-ushte-poubavo-e-da-se-prazni-redovno/

Скапаниот зеленчук во контејнерите шири зараза и смрдеа



Поради несоодветно складирање на органскиот отпад, исцедоците од гниењето и скапувањето на овошјето и на зеленчукот, создаваат „вирчиња“ по јавните површини, од кои се шири неподнослива смрдеа.

Расфрлани остатоци од домати, лубеници, скапани пиперки и друг вид овошје и зеленчук – ова е сликата што секојдневно може да се види во близина на садовите за складирање отпад.

Како резултат на тоа, секоја година во лето се шири неподнослива смрдеа од контејнерите, но и од индивидуалните канти за отпад. И не само тоа, непријатна миризба се шири и од расфрланите остатоци од храна, манџи, месо, но и недојадени салати, кои несоодветно складирани, а потоа фрлени во контејнер на температури повисоки од четириесет Целзиусови степени, претставуваат сериозна закана од ширење бактерии.

Хигиената на јавните површини е исклучително важна, но во време на светска пандемија, на неа треба дополнително да се внимава. За жал, поради несоодветно складирање на органскиот отпад, појавата на исцедоци од гниењето и скапувањето на овошјето и на зеленчукот, создаваат „вирчиња“ по јавните површини, од кои исто така се шири неподнослива смрдеа.

За жал, и покрај многубројните апели на надлежните институции околу правилниот начин на складирање на ваквиот тип храна, особено во летниот период поради високите температури, сепак дел од граѓаните и понатаму расипаната недојадена храна ја фрлаат директно во контејнер.

Поради несоодветното складирање отпад, проблем се јавува и поради истекувањето на органскиот отпад кога тој се префрла од контејнерите во камионите за ѓубре. При претурањето се исцедува целата количина на течност, по што остатоци се цедат во текот на движењето на возилото за собирање на отпад.

ЈП „Комунална хигиена“ апелира до граѓаните соодветно да се складира ваквиот отпад во овој период од годината.

-Наша препорака до граѓаните во летниот период е органскиот отпад да го одлагаат соодветно спакуван, со што ќе се отстрани можноста за создавање исцедоци во садовите за одлагање отпад и негово протекување од возилата наменети за транспорт на отпадот – апелираат од ова јавно претпријатие.

Освен со неправилното одложување отпад во садовите за таа намена, несовесното население од година во година фрла сè поголеми количини ѓубре и на места што не се дозволени за таа намена, создавајќи притоа огромен број диви депонии.

-Како резултат на несовесното одлагање на отпадот на јавни површини од поединци и правни субјекти, на територијата на нашиот град секојдневно се создаваат нови диви депонии, додека ЈП „Комунална хигиена“ континуирано работи на нивното расчистување, така што во текот на 2020 година екипите на Претпријатието отстранија 9.000 метри кубни отпад од диви депонии – објаснуваат од ЈП „Комунална хигиена“.

Оттаму велат дека во текот на 2020 година, екипите на ЈП „Комунална хигиена“ собраа и транспортираа вкупно 158.476 тони комунален отпад од домаќинствата во урбаниот и руралниот дел на градот. Количеството на подигнат отпад во 2020 во однос на 2019 година е зголемено за 4.713 тони, односно 3,07 отсто. Во 2019 година биле собрани и транспортирани вкупно 153.763 тони комунален отпад. Количеството собран и транспортиран отпад во 2019-та во однос на 2018 година е зголемено за 1.118 тони, односно 0,73 отсто.

-Можеме да заклучиме дека количеството подигнат и транспортиран отпад од домаќинствата на територијата на градот Скопје, секоја година сè повеќе се зголемува – велат од ова јавно претпријатие.

https://www.slobodenpecat.mk/skapaniot-zelenchuk-vo-kontejnerite-shiri-zaraza-i-smrdea/

Edited by stef4o - 20-Aug-2021 at 14:04