www.mia.com.mk


Edited by lslcrew - 02-May-2010 at 15:13

На толку дива сеча или други форми на свесно уништување, се запнаа за неколку дрва што наменски се сечат.

Жицницата му се заканува на Водно

Освен што дозволија сеча на дрва од парк-шумата „Водно“ без да биде подготвена Студијата за влијанието врз животната средина, експертите не одговорија како ќе се заштити животната средина

Дури откако почна да се подготвува теренот за изградба на жичницата од средно Водно до Милениумскиот крст, односно откако веќе еден месец се сечат дрвата од парк-шумата, надлежните се сетија дека треба да се изработи Студија за оцена на влијанието на проектот врз животната средина.

Еколозите останаа без одговор од надлежните претставници од Министерството за животна средина и просторно планирање на прашањето што ќе стане откако ќе заживее жичницата и кога парк-шумата „Водно“ ќе биде исполнета со посетители. Дали се предвидува и на кој начин ќе се обезбеди вода до горе; како ќе се изнесува отпадот и дали редовно ќе се прави тоа, како ќе бидат решени санитарните јазли, колку шума ќе се исече при изградбата на жичницата.

Експертите, ангажирани од Министерството, се оградија околу бројката на посетители. Таа, според нив, не може да се предвиди, бидејќи е различна во празници, за викенди и во работни денови. За отпадот се повикаа на Студијата, според која се предвидува редовно собирање на сметот за време на градбата на жичницата, но и потоа, за што е обврзан изведувачот. Не кажаа како ќе се собира сметот што низ целата парк-шума ќе го остават посетителите.

За сечата на дрвата одговори Никола Николов, професор на Шумарскиот факултет.

- За потребите на жичницата ќе треба да се исечат околу 5 хектари шума, но тоа нема негативно да влијае врз животната средина, зашто нема да се сечат сите дрва до корен. Ќе се сечат само високостеблестите, а нискостеблестите ќе се поткаструваат. Тоа ќе значи дека ќе се исечат само 0,1 до 0,2 проценти од вкупната дрвна маса, што е незначително - објасни Николов.

Магдалена Трајковска-Трпевска, експерт за оцена на влијанието врз животната средина од фирмата „Технолаб“, која Министерството за транспорт и врски ја избра на тендер за изработка на студија, укажа на позитивните ефекти од изградбата на жичницата, минимизирајќи ги негативните.

- Негативните влијанија ќе бидат посебно изразени во близина на градбата и ќе бидат локални и привремени. Тоа ќе бидат пред се' бучавата и правот, и тоа на почетната станица. Таму е планирана изградба на катни, подземни и надземни гаражи. Негативно влијание ќе има и врз флората и фауната поради деградација на нивната вегетација, нагласи Трпчевска. Според неа, изградбата на жичницата ќе има негативно влијание единствено врз птиците, поради нивниот евентуален судир со кабините.

Според Трајковска, жичницата на Водно ќе го поттикне социо-економскиот развој на општините Карпош, Центар, но и на Градот, ќе го подигне стандардот преку развој на туризмот и повеќе вработувања, ќе заживее локацијата, а ќе се зголеми и мотивацијата за рекреација на населението.

Позитивно влијание врз животната средина и човековото здравје ќе има со намалувањето на емисиите на издувните гасови, бидејќи со жичницата се очекува намалена фреквенција на возила во парк-шумата. Материјална придобивка од реализацијата на овој проект е што трасата на жичницата не минува низ урбанизирани места и зафаќа многу малку површина под шума. На трасата не се пронајдени археолошки локалитети, што значи дека нема никакво влијание врз културно-историското наследство. Почетната станица е избрана да биде на лесно пристапно место, кај црквата „Свети Јован“ во населбата Капиштец.

- Искористен е дел од патеката кој е многу малку пошумен, а речиси 90 проценти од земјиштето се во државна сопственост - нагласи Трпевска.

Анела Петрова

Изградба во две фази

Трасата на жичницата од средно Водно до врвот е кружна и ќе има три секции, кои ќе претставуваат техничко-технолошки целини што може да функционираат и како посебни објекти. Вкупната должина на целата траса е околу 3.000 метри.

Иако претходните најави од Министерството за транспорт и врски беа дека камен-темелникот ќе биде поставен кон крајот на март, сега се обезбедува градежно-техничката документација за реализација на проектот, по чие комплетирање ќе може да почне изградбата.

Жичницата ќе се гради во две фази. Првата фаза од проектот за изградба на жичницата е од средно Водно до Милениумскиот крст, на врвот на планината. Во втората фаза, која ќе следува по комплетирање на првата, жичницата ќе се изгради од црквата „Свети Јован“ во Капиштец до средно Водно. Жичницата ќе ја гради австриската фирма „Допелмаер“, која го доби тендерот за 6,7 милиони евра.

Станува збор за кабинска еднојажна жичница, која се предвидува да има 62 гондоли од затворен тип, а секоја од гондолите треба да има капацитет да превезе осум патници. Таа ќе има капацитет да превезе 1.200 патници на час.

Ги превртев сите ДУП-ови од Општина Карпош што се качени на нивната страна, неможам да најдам под кој опфат треба да е почетокот на жичарницава.  Може ли некој да го прецизира точно почетниот пункт каде точно кај болницата ќе биде тоа и ако може да видиме како тоа изгледа посочете кој опфат треба да е ова? Токму тука е границата со општина Центар, па да не случајно пунктот е на самиот раб нво рамки на Општина Центар?


Edited by lslcrew - 25-Mar-2010 at 05:03

Градењето на жичарницата се политизира

Изградбата на жичарницата на Водно до Милениумскиот крст нема да предизвика негативни еколошки последици врз заштитениот појас на парк-шумата. Оваа инвестиција има долгорочни позитивни влијанија врз животната средина и е услов за максимално искористување на предностите кои ги нуди локацијата. Краткорочни негативни последици се очекуваат во фазата на изградбата, но тие се минимални и можат да се контролираат. Ова се само дел од заклучоците од специјално изработената Студија за влијанието на проектот Жичарница Скопје Милениумски крст која, по нарачка на Министерството за транспорт, ја изработија експерти од фирмата Технолаб. На завчерашната презентација на студијата, претставниците на еколошките друштва ја повторија нивната сериозна забелешка поради тоа што сечата на дрвјата почнала без претходна детална анализа за влијанието врз биодиверзитетот во Парк шумата и побараа од надлежните, по реализацијата на проектот да обрнат поголемо внимание на третманот на отпадот што ќе го прават посетителите, што пак, го има во делот на препораките од студијата.

И покрај позитивните експертизи, политичките партии се обидуваат и на овој проект да му залепат партиска етикета. Вчера, градоначалникот на Карпош Стевчо Јакимовски ја обвини Владата дека "продолжува со недомислени проекти и покажа дека и е поважен чаламот и уметничкиот впечаток" бидејќи гради жичарница на само неколку метри до детската болница Козле.                                                                                                                                                                                                                                   http://www.vecer.com.mk/?ItemID=3441AC566B9B4346AA43A083183D837F

Јас колку што знам тука беше во близина само ресторанот Лаф Муабет. Дали е тој ребрендиран продаден или се работи за друг?

За жичарницата на Водно ќе се исечат 12.000 квадрати шума  

а оваа па локација ја погодија ептен! добро може едноставно делува бидејќи е пострана, но прво таму ќе се создава невидена гужва, а и воопшто нема да бие атрактивна за скопјани како локација, ајде туристите наврат нанос ќе ги носат дотаму но ова требаше да биде до некоа ачик место а не збутана настрана! смешно резиденцијални објекти ќе врвеле над водњанска па затоа ја изместиле кон козле, што не ја зајсоа кај матка може така уште подобро ќе беше! 

DENESEN DNEVNIK


Жичница за позелено Водно



Една од најголемите придобивки од изградбата на жичницата ќе биде намалувањето на издувните гасови, поради намалената фреквенција на возила во парк-шумата, а се очекува и поттик на социо-економскиот развој на Центар и Карпош, развој на туризмот, повеќе вработувања и зголемена мотивација за рекреација на населението

Со изградбата на жичницата на Водно се очекува поттик на социо-економскиот развој на општините Центар и Карпош, развој на туризмот, повеќе вработувања, заживување на локацијата, како и зголемување на мотивацијата за рекреација на населението. Една од најголемите придобивки ќе биде тоа што ќе се намалат издувните гасови, поради намелената фреквенција на возила во парк-шумата. Ова се дел од позитивните влијанија од изградбата на жичницата до врвот на Водно, кои се посочени во Студијата за стратегиската оцена на влијанието на овој објект врз животната средина, што беше презентиран завчера попладне. Изработката на студијата ја побарало Министерството за транспорт и врски, а работата ја заврши фирмата „Технолаб“.

Материјална придобивка од реализацијата на овој проект е што трасата не минува низ урбанизирани места, а не се пронајдени археолошки локалитети, што значи дека нема да има никакво влијание врз културно-историското наследство.

Почетната станица е избрана да биде на лесно пристапно место, кај црквата „Свети Јован“ во населбата Капиштец, а според извештајот, таа траса е најсоодветна, бидејќи не минува низ објекти и зафаќа малку површина под шума.

- Оваа варијанта на трасата беше најповолна, бидејќи минува низ предел каде што нема објекти. Искористена е патеката што е малку зафатена со шума, а речиси 90 отсто од земјиштето се државни. Оваа траса има предност што минува кај болницата за белодробни заболувања „Козле“, каде што е предвидена алтернативна станица за евентуални излети на децата кои се лекуваат во неа. Кога ќе има вакви излети, жичницата нема да биде отворена за останатото население - вели Љубомир Ивановски од „Технолаб“.

Постоеле уште две алтернативи за почетна станица на жичницата, но тие не се прифатени.

- Една од варијантите беше жичницата да почнува кај хотелот „Александар палас“. Но, така трасата би била многу долга, а една третина би минувала низ рамничарски дел, со што се губи во атрактивноста. Втората варијанта беше почетната станица да биде кај „Рамстор“, бидејќи е близу до подножјето на Водно. Но, трасата требаше да минува низ повеќе објекти, станбени, резиденцијални и конзуларно-дипломатски, па не беше земена предвид - рече Ивановски.

Негативното влијание на проектот ќе трае се' додека трае реализацијата, а најмногу ќе биде изразено врз флората и фауната.
- Негативните влијанија ќе бидат посебно изразени во близина на градбата и ќе бидат локални и привремени. Тоа ќе биде, пред се', појавата на бучава и прав и тоа на почетната станица, каде е планирана изградба на катни подземни и надземни гаражи. Негативно влијание ќе има и врз флората и фауната заради деградација на вегетацијата - нагласи Ивановски.

Според мислење на екипата од биолози и други ангажирани стручњаци жичницата негативно ќе влијае врз птиците, поради нивниот евентуален судир со турбините.

Ивановски нагласи дека не се очекуваат значителни влијанија врз почвата.

- Опасноста од ерозија ќе биде спречена со тоа што при расчистување на теренот

ќе се сече само високостеблестата вегетација, а нискостеблестата ќе остане - рече Ивановски.

Меѓутоа, ниту тој ниту претставниците од Министерството за транспорт не кажаа колку квадратни метри шума ќе мора да се исечат.

- Дури кога ќе се изработи конечната верзија на студијата, ќе се знае колку кубни метри дрва ќе биде потребно да се исечат за жичницата. Во моментов ова прашање не е предмет ниту на јавна расправа ниту на планската документација. Тоа ќе биде последица при реализацијата и ќе се врши во согласност со законите - образложи Рада Филиповска, раководител на Секторот за уредување на просторот.

Сечењето на шумата на Водно почна пред една недела. Тогаш работниците на „Паркови и зеленило“ и на „Македонски шуми“ рекоа дека ќе биде соголен терен долг 4-5 километри, со ширина од 18 метри.

Жичницата ќе ја гради австриската фирма „Допелмаер“, која го доби тендерот за 6,7 милиони евра. За тие пари таа треба да ја изгради првата фаза, од Средно Водно до Милениумскиот крст и да ја пушти во употреба. Вкупната должина на целата траса е околу 3.000 метри.

Анела Петрова

@Supervisor

Edited by UrbanFreak - 18-Feb-2010 at 22:58