Црква на Плоштад Македонија

Дечки не верувам во овие работи но сепак да го дадеме својот глас

http://www.petitiononline.com/0511/petition-sign.html

Еве го текстот на петицијата... добро срочен без партиски заднини

To:  Vlada na Republika Makedonija Go davame svojot glas PROTIV idejata na Vladata na Republika Makedonija za izgradba na crkva na ploshtadot Makedonija vo Skopje: Poradi toa sto ovaa ideja pretstavuva ushte eden upad vo estetikata i urbanistichkata racionalnost na centralnoto gradsko jadro; Poradi toa sto postojat bezbroj ostanati sferi na koi povekje im se potrebni javnite pari; Poradi toa sto Crkvata e ustavno odvoena od drzavata; Poradi ramnopravnost na site verski zaednici vo Republika Makedonija i bez namera da gi navredime religioznite cuvstva na nashite sogragjani; Najiskreno, Gragjanite na Skopje Sincerely, The Undersigned

Edited by pbanks - 28-Jan-2008 at 13:34

Како што рече UrbanFreak, се отвори Пандорината кутија. Се плашам од повторно влошување на меѓуетничките односи, особено не во вакви критични моменти.

Веќе го гледам конкурсот, на кој се ќе се направи да победи мистер Жан и неговата тајфа.

epa super! Neka ja izgradat i crkvata u tie dimenzii, dzamijata namesto oficirskiot, evrejski centar imame od karsi, fali uste eden budisticki hram pred risticeva i site ke ziveeme zadovolni zaedno! Samo napred!!

A me interesira kolku e visoka zgradata na ESM ako nekoj znae...

Originally posted by Cloverstack Ај те молам... Јаката надеж. Нив ставот им е исто идиотски. Па и самиот кажуваш дека они поише сакаат да градат џамија (како „компензација“), него што имаат принципиелни забелешки на црквата.

Па баш тука е цаката. Исламската заедница да побара да гради џамија на плоштад како компензација. Во тој случај и народот а и владата ќе си речат „епа може боље да не чепкаме таму кај што не треба и да ја баталиме оваа идеја за црква на плоштад„. Али како проблем се јавува и можноста да се инаети валдава и да изгради и црква и џамија .

Надежта е во тоа што можеби барањата на исламската верска заедница ќе бидат толку апсурдни што владава ќе се откаже од нивната „европеизација„ на центаров.

Ретко кога читам колумни во последно време но





Единствен новинар до сега кој јасно и гласно кажа се што требаше да биде кажано без притоа да се кокетира со власта и со МПЦ во кој дух впрочем беа сите реакции на новинарите и архитектите до сега (освен Грчев).

Свеќа за плоштадот Со изградба на црква на еден веќе дефиниран простор нема да станеме европска метропола, туку место на кое се спојуваат и судираат урбанистичко-коруптивни зделки, етнички делби и политички концепти Треба, нели, да се биде безбожник па да се крене гласот против изградба на црква. Зарем во време кога се обновува значењето на верата за опстанувањето на нацијата, некој може да се спротивстави на неочекуваната идеја да се изгради православен храм на централниот скопски плоштад? Особено кога ќе се протне „аргументот“ дека речиси нема европска метропола без црква или катедрала на плоштадот. Или кога ќе се истакне дека нашава црква ќе го носи името на најпочитуваниот светец во православниот свет, кое патем, случајно или не, се совпаѓа со името на актуелниот премиер. Но, може да се каже нешто друго што зборува за човечката волја, за духот на времето што сите овие години го доживуваме и го гледаме како се воздигнува и пропаѓа на отворениот простор на градот, кој е центар на државната политика. Може ли во еден град, на неговиот највреден простор, да се подигнува каков и да е објект само затоа што идејата ја дал лично премиерот? Досега, барем така формално беше поставена таа висококоруптивна сфера на нашиот урбанизам, за тоа се бараа дискусии, расправи, предлози и закони за она што може да се гради. Сега гледаме дека е доволен еден збор, една желба за на сите нивоа, онака, демократски и најекспертски, да се прифати промена за која претходно воопшто немало место во детаљниот план. И тоа да не беше спорно, дали навистина со изградба на нова црква ќе го направиме нашиот плоштад да личи на европски? Наместо да добиеме плоштад што ќе биде препознатлив по оригиналниот естетски концепт и изглед, се планира некаква проста збирштина на различни стилови во архитектурата и урбанизмот. Имавме плоштад, па имавме катастрофален земјотрес. Имавме план и визија за модерен град, па неуспех да го реализираме тоа. Добивме половични градби, незнаење што да правиме понатаму, желба да ги вратиме урнатите објекти на кои носталгично се сеќаваме, да ги пресадиме од социјализмот во сега променетиот простор и, на крајот - црква. За да има црква, целиот плоштад треба да биде логистичка и урбанистичка основа за тој концепт. Не може да има црква и да има Градски трговски центар, и Стоковна куќа, и Пелистер и тезги... Може ли некој да ги спои овие градби со духовноста со која зрачат европските плоштади? Тие градби не се нови, изградени се со осмислен концепт пред многу години, а не се отпосле ставени во сендвич од постојни објекти. Дури и одново да се прави урбанистичкиот концепт, тоа е скап проект, кој бара многу повеќе пати и усогласување отколку што е потребно идејата да се најави бланко. Со изградба на една црква на еден веќе дефиниран простор нема да станеме европска метропола. И сега, како и сиве години, главниот скопски плоштад постепено, но сигурно станува место на кое се спојуваат и судираат урбанистичко-коруптивни зделки, етнички делби и политички концепти. Затоа, утре нема да не' изненади ако слушнеме дека на некое друго место, некој министер предложил, а Владата едногласно прифатила, на некој централен простор да се изгради џамија. Притоа, некој можеби и ќе се запраша зошто педесетина години не и' се даваат дозволи за изградба на храмови на протестантската христијанска заедница во земја што гарантира верска рамноправност? Не треба да заборавиме дека Македонија е мултиетничка и мултиконфесионална земја и нејзината метропола треба да биде вистински одраз на тоа заедништво. За жал, кога земјава ќе ја маркираат со крстови и со минариња, „нормално“ дека и плоштадите ќе дојдат на ред. За доброто на градот и неговите естетски вредности, за почитувањето на верските чувства на сите граѓани и на демократијата во земјава, да запалиме свеќа со надеж дека оваа идеја никогаш нема да се реализира. Бранко Горгевски

Извор: Дневник

Ако се отвори еднаш Пандорината кутија после ќе биде касно. Тоа ќе значи секоја верска заедница ќе бара пари и дозвола за градби на свои објекти а правилата кои се донесени да изградат правен поредок и урбанизиран град ќе бидат само парче хартија. Грујо влегол во императорски филм.

Свети Никола???  Како и да е, мило ми е што исламската заедница крева глава, они ни се единствена надеж да се сопре ова лудило. Али како што тргнале работиве, на плоштад ќе имаме и џамија и црква. Ваљда ќе се натпреваруваат која ќе биде повисока .

До кога со овие рисјански глупости???

ОДЛУКАТА ЗА ДУХОВЕН ХРАМ НА ПЛОШТАДОТ ГИ РАЗБРАНУВА ДУХОВИТЕ

Владината црква не доби благослов

Експертите предупредуваат дека ќе се наруши урбанистичкиот концепт на центарот, а Исламската заедница побара да се обнови џамијата кај Камениот мост

Со изградбата на црквата во центарот на Скопје ќе се наруши урбанистичкиот план и концепт на централното градско подрачје, но и верската рамноправност на граѓаните, сметаат експерти и претставници на верските заедници. Повеќемина архитекти и духовни водачи вчера реагираа со тврдење дека со вметнувањето на верскиот објект, но и на другите објекти околу главниот плоштад, ќе се задуши овој простор.

Архитект м-р Сашо Блажевски, кој пред пет години со своите колеги ја доби првата награда за идејно решение за градскиот плоштад, вели дека не е изводливо токму на предвидената локација меѓу стоковната куќа „Типо“ и ресторанот „Дал мет фу“ да се гради црква, како што решила Владата.

- Не знам колку е изводливо токму таму да се гради црква и тоа со големина приближна на Соборниот храм. Таков објект не е предвиден ниту со најновите измени на детаљниот урбанистички план за Малиот ринг. Како идеја, изградбата на црквата е во ред, бидејќи треба да знаеме да си го зачуваме културното наследство, но сепак треба да се види на кои полиња тоа би било најефективно - смета Блажевски.

За архитект Климент Грозданов, иницијативата за изградбата на црквата на плоштадот не звучи баш премногу добро.

- Сметам дека би било подобро да се најде друга локација, бидејќи плоштадот почнува да добива некаков лик. Доволно е тоа што веќе ги има телекомот, „Лумикс“, зградата на „Електростопанство“ и не би требало повеќе да се гради - потенцира Грозданов.

Никола Велковски, поранешен главен градски архитект, вели дека не е против изградбата на црквата, но додава дека во Генералниот урбанистички план на град Скопје децидно стои дека кога се предвидува измена на детаљниот план со кој е опфатен и плоштадот, потребно е да се слушне мислењето на стручните лица и на граѓаните. Архитектот Јован Стефановски - Жан, автор на решението на Милениумскиот крст на Водно, смета дека идејата е во ред и дека таа треба добро да се осмисли и испроектира.

Од Исламската верска заедница во Македонија вчера побараа и ним да им се овозможи да ја возобноват некогашната Бурмали-џамија, која се наоѓала до Камениот мост. На тоа место наскоро треба да почне обновата на Офицерскиот дом.

- Кога веќе Владата дава средства за изградба на црква во центарот на Скопје, тогаш ИВЗ очекува и таа да добие пари за верски објект. Владите досега одвојувале некои државни пари за градба и поправка на неколку џамии, но тие беа симболични. Ние не сме се откажале од барањето да ни се врати земјиштето кај Камениот мост, на кое во минатото била Бурмали-џамијата, а сега таму се планира да се обнови Офицерскиот дом. Ние треба да добиеме соодветна компензација за тоа место. Впрочем, во централното градско подрачје нема џамија наменета за верските потреби на муслиманите што живеат на тоа подрачје. Вака се прави и верска поделба на градот, при што граница е реката Вардар - изјави поглаварот на ИВЗ, реис-ул-улема Сулејман Реџепи.

Иван Грозданов, главен проповедник на Христијанската баптистичка црква во Македонија смета дека одлуката на Владата да изгради црква во центарот на Скопје претставува грубо кршење на правата на другите верски заедници.

- Очигледно е дека Владата од земјава почна да прави средновековна црковна држава. Тоа е грубо кршење на духот на Уставот и на гарантираната рамноправност на верските заедници. Евангелско-протестантски христијански цркви веќе 50 години не можат да добијат дозвола да изградат свои објекти во градот. Зошто не се земе примерот на Хрватска која им помага на сите верски заедници во земјата - вели тој.

Портпаролот на Владата, Ивица Боцевски, вчера објасни дека изгледот и цената на изградбата на црквата ќе се знае откако ќе се избере најдоброто идејно решение. Тој рече дека Владата е во „постојана комуникација со ИВЗ околу нивните барања“.

- Парите за градбата ќе се обезбедат од Буџетот. Владата и досега издвојуваше државни средства за поправка и санација на верските објекти - нагласи Боцевски.

По изборите во 1998 година, во периодот кога премиер беше Љубчо Георгиевски од ВМРО-ДПМНЕ, беа издвоени значителни буџетски средства за изградбата на Милениумскиот крст на Водно и за црквата „Свети Пантелејмон“ на Плаошник крај Охрид.

Се готви името „Свети Никола“?

МПЦ се' уште не решила како ќе се вика црквата, но, според сознанијата, поголеми биле шансите таа да се нарече „Свети Никола“ отколку „Свети Константин и Елена“, како црквата која се наоѓала на денешната локација на Градскиот трговски центар.

- Конечната одлука ќе се базира на анкетираното мислење на верниците за најпочитуваниот светител во православниот свет - изјави вчера еден член на Светиот синод на МПЦ.

Весникот на албански јазик „Коха“ завчера објави дека верскиот објект ќе ја опфати и локацијата на која некогаш се наоѓала родната куќа на Мајка Тереза. Стојан Тренчевски од граѓанската асоцијација „Мајка Тереза“ изјави дека добил убедувања дека објектот, сепак, нема да се гради на тој простор.

(А.П. - Б.Ѓ.)

http://www.dnevnik.com.mk/?ItemID=4D15C5B6AACCEF4A8273AF3B2F8A8A5E

Edited by gotsomekicks - 26-Jan-2008 at 13:26

Значи се оди уште подалеку со будалаштините...

30 метри висина на црквата и 50 метри висина на камбанаријата... Браво нема што

Само зошто се крена цела побуна против лумикс - низок објект кој е според урбанистичкиот план, кој беше сосема легален и кој на крајот на краиштата ја прати формата на просторот и градежните линии... Дури и привремено ја спречија неговата изградба, но беа неажурни во наоѓање на локација за компензација, па така сепак Лумикс се изгради. Сега токму надлежните туркаат нешто на незацртана локација, нешто што апсолутно не може да се вклопи просторно, па дури протежираат и толкава висина! Е како скромниот и легален Лумикс е лош, а ова илегално неартикулирано чудовиште ќе било добро?

И друга многу важна работа - за каква обнова зборуваат дебиливе, кога оваа нова црква ниту би била на истата локација, ниту би го имала истиот изглед, а ако е точен текстов, дури не би го носела ни истото име... Нема тука ни најмали елементи на обнова на таа стара црква на која се повикуваат.


Edited by Cloverstack - 26-Jan-2008 at 18:56