Новогодишно украсување

По повод новогодишните и божикните празници хотелот “Епинал“ во центарот на Битола веќе е украсен со илјадници сијалички во препознатлива сино небесна боја. Традиционално години наназад најукрасен дел од Битола, по повод престојните празници е хотелот “Епинал“ и неговата околина. Како и секоја година така и оваа менаџерскиот тим на хотелот и вработените прават се нивниот хотел да биде најубаво украсен дел од Битола. Украсувањето тука започнува најбрзо и веднаш завшува, а не се дозволува тој да блесна само во некој дел или тоа да не биде комплетно. Украсувањето на надворешниот дел од “Епинал“ траеше само два дена, а беше под будното око на сопственикот, Ристо Пеев, кој специјално од Австралија, допатува во Битола. Чичко Ристо два дена ги помина со луѓето кои го украсуваа хотелот, внимавајќи и давајќи му сугестии за тоа како да изгледа секој квадратен сантиметар на екстериерот на хотелот. Оваа година покрај редовното уредување на главниот влез во хотелот “Епинал“ и градската кафеана се уреди и ново отворениот хотел “Широк Сокак“ кој е во состав на “Епинал“, а украсени се е двата дела на хотелот каде се собите за сместување на гостите. Посебно е внимавано на дрворедот кој е пред хотелот, од потегор на улицата па се до стариот влез на киното “Трудбеник“, пред градската кафеана, дел од казиното и ново-отворениот хотел “Широк Сокак“. Сега ова прекрасно место е комплетно осветлено, а не само битолчани, туку и граѓаните на соседните општини доаѓаат секојдневно да се фотографираат на влезот и на другите места. Не ретки се и гостите од соседна Грција, кои исто така се воодушевуваат од тоа како е среден хотелот, кој е најпрепознатлив објект во Битола. Веќе неколку години наназад хотел “Епинал“ ја добива главната награда која ја доделува локалната самоуправа за најдобро уреден деловен простор, а со оглед на тоа како сега е “Епинал“ однадвор и како ќе биде уреден внатре сигурно нема да има дилема кај ќе отиде наградата.

http://informator.ws/novosti-od-bitola/19264-2010-12-07-21-53-31.html

P.S. Ако може некој гевгеличанец да го слика Фламинго, украсите се неверојатни!

Edited by гитардемон - 09-Dec-2010 at 13:10

Јане Сандански од Транспортен до Бисер.... Незнам за Видое Смилевски Бато... Не сум поминал... Ама и тој е накитен... Колку што можев да фатам...

„Јане Сандански“ во Аеродром блеска! Прекрасно свети.
Вчера поминав и по Детска улица, каде што ѕвезденото небо е веќе поставено, прочитав дека вечерва ќе се пушта во употреба. И во Бисер почнале нешто да китат...

Почна украсувањето на градот

Фирмата „Линк медиа плус“, освен градот, ќе ги украсува и општините Аеродром и Центар. Оваа фирма веќе втора година по ред се ангажира за истата работа, и покрај тоа што нејзиниот сопственик Ѓорѓи Вуков си доби неколку кривични пријави поради затајување данок. Не е јасно зошто, и покрај лошиот публицитет, повторно се одбра истата фирма за украсување.

На триесетина дена пред крајот на оваа и зачекорувањето во новата година, градот полека почна да се украсува, а ангажирани се и градските власти и општините. И покрај фактот дека плоштадот е речиси нефункционален поради градилиштето во центарот, бина и новогодишна елка сепак ќе има. Бината ќе биде поставена меѓу спомениците на Гоце Делчев и Даме Груев, додека елката ќе порасне малку понастрана - во тревникот меѓу плоштадот „Македонија“ и паркиралиштето кај „Телеком“.

Градските власти соопштија дека украсувањето на градот ќе почне од улицата Даме Груев, булеварот Илинден на потегот од мостот „Гоце Делчев“ до крстосницата со улицата Рузвелтова, Партизански одреди до крстосницата со улицата Франклин Рузвелт, Димитрие Чуповски, 11 Октомври, ВМРО и улицата Васил Аџиларски.

Празнично украсување е планирано и за просторот пред Судската палата, галеријата „Чифте-амам“ во Старата чаршија и паркот „Жена-борец“.

Украсувањето треба да заврши до средината на идниот месец. Планирано е во сета декорација да преовладува белата боја. Кој ќе ги забавува скопјани за време на најлудата ноќ сé уште останува енигма и покрај шпекулациите дека повторно ќе настапи хрватската пејачка Даниела Мартиновиќ. Од градот велат дека новогодишната програма ќе биде објавена наскоро. За декорирањето и за новогодишниот огномет градот ќе потроши 6.174.645 денари, а за декорацијата, како и лани, ангажирана е фирмата „Линк медиа плус“. Истата фирма ќе ги украсува и општините Аеродром и Центар.

Оваа фирма веќе втора година по ред го украсува градот, и покрај тоа што нејзиниот сопственик Ѓорѓи Вуков си доби неколку кривични пријави поради затајување данок.

Не е јасно зошто, и покрај лошиот публицитет, и градот и општините повторно ја одбраа истата фирма за новогодишното декорирање. Од општината Центар велат дека само таа фирма се пријавила на распишаниот тендер, па тоа е единствената причина поради која токму таа е избрана.

- Со новогодишно украсување ќе се почне во текот на идниот месец, околу 15 декември. Фирмата „Линк медиа плус“ е избрана по пат на транспарентна јавна набавка, како единствена што се пријави на тендерот за новогодишното украсување на општината. Општината ќе издвои 1,2 милион денари за китење на кружниот тек во Дебар Маало, како и улиците Пиринска и Михаил Цоков, дворот и малиот зелен триаголник пред општината, урбаниот и паркот на новинарите, но и улиците Орце Николов и Народен фронт.

За декорација ќе послужат светлосни мрежи и фигури, кои ќе се закачат на уличните светилки, како и светлосни лустери - велат од општината Центар.

Општината Аеродром нема да чека со украсување до идниот месец, па викендов со вклучување на новогодишните светилки симболично ќе почне претпразничното расположение. Новогодишна прослава пред ТЦ „Бисер“ по сé изгледа нема да има.

- Општината Аеродром склучи договор со фирмата „Линк медиа плус“ за набавка на светлечки синџири за професионално декорирање на јавни површини за новогодишно осветлување и украсување. Во согласност со договорот светлечките синџири ќе може да се користат за украсување и во наредните години, а вредноста на договорот ќе се утврди врз основа на поставените светлечки синџири на терен. Единечна цена на еден светлечки синџир со лед-светилки во бистра боја и трајност до 50.000 часа е околу 2.000 денари. Средствата се обезбедени од буџетот на општината. Целосно украсени ќе бидат булеварите Кузман Јосифовски-Питу, Јане Сандански и Видое Смилевски-Бато, а ѕвездено небо ќе има на Детската улица, односно улицата Тоше Проески, во Ново Лисиче. Очекуваме во почетокот на декември нашата општина да биде најубаво украсена во градот - велат од општината Аеродром.

Со ѕвезди, комети, топки и елки ќе се накити општината Ѓорче Петров. Украсите ќе бидат направени од светлечки црева, а ќе преовладува белата, жолтата, сината и црвената боја.

Од Кисела Вода, пак, сé уште немаат одбрано фирма за украсување и велат дека декорот ќе биде скромен.

- Сé уште е во постапка собирањето понуди за набавка и монтажа на новогодишни украси - во висина до 300.000 денари, во согласност со Законот за јавни набавки. Со оглед на финансиската состојба во која се наоѓа општината, годинешното украсување на јавните површини ќе биде скромно и слично на минатогодишното - вели Марјан Спасески, портпарол на општината Кисела Вода.

Што ќе се случува, и дали нешто воопшто ќе се случува, во општините Карпош, Гази Баба, Бутел и Чаир, сé уште не е познато.     

http://www.novamakedonija.com.mk/NewsDetal.asp?vest=112710102499&id=14&setIzdanie=22144

Елката во трева, бината меѓу Гоце и Даме Елката висока 20 метри и центарот ќе светат бело, накитени со нови украси Новогодишната елка и централната бина за пречекот на Новата година, сепак, ќе бидат поставени на плоштад и тоа бината на старото место, меѓу спомениците на Гоце Делчев и Даме Груев, а елката малку понастрана, во трева. Отворените градилишта, велат од Градот, нема да бидат пречка бината како и лани да се наоѓа пред Камениот мост. Елката ќе има нова локација и ќе се постави во зеленилото помеѓу плоштадот и паркиралиштето кај МЕПСО. Од „Линк медија плус“, фирма ангажирана за речиси 100.000 евра новогодишно да го украси градот, информираат дека елката ќе биде висока 20 метри и украсена со бели сијалички и лампиони. Бел новогодишен декор ќе имаат и улиците „Даме Груев“, „Илинденска“ од мостот „Гоце Делчев“ до раскрсницата со улицата „Франклин Рузвелт“, а украсени во бело ќе бидат и „Партизански одреди“ до раскрсницата со „Франклин Рузвелт“, „Димитрие Чуповски“, „11 Октомври“, „ВМРО“ и улицата „Васил Аџиларски“. Новогодишна декорација ќе имаат и просторите пред Судска палата, пред галеријата Чифте-амам во Старата скопска чаршија и вообичаено и паркот „Жена-борец“. „Сите локации во центарот на Скопје, за чие украсување е задолжена нашата фирма, ќе бидат осветлени со бели сијалички и разни фигури во бела боја. Речиси 80 отсто од декорацијата, која ќе ја искористиме годинава е нова, што значи нови украси, нови светлечки црева, сијалички... Огнометот годинава ќе трае 5 минути, пократко од лани, но ќе биде поубав“, објаснуваат од „Линк медија плус“, кои имаат обврска да го накитат градот до 15 декември. Вообичаено, новогодишниот декор ќе остане до 15 јануари. Од Градот велат дека допрва ќе договараат со организаторот на прославата дали и каде ќе има тезги со новогодишни дреболии, како и импровизирани фотостудија за сликање со Дедо Мраз. (Дс.Т.)

http://www.utrinski.com.mk/?ItemID=4E84A786BA47C64E88D3C8E4F62A66B1

Вчера официјално започнала да свети елката на плоштад, слушам тоа се случувало во живо на Сител.

Ај на здравје нека е, оваа година фала Богу навреме почна

Предновогодишната атмосфера во Битола ВТОРНИК, 08 ДЕКЕМВРИ 2009 22:25    Предновогодишната атмосфера во Битола Оваа година во градот почнува нешто порано да се чувствува празничната атмосфера. Полека почнуваат да се украсуваат објектите, куќите, Битола го развива своето предновогодишно расположение. За оваа атмосфера на Широк Сокак во голема мера придонесува хотелот Епинал, кој веќе неколку години е меѓу првите украсени објекти во градот. И продавниците веќе почнуваат да ги нудат новогодишните и божиќните украси. Минатата недела се започна и со обновување на украсните елементи низ градот кои се неисправни, а за оваа година се најавија и нови елементи. Градоначалникот најави дека до 20 декември ќе го добие празничниот сјај.

http://makmreza.com/Doma/index.php?option=com_content&view=article&id=665:prednovogodisna-atmosfera-vo-bitola&catid=81:bitola&Itemid=197

Симпатично 

ЃОРЧЕ ПЕТРОВ Украсување на улиците Пет светлечки топки, шест големи елки, повеќе од 400 светлечки елементи и 3.000 метри украсно светлечко црево деновиве ќе бидат поставени на улиците во општината Ѓорче Петров, во пресрет на новогодишните празници. Од Општината најавуваат дека украсите ќе бидат поставени на улиците Ѓорче Петров, 4 Јули, на дел од Партизанска, потоа на Циборовски и во Реонскиот парк, а оваа година за првпат ќе бидат украсени и улиците Лука Геров, Воин Драшковци и центарот на населбата Волково. Е.М.

Јас зборувам за една огромна. Веројатно не е проблем да се сече една елка. Ако ништо друго дрвокрадците крадат илјадници дрвја од секаков вид, секоја година. Друго е сите по дома да имаме природна елка, друго е една огромна за „метрополата“.

Плус, природно си е природно

Edited by гитардемон - 03-Dec-2009 at 02:25

Мислам дека е навистина друг филингот. Ако ништо друго, не мора да е природна, доволно е да има нешто што личи на елка, со вештачки иглички пример. Ама она со светлечките црева навистина не личи на ништо, тоа е цела поента. Колку што сум запознат, традицијата е да се кити елка, а не да се врзуваат црева кои личат на елка. :/ Ако ништо друго елката е традиција, затоа и се прави.