Кучиња скитници

ОПШТИНА ВЕЛЕС ЗА ШЕСТ МЕСЕЦИ ИМ ИСПЛАТИЛА 35.000 ЕВРА НА ГРАЃАНИТЕ КОИ БИЛЕ КАСНАТИ ОД КУЧЕ

За половина година, од буџетот на Општина Велес се исплатени 2,13 милиони денари (35.000 евра) како
обесштетување за каснување од куче. Стигнале 34 пријави од оштетени граѓани.

„Дел од средствата се исплатени по пат на спогодба, дел по основ на судска пресуда. Како обесштетување од општинскиот буџет се исплатени вкупно 2.132.954 денари“, велат од локалната власт.

Лани биле исплатени 2,7 милиони денари за 69 случаи, во 2019 година 2,3 милиони, а во 2018 година 1,7 милиони денари за 58 претставки.

Во првите шест месеци од годината, на Инфективното одделение на велешка болница биле пријавени 26 граѓани кои побарале помош откако биле каснати од куче. Оваа бројка се однесува и на кучињата бездомници и на кучињате кои имаат сопственици, а такви случаи имаше неколку, според билтенот на СВР Велес.

„Исплатени се огромни суми од општинскиот буџет по тужби на граѓани, кои наместо за инфраструктурни работи, ги даваме за обесштетување“, вели градоначалникот Аце Коцевски.

Локалната власт го решава проблемот со бездомните кучиња во соработка со „Пансион Гиовски Тим“, со кого има склучено договор за заловување, стручен третман и грижа на кучињата скитници, кои потоа се враќаат назад на улица.

„Оваа пракса ‘залови, кастрирај, вакцинирај, пушти го‘ не дава резултати, тоа е евидентно. Потребно е залови и смести, да се изгради стационар, прифатилиште“, вели Димче Никушев, претседателот на здружението „Вила Зора канис“.

Здружението „Гласот на животните“ располага со стационар кој згрижува повеќе од 150 бездомни кучиња. Овој стационар, во сопственост на невладина организација, функционира на основа на донации од поединци и фирми и таму волонтираат членовите на здружението.

„Проблемот не се кучињата скитници, туку неодговорните сопственици, кои ги оставиле на улица“, вели Меги Ѓорѓиева-Ѓаков од „Гласот на животните“.

https://sdk.mk/index.php/dopisna-mrezha/opshtina-veles-za-shest-mesetsi-im-isplatila-35-000-evra-na-graganite-koi-bile-kasnati-od-kuche/

Ако „Лајка“ ви го залови кучето, ќе мора „дебело“ да платите

Од „Лајка“ тврдат дека наплаќаат по ценовникот изгласан од Советот на Град Скопје, а дека неодговорните сопственици ги пријавуваат во Агенцијата за храна и ветеринарство, па тие ги казнуваат

Доколку на некој граѓанин му избега кучето, па го заловат шинтерите на ЈП „Лајка“, тогаш, за да си го земе назад од нивниот стационар, сопственикот ќе мора длабоко да си брцне во џебот, бидејќи тоа скапо ќе го чини. Колкава е точната или приближната сума од „Лајка“ не одговараат, но граѓаните тврдат дека може да биде и до 300 евра.

-Зошто наплаќате ненормално многу кога ќе заловите домашен миленик што случајно избегал од дома? Човек треба кредит да подигне за да си го земе кучето од кај вас. Срамота! – револтирано коментира скопјанка под објава на Фејсбук.

Од „Лајка“ тврдат дека наплаќаат по ценовникот изгласан од Советот на Град Скопје, а дека неодговорните сопственици ги пријавуваат во Агенцијата за храна и ветеринарство па тие ги казнуваат.

Одговарајќи им на граѓаните, со коментари на нивните реакции, од ЈП „Лајка“ велат: „Зошто мислите дека од буџетот (пари на сите граѓани) треба да решаваме нечии домашни проблеми и за домашни кучиња со неодговорни сопственици да ги покриеме направените трошоци од пари на сите граѓани?“, и уште додаваат: „Кога возилото ќе ви го земе пајак-служба за непрописно паркирање, сигурно плаќате. Така и со домашните миленици, кои од која било причина се најдени на јавна површина без сопственик“.

Во ценовникот што го спомнуваат од претпријатието што треба да заловува и да се грижи за бездомните кучиња, кои ги има многу по скопските улици, пишува дека заловување домашни миленици од јавни површини чини 2.000 денари, читање на микрочип кој не е вграден во ветеринарната служба на „Лајка“ 100 денари, клинички преглед е 200 денари, испитување крв од 200 до 600 денари, додека за престој, храна и нега на кучето во стационарот треба да се плати од 100 до 200 денари на ден. Како се стигнува до големите суми што ги спомнуваат граѓаните, не се знае, затоа што од јавното претпријатие и покрај нашето настојување, не одговорија на овие прашања.

Низ Скопје сѐ уште има многу улични кучиња, а граѓаните постојано укажуваат на делови од градот каде што ги има во голем број, па некои од нив стравуваат за својата безбедност. Град Скопје тврдеше дека со формирањето на „Лајка“ ќе се средат проблемите со бездомните кучиња, кои според евиденцијата на АХВ се околу 2.000 по улиците.

https://www.slobodenpecat.mk/ako-lajka-vi-go-zalovi-kucheto-ke-mora-debelo-da-platite/

Се додека не се подигне нивото на хигиена низ градот а во голема мера од нас зависи невозможно е да очекуваме да мрднеме на ова поле напротив ќе биде се полошо и ќе има се повеќе кучиња,мачки,гаврани,стаорци...
Џабе и нови контејнери и се кога пак повќе отпад има надвор отколку во нив и тоа во средини и маала кои важеа за повисоко ниво на хигиена а сега буквално се преполни со отпад.
Треба службите интензивно да работат на нивно заловување и да се зголемат капацитите на Лајка за вдомување. Не гледам баш некој излез од кругот ѓубре,диви живеалишта и кучиња скитници.

Овој проблем чинам нема ни во идни 20-30 години да се реши,има доста фактори кои одат контра на негово решавање

1.Премногу отпад низ градот па воопшто не им е проблем да се прехранат и да преживеат
2.Бројни напуштени објекти,диви живеалишта каде повторно ги има во голем број(населбата спроти ПИОМ,кај Транспортен,во Мичурин до црквата,кај Ранка Милановиќ во Маџари и многу други локации)
3.Непостапување на службите за заловување и сложена постапка ако граѓанин сака да пријави кучиња сктиници да се заловат(треба да се наведе прецизна локација,да го сликаш кучето,да оставиш лични податоци и контакт телефон)

Nikogas

Искасани граѓани се жалат дека глутници кучиња напаѓаат во скопско Драчево



https://kanal5.com.mk/iskasani-gragjani-se-zhalat-deka-glutnici-kuchinja-napagjaat-vo-skopsko-drachevo/a465437

Лани 646 граѓани пријавиле каснување од бездомно куче, „Лајка“ заловила околу 150 кучиња



Минатата година пораснал бројот на пријави до полицијата за каснување од бездомни кучиња на територијата на Град Скопје, покажуваат податоците на Министерството за внатрешни работи.

Лани, пријавени се 646 случаи по горенаведениот основ и имајќи ја предвид ситуацијата со полицискиот час и карантинот на почетокот на пандемијата со корона вирусот, сепак нема намалување на бројот на каснување од бездомни кучиња. Напротив, бројот пораснал за околу 30-тина пријави во споредба со 2019 година, кога имало 618 вакви случаи.

Во периодот 2017-2020 година на територија на Град Скопје, вкупно 1.790 граѓани биле каснати од бездомно куче.

Лани, по година и пол најави се отвори Јавното претпријатие „Лајка“, за згрижување бездомни кучиња. Оттаму во изјава за „Мета.мк“ велат дека досега се заловени околу 150, а граѓаните вдомиле 27 кучиња.

„Навистина ни е многу драго што за кратко време имаме вдомено значителна бројка на кучиња. Граѓаните ја препознаа нашата хумана мисија и знаат дека добиваат здрав миленик. Во моментов ги заокружуваме процедурите за вдомување надвор од град Скопје и надвор од државата“ додаваат од претпријатието.

Инаку, сите кучиња коишто се заловуваат или се донесени од хумани граѓани во „Лајка“ подлежат на испитувања, крвна слика, 4д тест, тест за лишманија по акредитирана метода, се чипираат, се обележуваат со ушна маркица, се кастрираат/стерилизираат и доколку не се вдомат се враќаат на локацијата од која што се земени. Од „Лајка“ потврдуваат дека 40 кучиња се вратени на локациите.

Во врска со идните планови на претпријатието, оттаму потенцираат дека со поддршка на Град Скопје ќе работат по нова програма во која што се предвидени и бездомните коњи.

„Освен „залови и стерилизирај/кастрирај“, ќе ја продолжиме и досегашната кампања за вдомување на бездомни кучиња и едукација на граѓаните. Исто така, во план се и отворени денови и едукативни работилници, кои се надеваме дека ќе може да се реализираат во согласност со мерките пропишани за ковид-19“ додаваат од „Лајка“, од каде што велат дека имаат континуирана соработка со Факултетот за ветеринарна медицина и со Агенцијата за храна и ветеринарство.

Според нивната анализа направена по англиска метода, во Скопје има околу 2.000 бездомни кучиња.

Инаку, секој граѓанин кој што ќе биде нападнат или каснат од бездомно куче има можност да иницира приватна тужба против Град Скопје, каде може да добие надомест на штета настаната како резултат на каснувањето. Од општината, минатата година за „Мета.мк“ изјавија дека висината на надоместокот на штетата ја утврдува судот, а таа е различна од случај до случај, во зависност од степенот на настаната штета.

„Според некои просечни вредности, годишно околу сто граѓани поднесуваат тужба бидејќи биле нападнати, каснати и повредени од улични кучиња. Речиси сите тужби завршуваат со полза на граѓаните, а обесштетувањето кое потоа им го плаќа Градот се движи од 1.000 до 2.000 евра“, велат од Град Скопје.

„Мета.мк“ го следи проблемот со бездомните кучиња и претходно известуваше за оваа тема.

https://meta.mk/lani-646-gragjani-prijavile-kasnuvanje-od-bezdomno-kuche-lajka-zalovila-okolu-150-kuchinja/

Во Маџари





https://www.facebook.com/groups/145337166272043

Денес во употреба се пушта Јавното претпријатие за грижа за заштита на бездомните животни - ЛАЈКА.
ЛАЈКА е комплетно нов стационар, уреден и опремен по сите светски стандарди, кој располага со 200 засебни апартмани обезбедени со подно греење.
Во рамките на ЛАЈКА се спроведува тестирање, вакцинирање, стерилизирање/кастрирање и чипирање на секое од кучињата.
ЛАЈКА располага со две операциони сали, оддел за интензивна нега, тријажен дел и постоперативен простор со 20 легла, салон за нега на кучињата, СОС линија, како и специјално изградениот Парк за интеракција, преку кој кучињата кои биле жртви на траума низ игра и забава добиваат прилика да стекнат навики за ресоцијализација.
Дополнително, во рамки на стационарот овозможивме и едукативен центар во кој најмладите ќе можат да добијат едукација, како и прилика за вдомување на некое од кучињата во ЛАЈКА.
Со овој проект, наша цел е ЛАЈКА да прерасне во првото место на кое ќе помислат граѓаните кои сакаат да вдомат куче,
и истовремено да се потрудиме сите здрави и способни кучиња да најдат дом кој го посакуваат, затоа што секое куче заслужува втора шанса.







https://www.facebook.com/p.shilegov

Edited by stef4o - 14-Oct-2020 at 11:01

Во Скопје преброени околу 2500 кучиња скитници, Шилегов очекува Лајка да проработи во септември

Стационарот Лајка очекувам да биде отворен кон првата половина на септември. Двете оперативни сали за животни веќе се целосно опремени и тоа ќе биде предмет на анализа на Агенцијата за заштита на храна и ветерина. Кога ќе почне да работи, ќе почне во полн капацитет, изјави денеска градоначалникот на Град Скопје Петре Шилегов.

После подолго време, посочи Шилегов, мапирани се и пребројани кучињата скитници и станува збор за неофицијална бројка не поголема од 2.500.

Прашан за тоа колку е запознаен и задоволен со работата на директорката на јавното претпријатие Лајка, Шилегов рече дека капацитетот е при самиот крај и треба да се пушти, така што не може да зборуваме за реален квалитет или неквалитет во извршувањето на функцијата.

– Секако работата на секој еден раководител, во било која градска институција е под опсервација и се санкционира. Веројатно сум и еден од ретките којшто разрешува луѓе или повикува на нивна одговорност, изјави Шилегов.

За тоа дали има субјективни слабости во односи во релација со здруженијата за заштита на животните, Шилегов рече дека ги следи реакциите и дека ќе поразговара на таа тема.
– Она што го знам, ако тоа е предмет, е дека дел од намештајот којшто е во директорската канцеларија на Лајка е приватен намештај на директорката, кој што го има донесено таму. Не е намештај за којшто се потрошени јавни пари, изјави Шилегов.

Во однос на реакциите од здруженијата за заштита на животни дека тие ги прават операциите, а стационарот иако не работи зема пари, Шилегов рече дека пред почетокот на пандемијата се издвоиле средства со цел да им се дадат на здруженија да ги вршат тие операции за коишто зборуваат.

– Мора да бидеме сите вклучени инклузивни во тој процес за да го решиме проблемот со кучињата скитници, изјави Шилегов.

https://alsat-m.tv/mk/во-скопје-преброени-околу-2500-кучиња-ски/