Привремени и напуштени објекти

ПОЖАР ВО МИЧУРИН: Горат бараки!

Пожар избувна во бараките во Мичурин, во непосредна близина на Железничката станица. Огнот се гасне со трипротивпожарни возила, а она што го забележа нашата екипа е дека истиот е локализиран и е спречен да се прошири и во околината.





https://vecer.mk/makedonija/pozhar-vo-michurin

ФОТО: Пожар во напуштено основно училиште во скопско Пржино





Простории на поранешно основно училиште во скопско Пржино се целосно опожарени. Причините за пожарот не се познати, а огнените јазици брзо се проширија поради силниот ветер кој дува. Десетина пожарникари прават обид да го изгаснат, но засега, тој се шири.

Командирот на скопската Пожарникарната бригада, Sвонко Томевски, вели дека не постои опасност пожарот да ги зафати и околните објекти.

Тоа е напуштена барака. Има три возила таму, се интервенира во моментот. Не е страшен пожар, но станува збор за голема, долга барака, педесетина метри која е празна. Нема опасност да се прошири пожарот на околните објекти“, изјави Sвонко Томевски.

Густите облаци од чад се шират и гледаат од повеќе населби на Скопје. Најмногу, од Кисела Вода. Гаснењето на пожарот го комплицира силниот ветер кој дува.

https://skopjeinfo.mk/foto-pozhar-vo-napushteni-osnovno-uchilishte-vo-skopsko-przhino

Опожарена напуштена куќа во Маџир Маало

Напуштена куќа во Маџир Маало, на улицата „Ѓуро Ѓоновиќ“ попладнево е опожарена. Благодарение на брзата интервенција на Бригадата за противпожарна заштита на град Скопје која веднаш интервенирала со четири возила и 10 пожарникари, пожарот е локализиран и не е дозволено да се прошири на соседниот објект.

Како што информираа од Бригадата за противпожарна заштита на град Скопје, биле зафатени дел од покривот на куќата и просториите на катот.
За сега сеуште се непознати причините за настанување на пожарот.





https://www.vecer.press/опожарена-напуштена-куќа-во-маџир-маа/

Започна чистењето на депонија на приватен имот спроти Клиничкиот центар „Мајка Тереза“

Инспекторатот на Град Скопје заедно со инспекторите од Општина Центар започнаа координирана акција за расчистување на голема депонија на приватен имот, лоцирана на улица Мајка Тереза, спроти Клиничкиот центар.
Станува збор за депонија која е распространета на две парцели и е создавана со децении, а на самата локација има и повеќе диво населени лица-собирачи на отпад. Ваквите диви населби претставуваат потенцијална опасност за загадување на животната средина и здравјето на граѓаните.
На сопствениците на парцелите им е издаден налог за целосно расчистување на депониите од нивните имоти, а доколку не постапат по налогот во утврдениот рок, имотите ќе се исчистат од јавните комунални претпријатија на трошок на сопствениците.
За решавањето со проблемот со лицата кои престојуваат дивата населба, е појава која е присутна повеќе децении и во наредниот период ќе се преземат мерки за нивно институционални згрижување.
Чистењето на сите диви депонии во Скопје е приоритет, со цел превенција од загадување на воздухот, почвата и водите и заштита на здравјето на граѓаните.







https://www.facebook.com/CityofSkopje/

Битка против „колекционери на смет“ на приватен имот



НА ПОВИДОК РЕШЕНИЕ ЗА ПРОБЛЕМОТ СО ЛИЧНИТЕ ИМОТИ ШТО СЕ КОРИСТАТ КАКО ДЕПОНИИ

Депониите што се создаваат на отворено, конечно ги живеат последните денови од нивното постоење, бидејќи градските и локалните власти ги интензивираа заложбите и активностите за нивно решавање. За волја на вистината, Скопје сега е почист град, иако сите заеднички имаме уште многу работа за да станеме европска метропола каква што сакаме да имаме.
Сега на ред доаѓаат оние малите депонии, оние во приватните дворови на лица што уживаат да складираат разен отпад заради сопственото импулсивно чувство на поседување нешто за ако еден ден „затреба“ или што би рекле старите „остави го, ќе се најде“.

СКЛАДИРАЊЕТО ОТПАД ВО СОПСТВЕН ДВОР ИСТО ТАКА Е КАЗНИВО

Доколку шетате низ скопските населби, задолжително ќе наидете на крајно неуреден двор, двор во целосен хаос, со нафрлени штици, разни канти, стари плински боци, шишиња, остатоци од мебел, ролетни, рамки од прозорци и што ли уште не. Иако станува збор за приватен имот, имот во кој никој не би требало да се меша, сепак, надлежните одлучија координирано, со заеднички сили, да им се спротивстават и на овој вид загадувачи.
Голем е проблемот со сопствениците на приватни имоти што ги користат истите тие и за депонии, па така, низ градот имаме голем број локации каде што се складираат разни отпадоци од автомобили, стари гуми, стара и ’рѓосана бела техника… Сето тоа, иако во мали количества, сепак е дел од скопскиот проблем со загадувањето, на кое Градот и општините му објавија војна.
Токму од тие причини, градските и општинските власти, со здружени сили, ќе се обидат да му стават крај и на овој вид загадување на животната средина.
Инспекторатот на Град Скопје заедно со инспекторите за животна средина од скопските општини започнаа координирана акција за депонии и сметишта на приватен имот.
– Акцијата опфаќа евидентирање, пронаоѓање на сопствениците на имотот, задолжување со записник и решение за чистење на имотот во даден временски рок. Доколку субјектите не постапат по решенијата, имотот ќе го исчистат јавните комунални претпријатија на трошок на сопственикот – информираат градските власти.
Оттаму додаваат дека заедничката акција на градските и општинските инспектори за животна средина на терен се спроведува во општината Центар во населба Крњево, каде што со помош на механизација се чисти депонија составена од оштетени автомобилски гуми оставени на приватен незаграден имот, при што се подигнати околу 700 гуми, со што е спречено нивно потенцијално палење и загадување на воздухот и животната средина. Да напоменеме, неодамна, токму „Нова Македонија“, како сервис на граѓаните, пишуваше за ова загадување во скопската населба Крњево, кое многу им пречеше на локалните жители.

ГОЛЕМ БРОЈ ПРИВАТНИ ИМОТИ ПРЕТВОРЕНИ ВО ДЕПОНИИ

Огромен е проблемот на скопјани создаден од приватните имоти каде што има насобрано различно ѓубре и смет.
Само во Бутел 2 има приватни имоти и дворови, каде што и околните жители фрлаат ѓубре, а бидејќи е приватен имот, никој ништо не преземаше.
– Имаме еден заграден простор во населбата, кој на сите им служи за фрлање ѓубре. Сопственикот не знаеме ниту кој е ниту каде е, но ѓубрето од домаќинствата секојдневно се таложи. Имаме еден сосед, кој живее спроти, па бидејќи му пречи неподносливата миризба од скапувањето на фрленото ѓубре, на свој трошок повикува екипа да го исчисти просторот. Меѓутоа по некое време, ѓубре повторно се насобира и сѐ се врти во круг – вели Бојан Манчевски, жител на Бутел 2.
Ова е доста голем проблем и за жителите на улицата Црвени брегови, кои велат дека имаат една стара куќа, чии сопственици складираат буквално сѐ што ќе најдат во контејнерите, а и од дома.
– Нашле фрлени штици – ги донеле тука, нашле стар мебел оставен – го донеле тука… на овие временски услови, кога врне почесто, сето тоа скапува, дополнително, мачки и кучиња лежат таму, а бидејќи не е заштитено од дожд, мирисот е ужасен – вели Игор Стојановски.

https://www.novamakedonija.com.mk/makedonija/skopje/bitka-protiv-kolekcioneri-na-smet-na-privaten-imot/

Малку подетално околу историјата на објектов кој сега е во многу поруинирана состојба од сликава,вчера кога минував приметив дека е оградено со тараби од страната на кејот и влезовите но не ми личи дека ќе се гради нешто туку превентивно да не се создаваат депонии.
...

Не знам колку е меродавно но во еден од фб коментарите пишува дека ќе почне да се руши во март и да се гради хотел.

-----------------------------------
До катастрофалниот земјотрес 1963 година, во оваа зграда беше сместена учителската школа на албански јазик ,,Зеф Љуш Марку,,.
Во 1965 година, дел од паралелките на УЗУС ,,Коце Металец,, се префрлуваат во оваа зграда, како и во хангарите изградени до неа. Во 1970 година, со изградбата на новото училиште, дефинитивно е решено прашањето на училишниот простор за идните генерации. Објектот кој е оставен на милост и немилост, се наоѓа во Крњево, карши поранешниот Скопски саем.



https://www.facebook.com/photo/?fbid=669688854230112&set=gm.2311944482281141

Понова фотка,се гледаат тарабите од страна на кејот



Edited by stef4o - 23-Feb-2022 at 18:21

Не ми е јасна причината зошто овој објект на се урне,нема логика дека некој би го реновирал или слично.Освен ако нема некој судски спор но колку што знам сопственост е на ВАТО и има маркица за 10 катен објект.
Ова е фин потег од градот да ги расчисти ваквите депонии сред центар но не е некое долготрајно решение ако објектот не се урне или соодветно не се огради за неколку месеци пак ќе им биде депонија.

---------------------------------------------------------------
Инспекторите за животна средина на Град Скопје деновиве почнаа акција за чистење и казнување за приватни депонии, односно имот на кој сопствениците дозволиле од негрижа или од лукративни причини да се креира отпад во скопските општини.
Врз основа на пријава од граѓани или самоиницијативно, инспекторите за животна средина прво вршат инспекциски надзор, ја констатираат состојбата на терен со записник и издадаваат решение со кое ќе ги задолжат сопствениците на имотот во даден рок да постапат по даденото решение.
Доколку сопствениците на имотот не постапат по тоа решение инспекторите ќе изготват ново решение, со кое се задолжува ЈП „Комунална хигиена“ да ја исчисти наведената локација. Трошоците за чистење се фактурираат на сопственикот на приватниот имот кој креирал или дозволил да се направи дива депонија. Во оваа постапка, инспекторите постапуваат според Законот за управување со отпад и Законот за животна средина.
Во текот на минатата недела, по издадено решение од инспекторите за животна средина, исчистена е дива депонија на раскрсницата меѓу булеварот Гоце Делчев и улицата Беласица, кај трговскиот центар „Ист гејт“, а која претставуваше децениски проблем за целата околина.







https://www.facebook.com/CityofSkopje

Originally posted by Џоле Изгледа некој фрлил око на локацијава за зграда, не жали ништо да ја добие најбрзо што може.

Тоа во други држави има потреба да се прави кајшто се заштитени шумите, или па кајшто има некакви заштитени објекти. Овде нема никаква потреба за вакво нешто, ниту медиумски пречки да има некој притисок од јавност, ниту правни пречки. Нема потреба да се служи со овакви методи. Така да се работи за инциденти, поедини случаеви, ништо посебно.

Originally posted by stef4o ГОРАТ БАРАКИТЕ КАДЕ ШТО БЕШЕ СУДОТ ЗА ПРЕКРШОЦИ ВО ГРАДСКИОТ ПАРК ВО СКОПЈЕ Пожар попладнево изби во старите бараките каде што се наоѓаше Судот за прекршоци во Градскиот парк во Скопје. Со пожарот се зафатени сите бараки, кои сега се празни, но околу нив се наоѓаат други објекти и ресторани и постои опасност и тие да бидат зафатени. Командантот на скопската Пожарна бригада Владимир Симоновски вели дека во моментов, на терен интервенираат пет возила и во секој момент се чека да стигне дополнителна помош за да се стави пожарот под контрола и да не се дозволи да се прошири кон останатите обејкти. https://sdk.mk/index.php/dopisna-mrezha/gorat-barakite-kade-shto-beshe-sudot-za-prekrshotsi-vo-gradskiot-park-vo-skopje/

ПОВТОРНО ГОРАТ ПОРАНЕШНИТЕ СУДСКИ БАРАКИ ВО ГРАДСКИОТ ПАРК ВО СКОПЈЕ



Повторено горат бараките каде порано се наоѓаше судот за прекршоци во Градскиот парк во Скопје. Пожарот избил вечерва, а како што ни изјавија од Бригадата за противпожарна заштита, во моментов неколку екипи се на терен и го гаснат пожарот.

Ова е вторпат за неколку месеци да горат овие бараки. Старите судски бараки се запалија на 26 октомври и тогаш во пожарот штета беше направена и на салата Партизан и на ресторанот „Томче Софка“.

https://sdk.mk/index.php/dopisna-mrezha/povtorno-gorat-poraneshnite-sudski-baraki-vo-gradskiot-park-vo-skopje/

Среде Центар надвиснати лимови и пластики и натрупано ѓубре на тротоар: Кога ќе се тргне руинираниот објект во близина на МВР







Станува збор за стара трафика, која е надвор од употреба и сериозно се распаѓа. Како времен објект, предвидено е таа да биде отстранета, но освен што, уште на времето, е заградена со челична мрежа, од надлежните ништо не е направено за трафиката да биде тргната и со тоа да се овозможат услови за уредување на просторот.

Во меѓувреме, со влијанието на забот на времето, пропаѓањето на импровизираната кровна конструкција на објектот предизвикува сериозна закана за рушење, врз просторот каде што циркулираат огромен број возила и граѓани со оглед што на оваа точка се спојува еден од главните пристапи кон Министерството за внатрешни работи, како и кон улицата „50. Дивизија“ и нејзините придружни краци, каде што има голем број згради.

А, токму веднаш покрај оваа стара трафика води практично единствениот пат за кон останатиот дел од градот за сите граѓани што живеат, учат или работат во овој дел од општина Центар.

https://republika.mk/vesti/skopje/srede-centar-nadvisnati-limovi-i-plastiki-i-natrupano-gjubre-na-trotoar-koga-kje-se-trgne-ruiniraniot-objekt-vo-blizina-na-mvr/