Света Злата Мегленска во Загреб

Во главниот град на Хрватска, Загреб, наскоро ќе почне изградба на македонска православна црква. Тоа вчера го најави хрватскиот амбасадор во земјава, Иво Кујунџиќ, на заедничка прес-конференција со министерот за образование и наука Никола Тодоров, на која беше презентирана програма за соработка меѓу двете земји во областа на науката, технологијата и образованието за периодот 2009-2012 година. Амбасадорот информира дека земјиштето за изградбата на македонска православна црква веќе е купено, а се обезбедени и сите дозволи. - Тоа е уште еден придонес на соработката меѓу двете земји - рече Кујунџиќ. Министерството за образование и наука ќе кофинансира седум заеднички научноистражувачки проекти на Република Македонија и Република Хрватска со 4,2 милиони денари во рамки на програмата. Ќе се соработува во областа на медицината, сеизмологијата, земјоделството, ветерината, математиката, информатиката и на културата. Изборот на проектите е во согласност на расположивите средства на македонското МОН и хрватското Министерство за наука, образование и спорт и е направен врз основа на ранг-листа од анонимни рецензенти од двете страни. - Со одобрените заеднички научноистражувачки проекти ќе се постигне развој на научните достигнувања и размена на искуства во соодветните области, а ќе се создадат и можности за продлабочување на соработката меѓу високообразовните установи и научни институти на двете земји - рече Тодоров. Амбасадорот Кујунџиќ истакна дека Хрватска целосно ги поддржува проектите од билатералната соработка во сферата на науката, образованието и културата. Во наредниот проектен циклус, соработката меѓу Македонија и Хрватска ќе биде проширена во областа на природните и хуманистичките науки, со проекти раководени, главно, од млади истражувачи.

Драган да нема забуна и кај Католиците Олтарот е на Исток!

во основа иста ни е традицијата само што веќе во времето на Јустинијан I православните го напуштаат базиликалниот тип на Црковна градба и предност даваат на Сферата како Симболика за Царството Небесно, во истовреме се градат и неколку куполи во рим и фиренца, но сепак оваа архитектонска интерпретација се задржува и развива во византија, и пред се во основа како впишан крст во квадрат како поспецифичен византиски стил, но напоредно и базиликалниот израз е постојано присутен... диспропорцијалните разлики кај Базиликалните Христијански Храмови почнуваат со појавувањето на готика, и потоа трендовски со појавата со секој нов стил нивната архитектура на западот редовно евулуира па дури во барокот и до момент на китење со гротесни скулптури по крововите ајде така речи демони чија смисла не мие баш јасна, иако имам чуено дека тоа се должи на празноверие со кое сакаат да ги изгонат паднатите духови, малку преиронично но ете и тоа се вади како оправдување... но и самите католици се на чисто дека претерано се опуштиле и во недоглед ја развлекле симболиката и канонските правила кои посебно ги востановувале за сопстевните архитектонски изрази  www.catholicliturgy.com/index.cfm/FuseAction/ArticleText/Index/65/SubIndex/116/ArticleIndex/24

нели веќе за ова идејно решение имавме разврзано муабет, мислам дека сеуште не е конечен овој муабет, а за тоа дека загребчани вака или онака ќе ја условат естетски градбата тоа не ми се верува, веќе има стари Православни Цркви во сред град па така нема потреба од некакви опструкции... 

ова е целосно отстапување и од Православниот Црковен архитектонски израз но и традицијата, значи и канонски и естетски!

http://www.build.com.mk/forum/forum_posts.asp?TID=625&PID=37313#37313

како и да вртиме современиот минимализам сам по себе наголемо ја нарушува православната симболика, но и топлината со која зрачат изворните Православни Храмови во смисла далеку поладно зрачат чистите линии кои се практика кај другите Христијански деноминации...

сепак доколку надлежниот Епископ даде за вакво нешто Благослов тогаш и ова ќе биде дозволено, исто како што Дедо Петар притеснет од можностите преадаптира Протестантска Црква во Сиднеј која сега е Православната Црква Воскресение Христово во Рокдеил http://upload.wikimedia.org/wikipedia/commons/1/18/Rockdale_Macedonian_Orthodox_Church.JPG