е-Македонија

Петре, кој ти го преведуваше англискиов.....???

Целиот сајт стана вистински хит меѓу корисниците на Интернет, кои го користат како неисцрпен извор на шеги и на "бисери" овој интернет портал, кој иако државен стои без суфиксот gov.mk

Почитувани сограѓани, со цел навремено и вистинско информирање за се она што се случувало и ќе се случува во Нашата општина, денеска 31.03.2007 година, точно 2 години по конституирањето на Општината се отвора оваа интернет страница на Општината. Во неа ќе најдете се што е релевантно да се знае за активностите во сите домени на живеењето во нашата општина.

Ова се "свежите" зборови од пред три години испишани на латиница кои ќе ги најдете доколку се потрудите и решите да се информирате за сајтот на општина Бутел. Околу сајтот кој е на "латиничен македонски" и "литературен англиски јазик" и е преполн со нелогичности и служи за потсмев кај корисниците на интернетот е веб порталот приказна сама за себе. Верзијата на англиски, која вчера во службениот допис кој го добивме од општина Бутел испадна дека била напад од страна на компјутерџии и, од засега нејасни причини сменет, изгледаше вака.

"Се молат пчелите пациенти" во општината Бутел
"Драги со-граѓани и други зошто сте гледале оваа страници. Јас сум чест дали вие презентира интернет-страници на општина Бутел. Општина има 36.514 жители, мнозинство од човеците е Македонско и има повеќето етнички малцинство (Албанско, Турци, Срби, Црногорци, Бошњаци, Роми, Валхи и други). Оваа интернет-страници јас презентира прв пат и нејзината пчела мое задоволство од прв градоначалник на општина. Март 16, 2005. Мојот примарен принцип е одлична општина и добро задоволување од луѓе. Информациите под и следно на страните ја презентира мојата општина и човеци, историја, индустрија, туризми, проекти, инфраструктура, урбанизам и комунални услуги, статистика, финансиски извештај на општина и многу повеќе... Време е да се тестираат цајтови, доаѓа многу скоро... ве молиме пчели пациенти. Искрено Ваш, градоначалник Петре Латиновски". Ова е воведната страница на верзијата на англиски јазик на интернет-сајтот на општината Бутел, http://opstinabutel.com/default_uk.htm, ако буквално се преведе на македонски јазик.

Инаку портпаролката на општина Бутел, Снежана Клинчарова, во разговорот со нас пред службениот допис ни рече дека кристално јасно го чита текстот и се снаоѓа на сајтот во кој според неа нема ништо старо и нејасно па ниту во англиската верзија која подоцна се испостави дека е напад на "хакери" откако го превеле на нелитературен англиски вметнале цветчиња, пеперутки и ѕвездички.
- Ги инфорираме сите медиуми, дека во текот на вчерашниот ден забележан е упад на веб страницата на Општина Бутел (во англиската верзија). Со оглед на фактот дека од почетокот на месецов во општината се направени персонални промени, се прават напори, во текот на денешниот ден, да се отстранат недоследностите од веб сајтот, стои во соопштението од општината. Особено интересни се статиите насловени "Кој е Македонија", каде што Законот за територијалната поделба се нарекува "Птица 2005", се претставува "црквата на Светиот Спасител", наместо "Свети Спас" и слично. Како и да е граѓаните во Општина Бутел според сите изјави се задоволни од работата на Петре Латиновски, но лути на тие околу него бидеќи според нив работите не му ги прикажувале во вистинско светло, велат тие.