НЛБ Тутунска банка

НЛБ Групацијата ја отвори својата нова деловна зграда во центарот на Скопје. Вкупната инвестиција во деловниот центар на банката кој се простира на површина од 11.900 квадратни метри е 30 милиони евра и е изградена и опремена според најсовремените европски стандарди за деловни простории на банки, а во неа функционира и експозитура, современ кеш центар и трезор, и еден од најсовремените информатички центри во овој дел од Европа.

Станува збор за т.н. интелигентна зграда со Buliding Management System (BMS) кој овозможува централизирано управување и надзор на системите за греење, ладење, електронски комуникации, системите за електронска и физичка заштита и за надзор на пристап до и во објектот, што овозможува непречено одвивање на деловните процеси. Зградата е изградена во рекорден рок, за нешто повеќе од една година.

НЛБ Тутунска банка учествуваше и во финансирање на изградбата на катна гаража, која обезбедува места за паркирање на околу 500 возила, што претставува  придонес и за развојот на градот Скопје.
Новата деловна зграда претставува деловен центар на НЛБ Групацијата во Македонија, во која се сместени и работат НЛБ Тутунска банка, НЛБ Тутунска брокер, НЛБ Нов пензиски фонд и НЛБ Лизинг.