Спoменик нa плoштaд Maкедoнијa

Bas taka Gjoko.Lugjevo nemaat ni sram ni perde.

Воинот ќе мора да го продаде коњот за да може да пее

"Слушањето музика го зголемува профитот на фирмите, а во овој случај и на фонтаната, така што носи повеќе посетители. И "Воинот на коњ" ќе биде во тарифникот. Сепак, надоместокот ќе зависи од финансиската кондиција на фонтаната. Се ќе се сведе на преговори со општината. Можеби Воинот на коњњ ќе плаќа минимален надоместок, а можеби, пак, сумата ќе биде повисока. Не би знаел да ви кажам колку точно ќе изнесува тој надоместок, но сигурно ќе се најде на тарифникот, како и сите објекти од кои се емитува музика", изјави Бодан Арсовски. И музиката на митинзи ќе се наплаќа. Дел од песните кои се пуштаат или се пеат на митинзите во предизборните кампањи имаат за цел да го зголемат моралот или пак да ги поврзат граѓаните со партиите

Владата ќе прави истрага на работењето и ревизија на новиот тарифник на ММИ и ЗАМП, според којшто голем број субјекти ќе имаат обврска да платат за слушање или пуштање македонска музика. Реакцијата следува по големиот број претставки од граѓаните и фирмите кои сметаат дека со ова дирекно се удира по џебот на сите. Дирекно со своја одлука Владата не била вклучена во процесот на определување на тарифникот.
- Владата одлучи директно да се позанимава со ова прашање, да ги разгледа сите овие аспекти, што подразбира дека најверојатно ќе биде направена ревизија на целокупната материја, постапката, процесот и актите кои ја дефинираат оваа материја, истакна портпаролот на Владата, Александар Георгиев.

Цркви, капели, семкарници, ресторани, фонтани, зоолошки, скијачки центри, автобуси, фризерници, салони, банки, хотели, сите овие на ММИ би требало да и плаќаат од 30 до 100 евра месечно. Фактури ќе добиваат сите - од бурекчилници, кантини, изложбени салони, трговски центри, продавници, здравствени установи, телевизии и радија, а ќе се наплаќа и музика на телефонски услуги, рингтонови, концерти на плејбек и манифестации. Музиката на интернет ќе се плаќа по посетители, т.е. ако се објави некоја песна на интернет без можност за преземање, ММИ ќе наплати по бројноста на кликовите. Само по тарифникот на ЗАМП по најниските основи се собираат 10.000.000 евра годишно. Телевизиите пак се обврзани на неколку милиони евра годишен трошок кон ММИ иако не користат фонограми, туку видеограми. ММИ, кој во јуни оваа година ја доби лиценцата од Министерството за култура за колективно управување на сродните права на произведувачите на фонограми и на уметниците музички изведувачи, во согласност со Законот за авторското право и сродните права од Нова година ќе им создава дополнителни главоболки и на политичките партии во Македонија.

Тие во текот на предизборната кампања ќе треба да размислат два пати дали воопшто ќе употребат музика или пак ќе се решат за "принуден предизборен молк". Освен за видео рекламите кои се емитуваат низ телевизиските канали, а за кои најчесто се користи македонска музика, партиите ќе треба да плаќаат надомест и за митинзите. Впрочем, според тарифникот на ММИ, доколку од манифестацијата не се остварува приход, надоместокот ќе изнесува 7,5% од вкупните трошоци потребни за нејзино одржување. Но, доколку на манифестацијата, во овој случај митинзите, од кои не се остварува приход, т.е на кои не се наплаќа карта, е користен делумен плејбек, т.е. најмалку еден од вокалите е испеан во живо, надоместокот ќе изнесува 6% од вкупните трошоци за одржување на тој концерт или 50 бодови, што би значело минимален надомест од 3000 денари. Но, минималниот надомест за митинзи во случај на целосно користење на фонограми (целосен плејбек) е околу 70 бода, т.е. 4200 денари. Партиите се должни да го пријават митингот најмалку 15 дена пред неговото одржување и да остават податоци за направените трошоци три дена по митингот. Доколку корисникот не и достави на ММИ потполни и вистинити податоци за направените трошоци, надоместокот ќе се пресмета во десеткратен износ од минималниот износ утврден за плаќање. 
-И музиката на митинзи ќе се наплаќа. Дел од песните кои се пуштаат или се пеат на митинзите во предизборните кампањи имаат за да го зголемат моралот или пак да ги поврзат граѓаните со партиите. Давачките ќе се однесуваат на организаторите, во овој случај партиите, а не на граѓаните кои доаѓаат на тие митинзи. Сметам дека е вистинско време за оваа такса, бидејќи таа се одлага со години. Веќе нема бегање, откри Бодан Арсовски, претседател на ММИ, при тоа додавајќи дека цената на надоместокот по митинг ќе биде "ствар на договор" помеѓу ММИ и партиите.

Покуса не остана ни фонтаната "Воинот на коњ" на плоштадот Македонија, која тече во ритамот на музиката. Традиционалните инструментални теми кои ечат од осумте звучници поставени на канделабрите во непосредна близина на коњаникот, од самото отворање на фонтаната ги забавуваат туристите и скопјаните кои поминуваат во центарот на метрополата. Сепак, директорот на ММИ Бодан Арсовски признава дека во периодот кога се правел тарифникот тие не биле запознаени со музичкиот концепт на фонтаната и поради тоа таа се уште не е вметната во листата на наплата, фактура до адресата на општина Центар сепак ќе стига. 
- Слушањето музика го зголемува профитот на фирмите, а во овој случај и на фонтаната, така што носи повеќе посетители. И "Воинот на коњ" ќе биде во тарифникот. Сепак, надоместокот ќе зависи од финансиската кондиција на фонтаната. Се ќе се сведе на преговори со општината. Можеби "Воинот на коњ" ќе плаќа минимален надоместок, а можеби, пак, сумата ќе биде повисока. Не би знаел да ви кажам колку точно ќе изнесува тој надоместок, но сигурно ќе се најде на тарифникот, како и сите објекти од кои се емитува музика, изјави Бодан Арсовски, при тоа додавајќи дека тарифникот не е фиксен, туку ќе се прилагоди врз база на финансиската кондиција на оние кои треба да плаќаат. Од она што досега е познато и истакнато во тарифникот на ММИ, туристичките места или атракции ќе добиваат месечна фактура од 100 до 1000 евра, во зависност од сезоната.

Но, дали дополнителните трошоци на "Воинот на коњ" можеби ќе значат молк на плоштадот Македонија. Одговор побаравме од општина Центар, која вели дека "Воинот на коњ" не заработува толку колку што би требало да им плати на ММИ. Сепак, тие не се откажуваат од првичниот концепт и велат музика ќе има без разлика на давачките. 
- Лани кога ја затворивме фонтаната, беа собрани 2000 евра, кои беа донирани во хуманитарни цели. Но, годинава од која причина не знам, граѓаните фрлаа помалку парички. Со таа сума ние не можеме да ги покриеме давачките на ММИ, бидејќи е многу мала. Но, музика ќе има. Не отстапуваме од првичниот концепт на Коњаникот кој ги вклучува светлосните, музичките и водените ефекти. Се надеваме дека ќе најдеме компромис со ММИ за минимален надоместок, за кој општината ќе издели средства од својот буџет за да го плати, изјави портпаролот на општина Центар, Јовица Ацковски.

Во овој случај, висината на надоместокот ќе се базира и преку бројноста на посетителите. Ако се земе предвид фактот дека фонтаната е главна сензација на плоштадот Македонија и дење и ноќе ги мами граѓаните и туристите да се сликаат покрај грандиозниот споменик, а со тоа и ја зголеми фреквенцијата во центарот на метрополата, тогаш сигурно надоместокот кој ќе го бара ММИ нема да биде минимален.

Само како пример, вакви надоместоци единствено се плаќаа во Италија, но државата мораше да ја прекине и укине наплатата, бидејќи законот падна на меѓународен суд.