Туш маркети

Туш Холдинг денеска го отвари својот прв трговски објект во Велес, а трет во Македонија. Досега Туш отвори супермаркети во Куманово и Штип.
Нето продажната површина на супермаркетот во Велес е 450 квадратни метри.
Во оваа трета продавница на Туш во земјава се вработија 21 лице.
Од Туш соопштуваат дека и натаму ќе продолжат да ја шират својата мрежа на продавници во земјава и дека работите за некои од нив веќе се во тек.
Продавницата на Туш во Велес нуди повеќе од 9.300 производи од прехрамбениот и непрехрамбениот асортиман.
Групацијата Туш од мал локален трговец прерасна во група претпријатија, кои покрај основната трговска дејност здружува и услуги од подрачјето на забавата, рекреацијата, угостителството, недвижниот имот и енергетиката. Туш ја развива својата мрежа маркети на три странски пазари истовремено, во Македонија, Босна и Херцеговина и Србија.
За оваа година Туш Холдинг за инвестиции на овие три странски пазари одвои повеќе од 60 милиони евра.

Словенечката компанија „Енгро туш“ во Прилеп ќе гради два хипермаркета, инвестиции од по 4 милиони евра.
Првиот ќе биде изграден на влезот во градот крај магистралниот пат Прилеп - Битола, а другиот на локација во близина на Економскиот факултет. На празникот 11 октомври в сабота треба да биде поставен камен темелникот на првиот хипермаркет на влезот во градот.
На 3.000 метри квадратни ќе се гради објектот што ќе опфати и други дуќани што ќе се издаваат под закуп. Со придружните објекти и паркинг просторот, комплексот ќе зафати над 15.000 метри квадратни.
“Се отвора можност за околу 50-тина вработувања, а со комплексот ќе се уреди просторот што е во близина на Паркот на револуцијата”,изјави прилепскиот градоначалник  Марјан Ристески.
За втората локација кај Економскиот факултет се неопходни измени во генералниот и во деталниот урбанистички план. Локацијата е на приватни ниви и во тек е откупот од сопствениците.