Скопски сообраќај (општо)

Место да се шетаат, туристите ги заобиколуваат езерцата на Сервисна улица



Место шеталиште, сервисната улица покрај кејот на Вардар каде што се наоѓаат популарните ресторани во зоната која треба да биде пешачка, плива во вода. Обилните врнежи од дожд направија езерца на плочникот на улицата која нема шахти за атмосферските води. Па туристите кои сакаа да се прошетаат, мораат да ги заобиколуваат езерцата, а некои кои згазнаа на неубаво прицврстените бетонски плочки, настрада и си заминаа со наводенети чевли и облека.

Денеска беше спуштен подвижниот заштитен столб кој овозможува влез само на возилата на Телеком и за дотур на стока, тоа го искористија некои да ги паркираат своите автомобили.

Состојбата со сервисната улица за надлежните од градот е последица од волунтаристичкото и без план работење на претходното градско раководство. Таму требаше да се изгради подземна сообраќајница, но не се направи од претходното градско раководство иако земаа пари од Телеком. Во тек е изработка на идејно решение.

Во март 2017 година советниците на општина Центар со 12 гласа „за“ донесоа одлука да не се гради сервисна улица долж Кејот, од хотелот „Холидеј ин“ до зградата на Телеком. Наместо улица, советниците тогаш решија да биде поставено зеленило, клупи, чешми и жардиниери со дрвја кои би имале функција на дрвореди. Граѓаните, сопственици на објектите на кејот на Вардар кои присуствуваа на седницата, со аплауз го поздравија носењето на оваа одлука.

(С.Бл.) – Фото: П.С.

https://www.vecer.press/место-да-се-шетаат-туристите-ги-заобик/

Реализацијата на овој проект е неопходна за Скопје.
Што побрзо се реализира, толку подобро.

Ок ако во минатото се трошеле значи дека и сега треба да се потрошат за ОВА ? Толку е приоритет улицава пред буквално распаднати згради,општински објекти,исушени паркови,ГТЦ со пола од продавниците затворени и тој пред физичко распаѓање,распадната универзална,непостоечки луна парк........

Според мене ова нешто треба да се сопре уште пред да се земат на заем толку пари.

Edited by David - 06-Mar-2020 at 08:20

ПРОЕКТОТ ЗА ТУНЕЛИТЕ ПОД КАЛЕ ГОТОВ ВО ЈУНИ, УЛИЦАТА МАКЕДОНСКО-КОСОВСКА БРИГАДА ЌЕ СТАНЕ БУЛЕВАР СО 6 ЛЕНТИ, НАЈАВУВААТ ОД ГРАД СКОПЈЕ

Проектот за тунелите под Кале ќе биде готов во јуни, по што ќе се распише тендерот за избор на фирма која ќе ја гради новата сообраќајница во Скопје. На потпишувањето на договорот за проектирање меѓу Град Скопје и македонско-турскиот конзорциум, во јуни минатата година беше кажано дека проектот треба да биде готов за 6 месеци. Но, поради тоа што станува збор за голем и сложен проект, рокот е продолжен за дополнителни 6 месеци.

Иако има доцнење во проектирањето, градоначалникот Петре Шилегов верува дека годинава може да се почне со градежните работи за изведба на овој капитален проект за градот. Пари за негова реализација ќе бара од Владата бидејќи според проценките ќе бидат потребни 30 милиони евра.

„Додека траат постапките за тунелите под Кале, работиме и на проектот за проширување на улицата Македонско-косовска бригада на потегот од крстосницата со булевар Словенија до улицата Џон Кенеди во Чаир, како прва фаза. Проектот е готов, наскоро ќе го распишеме тендерот за изведувач на градежните работи. Сега на овој потег има по една коловозна лента во двата правци, а со реконструкцијата ќе се добијат вкупно 6 коловозни ленти. Оваа делница е важна бидејќи со неа треба да се поврзе новата сообраќајница која ќе биде изведена со проектот тунелите под Кале“, вели Шилегов.

Проектот Тунели под Кале, кој е зацртан во Генералниот урбанистички план уште во 1964 година, градоначалникот Шилегов го најави на прес-конференција во септември 2019 година. Како што беше презентирано, сообраќајницата ќе почнува од булеварот Свети Климент Охридски и ќе биде издигната на височина од шест до девет метри. Потоа, од зградата на Владата сообраќајот ќе се одвива по нов мост преку реката Вардар кој ќе биде долг 173 метри, а широк 20 метри и ќе има четири сообраќајни ленти. Мостот ќе продолжува како вијадукт долг 262 метри сè до влезот во тунелот под Калето. Од тунелот сообраќајот ќе продолжи на кружен тек издигнат пет метри над Пластичарска улица.

Проектот за оваа сообраќајница ја прават турската фирма „Мега инженеринг консалтинг АД“ и Завод за испитување на материјали и развој на нови технологии од Скопје. На потпишувањето на договорот лани во јуни, проектантот Борис Танески од Заводот за испитување на материјали, кој ги проектирал булеварите Илинденска и Климент Охридски, рече дека оваа сообраќајница ќе биде бисер на градот.

„Свесни сме дека ќе биде скап, тежок и сложен проект, но ќе биде од големо значење за градот, растеретување на сообраќајот и поврзување на двете страни на Скопје. Кога ќе го проектираме мостот ќе се водиме од тоа тој да не биде обичен, туку со посебен и модерен изглед“ “, рече Танески.

А. АНТЕВСКА


https://sdk.mk/index.php/dopisna-mrezha/proektot-za-tunelite-pod-kale-gotov-vo-juni-ulitsata-makedonsko-kosovska-brigada-ke-stane-bulevar-so-6-lenti-najavuvaat-od-grad-skopje/

https://www.facebook.com/CityofSkopje/

Вакви низ Охрид редат насекаде и на моменти ми се наткрева кога ќе ги погледнам... Но, со оглед на сообраќајната (не)култура се чини дека се најдобро решение засега. Штета не се метални.

Поставени се нови рефлектирачки заштитни столпчиња за оградување на вело патеките на булевар Кочо Рацин.











https://www.facebook.com/CityofSkopje/

Сите тие имаат асфалтен пат и асфалтен пристап, само што тој не е овој бидејќи овој пат не е ниту почнат да се гради.
Тоа што посипале шљунак за движење на камионите додека ги градеа зградите покрај трета Македонска не значи дека е пат кој возилата треба да го користат.

Originally posted by stef4o СЕ ГРАДИ КРУЖЕН ТЕК ВО ЧАИР, МЕЃУ УЛИЦИТЕ ВТОРА МАКЕДОНСКА БРИГАДА И КЕМАЛ СЕЈФУЛА https://www.facebook.com/CityofSkopje/

Само да кажам дека тука почнаа да копаат, едната лента е затворена, има големи гужви.

Многу откажани проекти ќе се спомнат овие два-три месеца. Инаку „Илинденска“ треба да продолжува покрај Лепенец, сѐ до обиколницата, додека „Љубљанска“ треба да излезе на Скупи (античкиот град) и да се надоврзи на постоечката улица кон Бардовци и планираниот бул. „Словенија“. Шилегов веројатно мисли на улица „Скупи“, која на десната страна на Лепенец, заедно со бул. „Словенија“ би биле главни сообраќајници со кои треба да се вкрсти продолжението на „Илинденска“.