Во 2013 ќе започне изградбата на пругата кон Бугарија
Четврток, 01 Декември 2011 15:50
Сподели
9

Споделете ја веста со Вашите пријатели
Министерот за транспорт и врски, Миле Јанакиески соопшти дека кон крајот на 2012 ќе започне реконструкцијата на пругата од Куманово до Делаковце, а од 2013 ќе започнат градежните активности за изградба на пругата до границата со Бугарија.


-Во овој момент се изготвени физибилити стидиите и истите се дадени на ревизија. Согласно програмата на Владата очекувам кон крајот на 2012 година да започне рехабилитацијата на пругата од Куманово до Делаковце, од 2013 ќе започне изградабата до Бугарија. Тоа е согласно динамичниот план и согласно преговорите со Европската инвестициона банка и Европската банка за обнова и развој, изјави Јанакиески.

Тој додаде дека наскоро ќе биде соопштен планот што ќе се прави во иднина со патиштата за кои што немаше заинтересиран концесионер.

Инаку министерот Јанакиески денес имаше средба со претставници од Градежната комора при Сојузот на стопански комори.

Тој ја поздрави соработката со бизнисмените од овој сектор и изрази верување дека и во наредната година градежништвото ќе биде главен двигател на економскиот развој.

-Разговаравме за тековните активности и за идните планови на министерството. Беше разговарано и за конкретни проблеми кои што ги имаат градежните компании и веќе закажавме средби со Катастарот и другите институции, се со цел да се решат истите. Се надевам дека и во иднина ќе продолжи оваа добра соработка се со цел градежништвото и во наредната година да биде двигател на економскиот развој, со оглед на тоа што овој сектор во последните неколку квартали има најголем раст и има голем удел во растот на БДП.

Јанакиески и бизнисмените од градежниот сектор разговарале и околу затегнување на законската регулатива во врска со компаниите кои работат без лиценца и во таа насока Јанакиески додаде дека на оние градежни претпријатија кои не ги исполнуваат законските услови, времено ќе им бидат одземени лиценците.
http://kurir.mk/makedonija/vesti/51912-Vo-2013-ke-zapocne-izgradbata-na-prugata-kon-Bugarija

Моето мислење е блиско до твоето. Јас сметам дека е попаметно да се почне со изградба на пругата од Ќафасан, а не од Кичево. Паралелно со изградбата на пругата кон Кичево да се направи и крак кон Охрид. Овој сегмент околу Охридското езеро откога би се изградил веднаш би можело да се организира патнички сообраќај до албанското и црногорското крајбрежје на Јадранското море, а за товарен сообраќај би имало сигурно некаква товарна станица во Струга.

Точно, но погледај на самиот почеток нис колку диви населби провага пругата (веќе може да се рече низ самиот град) која во моментот е потполно прекриена со депонии изградени куки на неколку метра а во понатамашниот дел и некои узурпации и делови кој може да се рече не постојат.

Е сега ако се гради коридор мислам дека треба и тоа да е.

Originally posted by Cloverstack Не се премногу 44 милиони за реконструкција на оваа постоечка 30-километарска пруга

Погледај го теренот, па се станува јасно.

ЕБОР се мисли дали да ни даде кредит за Коридорот 8

Европската банка за обнова и развој (ЕБОР) објави дека размислува да и даде кредит на Република Македонија со вкупна вредност од 44 милиони евра за обнова и изградба на првата секција од источниот дел на Транс-европскиот железнички коридор 8 од Куманово до селото Бељаковце со должина од 30,8 километри.

Во врска со ова, консултантска форим или конзорциум на консултантски фирми треба да подготви детален дизајн и тендерска документација за оваа активност.

Консултантот ќе треба да достави комплетен дизајн инжинерските услуги за реставрирање на оваа секција од железницата, да и помогне на институцијата во земјава во набавката на услугите за тие да бидат извршени во согласност со правилата на ЕБОР, да ја поддржи агенцијата во земјава во процесот на тендерирање за избор на компанија која ќе ги врши работите на пругата, како и да понуди поддршка и помош при контактите со компаниите што ќе се јават на тендерот.

http://www.plusinfo.mk/vest/9784/EBOR-se-misli-dali-da-ni-dade-kredit-za-Koridorot-8

@Goran

Edited by UrbanFreak - 05-Jul-2011 at 11:05

Прво, на Хрватска ич нема да и е лошо од задолжувањето затоа што они веќе имаат готова инфраструктура и сеа само им доаѓаат инвестици. Најмалку 10 години нема да мора да се замараат со нови патни правци. Словенците да не зборам. Грците ќе ги ставам во друг кош, Грците се народ научен само да добива се без пари од државата, а да ги трошат парите на нерентабилни ствари. Има во нишката за железници да видиш колку Грците не плаќаат казни.
Факт е дека Македонија и да сака одма не може да се задолжи за толку пари. Со изградба на два автопати, ќе почнат да се враќаат пари од патарини. После изградбата на потребните сегменти за Железницата, ќе се зголеми извозот на стока. Со подобра инфраструктура и пристапен пат, ќе има повеќе инвеститори кои ќе можат полесно и поефтино да ги извезуваат своите финални продукти, наместо што е тоа сега. Со брза железница, народот повеќе нема да има потреба да оди до Скопје или било кој друг град по неколку часа, автоматски ќе се зголеми бројот на превезени патници, ќе има поголем број на туристи, на транзит-минувачи кои ќе оставаат по некое евро и уште низа други бенефити. Кога овие 4 и пол милијарди би ги позајмиле во наредните 10 години, нема да почувствуваме драстичен крах на економијата.
Истиот муабет го имам правено со професор по економија на факултет, кој се согласи со мојата теза дека требаше до сега да го преземеме хрватското сценарио. Но и сега не е доцна, ако знаеме правилно да ги сработиме замислените проекти. Нормално и ние како граѓани ќе треба својот однос кон државата да го подобриме за да може и таа позитивно да ни возврати. Да не заборавиме, поголем дел од тие средства ќе останат за македонските фирми и нови работници, кои ако разумно ги трошат своите средства домашната економија ќе акумулира нов, свеж капитал, аналогно на тоа ќе инвестираат во своите погони што би продуцирало поголема нивна рентабилност.
Но залудни се ваквите анализи ако некој од Владата сериозно оваа година не седне и да го разработи инфраструктурниот план до детали. Коридор 8 мора да се изгради што побрзо. Плус предност е што Бугарите се жалат на скапиот живот и стандард, па со железничкото поврзување нашите фирми ќе можат да искористат поефтин влез на бугарскиот пазар и поефтини производи. Но да не летам и јас, прво нека почнат со изградба.

Originally posted by Goran Decki sumiram za Makedonija da postingne nekoj prifatliv level po evropski terk na infrasttura i trebaat minmalno. O.5 Miljardi EvraKoridor8 1.4 Miljardi Evra Vardaska Dolina 0.7 Miljardi Evra Cebren Galiste 1 Miljarda Evra za gasovodod i modernnizirajne na prenostot na struja proprateno so pomali hidrocentrali. 1 Miljardi Evra Avtopati i patista vo celost niz cela drzava spored programata na Vmro. Ili totalno sve zaedno 4.6 Milajardi evra za site investicii Sto zmaci Makedoskite gragni ke bidat zadolzeni po zitel za dopolnitelni 2020 Evra Plus pred nekoje vreme na sitel ojavija deka Makedonija vo momentov borci 2500 evra po zitel Sto znaci toa ke bidi $4050 evra po zitel. Ova e premnogu za nasata drzava ako ova se sluci ke snajde isto ko Grcija.

Се слагам со се освен со заклучокот околу задолжувањето. Реализацијата на било кој од овие проекти и тоа како би имало значајно влијани на зголемувањето на БДП а со тоа и би се намалил соодносто на надворешен долг спрема БДП. Од друга страна доколку поголемуиот дел од изведбата ја земат нашите градежни компании, голем дел од тие пари би останале директно и индиректно во Македонија па и би се вратил дел од нив повторно во буџетот. Наместо како досега да се позајмуваме за проекти како СК2014 или купување на социјален мир преку исплата на заостанати пензии или субвенции, би се задолжиле за нешто што би имало директно влијание за нашиот иден развој. Колку само нови работни места би отвориле енергетските проекти, колку би се намалил увозот на струја и тоа од обновлили извори, колку би се подобрил транспортниот сообраќај а со тоа и нашите производи полесно и поефтино би стигнувале до крајните потрошувачи. И на крај, Македонија е рангирана во ниско/средно задолжени земји. Дури и целата оваа сума да се позајми, без воопшто да се учествува со буџетски пари, не би стигнале до фантастичните 144% од БДП-то на Грција. Ноември 2010 нашиот јавен долг изнесувал 34,2%. ЕДИТ: Податоците за јавниот долг ми се земени од CIA World Factbook:

Edited by UrbanFreak - 04-Jul-2011 at 08:48

Цената на пругата кон Бугарија ја кажува секој според својата пресметка, тоа говори за тоа колку сме сериозна држава, а не знам како ќе добиеме кредит од ЕБРД ако не знаеме колку пари ни требаат.

Добра вест има во денешното издание на неделникот „Публика“, кинескиот амбасадор во интервју по повод јубилејот на Комунистичката партија на Кина на два - три пати ја спомна заинтересираноста на China Railway Construction за изградба на пругата на Коридор 8. Ако влезат кинезите преку оваа компанија, треба да сметаме дека истата ќе биде завршена!

А зошто цената за довршување на пругата постојано расне?!? Стигнавме и до 300 милиони? Тоа е речиси 3 пати повеќе од проекциите кои ги слушавме до пред некоја година, а во меѓувреме неколку пати значително се зголемија. Од друга страна, не слушнавме ништо за подобрување на карактеристиките на пругата, или за значителни промени во трасата, па навистина не ми е јасно како можеше цената да се зголеми во толкава мерка.


Edited by Cloverstack - 03-Jul-2011 at 14:14