Урбана мафија и дивоградби (општо)

https://m.dw.com/mk/центар-гуп-дуп-општина-планови-урбанизам-грчев/a-57931644?maca=maz-rss-maz-pol_makedonija_timemk-4727-xml-mrss

Кој промаши, а кој погоди во Центар

Суспензијата мора да ја таргетира само конкретната причина за штетата, а не да зема цели четврти „во заложништво“, вели Мирослав Грчев, член на стручната комисија при Министерството за транспорт.
Дали и како е можно елаборатите на Општина Центар за суспензија на урбанистички планови до толку „да ја промашиле темата"? Прашањето се отвори откако стручната комисија при Министерството за транспорт и врски оцени дека со елаборатите за суспензија на спорните урбанистички планови, Општина Центар не докажала оти со нивна имплементација ќе се нанесе несомнена штета на јавниот интерес. Интересот на јавноста, меѓу другото, беше насочен и кон „судбината“ на трите кули од 16, 20 и 22 ката на инвеститорот „МГ Фешн“ и МПЦ-ОА, на кои сега им се отвора патот за изградба. Против нивна изградба граѓани на Скопје масовно потпишуваа петиција, укажувајќи на нехуманите аспекти на станбено-деловната изградба, која може да произведе бетонска џунгла во последниот слободен простор во срцето на градот, со многубројни импликации: сообраќајни, просторни, еколошки - сите разорни за квалитетот на живеење во метрополата.
Корективна алатка
Извори блиски до комисијата што ги изработила елаборатите, тврдат дека не е промашена темата и дека е јасна штетата за јавниот интерес. ДВ очекува во наредните денови да ги презентираат нивните аргументи, содржани во обемен стручен материјал.
Тие на располагање ја имаа можноста за суспензија на урбанистички план или негов дел, доколку се покаже дека ќе предизвика штета за јавниот интерес. Таа можност им ја нуди членот 23 од Законот за урбанистичко планирање, донесен во февруари 2020 година. Досега таа алатка не била спроведена во ниту еден случај. Како била искористена во овој случај - побаравме објаснување од професорот Мирослав Грчев, член на стручната комисија при Министерството за транспорт и врски.

„Алатката е силна и интервентна, зашто внесува прекин во применувањето на планот, со што се внесува еден вид дисконтинуитет во владеењето на правото и – технички – се внесува правна несигурност во владеењето и управувањето со просторот. Затоа, оваа алатка може да се употребува само во исклучителни ситуации во кои штетата по јавниот интерес што настанува или би настанала со применувањето на планот е очигледна и значителна, и може да се докаже и пондерира во стручниот елаборат за суспензија. Поради рестриктивноста на суспензијата, таа мора да биде селективна и прецизно насочена само на оној дел од планот – обично е тоа градежна парцела како просторна единица – чие применување ја врши штетата, и не смее заради една лоцирана просторна единица која генерира штета да се суспендира целиот плански опфат. Така оваа корективна алатка ќе прави повеќе штета во околниот простор, кого без причина ќе го остави без план за развој и употреба на просторот“, објаснува Грчев.

Ovoj grcev, treba da odgovara za toa sto go napravi so debar maalo. Ne mi e jasno tolku li nema nekoi mladi, ambiciozni strucni kadri, do koga ovie fosili i dokazani kriminalci ke odlucuvaat…

По написот на „Порталб.мк“, стопирана изградбата на терасата на пекарница во Тетово



Веднаш по објавувањето на информацијата на „Порталб.мк“ во врска со обидот за узурпирање на јавен имот за изградба на тераса од страна на пекарницата „Пекон“ во Тетово, градежната механизација е отстранета, а сопственикот на ресторанот истакна дека терасата нема да се гради. Од СВР Тетово потврдија дека добиле поплаки од граѓани во врска со ова и дека наредиле отстранување на работните алатки.

Сопственикот на пекарницата „Пекон“ за „Порталб“ потврди дека механизацијата за изградба на оваа тераса е отстранета и дека нема да се гради како што беше претходно планирано.

Од Секторот за внатрешни работи истакнаа дека добиле поплаки од граѓани за узурпација на јавен имот меѓутоа додаваат дека припадници на полицијата си ја завршиле работата и останатото е оставено на Пазарниот инспекторат.

„СВР прими поплаки од граѓаните за ова, припадниците на полицијата излегоа на терен и го фотографираа местото, веднаш потоа наредија отстранување на механизацијата. Сепак, ова е во надлежност на пазарниот инспекторат, тие ќе одлучат за понатамошните мерки“, рече Фатмир Реџепи, портпарол на СВР во Тетово.

Инаку, станува збор за пекарницата „Пекон“ кој се наоѓа на 50 метри од зградата на Општина Тетово, а работите за изградба на оваа тераса започнале во неделата и се стопирани еден ден подоцна.

Инаку, редакцијата на Portalb.mk континуирано информира за феноменот на узурпација на јавните простори во градот Тетово како: центарот на Тетово, тротоарите околу Зелениот пазар, нелегалниот пазар на добиток на влезот во градот, стари автомобили и последниот идентификуван, мостот кај Горната чаршија. Тротоарите наменети за пешаци, од страните на мостот се узурпирани од продавачи на овошје и зеленчук, но и на разни други производи.

https://meta.mk/po-napisot-na-portalb-mk-stopirana-izgradbata-na-terasata-na-pekarnica-vo-tetovo/

ВЛАДАТА ГО ПОВЛЕЧЕ ЗАКОНОТ ЗА ДИВОГРАДБИ, ВЕЛАТ ДЕКА ЌЕ НАПРАВАТ НОВ СО ПРИФАТЕНИ ЗАБЕЛЕШКИ НА ЈАВНОСТА

Владата утринава донесе одлука да го повлече Законот за утврдување правен статус на бесправно изградени објекти, кој се наоѓаше во собраниска процедура, откако претседателот Стево Пендаровски одби да го потпише Указот за негово прогласување. Спорниот закон за дивоградби беше изгласан во Собранието по скратена постапка на 11 мај, и требаше да се врати на дневен ред до 11 јуни по непотпишувањето од страна на претседателот, кој ќе имаше обврска да го потпише ако беше изгласан по вторпат.

„Владата на Република Северна Македонија на денешната редовна 74-та седница одржана преку видеоконференциска интернет врска, врз основа на известувањето за спроведените активности поднесено од Министерството за транспорт и врски донесе Одлука за повлекување на Законот за утврдување правен статус на бесправно изградени објекти, кој се наоѓа во собраниска процедура“, велат денеска од Владата.

Оттаму додаваат дека одлуката е донесена откако на работни средби со претставници на комори и асоцијации од областа на градежништвото, урбанизмот, претставници на граѓанскиот сектор и на јавни дебати, биле дадени забелешки за одредени законски решенија и предлози и сугестии за нивно доуредување.

Од Владата велат дека Министерството за транспорт и врски сега ќе изработи нов Предлог-закон за утврдување на правен статус на бесправно изградени објекти, согласно дадените забелешки.

Законот за дивоградби помина во Собранието со поддршка од мнозинството и од опозицијата. Дозволено ќе беше легализирање дивоградби во заштитени подрачја, како национални паркови, природни резервати, споменици на природата, подрачје на заштитено недвижно културно наследство, како и во прва и втора санитарно-заштитна зона на извори на вода за пиење, по добиена согласност од надлежниот орган.

Исклучени од законот беа само дивоградбите во границите на Охридскиот регион во кој се наоѓа природното и културното наследство запишано во Списокот на светското природно и културно наследство, како и дивоизградени станбени згради и дивоизградени доградби и надградби на станбени згради.

https://sdk.mk/index.php/makedonija/vladata-go-povleche-zakonot-za-divogradbi-velat-deka-ke-napravat-nov-so-prifateni-zabeleshki-na-javnosta/

(ВИДЕО) Дуќанџик: Една бандера „држи“ десетици приклучоци – законот ќе го легализира урбаниот хаос







Во маалото Дуќанџик, во срцето на Скопје, мајки со мали деца не можат да одат ниту на тротоар, ниту покрај тротоар, па дури ниту среде коловоз
Градоначалникот на Чаир поддржува донесување нов закон за легализација на дивоградби, но вели дека тој не треба да го легализира направеното „злосторство“
Кога се зборува за урбаниот хаос во Скопје, се користат примери кои, споредени со тоа што се случува во Дуќанџик, се како од скандинавските земји.

Ова е можеби единственото место во центарот на главниот град каде што може да се види како една бандера „држи“ десетици приклучоци. Или како мајки со мали деца не можат да одат ниту на тротоар, ниту покрај тротоар, па дури ниту среде коловоз.

На која страна и да се свртиш, јасно е дека некој не го почитува или не го почитувал законот и урбанистичките планови – од габаритот на некои од градбите, дуќаните распослани на тротоарите, до возилата паркирани буквално насекаде. А колку на државата ѝ е важно да го врати хуманото живеење покажува фактот што сето ова се случува во непосредна близина на полициската страница Бит-пазар.

Во Дуќанџик, очигледно, сѐ е дозволено за бизнисот, но што со луѓето кои живеат таму?

Скопската населба Ченто е на периферијата на Скопје, но тоа не значи дека не е атрактивна за градење. Проблемот, според жителите на едно од мирните маала претежно со куќи, е што и таму се гради на диво. А, ни овде не станува збор за трошна куќа на сиромашен граѓанин.



Според бетонските столбовите на необележаното градилиште, се гради поголем станбен или деловен објект.

„Станува збор за објект што се водеше како времен и беше направен од лесни материјали и се наоѓаше на државно земјиште. Набрзо никна една табла на која стоеше дека ова ќе биде реконструкција на тој времен објект за после неколку реакции од наша страна, да ја снема таблата на која стоеше дека е реконструкција“,

вели жител на Ченто.
Според Катастарот, бараките кои биле на локацијата имаат приватен сопственик. Но, земјиштето под и околу бараките сѐ уште е државно. Кога веќе е очигледно дека на терен се одвива нешто сосема друго од реконструкција на бараките, граѓаните побарале одговор од Општината Гази Баба, односно од градоначалникот Борче Георгиевски.

„Имаше неформална средба на која се кажа што се кажа. Ние потоа се организиравме, направивме еден убав допис и тоа е поднесено до Општината. Ставено е печат дека е примено во архива, ни рекоа да ќе се постапи за ова. Но, поминаа 10 дена, нема никаков повратен одговор назад што се постапува. Тоа сѐ уште се гради, нема прекин“,

вели жителка на Ченто.
И „360 степени“ се обрати до Општината Гази Баба уште во средата. Баравме да видиме што е предвидено на локацијата според Деталниот урбанистички план, но и дали е издадено одобрение за градба.

„И по пет дена и неколку ургенции, од локалната власт не одговорија на ниту едно од нашите прашања и барања. Колку ли непријатна може да е вистината, штом од општината одлучија дека е најдобро да се молчи“

Додека градоначалникот Георгиевски молчи, на терен си продолжува градбата на спорниот објект. Додека градоначалникот Ганиу, како што вели самиот, ја враќа контролата на терен, во Дуќанџик сѐ уште секој прави што сака. Во овие случаи, поширок закон за легализација ќе биде добредојден за бизнисот, но тешко дека ќе биде добар за старите жители на тие места.


https://360stepeni.mk/video-dukandhik-edna-bandera-drzhi-desetitsi-prikluchotsi-zakonot-ke-go-legalizira-urbaniot-haos/

(ВИДЕО) Дивоградба во Бутел на државно земјиште – интересот на 360° ја смени сликата за само три дена



https://360stepeni.mk/video-divogradba-vo-butel-na-drzhavno-zemjishte-interesot-na-360-ja-smeni-slikata-za-samo-tri-dena/

Банана-држава е комплимент за творбата во која живееме, само тоа имам да кажам.

Во Капиштец(од фб)

Урбанистички дистопии од Ѓорче Петров: Пола куќа, пола зграда

Едната половина од објектот ќе остане куќа, на другата половина ќе се гради зграда од пет ката. Вака според деталниот урбанистички план на општината Ѓорче Петров е предвидена градба во скопската населба Хром. За општината се’ е согласно законот, ДУП-от бил изгласан од Советот на општината. За инвеститорите ова е само уште едно парче земја за профит. Архитектите алармираат дека уривањето на заеднички носечки ѕид е недозволив проект. Станарите на куќите се приклештени меѓу бизнисот и политиката.

Скопје во послeдната деценија е место каде градежната експанзија зема замав и ги полни буџетите и на инвеститорите и на општините. За да се овозможи ова, локалните власти носат промени во Деталните урбанистички планови. Но, наместо баланс меѓу урбанизацијата и хуманото живеење, во плановите најчесто натежнува профитот на поединци. Општина Ѓорче Петров е следна на мапата на урбанистичките агресори.

Во својата предизборна програма сегашниот градоначалник Александар Наумовски, ветуваше дека ќе стави крај на урбаната мафија и ќе го спречи урбанистичкиот хаос .

“Главна цел ќе биде да ставиме крај на урбаната мафија и забрана на изградба на објекти за колективно домување меѓу објекти за индивидуално домување со цел да се зачува квалитетот на живот” велеше Наумовски пред локалните избори во 2017 година.

Но, едно пишува во предизборната програма, друго се исцртува на теренот. Во последните месеци во Ѓорче Петров граѓаните организираат протести против бетонизацијата и градење стотици згради и висококатници предвидени со деталните урбанистички планови.

Куќа без темели





Дејан Лазиќ е староседелец во скопската населба Хром. Во неговата семејна куќа на улицата Воин Драшкоци повеќе од пет децении живееле три генерации. Мирното маало населено претежно со куќи денес се соочува со градежна офанзива и изградба на неколку станбени згради.

Со новиот ДУП за Хром директно е загрозена куќата на Дејан Лазиќ. Во куќата живеат две семејства, имаат различни влезови, но заеднички темели и потпорни ѕидови. Парцелата на која се наоѓа куќата е поделена на два еднакви дела. Тоа значи дека на двете парцели може да се добијат засебни маркици за градба. Соседот се согласил и на неговата половина ќе се издигне зграда од пет ката. Лазиќ сака на неговиот дел да остане куќата во која што сега живее. Ако се реализира планот, уривањето на половина куќа, семејството Лазиќ ќе остане да живее во небезбеден дом.

“Оваа куќа е дом на три генерации, мојот дедо, мојот татко и јас. Сите вложуваме во неа и нема да се предадам, ќе одам до крај. Време е системот да профункционира “- вели Дејан Лазиќ.

Тој пред девет месеци почнал институционална битка. До Советот на општината поднел барање за повторување на постапката за донесениот ДУП, но наместо со правен акт, од општината му одговориле со известување. Тоа во правниот речник се нарекува “административен молк”.

“На нашето барање не одговорија со управен акт со кој се уважува или не се уважува барањето “ – изјави адвокатката на Лазиќ, Марија Спирески.

Од општина Ѓорче Петров ни потврдија дека добиле две барања од Лазиќ. За првото барање за повторно донесување на ДУП-oт велат дека тоа не било предвидено со овогодинешниот буџет на општината. Додека за второто барање, за вонредно делумно укинување на ДУП-от, локалната власт одговори дека само Уставниот суд имал ингеренции да направи такво нешто.

Од Општината велат дека ДУП-от е донесен согласно сите закони. Претходно биле спроведени анализи, евидентирање на постојните градби и нивниот конструктивен систем. Но, немале пракса да излегуваат на терен за конкретни објекти.

“Посета на поединечни објекти не е вообичаена пракса, а воедно и не е (и не било) обврска согласно пропишаната содржина на урбанистичките планови со Законот за просторно и урбанистичко планирање” ни одговорија од општината.

Сите куќи во маалото во кои живее Лазиќ се изградени по ист принцип и со единствен конструкторен систем. Тие не се нови, туку се градени во 40-тите години од минатиот век и ова го знае секој староседелец во Ѓорче Петров, вели Лазиќ.

Тој не е единствениот кому ќе му се сечат потпорните ѕидови. И неговиот сосед Борче Џинковски се обидува да ја спаси својата половина од куќата. И неговата парцела е поделена на две маркици и во втората половина ќе се гради зграда на пет ката. Инвеститорот, во неговиот случај е при крај со процедурата, треба уште да плати комуналии и да почне да гради.

Кој ја подели куќата на пола

Општините не располагаат со стручен кадар кој би направил анализа пред донесувањe на ДУП и за таа цел ангажираат приватни фирми. Фирмата која во 2017 ја изработила анализата за конкретниот урбанистички план е „Иванов инжењеринг“ од Битола.

Оттаму тврдат дека при нивниот процес на работа ги запазиле сите законски регулативи. Но, сепак не утврделе дека објекот на Лазиќ дели заеднички темели и носечки ѕидови.

“Планерите немаат ингеренција да прават анализа на постоечките објекти со технички анализи и испитувања на темелите, меѓукатните конструкции, серклажите, носечките ѕидови и не се обврзани да прават увид во техничката документација според која се изградени градбите.” ни одговорија од „Иванов Инжењеринг“.

Тие посочија дека Лазиќ сам требал да ги пријави забелешките во јавната анкета за ДУП-от која ја направиле 2018 година.

“Кога ја пополнувавме анкетата ни на крај памет не ни’ дојде дека може да ни’ ја рушат куќата.”, вели Лазиќ.

Фирмата „Иванов Инжењеринг“ е позната на јавноста кога во 2017 година медиумите објавија дека е регистринана на адресата на семејната куќа на тогашниот министер за транспорт и врски, Миле Јанакиески на улица „Браќа Ламески“ бр.32 во Прилеп. Фирмата добивала тендери од општини, министерства, а учестувала и во проектот „Скопје 2014“ како изведувач на катната гаража „Разловечко востание“, која чини околу 10 милиони евра.

Во градежништвото не е дозволен авантуризам

Во обид да докаже дека куќата е неделива, Дејан Лазиќ побарал стручно мислење од професори од Градежен факултет. Во двете стручни мислења што ги изработиле професорите Дарко Наков, Горан Марковски, како и деканот Златко Србиноски во детали ја исцртале куќата и поставеноста на заедничките темели и потпорни ѕидови.

“Професорите уште кога го видоа објекот рекоа ова се гледа од авион дека е неделниво“- изјаи Лазиќ.

Во заклучокот на стручното мислење пишува дека уривање на дел од објектот со себе носи висок ризик по стабилноста и носивоста на преостанатиот дел од градбата.

“Градежното конструкторство е премногу сериозно подрачје во кое било каков авантуризам може да има несогледиви последици “ – пишува во стручното мислење на професорите.

Општината го одбила првото стручно мислење со кратко образложение дека не било базирано на технички испитувања направени врз објектот. Професорите по овој одговор праќаат второ стручно мислење, на што општината одговара дека не го оспорува и дека истото ќе биде земено во предвид.

Градоначалникот Александар Наумовски им одговорил дека не го оспорува мислењето на професорите, но сепак од општината во дописот до ИРЛ велат дека во барањето на Лазиќ за делумно укинување на донесениот ДУП, ризикот за објектот е неоснован.

“Тврдењето од барањето дека со детален урбанистички план – како општ акт може да се предизвика тешка и непосредна опасност по животот и здравјето на луѓето е целосно неосновано” стои во одговорот од општината.

Според Законот за градба одговорноста за безбедноста на непосредните соседни објекти при градењето ја сноси инвеститорот. Тој со изјава заверена на нотар се обврзува дека ќе ги плати сите трошоци во случај на штети. Општината нема да сноси никаква одговорност доколку му се оштети куќата на Дејан Лазиќ.

Тој се надева дека ќе успее да го спречи урбаното силување, а надеж гледа во второстепената комисија во Министерството за транспорт и врски, каде минатата недела упати жалба и побара Советот на општината повторно да го разгледа ДУП-от.

Проектот пола куќа, пола зграда засега останува само на хартија.

https://irl.mk/urbanistichki-distopii-od-orche-petrov-pola-kua-pola-zgrada/

Овој тера трет мандат, не е крив он него тие што го гласаат...треба да се остават градови како Струга, Тетово, Гостивар...јабана, шта је ту је, нема спас за нив...нека прават што сакаат.

Секторот за инспекциски работи продолжува со отстранувањето на незаконски поставени и изградени објекти на територија на Општина Центар.
Денес се отстранува градба на улица „Лазар Личеноски“ бб, објект кој се наоѓа веднаш под Калето. Во придружба на градежна механизација согласно Законот за градење и Законот за постапување со бесправно изградени објекти, општината пристапи кон присилно отстранување.
Повторно апелирам, инвеститорите да постапуваат по издадените решенија за отстранување на градбите, затоа што во спротивно, општината присилно ќе ги изврши, а трошокот ќе падне на товар на инвеститорите.







https://www.facebook.com/sasha.bogdanovikj