Такси превоз

Нелиценцираните таксисти преку огласи прават пазар со патници

Од Групацијата за автотакси-превоз велат дека такси-превоз на диво вршат дури и хотели, автосалони и рентакар-служби

Снежана Калабакова



По унифицираното обележување на таксистите, ги снема автомобилите од такси-стојалиштата во населбите на сите оние што вршеа такси-услуги на диво. Исплашени од најавата на градоначалникот на Скопје, Коце Трајановски, дека градските и сообраќајните инспектори ќе вршат зачестени контроли, а казните за нелиценцираните за извршување такси-превоз ќе бидат ригорозни, дивите таксисти побегнаа од локациите на кои претходно собираа патници. Сега тие бараат нови начини како да дојдат до нив и најчесто такси-турите ги договараат преку огласи на разни веб-страници. Инволвираните во такси-дејноста тврдат дека ова е единствениот начин на кој можат да заработат, а да побегнат од инспекциските контроли. Во некои од огласите, освен цените за одредени дестинации, има информации каков комфор нуди возилото со кое се патува. Така, на пример, такси-тура од Скопје до аеродромот „Александар Велики“ чини 800 денари, додека за патувањето до Велес се плаќа 1.500 денари, а релацијата до Куманово чини 1.000 денари. Турите до главните градови на нашите соседни земји Србија и Бугарија имаат цена од 170 и 90 евра. Од Скопје до Солун во соседна Грција треба да се издвојат од 90 до 100 евра. Согласно со новата одлука за автотакси-превоз на подрачјето на Скопје, досега се лиценцирани повеќе од 1.000 такси-возила.

Од Одделението за односи со јавноста во Градот велат со сигурност не може да посочат точна бројка на нелегални таксисти што оперирале претходно, но велат сосема сигурно е дека, по воведувањето на унифицираното обележување, бројот на нелиценцирани е сосема незначителен во однос на периодот пред да стапи одлуката во сила. Постојаното присуство на градските инспектори на теренот во координација со сообраќајната полиција со ефикасна контрола во текот на целиот ден и на сите локалитети придонело видно да се намали бројот на нелиценцирани такси-превозници. Досега велат се поднесени 350 прекршочни пријави од кои 130 платиле казна.

„Навистина драстично е намален бројот на таксисти во сите три смени откако Градот почна да ги лиценцира и обележува такси-возилата, а инспекцијата се забележува и ноќе. Уште мал дел од таксистите што решија да се занимаваат со оваа дејност останаа да ја комплетираат документацијата. Во Скопје би требало да има околу 3.000 легални таксисти. Но, како и во секоја друга држава, така и кај нас нелегалните си бараат начини како да дојдат до патници и тоа најчесто го прават преку огласи на неколку веб-портали. Отворете само на „Пазар 3“ и ќе најдете такви, па има дури и хотели, автосалони, рентакар-служби и физички лица што имаат по неколку возила, кои нелиценцирани вршат такси-услуги“, вели Сашо Рајчановски, претседател на Групацијата за автотакси-превоз при Стопанската комора на Македонија.

Од Градот објаснуваат дека согласно со Законот, казната за нелиценцираните изнесува 500 евра во денарска противвредност, но доколку се плати по налогот во рок од осум дена, казната се преполовува.

http://www.utrinski.com.mk/?ItemID=41EA00B5CDB3A940A7D7CD090B7E4001

митатос проблемот е повеќеслоен. Еден од проблемите е што секој невработен станува таксист така што има премноги и легални и диви таксисти а тоа ја бутка цената на границите на рентабилноста. Во таква состојба, нормално е луѓето тешко да врзуваат крај со крај како што опишуваш.

Не се криви луѓето што се обидуваат да заработат за живот, но оваа ситуација ја има урнисано професијата таксист која треба да се изгради одново во Македонија.

Браво за џандарот, само остро.

Од кожа се вадам кога ќе видам како некој прави очигледен прекршок пред џандар а овој дреме и не реагира.

Скоро гледав слична (иако не вака драматична) ситуација кај раскрсницата Сава Ковачевиќ - Народни херои. Едно типче си чекаше семафор во обратен правец на едносмерната. Џандарот жив го фати.

Значи до крајот на годинава мора сите да се префарбаат жолти како што разбрав или нема баш да биде така?

Originally posted by toasumjas Мене вакви без жолта ми се поубави

Жолти се во некои земји (но не во сите) за да се распознаваат, ама и бели да се е фино. Сум видел дека се бели во неколку земји и баш изгледаат пофино, како што викаш, не е нападно. Дури додаваат и малку повеќе елеганција. Жолтата е малку терсене боја кога се применува врз поголеми површини

Ми се топаѓа и тоа многу!!!
Само да се почитува законот... веќе знам во кои коли ќе се качувам.

Видете убаини.

Ќе се додаде некоја жолта нели...

п.с.
Жолтата ќе биде иста кај сите компании, или кој на каква жолта налетал?

ПРОМОВИРАНИ УНИФИЦИРАНИТЕ АВТО ТАКСИ ОЗНАКИ И ДОДЕЛЕНИ ЛИЦЕНЦИТЕ ЗА АВТО ТАКСИ ДЕЈНОСТ      

Градоначалникот на Град Скопје, Коце Трајановски и Министерот за внатрешни работи на Република Македонија, Гордана Јанкуловска денеска /03.07.2011 година, недела/ на платото пред просториите на Град Скопје во Градски парк, официјално ги промовираа унифицираните ознаки за авто-такси превозниците и ги доделија лиценците за авто такси дејност.

- Со промоцијата на изгледот на унифицираните ознаки за авто-такси превозниците стартува реализацијата на новиот концепт и организација на овој вид превоз на патници, утврден со Одлуката за авто такси дејност на подрачјето на град Скопје, донесена во месец октомври 2010 година, со што ќе стави крај на хаосот во такси превозот, изјави Градоначалникот Трајановски при промоцијата на унифицираните авто такси ознаки.

Такси–превозниците ќе добијат унифициран изглед во надворешното обележување на возилата и внатрешниот изглед на возилото.

Секое возило добива унифицирана табла со натпис ТАКСИ и број од изводот од лиценцата, издадена од Град Скопје. Такси возилата ќе бидат видно обележени и со надолжни налепници, изработени од ретрорефлектирачка фолија (лесно забележлива и во темнина), заштитена од фалсификување со холограм.

Во внатрешниот дел на секое возило унифицирано се поставуваат информации за: извод од лиценцата на авто-такси возилото, легитимација на возачот и тарифа за наплата. Овие изводи со унифицирани димензии се поставуваат на пропишани јасно воочливи места за патниците на предниот кокпит на возилото.

Град Скопје за изработка на ознаките за унифицирање (табли и налепници) за сите возила предвидени со Одлуката издвои 5.800.000 денари, од кои 3.8 милиони денари за таблите и 2 милиони денари за налепниците, а истите бесплатно се поделени на лиценцираните авто такси превозници.

Во овој дел околу организацијата на такси превозот, Град Скопје, согласно Одлуката, досега уреди 90 такси стојалишта и до крајот на септември ќе бидат уредени уште 45, со што ќе се обезбедат услови на нив да се стационираат околу 720 авто-такси возила.

Град Скопје досега добил барање од 350 правни субјекти за издавање на лиценца и има издадено лиценци за 950 авто-такси возила. Во регистарот на Град Скопје согласно одлуката се превидени 3000 возила, што значи дека има простор за уште 2000 возила за сите што сакаат легално да ја обавуваат дејноста.

Унифицирањето на изгледот на авто-такси превозниците во оваа фаза ќе придонесе да се стави крај на долгогодишниот хаос во такси-превозот, со што ќе се подобри квалитетот на услугите за патниците, сигурноста на патниците, како и условите за работа на такси-превозниците.

Градот Скопје во соработка со Министерството за внатрешни работи, започнувајќи од утре ќе ги интензивира инспекциските контроли на подрачјето на Град Скопје со цел ставање на крај на хаосот во такси превозот и доследно спроведување на Одлуката за авто такси дејност на подрачјето на Град Скопје.

http://www.skopje.gov.mk/ShowAnnouncements.aspx?ItemID=4354&mid=482&tabId=1&tabindex=0

http://www.makedonija24.mk/content/show/CatId/10/ContentId/5861

Вреди да се погледне најмногу поради објаснувањето на Коце . Инаку супер изгледаат вака коливе (посебно ми се допаѓа како е решен просторот за рекламирање), само ќе треба обавезно да се префарбаат. Не ќе беше лошо и едно такси со новите бои да покажеа.

ПОКАНА      

Утре /03.07.2011 година, недела/ во 11:30 часот, на платото пред просториите на Град Скопје во Градскиот парк, свечено ќе бидат доделени дел од новите лиценци за авто-такси превоз, а истовремено ќе биде промовиран и новиот унифициран изглед на такси возилата.

На доделувањето на дел од такси лиценците и промоцијата на новиот унифициран изглед на такси возилата ќе присуствуваат градоначалникот на Град Скопје, Коце Трајановски, како и министерот за внатрешни работи, Гордана Јанкуловска.

Почнува унификацијата на такси превозот



Најдоцна до почетокот на јули, градоначалникот Коце Tрајановски ќе го промовира новиот унифициран изглед на такси возилата во градов, според стандардите утврдени во последната одлука на градскиот совет, кои пак би требало да стават крај на хаосот во такси превозот.
Таблите и налепниците што според најновата одлука за легализација на такси превозот треба да стојат на такси возилата се веќе набавени, а во тек е изготвување на лиценците за превозниците. На 14 април стапи во сила и одредбата од одлуката со која се утврди и новиот ценовник на такси превозот, но градската власт им остави вакуум период на таксистите за примена на новите цени откако ќе заврши тендерот за изработка на информативните табли што треба да се постатават на возилата, со што ќе се направи јасна дистинкција помеѓу легалните и дивите такси превозници, кои со години претставуваат нелојална конкуренција на лиценцираните компании кои ги подмируваат своите давачки кон државата за дејноста што ја вршат.

- Сите таксисти кои поднеле барање, а се во рамките на предвидениот број и во согласност со условите кои треба да ги исполнат од новата одлука, ќе добијат лиценци, табли и налепници. Бидејќи немаше никакви официјални барања за корекција на цената на такси превозот, таксистите мора да ги избаждарат таксиметрите и да возат по новата цена - велат од Градот.
Веќе со месеци градската власт зборува дека унифицираната цена и изглед на такси возилата, како и изградбата на официјални такси стојалишта се предуслов што води кон решавање на проблемот со дивите таксисти и нелојалната конкуренција, но сепак никако да е види крајот на проблемот. Градоначалникот на една од минатите седници на Советот вети дека дека до крајот на летото конечно ќе се реши легализацијата на такси компаниите во градот, како и уредувањето на 140 такси стојалишта во десетте скопски општини.

http://www.plusinfo.mk/vest/5599/-Pochnuva-unifikacijata-na-taksi-prevozot