Урбана мафија - случај Платина

добро, а приватна тужба за овој случај има или само на државата се чека.  доколку се покрене приватна тужба и доколку има елементи, судот може да ја стопира градбата или продажбата на станови, ем таман во меѓувреме ќе се докомплетира пријавата од обвинителството, па ќе трпат инвеститорите толку што ќе посакаат никогаш и да не се нафатиле на вакво нешто, со оглед дека ретко кој има свеж кеш од нив за расфрлање. обично се заеми или заеднички влог или готовина со која го вртат бизнисот... како и да е упорноста понекогаш се исплати се додека е во рамките на законот! иако мислам дека ова со снимките поминува само по медиуми но не и во суд, освен ако камерата или прислушниот уред се со налог и од полиција поставени! 

еве нешто од нет за муабетов:

знам дека е тешко да се излезе на крај со вакво нешто но најверојатно ќе го испочитуваат законот, и зградата ќе ја турнат со оглед дека се работи за приватен имот! овој случај не е како со “раба“ каде беа спорни само комуналиите, но сепак е жално и за луѓето што уплатиле станови таму. незнам како може истите да се компензираат или легализираат, ниту е државно земјиште ниту пак инвеститорот е во МКД па да му се одземе имот за компензација на измамените станари. сигурно на крај ќе се најде некое чаре!

пример на запад толку се почитува правото на живот што постојат некои навистина хумани закони дури и во случај на диво вселување Squatting, пример во холандија или англија каде доколку се вселиш во напуштен објект (објект во кој не живее никој, без разлика што има сопственик и просторот е вселив) имаш право да живееш во него и никој не смее да те гибa. слично беше и кај нас, но со општествените станови, каде во празните веќе доделени станови се вселуваа на диво луѓе и по некое време по судски пат го превземаа владеењето со станот, особено во случај да се утврди дека се работи за фамилија а претходниот сопственик има обезбедени услови за живот...  www.en.wikipedia.org/wiki/Squatting

па види колку и мвр да пушта пријави, доколку обвинителството не ги прифати и за процесираните не се заземе професионално(ко за научен проект) нема да има завршница! следна препрека во борбата е судската власт која како што знаеме е последниот бастион на корупцијата со оглед дека судиите немаат никаков надзор ниту пак ревизија, иако има тело кое теоретски треба да се грижи за ова Републички Судски Совет но во пракса истото ова завршува само со “оценување на стручноста и совесноста на судиите“ преку кафе муабет, а капак на сето тоа РСС му дава отчет на собранието, кое нормално доколку работи само на ова прашање веројатно и би излегло на крај со третиот нагризан столб на системот... може и нешто ќе се промени но тоа сигурно нема да биде веднаш ниту пак трајно...!

но затоа секогаш е тука Судот На Јавноста!

Соња ова симболиката е претпоставувам со СоњаТАТ која ги зема на своја душа сите заврзлами кои ги зготвија скопските кајмаками. во секој случај правилен пристап ваков начин на демистификација постои секаде во светот.

еве да претпоставиме дека аларова не е крива и дека општинарите треба да ме(ве) упатат кон правен лек или евентуално да ми укажат каде и како да си ги барам(е) правата или да образложат како некоја одлука е донесена ТИЕ не смеат вака да се однесуваат небаре се на функциите дојдени за да ’ржат по граѓаните кои и ги довеле таму. дури и некој и стопати да се им се обрати па макар бил и во правен судир со нив, нивниот пристап треба да биде крајно етички и професионален, а не како што можеме да чуеме на клиповите небаре имаат тезга за оружје... но ова е рецидив од комунизмот каде власта-администрацијата доминираше на секој можен начин над рајата, иако во последно време се пробува овие азгански манири да се скастрат сепак навики си се навики, ќе те ислуша евентуално еднаш и доколку има и каква било минорна недореченост - службеникот наместо да се потруди да излезе во пресрет попрво ќе те понижи и нормално исшутира или во поблага варијанта измаршира. ова е нормално и заради непрофесионалноста но во многу случаи и заради стравот на службениците да објаснат нешто заматено, во најмала рака како не би си го пикале носот во нечии заврзлами или како во повеќето случаи заради штитење на сопствените митаџиски авантури или амбициите на балдската. 

што е до местењата и грабањата околу парцелите и маркиците во СК незнам што да кажам освен следете ги работите со ладна глава, зошто кога тогаш за секоја неправда ќе стигне и казна, колку и ова да звучи романтично! сепак доколку човек сака да се спротистави на овој октопод прво треба да се обезбеди со повеќе секири кои би му го чувале грбот доколку падне во небрано т.е. постојано да има на готовс диктафон, апарат, камера или сведок покрај себе како би се зачтитил индиректно од ударите на пипците, а за да ја разбистри водата која октоподот ја заматува кога ќе му згусне најдобро е да обезбеди vanish средства за чистење - а тоа се медиумите, каде со доволно количевство на новинарски текстови и емисии може експресно да се спрегне и извршната и судтската власт(иако ова вторава засега е прилично за’рѓана). за ова vanish тактикава примери има многу но најбитет е тајмингот и силата на аргументите иако во многу случаи обично доколку засегнатиот има сила пушта разноразни афери кои би го угушиле муабетот и заматиле трагата. затоа најдобро е сопствен медиум или пријател со сопствен медиум како Велија, но и тоа не е гаранција, бидејќи сега сите уредници се добро стресени од атентатот со пуканиќ, и тоа пази во “безбедната“ Хрватска. сепак тешко е да се држи медиум заради идеологија, а посебно тешко доколку таргет тема се машносани тезгаџии на маркици и парцели. 

Ke se boram do krajot na mojot zivot protiv urbanata MAFIJA. 
Sakam da im pomagam na lugjeto koi imaat problemi so URBANATA MAFIJA. 
Slobodno pisete na email i objasnete mi go problemot. Se slusame.

здраво Соња , сигурно ова е од алтруистички побуди, но дали помошта е правна или физичка, милсам дали си адвокат или весел рекетар  немој да ме рабереш погрешно, но доколку сакаш да се справиш со скаламуции од типот 2+2=22, единствено чаре е само ова со снимки и извлечени муабети од фолирантите. инаку конечно некој да покаже смелост јавно да ги тимари таканаречените урбани мафијаши, кои можеби не убиваат но уште побетер ги малтретираат, возат или се изживуваат врз луѓето кои некако им се нашле на патот во амбициозните портфолија. само еден добронамерен совет, доколку мислиш да успеш во мисијата а и за да се заштитиш од евентуален пневматски притисок најдобро е риповите од аплодираните снимки да ги пушташ од интернет кафе заради помирен сон а и заради поширок простор за маневрирање. абе ваков космополитски пристап и смелост може да се очекува само од жена ние дрвата немаме камена волја. Добредојде!