еве ја бројката за Скопје

Рекордни 88.922 патници прелетале преку скопскиот аеродром во октомври Објавено: пред 9 минути Прочитано: 39 Печати Сподели со твоите пријатели!     Со опслужени 88.922 патници минатиот месец и зголемување од 37,6 отсто во споредба со октомври лани, скопскиот аеродром го одбележа најголемиот месечен пораст изминативе неколку години, соопшти ТАВ.   Бројот на воздухопловни операции се зголемил за 15,1 процент, со вкупно 983 полетувања и слетувања. Нивото од 245.63 тони превезени карго-пратки е повисоко за 4,9 отсто во споредба со октомври минатата година.   Истанбул останува најчестата дестинација за периодот јануари-октомври по што следуваат Виена, Цирих, Лондон, Љубљана и Малме, додека Ербас А320 е најчестиот тип авион со удел од 32 процента во целокупните воздухопловни операции на патничките летови.   Од ТАВ соопштуваат дека новиот ред на летање, што важи од 27 октомври, вклучува 91 неделна фреквенција во ноември и очекувани 101 неделна фреквенција во врвот на сезоната, меѓу 15 декември и 15 јануари. Најголемиот дел од авиокомпаниите ги задржале зимските редови на летање од претходната сезона. „Виз ер“, пак, сега има седум дополнителни неделни фреквенции, а „Туркиш ерлајнс“ има уште четири неделни летови. Од 20 декември „Германиа флуг“ ќе воведе летови до Берлин еднаш неделно.

http://www.plusinfo.mk/vest/113322/Rekordni-88922-patnici-preletale-preku-skopskiot-aerodrom-vo-oktomvri