Плажи и бродови на Вардар

Проектот фино изгледа, мада локацијата ми е тотално утната. Требаше на другата страна да ја стават, ќе го анимираа тој дел таму малку, има и простор за паркинг, дотур и слично, а и сонцето поубо мава на таа страна.  

Нормално, по листа на приоритети за градов, тотален промашај, ама тоа им е трејдмарк на овие така да во ред е.

нема анкета !? не уџум.. тука, горе.. и уште некоја фотка не би била на одмет..

Морски песок на плажата на Вардар

Морски песок, палми, лежалки, шанкови со маси и столици ќе бидат поставени на градската плажа на кејот на Вардар зад Луна паркот.
На 1 775 метри на кои ќе се простира плажата ќе биде истурен морски песок донесен од Албанија и Грција. Овде ќе бидат поставени и десетина палми засадени во саксии,  осумдесет лежалки, дваесетина маси и столици и четири шанка.

Градоначалникот на Скопје Коце Трајановски на денешната прес конференција истакна дека плажата ќе служи единствено за забава, рекреација и сончање, а капењето во Вардар и понатаму ќе биде строго забрането.

Според него, единствена цел на овој проект е на Скопје да му се вратат плажите кои некогаш овој град ги имал и како што е примерот во другите европски градови.
„Не ни беше целта да имаме комерцијални ефекти од плажата, туку на Скопје да му го вратиме стариот сјај. Најважно е на граѓаните да им понудиме простор за рекреација и забава“ рече Трајановски

За таа цел, рече Трајановски, Градот преку јавен оглас избра здружение на угостители, задолжено за одржување и обезбедување на плажата и привлекување на посетители преку добра програма и услуги.
„На огласот се јави едно здружени кое вклучува реномирани кафулиња. Врз основа на програмата што ја понудија, со која што ќе треба да привлечеме што повеќе граѓани, го добија конкурсот и договорот е потпишан со нив. Тоа ќе значи дека на плажата ќе има сегмент што е многу значаен, тоа е забавата“, рече Трајановски.

На плажата ќе бидат поставени четири шанка на кафулиња, а останатиот дел, според Трајановски ќе биде слободен за посетителите, со бесплатен влез и користење на реквизитите.

Градската плажа ќе стартува во недела на 27 јуни во 12 часот, со настап на ДЈ Дерик Меј. Ќе работи секој ден до крајот на летото од 10 до 24 часот. За овој проект Град Скопје предвиде околу 100 000 евра.крај/кс