Скопски сообраќај (општо)

Добро имаат ли абер на Партизанска и на Цветан Димов да стават завршен слој на асфалт ?

А и колку професионално е ископано... диви копачи в шума појќе се трудат за организирање на шутот, кај се фрлило таму останало

Точно е, мора. И едвај чекам да видам како.

И мене многу ме интересира како планира да ја направи спојката...
Ама пак ќе кажам. Џабе е кога и сега има невидена гужва на бул.Србија во правец од Аеродром нагоре.

Тоа го имаше најавено Коце за годинава. Би било паметно Шилегов да реализира. Не е комплицирано да се стави трета лента на тој дел.

Попроточен сообраќај, пократки релации, денивелирани вкрстувања, помалку раскрсници и помалку застои, сето тоа ќе придонесе за помало аерозагадување од сообраќајот. Исто така Јужен булевар е важен предуслов за воведување на ефикасен шински јавен превоз во градот и како таков секогаш бил предвиден со простор за двоколосечна пруга со стандардна ширина од 1435mm.

Од друга страна, попроточен сообраќај речиси секогаш долгорочно стимулира повеќе автомобили на улиците и до некаде се поништува ефектот од првичното растоварување, но во контекст на загадувањето и на конгестијата мораме да ги земеме во предвид и новите технологии кои доаѓаат (електрични автомобили, автономни возила, иновации во јавниот превоз и слично) кои секако многу поефикасно ќе функционираат со дооформена примарна сообраќајна мрежа во градот. Јужен булевар и секако булеварот Крушевска република значително ќе го подобрат квалитетот на живеење во Скопје, а ќе имаат и многу позитивни економски ефекти.




Edited by Cloverstack - 31-Jan-2018 at 20:32

Originally posted by phenomenon Cloverstalk, ти ако одиш по ветувањата на новиот градоначалник , далеку ќе стигнеш. Како што тој најави бесплатен превоз за следниот ден, па истиот утредента да го укине во 16 часот, а замисли, јас да сум отишол да планинарам на Јакупица, потоа слегувам до Горно Количани, и оп нема бесплатен превоз, а да викнам такси до Автобуска, ќе ми излезе околу 600 денари, нели? Што ако немам толку пари? Значи, јас однапред треба да мислам дека таткото на град Скопје може да ме измами, и да ми остане единствена опција да одам со такси од Горно Количани до дома во Кумановопо цена од 2000 денари? Затоа јас никогаш не одат по умот на политичар, а ти го советувам истото и тебе.

Без гајле, не сум толку наивен
Не верувам на ветувања, ќе верувам само на вистински градежни работи за изградба на внатрешниот прстен.

Но и без него состојбата на булевар Србија/Војводина е веќе критична. Затоа некаква источна трансферзална сообраќајница е веќе неопходна (а и поради други причини).

Еве ги моите замисли за брзи сообраќајници, урбани автопати и автопати во Скопје:

Јас би додал уште една сообраќајница помеѓу Горно Лисиче и овој најисточниот мост на Вардар што го имаш вцртано. Ја имам доцртано со жолта боја на првата слика. Со таа врска би се оформила трансферзална сообраќајница од Охис па до северната обиколница.

Скопје има голем проблем што огромни реони во источниот дел од градот се речиси изолирани еден од друг, односно нема ниту една трансферзала. Голем дел од населението и уште повеќе индустрија и логистика, како и големи трговски субјекти се наоѓаат во овие реони. Генерираат многу сообраќај и ќе генерираат уште повеќе, а во моментов најкратка врска им е Булевар Србија/Војводина. Овој булевар не само што е премногу западно за да биде ефикасно решение, туку е веќе закрчен и во шпицовите колабира. Не може да се размислува ниту за проширување, затоа што железничкиот надвозник кај Фершпед е огромна пречка за такво нешто. Источна трансферзална сообраќајница е апсолутно неопходна.

Ако навистина се оди и на комплетирање на внатрешниот сообраќаен прстен на Скопје, како што ветува новиот градоначалник, булеварите Србија и Војводина ќе бидат под уште поголем притисок. Треба да се делува на време...

1


2

Обновените улици Втора Македонска Бригада и Ферид Бајрам меѓу Чаир и Бутел. Асфалтот е обновен, иако на места се чувствуваат нерамнини, а на две места (на ул. Ферид Бајрам) има и мали вдлабнатини. Моментално се работи на тротоарите. Работите се одвиваат со молскавична брзина на полжав.

Вт. Мак. Бригада



Ф. Бајрам