Плажи и бродови на Вардар

Зад Луна-парк се гради градска плажа

„Алкон проект“ е одбрана да ја опреми плажата под театарот, а е ангажирана и за таа зад паркот

Сања Наумовска

Фирмата „Алкон проект“ од Скопје ќе ја опремува плажата на левиот брег на Вардар, под новиот театар, во мајор-коритото на реката. Оваа фирма е одбрана како најповолна на електронската аукција и се очекува набрзо да склучи договор до Градот Скопје. Но, „Утрински весник“ дознава дека „Алкон проект“ ќе ја гради и втората градска плажа, која ќе се простира на десниот брег на Вардар зад Луна-паркот.

Од Градот Скопје не успеавме да добиеме одговор на прашањето каков ќе биде конечниот изглед и колку ќе чини изградбата на градската плажа. Иако „Утрински“ вчера официјално постави прашање уште во 9,30 часот, од Одделението за односи со јавноста на Градот воопшто не не' удостоија со одговор. По целодневно ескивирање, единствено што добивме оттаму беше писмена покана за прес-конференција на која сите медиуми „ќе бидат информирани за почнување на проект за изградба на плажа на река Вардар“. Пресот ќе биде на кејот зад Луна-паркот.

Тоа дека ќе се гради втора градска плажа на Вардар, освен првично предвидената под новиот театар, доказ се активностите што се одвиваат на теренот. Просторот во радиус од 200 метри веќе е заграден, поставени се постаментите за челичната конструкција, обележан е теренот за елементите, а обележани се и местата за тушевите. Што ќе содржи оваа плажа, каков ќе биде нејзиниот изглед, колку ќе чини, веројатно ќе биде познато по денешната прес-конференција.

Сепак, треба да се каже дека изградбата на оваа плажа не е изненадување, со оглед на тоа што во една од измените на Деталниот урбанистички план за централното градско подрачје имаше предвидено маркичка за плажа и на просторот зад Паркот. Таа, всушност, е третата маркичка за градска плажа (другите две беа на левиот брег на потегот од Камениот мост до мостот „Гоце Делчев“). Засега е енигма како и кога „Алкон проект“ е одбрана да го изведува и овој објект.

Инаку, проектот на авторите Бекир Адеми и Бетим Зекири, кои ја добија првата награда за конкурсот за идејно решение за градска плажа под новиот театар, неколку месеци беше на приспособување кај градската администрација. Неговото идејно решение предвидува овој дел од коритото на Вардар да биде покриен со песок, да има дрвени платформи на кои ќе бидат поставени лежалки, столови и маси. Помеѓу урбаната опрема ќе има и неколку мали базени, а целата плажа ќе биде покриена со тенди во модерна форма. Според авторите, плажата ќе биде простор за рекреација, уживање и за игра. Тоа нема да биде конвенционална плажа, со утврдени атрибути, туку повеќе уште една урбана атракција. Со оглед на тоа дека водата во Вардар не дозволува луѓето да се капат, на самата плажа се предвидени мини-базенчиња за деца.

Инаку, „Алкон проект“ неодамна беше избрана и за изведба на мултифункционалните тезги кои ќе се поставуваат на плоштадот „Македонија“ и на други локации во центарот на градот откако и на таа електронска аукција понудила најниска цена. Оваа фирма минатата година ја заврши и реконструкцијата на фасадата на Детскиот културен центар „Карпош“.

Ма енигма сте вие Утрински..

• Македонија

Скопјани ќе добијат градска плажа на кејот на Вардар до крајот на месецот.

На просторот зад Луна парк, на повеќе од 1700 метри квадартни, градската управа ќе постави ситен песок, урбана опрема, тушеви и простор за детски забавни содржини.

Капењето нема да биде дозоволено, но Трајановски смета дека и без тоа, градската плажа ќе нуди доволно забавни содржини.

Плажата ќе работи секој ден од 10 до 23 часот, а граѓаните ќе можат бесплатно да ја користат.
Вкупната вредност на проектот изнесува 6,3 милиони денари, а средствата се обезбедени од Градскиот буџет.

Александар Спасовски

http://www.sitel.com.mk/dnevnik/makedonija/pochna-izgradbata-na-gradska-plaza-na-kejot-na-vardar-vo-skopje

 

Пази време на поставување

СТАРТУВА ИЗГРАДБАТА НА ПЛАЖА НА КЕЈОТ НА ВАРДАР

На десниот кеј на Вардар, на повеќе од 300 метри квадратни, позади Луна паркот, денеска почнува изградбата на првата градска модерна плажа во Скопје

На десниот кеј на Вардар, на повеќе од 300 метри квадратни позади Луна паркот денеска ќе почне да се гради првата градска модерна плажа. Локацијата е веќе оградена и подготвена за градежните работи, кои ќе почнат од денес по официјалното промовирање на проектот што ќе го изврши скопскиот градоначалник Коце Трајановски...

Како што дознаваме, градската плажа ќе се гради според идејното решение на авторите Бекир Адеми и Бетим Зекири, кои во јануари, годинава ја добија првата награда за конкурсот кој го распиша Град Скопје. Тогаш се планираше овој проект да се реализира на левиот брег на Вардар, но поради тековните градежни работи, локацијата е поместена на десниот брег, позади Луна паркот.

Идејното решение на Адеми Бекири предвидува овој дел од коритото на Вардар да биде покриен со песок на кој ќе има дрвени платформи со лежалки, маси и столови. Меѓу урбаната опрема се вцртани неколку мали базени, а целата плажа ќе биде покриена со тенди во модерна форма. Ќе има и комерцијален дел, односно шанкови кои Градот Скопје ќе ги издава под концесија. Плажата ќе биде наменета за рекреација, уживање и за игра, повеќе како урбана атракција со оглед на тоа дека водата во Вардар не дозволува капење. Затоа, на самата плажа се предвидени мини-базени за деца и додека тие уживаат во вода, нивните родители ќе можат да се релаксираат пиејќи кафе покрај реката.

Дознаваме дека првичниот проект има извесни корекции кои ги доработиле надлежните од Градот Скопје.

Проектот изградба плажа на кеј досега беше многупати најавуван од многумина градоначалници но, никој не успеаа да го реализира. Во минатото Скопје, имало пет градски плажи. Повозрасните со носталгија се сеќаваат на Опатија, Официрска, Градска, Руска и Ѓачка.
- На лето, кога ќе фатеа горештини, точковите под г'з и право на плажа на Вардар. А во неделите - фамилијарно. Со торби храна закачени на гиданите, ни раскажа еден стар скопјанец.