Црква на Плоштад Македонија

Избришаниот крст на плоштад бил уметничко дело

Мистериозниот крст што вчера осамна на градскиот плоштад и веднаш по наредба на градот беше избришан всушност е продолжување на германските недели, изложба почната пред седум месеци во Берлин.

Автор на крстот е уметникот Игор Тошевски, кој сакал да се осврне на поделбите по етнос, религија, националност и име, и да ги испита границите на уметноста.

Токму и за изложбата во Скопје германската амбасадорка вели:

„Во исчекување сум како делата ке бидат прифатени во Македонија, во друг културен и социо-политички контекст од Берлин“.

Од градот од каде што вчера наредија бришење на крстот, велат дека дошло до забуна но од страна на уметникот.

На крајот на септември доставил барање да црта на плоштадот и било одобрено, но велат за зајак, а не за крст. Со оглед дека Тошевски не ја нацртал фигурата за која барал одобрение, било наредено да се избрише крстот.

Крст нацртан на плоштадот

Непознати сторители во текот на предминатата ноќ со жолта боја нацртале крст на плоштадот Македонија, на местото каде што треба да се изгради црквата „Свети Константин и Елена“. Од Градот Скопје велат дека не знаат кој го нацртал крстот и не коментираат ништо повеќе за случајот. Тие испратија екипи на Јавното претпријатие „Улици и патишта“, кои вчера напладне со сива боја го покрија цртежот. На просторот помеѓу „Сити галери“ и ресторанот „Дал мет фу“, според детаљниот урбанистички план е предвидена изградба на црква. Земјиштето од летово е во сопственост на МПЦ. Од Скопската епархија не беа запознаени со случајот. Прота Коста Станоевски само кусо прокоментира дека „во градот се прави сешто“.