Урбана мафија и дивоградби (општо)

Во Козле(од твитер)

и ова треба да го доплатиш како квадратура ако купуваш стан

Значи и кога имаш помалку од дозволеното е проблем?

Originally posted by Џоле Кисела Вода https://twitter.com/posleDIKnaPIK/status/1359460630764347392

2014



2021



https://www.facebook.com/За-Расадник-на-можности-за-хуман-живот-во-Кисела-Вода

Вчера поминав и имаше табла со изгледот на новиот објект, ама не сликнав

ПОДНЕСНО ОБВИНЕНИЕ ПРОТИВ ГАЗДАТА НА КАФУЛЕТО КАЈ „МАВРОВКА“, ТОЈ ДЕНЕСКА ПОЧНА САМ ДА ГО ДОУРИВА ДИВИОТ ДЕЛ



Јавното обвинителство поднесе обвинение против газдата на кафулето на кафулето во ТЦ „Мавровка“ за нелегална градба. Во обвинението стои дека во текот на јуни и јули 2020 година, во својство на инвеститор, лицето М.А. градел објект со површина од 330 метри квадратни на платото пред трговскиот центар „Мавровка“, а притоа немал одобрение за градба издадено од надлежен орган. Обвинителството побара од судот да обвинетиот да му бидат продолжени мерките на претпазливост односно забрана за напуштање на живеалиштето,привремено одземање на патната исправа, забрана за издавање нова, како и повремено јавување кај службено лице во Основниот кривичен суд.

Сопственикот на кафулето „Фонтана” во ТЦ „Мавровка” утрово почна да го урива спорниот дел од дивоградбата кој не беше отстранет во акцијата на јавното претпријатие за државни патишта. Станува за збор за бетонската градба која како што објасни вчера градоначалникот на Општина Чаир Висар Ганиу не можела да се урне бидејќи од силните вибрации на механизацијата ќе се оштетеле излозите на околните дуќани.

Градоначалникот Ганиу тврди дека на местото на кафулето “Фонтана” нема да никне нова бетонска дивоградба туку објектот ќе биде како пред пожарот, а повеќе челични столбови се поставуваат за да биде побезбеден.

Дивоградбата кај „Мавровка“ беше урната во септември лани. Откако Општината неколку месеци не ја уриваше оти не можеше да најде фирма за уривање, Владата го задолжи јавното претпријатие државни патишта да го стори тоа, по што за неколку дена бетонскиот објект беше отстранет.

https://sdk.mk/index.php/dopisna-mrezha/podnesno-obvinenie-protiv-gazdata-na-kafuleto-kaj-mavrovka-toj-deneska-pochna-sam-go-douriva-diviot-del/

КАФУЛЕТО КАЈ „МАВРОВКА“ ИМА ПОВЕЌЕ СТОЛБОВИ ОД ПРВОБИТНИОТ ОБЈЕКТ ЗА ДА БИДЕ ПОБЕЗБЕДЕНО, ВЕЛИ ГРАДОНАЧАЛНИКОТ ГАНИУ



На местото на урната дивоградба кај ТЦ „Мавровка“ повторно се гради. Се поставуваат челични столбови, за кои градоначалникот на Општина Чаир Висар Ганиу вели дека нема ништо спорно и кафулето се враќа во првобитна состојба како пред пожарот. Ганиу тврди дека Општината ја следи ситуацијата на терен, а на прашањето на САКАМДАКАЖАМ.МК зошто за една летна тераса се поставуваат петнаесетина столбови вели дека тоа е поради поголема безбедност на објектот.

„Објектот се гради според точните димензии и матријали како што беше пред пожарот и за што имаше одобрение, нема цврста градба. Сега дури зафаќа и помала површина, но има повеќе челични столбови за да биде побезбеден и не дај боже при нова елементарна непогода да не падне цел како што беше случај со пожарот“, вели градоначалникот Ганиу.

Во моментов, како што објасни Ганиу, нема градежни работи бидејќи има уште еден спорен дел што треба да се отстрани. Тој дел не бил урнат со механизација на јавното претпријатие за државни патишта оти ќе се оштетеле други делови од трговскиот центар.

„Механизација која уриваше создаваше големите вибрации кои ќе ги уништеа сите излози на дуќаните. Сопственикот ни даде збор дека сам со специјални машини што сечат ќе го отстрани тој бетонски дел и дури потоа ќе го врати објектот во првобитна состојба“, додаде Ганиу.

Дивоградбата кај ТЦ „Мавровка“ почна да се руши во септември лани. Откако Општината неколку месеци не ја уриваше оти не можеше да најде фирма за уривање, Владата го задолжи јавното претпријатие државни патишта да го стори тоа, по што за неколку дена бетонскиот објект беше отстранет.

https://sdk.mk/index.php/dopisna-mrezha/kafuleto-kaj-mavrovka-ima-poveke-stolbovi-od-pred-urivaneto-na-divogradbata-za-da-bide-pobezbedeno-veli-gradonachalnikot-ganiu/

Општина Карпош: Направените штети многу тешко се санираат дури и по законски пат

Според податоците и официјалната документација во Општината, и двете згради во Тафталиџе, чии фотографии деновиве предизвикаа жестоки реакции во јавноста, се изградени во согласност со урбанистички планови. Ова го тврдат од Општина Карпош откако на социјалните мрежи се појавија фотографии од две згради, каде се гледа дека новата, која е во фаза на изградба, се издигнува толку блиску до постарата, што соседите буквално си „дишат“ едни на други в лице.

Станува збор за згради на улицата Багдадска во Тафталиџе, а реакциите на граѓаните се полни со осуда што локалната власт дозволила ова да се случи.

– Првата зграда (лево од сликата) која веќе е вселена е изградена по стар урбанистички план, а зградата до неа (десно од сликата), исто така е изградена согласно ДУП, кој е донесен на 3 март 2017 година, во мандатот на претходното општинско раководство. Очигледен факт е дека двете згради, со изградените балкони си попречуваат во нормалното живеење – велат од Општината.
Оттаму додаваат дека за жал, има повеќе вакви затекнати случаи во Карпош.

– Ова е непланска и агресивна урбанизација, која го загрозува правото на квалитетен живот на граѓаните. Ова е уште доказ дека веќе направените штети многу тешко се санираат дури и по законски пат. Општина Карпош денеска прави сѐ што може за да ги заштити интересите на граѓаните, а инвеститорите да градат исклучиво по важечките прописи и урбанистичка документација – додаваат од Карпош.

Сепак, на социјалните мрежи врие од реакции дека не запира урбанистичкиот хаос во Општината и дека работите не се ставени под контрола по безредието што го направи претходната власт со донесените ДУП, во кои е предвидена изградба на многу нови згради.
Група граѓани во понеделникот попладне одржа и протест на крстосницата кај „Веро“ во Тафталиџе, испровоцирани од повторната продажба на единствената слободна зелена парцела зад Пожарната во Карпош. Заради изградба на станбен објект од приземје, два ката и поткровје, Општина Карпош по пат на јавно наддавање продава државно земјиште во Тафталиџе. Станува збор за дел од КП 6100/2, 6103/1и 6097/4 во рамките на ДУП за Градска четврт 3 09, со површина на градежна парцела од 368 метри квадратни. Јавното наддавање, според објавата од Општината, треба да се одржи денеска, со почетна цена од 61 денар за метар квадратен. Оваа парцела беше објавена за продавање и во ноември, но од непознати причини тогаш продажбата не се реализираше.

Од „О2 иницијатива“ најавија дека и овој ДУП неделава ќе го дадат на оценување пред Уставниот суд.
Неодамна во интервју за „Слободен печат“ градоначалникот Стефан Богоев посочи дека во изминативе три години локалната власт се труди да обезбеди планска урбанизација за похумано живеење во Карпош.

– Со оглед на затекнатата ситуација и тоа како спречивме доуништување на урбаното јадро на Општината. Го заштитивме паркот на „Букурешка“ во Тафталиџе, трајно е заштитен делот околу салата „Партизан“ и самата сала, која свесно се оставаше да пропаѓа за да се задоволат интереси на урбаната мафија. Атрактивниот дел во должина на Кејот прераснува во спортско-рекреативна зона, спречивме ново урбанистичко злосторство во Тафталиџе 1 (околу ГУЦ), избришавме две маркички за згради од државно земјиште за да се остави простор за парковско зеленило и објект за државни институции – истакна, меѓу другото, градоначалникот Богоев во интервјуто.

https://www.slobodenpecat.mk/opshtina-karposh-napravenite-shteti-mnogu-teshko-se-saniraat-duri-i-po-zakonski-pat/

Ово нема ни у Багдаду. Мајко мила.

Добро, таму имаше градба од привремен карактер (во која сам си подметна пожар) за која имаше дозвола. Човекот затоа и си ја запали, за да изгради нова цврста градба, но не му испадна планот како што очекуваше. Сепак, фактот стои дека има право на градба која не е трајна. Ако не ни чини, да ги замолиме фино ДУИ и Општина Чаир.