http://ekonomski.mk/?p=18572

Комерцијална банка ја продаде зградата во којашто сега се наоѓа седиштето на банката. Банката објави дека објектот го продала за 21.736.625 евра.

„Со оглед на тоа дека во рамките на продадените објекти се опфатени и објекти во кои Комерцијална банка ја обавува својата дејност, во иднина се планира банката да ја извршува својата дејност во други објекти во нејзина сопственост“, соопштија од Комерцијална банка.

Иако од банката не кажуваат во кој објект се селат, според неофицијалните информации, станува збор за зградата Сан Марко на плоштадот Македонија во Скопје, пишува Капитал.

Комерцијална банка стана сопственик на овој објект откако реализираше хипотека за одобрен кредит за негова изградба на фирмата Уни-М. Првично, Комерцијална банка се обиде да ја продаде зградата Сан Марко со почетна цена од 13,5 милиони евра.

Станува збор за шесткатен метално-стаклен објект со куполен врв. За изградбата на овој објект фирмата Уни-М пред неколку години зеде кредит од Комерцијална банка во износ од 12,3 милиони евра. Поради неплаќање на кредитот, Комерцијална банка на 5 октомври 2010 година ја активираше хипотеката врз репрезентативниот деловен објект, а потоа ја откупи.

Комерцијална банка ја продаде дирекцијата за 21,7 милиони евра

Дирекцијата на Комерцијална банка е продадена по цена од 965 евра за квадратен метар.

Комерцијална банка ја продаде зградата во која се наоѓа дирекцијата за 21,7 милиони евра, објави денеска менаџментот на најголемата домашна банка. Менаџментот извести дека денеска склучиле договор за продажба на 22.525 квадратни метри административен простор за вкупна цена 21.736.625 евра, односно по 965 евра за квадратен метар.

Засега официјално не се открива кој е новиот сопственик на деловниот објект на банката што се наоѓа во центарот на Скопје веднаш до објектот на Македонската опера и балет (МОБ). Се шпекулира дека купувач на досегашната дирекција на Комерцијална банка може да биде некое од министерствата или Владата на Република Македонија.

Според неофицијални информации, менаџментот и администрацијата на Комерцијална банка сега ќе се селат во објект на плоштадот „Македонија“, кој досега се наоѓаше под хипотека на таа банка за невратени побарувања на компанијата што го изградила. Комерцијална банка досега во неколку наврати неуспешно се обидуваше да го продаде овој деловен објект.

http://www.mkd.mk/86091/ekonomija/komercijalna-banka-ja-prodade-direkcijata-za-217-milioni-evra/

Represent!!  Ovoj objekt e stvarno jak.  Vrv!! .. i odlicna lokacija, Skopje Central Business District. Desetka od mene   za unikatniot kruzen oblik.  Bi me interesiralo da vidam sliki od enterierot i kako e resen prostorot vo kancelariite. Pretpostavuvam novo-starata narodna banka e nekade dijagonalno otsprotiva i deka ubavo ke se komplementiraat.