Привремени и напуштени објекти

Поради безбедносни причини, а со согласност од сопствениците на објектот, Општина Кочани отстрани уште стара градба на улицата „Стево Теодосиевски“, поранешна „Ленинова“.







https://www.facebook.com/opstinakocani/

Напуштени можности“ низ старите државни објекти



Македонија има голем број напуштени објекти од фабрики и корпорации, кои заминале во стечај, особено по приватизацијата за време на транзицијата. Оваа појава не е непозната во светот, а дел од државите ги обновуваат овие објекти.

Напуштените индустриски објекти се опасност за децата, за здравјето, ја уништуваат естетиката на градот, во нивните дворови се создаваат мини депонии... Овие причини ги поттикнаа млади архитекти да се активираат за редефинирање на напуштените индустриски објекти.

Здружени во невладината организација „Културно Ехо“, тие ја започнаа оваа иницијатива која вклучува и запознавање со концептот за индустриско наследство. „Културно Ехо“ го сочинуваат група млади ентузијасти, дел се архитекти, дел актери, дел програмери, правници, дел филмаџии.

„Сакаме да најдеме начин како правилно да се искористи просторниот капацитет што го нудат овие напуштени објекти. Тие имаат потенцијал за нивна ревитализација и реадаптација со што во нивниот просторен капацитет би се вметнала некоја соодветна програма која би овозможила функционалност и градежно-економска самоодржливост на објектот, изјави Симона Димковска, претседателка на организацијата „Културно Ехо“, додавајќи:

„Бидејќи најголем дел од објектите се фабрики односно индустриски капацитети кои се во државна сопственост, самите по себе поседуваат културно историски идентитет, на тој начин со овој проект би сакале да го поттикнеме воведувањето на индустриското наследство како гранка на културното наследство во државата , кое сеуште не е воведено како дисциплина кај нас ,а веќе е докажана европска пракса“.

Проектот го започнаа со истражување за фабриката „Купром“ во скопската населба Хром за која сакаа преку културен настан да го информираат локалното население за состојбата. Инаку, според нивното истражување, земјиштето на објектот е државно, додека неколку објекти се приватно сопствеништво. Димковска додаде дека имаат доставено граѓанска иницијатива до Советот на Град Скопје за поддршка на проектот, кој се уште им нема одговорено. Единствено, оттаму велат дека добиле поддршка од пратеничката Ивана Туфегџиќ, која им ветила законски измени.

„Град Скопје ја поддржува секоја иницијатива што претставува формирање на нови културни простори. И се стреми кон создавањето на нови простори за културата, меѓутоа, за жал, колку што ми е познато повеќето од објектите на „Купром“ се во приватна сопственост, па оттаму Град Скопје не може да интервенира“, изјави Ваљон Салихиу, портпарол на Град Скопје.

Идејата на активистите е да не се уриваат овие објекти, туку да се искористи просторноста во полза на граѓаните.

„Просторот дозволува, без да се направи некоја посебна надворешна промена на објектот од архитектонска гледна точка, без да се наруши екстериерот на објектот, внатре да се вметнат нови функционални единици, како посебни кубуси кои што се монтажни и каде може да се случат повеќе функции. На пример, ако било фабрика за производство на чевли, може да стане еден дел од фабриката галерија, друг дел може да стане производство на платна, трет дел може да стане работилници. Тие индустриски објекти доста често се пренаменуваат во мултифункционални сали и стануваат културни објекти, тоа е нешто кое нас во државава ни недостига, во секој град нема културен центар кој функционира и кој ги задоволува потребите на целото локално население на ниво на еден град, така што овие објекти поради нивната големина, просторност и висина можат многу ефикасно, многу лесно да примат една ваква функција која еве едноставно недостига по градовите а и во главниот град, се разбира“, вели Димковска.

Покрај ова, она што загрижува е и штетата врз животната средина со секое рушење и одново градење. Тогаш градежната прашина се додава на аерозагадувањето, а со шутот неодговорно се однесуваат.

„Праксата треба да биде друга, односно треба да се размислува тоа веќе што постои како да се искористи. Еве конкретно површината на фабриката е 22 илјади квадратни метри, тоа е 2,2 хектара, тоа е огромна површина која ќе стане градежно земјиште, што ќе се случи со тој градежен контаминиран шут? Никој не ги поставува тие прашања, сите одат кон тоа да се сруши тоа што не е корисно, не е употребливо и да се направи нешто ново, а реалноста е дека може да биде корисно, корист може да видат граѓаните, а доколку се бутнат и се направат згради корист можат да видат само поединците односно инвеститорите кои би го граделе тој објект, така што тоа е доста селективно“, додаде Димковска.

https://www.slobodnaevropa.mk/a/напуштени-можности-низ-државните-стари-објекти/29673758.html

Originally posted by stef4o Секако дека не е тоа главната причина можеби и воопшто не е причина таму да не се изгради објект но ете сеуште локацијата стои запустена. Моментално нас.Острово има простор за уште 2 згради зад Тинексот и една поголема на овој дел кој го спомнавме. Само чинам ќе треба да се пробива сервисна уличка за пристап на станарите до зградите кои би се изградиле зад Тинексот.

Има некое официјално инфо за пробивањето на уличката?

Во контекст на муабетот зошто се' уште нема индиции за градење станбена зграда на преостанатиот (исечен) дел од Маџир Маало, во Острово, еве вечерна слика од новата станбена зграда во Острово, до Тинексот. Се гледа дека сите станови светат, значи се продале и тие што гледаат кон другата страна на Вардар т.е. кон дивата ромска населба. Затоа ова не би го земал во предвид во однос на тоа зошто се нема изградено зграда на дискутираната локација.



(Се извинувам за не толку добриот квалитет.)


Edited by skopskodete - 24-Jun-2020 at 16:19

Што побрзо никне тој објект, толку подобро. Многу грда слика создаваат овие објекти.

Originally posted by zabegan ретко кој инвеститор се нафаќа да ја уредува околината на објектот и го решава пристапот, дури и да се изградат објекти, освен ако не е некој покрупен и сериозен проект, ќе имаме само зграда во нива

Овој би бил покрупен и сериозен проект на локација до сам центар на градот, и во близина на 5 минути пеш до најголемиот иден трговски, деловен и станбен комплекс во Скопје (Skopje East Gate). Општината секако би била во добивка, од секаков аспект, доколку се среди ова мало место, кое е меѓу ретките во населба Острово кое не е урбанизирано.

Во однос на чергарите, ќе надополнам на претходниот мој пост, дека тие не би биле проблем и да се дислоцираат. По автоматизам општината ќе пројави интерес да го среди проблемот со чергарите преку соодветните институции доколку ова релативно мало делче во Острово се урбанизира.

Edited by skopskodete - 12-Jun-2020 at 17:32

ретко кој инвеститор се нафаќа да ја уредува околината на објектот и го решава пристапот, дури и да се изградат објекти, освен ако не е некој покрупен и сериозен проект, ќе имаме само зграда во нива

Edited by zabegan - 12-Jun-2020 at 16:42

Originally posted by FT Meстово е доста атрактивно, тие населби нема да се таму уште многу долго. Се надевам дека ќе добиеме пристоен објект кој ќе му парира на МТВ и на Скопје Ист Гејт.

Па мислам дека моментално ова место е меѓу едно од најатрактивните слободни места за градење во Скопје. И јас се надевам дека ќе се изгради убава и модерна зграда.

Originally posted by stef4o Местото не е можеби премногу атрактивно поради лошиот поглед кон дивата населба спроти ПИОМ како и дивите импровизирани бараки што се наоѓаат непосредно до локацијата.Можеби по некое време некоја помалку позната фирма би се впуштила во инвестиција за овој дел.Во секој случај доста масивна зграда би требало да никне.

Па не знам баш дали е тоа причина, искрено, бидејќи има на доста други места со слични такви недостатоци да никнуваат згради (пр. во близина на ова место што се гради кулата или веќе изградената помала зграда кај Тинексот, исто така во близина на ова место), исто така би ја вброил и зградата на ЗСФ што е до Железничка. Таа зграда се наоѓа до раскрсница, а тоа значи целодневна континуирана бучава (тука не би имало бучава), а од друга страна нема некој баш поглед, а ниту пак некој двор, па ете гледам продадени се становите.
Ако пак се разгледува во однос на местоположбата, тогаш е феноменална местоположбата со оглед на тоа што во близина има основно училиште и средно училиште (не е толку далеку Корчагин), на само 5-10 минути пешки се доаѓа до идниот Skopje East Gate, а исто така не е далеку ни Веро Центар (можеби 10-12 минути пешки), во близина е Транспортниот центар, има и пошта, а на само 15 минути (пеш) е и строг центар (плоштад). Што е уште поинтересно е што и не би имало проблем со паркинг, со оглед на тоа што како дополнување на паркинг местата кои би биле во склоп на зградата е и големиот паркинг преку улица, што е веќе во употреба со години. Во однос на сите овие придобивки, зградурињата во Дебар Маало, или на други места, не се споредуваат. Баш би рекол дека местово е многу атрактивно.

Edited by skopskodete - 12-Jun-2020 at 15:59

Originally posted by stef4o Отсечениот дел од Маџир Маало,голем број напуштени објекти(сервиси,вулканизери и слично) лево од сино-портокаловата зграда...чудно како никој нема интерес таму да изгради голема 9 катница

Да, а баш има веќе зграда во сегашниот ДУП (П+8+Пк). Нема многу куќи, па инвеститорот би бил во голем профит, претпоставувам. Ни јас не разбирам како до сега се' уште се нема изградено зграда.
Плус, баш тука никому не би му пречела зграда, а ни од инфраструктурен аспект не е проблем, дури и природно би се вклопила зградата во просторот.

Еве баш како е вцртана зградата во ДУП-от:



Edited by skopskodete - 12-Jun-2020 at 14:00