Автопат Кичево - Охрид

Нема шанси да имаат 95% пробиеност... ако имаа ќе се видеше убаво на сателит.

Еве ви гледајте овде:
https://apps.sentinel-hub.com/sentinel-playground/
https://apps.sentinel-hub.com/sentinel-playground/?source=S2&lat=41.1802609111513&lng=20.749590396881104&zoom=16&preset=1-NATURAL-COLOR&layers=B01,B02,B03&maxcc=20&gain=1.0&gamma=1.0&time=2021-11-01%7C2022-05-16&atmFilter=&showDates=false

Еве од 2021 снимки vs 2022 снимки, пишува датум горе лево. А може и сами да си проверите:





Делот кај требеништа











Делот кај тунелот:





Делот после тунелот према Кичево:






Пааа реално и нема баш некој wow напредок. Можам да приметам напредок во изградбата на виадуктите / мостовите, и некој ситни делови асфалтирани кои што претходно не беа асфалтирани.

п.с, горе десно имате една сателит икона, таму може да си одберете Sentinel-2 L1C и Sentinel-2 L2A, да ви даде различни видови на сателитска снимка.

Ајдееее, се накрадоа пари, доста им е па сега ќе се градело... Епа ќе се гради, кога се испокраде се на крајта, а народот не мрдна ни со прст да смени нешто...

Edited by The Wild Boy - 19-May-2022 at 17:02

Автопат ли е, или селски друм: За пола година само 5 милиони евра за Кичево-Охрид

За автопатот Кичево - Охрид, кој се гради осма година по ред, во втората половина од 2021 биле потрошени само нешто повеќе од пет милиони евра, покажува полугодишниот извештај на јавното претпријатие Државни патишта.

Прашање е дали со оваа динамика ќе се запази новопоставениот рок со законски анекс за изградба на оваа делница до крајот на 2023. Во првата половина од 2021 за овој автопат исто така било инвестирано скромно - 760 милиони денари. Ако на овие пари се придодадат 326 милиони од втората половина, тогаш излегува дека во текот на минатата година биле потрошени само околу 17,75 милиони евра.

Како споредба, може да се каже дека од година в година има се помалку трошења на овој автопат. Во 2020 биле потрошени околу 23 милиони евра, додека во 2019 сумата за инвестирање била 42 милиони евра.

Министерството за транспорт и врски за оваа година најави интензивирање на изградбата на автопатот Кичево-Охрид, проект на две влади, а за кој рокот за завршување повторно се пролонгира, овој пат до крајот на 2023 година.

Изградбата на автопатот, во должина од 57 километри, стартуваше во 2014 година во мандатот на претходната Влада. Требаше да биде готов до 2018 година, но по промената на власта, според образложението на надлежните институции, поради пропусти во проектирањето, со анекс на Договорот рокот прво беше продолжен 30 јуни 2021.

Од ресорот транспорт очекуваат дека со усвојувањето на законските измени за анексот за продолжување на изградбата, градежните работи ќе се засилат со потребната динамика. Веќе се одобрени 63 од вкупно 70 нови проекти за автопатот и се отстрануваат институционалните пречки. Реализирани се 62 проценти од работите, а седумгодишниот проект чини 598 милиони евра.

Автопатот Кичево-Охрид ќе биде готов до крајот на 2023 година, отстапки повеќе нема да има, рече министерот за транспорт и врски Благој Бочварски минатиот месец во Охрид. Досега, како што кажа, се изградени над 65 проценти, средства има и останува изведувачите да продолжат со градба и да ја завршат работата.

„Важно е дека државните процедури кои требаше да ги завршиме се при крај. Министерството веќе одобри 70 инфраструктурни проекти кои продолжија понатака во институциите. Министерството за земјоделство веќе работи за пренамена на земјиштето од земјоделско во градежно, се работи и на имотно-правни работи, на експропријација на парцели. Сега останува на изведувачите, на механизацијата да излезе на терен и оваа градежна сезона да завршиме најголем дел од автопатот, секако и наредната за да на крајот од 2023 година автопатот биде пуштен во употреба“, рече Бочварски.

https://faktor.mk/avtopat-li-e-ili-selski-drum-za-pola-godina-samo-5-milioni-evra-za-kichevo-ohrid

Денеска се работеше со голем интензитет

Originally posted by Realistic88 Januari x Ajde poleka poleka 2023 i ne e taka daleku. Sramota

3023

ЦРНА ТОЧКА ВО СООБРАЌАЈОТ АВТОПАТОТ ВО ИЗГРАДБА КИЧЕВО - ОХРИД



Автопатот во изградба Кичево - Охрид црна точка за сите учесници во сообраќајот. Од стартот на градежните активности до денеска случени се десетици сообраќајни незгоди.

Повредени и загинати лица. Од полицијата велат патниот правец е доста фреквентен, а како најчеста причина за несреќите во билтените се наведува непочитување на сообраќајната сигнализација, особено ноќе.

Димоски додава дека во континуитет со државните и општинските претпријатија се преземаат безбедносни мерки, но се апелира и од граѓаните на особена внимателност при користење на овој патен правец.

Автопатот се гради веќе осум години од 2014-та година и чини скоро 600 милиони евра. Крајниот рок за финиширање на делницата долга 57 км беше 2021, но истиот сега е продолжен до 2023 година.

https://24.mk/details/crna-tochka-vo-soobrakjajot-avtopatot-vo-izgradba-kichevo-okhrid

Vo poslednive nedela dve ima nekakvi gradezni aktivnosti na patov od Ohrid prema Kicevo konkretno do Podmolje. Gradeznite masini se na Ilinden od Struga sto bi znacelo deka del od trasata sto ja rabotese Viktorija invest sega ke ja raboti Ilinden.

Еден километар од Кичево - Охрид се гради два месеци: Новиот договор со „Синохидро’’стаса во Собрание

Владата предлага по скратена постапка да се донесе Законот за изградбата на автопатот Кичево- Охрид со кој треба да се усвои нов анекс и да се продолжи рокот што кинеската компанија Синохидро како изведувач го има за да го доврши проектот. Како што веќе објави и Владата наместо веќе да е готов, како што беше предвидено првично, со анексот рокот се пролонгира до 31 декември 2023 година. Кинезите ќе имаат точно 3.531 ден од денот кога почнале за да ги изградат тие 57 километри колку што се долги сите делници меѓу двата града. Изградбата почна во 2014 година, а со новото пролонгирање всушност значи дека еден километар од автопатот ќе се гради за над 60 дена или за два месеци.

Во законот стои дека се предлага да се носи по скратена постапка затоа што не станува збор за обемен и сложен закон. Додадено е и дека новиот анекс не носи нови трошоци од буџетот, но во предлог законот нема рокови за тоа како ќе се пушта автопатот во употреба. Тоа веќе беше проблем на усогласување меѓу Владата и Синохидро. Додека Владата бараше Кинезите да довршуваат делница по делница и да ја пуштаат во употреба, тие на тоа не се согласуваа. Имено ако целиот автопат од Кичево до Охрид е во пет делници, Синохидро инсистирале во употреба да се пуштат сите заедно или пак барем евентуално прво две па останатите до крајниот рок. Во анексот такви детали нема, но стои дека изведувачот е должен секој месец, најдоцна до 10 во месецот, до Јавното претпријатие за државни патишта да доставува и да презентира редовни месечни извештаи за извршените работи и прогресот на активностите од претходниот месец.

За реализација на сите градежни активности за изградбата тие во рок од 90 дена треба да доставуваат финален извештај за завршените градежни работи до вршителот на надзорот на градбата, а вршителот на надзорот на градбата во рок од 90 дена од добивањето на извештајот од изведувачот доставува извештај до Јавното претпријатие за државни патишта

Претпријатието треба да ја информира и Владата. Инаку Синхидро, стои во анексот, треба да обезбеди и банкасрки гаранции за до крајот на периодот на изградба. Пред четири дена министерот за транспорт и врски Благој Бочварски изјави дека од 70 -те нови репроектирања на автопатот Кичево - Охрид, за само два месеци државата изготвила и одобрила 35 проекти.

„Очекувам час поскоро Собранито да го изгласа Анекс на договорот за да се овозможи силна градежна активност на автопатот, изведувачот има обврска со конкретни рокови да ги заврши петте делници од автопатот, односно да биде целосно завршен до декември 2023 година, рече Бочварски.

Инаку Синохидро го гради овој автопат за 598 милиони евра. Иако во анексот нема зголемување на сумата потребна за изведувањена работите во јули годинава Јавното претпријатие за државни патишта склучи договор вреден над 8,2 милиони евра со Градежен институт Македонија за надзор на докомплетирањето на градежните работи на автопатот кој всушност е нов трошок. Станува збор за условен договор кој се реалзиира кога ќе продолжи и изградбата, но тие пари секако се дополнителна сума која ќе ја покрива државата. За милионскиот договор и надзорот Градежниот институт Македонија се здружи со скопската компанија Евро консалтинг.

На 30 јуни годинава заврши вториот рок за завршување на изградбата на автопатот Кичево-Охрид кој се гради од 2014 година.

Во новиот договор со ГИМ, пак кој е со рок на траење од 65 месеци или 5 години и пет месеци, 41 месец се за изградба на автопатот, а другите се за надзор во фазата по изградбата. Во делот кога ќе се гради, Јавното претпријатие всушност остава простор од 11 месеци од сега планираните ако евентуално има некои пролонгирања.

Откако ќе се пролонгира, ова ќе биде второ продолжување на рокот за изградба на оваа автопатска делница. Првично беше најавено да е готова во 2018 година, но со анекс на договорот се продолжи рокот до 30 јуни годинава. Тогаш, се зголеми и цената на чинење на автопатот на вкупно 598 милиони евра.

https://faktor.mk/eden-kilometar-od-kichevo--ohrid-se-gradi-dva-meseci-noviot-dogovor-so-sinohidro-stasa-vo-sobranie

Бочварски: Со анексот нема дополнителни трошоци за автопатот Кичево – Охрид, само се продолжува рокот за изградба

Благој Бочварски, министерот за транспорт и врски денеска кажа дека се надева во најскоро време Собранието да ја усвои владината одлука за анекс-договорот на автопатот Кичево – Охрид, зафат вреден 600 милиони евра.

Според министерот не се создадени дополнителни трошоци, туку само се продолжува рокот за изградба.

„Посакувам на следната прва седница да биде првата точка, за да се усвои во најскоро време, како би имале силни градежни активности во следниот период. Државата ги презеде своите активности и одговорности кои ги даваме ние кон изведувачите за да можат и тие со своите гаранции за рокот за конечна изградба на сите подделници да гарантираат пред државата дека ќе ги почитуваат роковите. Очекувам дека овој автопат ќе го завршиме до крајот на 2023 година. Тоа е сериозно решение, вредно 600 милиони евра“, рече Бочварски.

https://mk.tv21.tv/bochvarski-so-aneksot-nema-dopolnitelni-troshotsi-za-avtopatot-kichevo-ohrid-samo-se-prodolzhuva-rokot-za-izgradba/