Продажба на градежни парцели

Општина Гевгелија објавува електронско јавно наддавање на градежно неизградено земјиште, во Урбана единица “Караорман“ во Гевгелија со намена за изградба на индивидуални куќи.

На продажба се дадени 4 парцели, чија површина се движи од 687м² до 776м², со почетна цена од 61,00 денар од метар квадратен. Депозитот за учество на електронското јавно наддавање за секоја градежна парцела изнесува 20 % од вкупната почетна цена за градежните парцели, а се уплатува вирмански или преку пошта на Општина Гевгелија – Депозитна сметка за јавно наддавање 715014017769619, Приходна шифра 733111 и програма 00 со назнака “депозит за јавно наддавање за оттуѓување на градежно земјиште”, за секоја градежна парцела посебно;

Пријавите за учество на јавното наддавање за градежни парцели во м.в „Караорман“ КО Гевгелија можат да се достават до 24.04.2012 година на адреса на Општина Гевгелија, ул.”Димитар Влахов ” бр.4 во Гевгелија, или директно во Општинскиот центар за услуги на граѓаните, а јавното наддавање ќе започне на 30.04.2012 година, во 11,00 часот и истото ќе трае 1 (еден) час.

Јавното наддавање ќе се оддржи електронски на следната интернет страна www.gradezno-zemjiste.mk

Распишани објави за локации за изградба на викенд-куќи во Крушево - 16.2.2012

Почитувани,

Ве информираме дека денес Министерството за транспорт и врски распиша објава за отуѓување на градежно неизградено земјиште сопственост на Република Македонија по пат на електронско јавно наддавање со намена за изградба на викенд куќи во општина Крушево.

Станува збор за 10 градежни парцели кои се со различни површини помеѓу 327 и 757 м2, наменети за изградба на викенд куќи.

Почетната цена на јавното наддавање изнесува 61 денар од метар квадратен, а пријавите за учество на јавното наддавање можат да се достават до Министерството за транспорт и врски најдоцна до 12.03.2012 година. 

Почитувани,

Ве информираме дека по распишаната јавна објава отуѓување на градежно земјиште сопственост на Република Македонија по пат на електронско јавно наддавање за изградба нa објекти за семејно  домување, односно  станбени куки  во Општина  Илинден е забележан голем интерес кај граѓаните.

Имено, за вкупно 24 градежни парцели, согласно крајниот рок- 19.10.2011 година, до Министерството за транспорт и врски се доставени вкупно 302 пријави за учество во јавното наддавање. Станува бор за градежни парцели со површини од 331 m² до 507 m². Почетната цена на електронското јавно наддавање за градежните парцели изнесува 61,00 денар од метар квадратен.

Јавната објава за отуѓување на овие локации по пат на јавно наддавање беше распишатна на 24.09.2011 година во печатеите медиуми и на интернет-страницата на Министерството за транспорт и врски, а јавното наддавање ќе се оддржи по електронски пат 31.10.2011 година

СЕ ПРОДАВА ДРЖАВНА ПАРЦЕЛА ЗА ИНДИВИДУАЛНО ДОМУВАЊЕ

Село Петровец ќе стане град

На јавно наддавање за почетна цена од 290 денари за квадрат се продаваат околу пет илјади квадратни метри спроти училиштето "Кочо Рацин", а се предвидува изградба на осум станбени куќи на два ката

Селото Петровец ќе добие градски лик. Одговорните од Општината Петровец информираат дека поголемиот дел од територијата е урбанизиран и празните локации државно земјиште добија нова намена која ќе придонесе за да се подигне квалитетот на живеење. Деновиве преку Министерството за транспорт и врски на јавно наддавање ќе се продаваат околу пет илјади квадратни метри спроти училиштето "Кочо Рацин", каде што се предвидува изградба на осум станбени куќи на два ката.
- Станува збор за осум парцели на коишто ќе се градат типски објекти со намена за индивидуално домување, информираше Панче Ковачев од Секторот за урбанизам на Општина Петровец.

Почетната цена за метар квадратен е 290 денари и право на учество на јавното наддавање имаат физички лица и правни лица кои ќе поднесат пријава за учество и ќе уптатат депозит од 10 % од почетната цена. Пријавите можат за да се доставуваат најдоцна до 17 февруари на адресата на Министерството за транспорт и врски или непосредно во архивата на Министерството. Јавното наддавање ќе се одржи на 25 февруари во просториите на Министерството за транспорт и врски, а со почеток во 11.00 часот.

Јавната објава е објавена и на интернетската страница на Министерството за транспорт и врски: www.mtc.gov.mk.