Јавен автобуски превоз (општо)

Originally posted by my Macedonia i vo kicevo ima extra prevoznik za tie sto ziveaat poveke od 1 kilometar ili slicno od ucilistite. Znaci se normalni avtobusi, a ima i kombe za tie sto doagaat od selo.Pocna pred 6-7 godini i seuste funksionira!! Ne mi se veruva deka ova go plakja drzavata! ucilisteto sama go plati dolgot (ne sum bas siguren)

A ucilisteto ne e na drzavata?
Drzavata mu dava pari na ucilisteto i mu odreduva za sto da gi potrosi

Мислиш школски, како секое училиште да си има автобус за превезување на ученици (како во САД и многу други земји), или пак превоз за ученици? Прашувам, бидејќи сегашниот превоз за ученици се врши во секој град/село од една или неколку фирми избрани на тендер, каде што на редовната линија учениците имаат бесплатно возење. Ете пример во Скопје, секој ученик има ученичка пропусница и си се качува во било кој автобус и си оди на училиште. Нема посебни школски.

Originally posted by Cloverstack Тетовчани, за какви автобуси се работи? Добро би дошле и слики од автобусите, а не се на одмет и слики од постојките

Sory. Кловер не сум го порчитал постов. Значи се работи за приватно препријатие исто така и ги превезува учениците до школо односно учениците на кој им е платен патниот превоз од министерството за образование/владата. Исто така се и туристичка агенција мислим. Во моментов располагаат 15-20 автобуси.После ''распадот на ПОЛЕТ''ти сега врша го вршат јавниот градски превоз и вршат и по околните општини односно пооколните села. Ако го начекам автообусите ќе напраем неколку слике.

Приватниците не ги признаваат слободните на учениците

Несовесните возачи земаат пари и од Владата и од учениците

Учебната година речиси привршува, а кај приватните превозници се' уште има возачи што одбиваат да ги возат средношколците со слободни билети, платени од Владата. И покрај тоа што редовно добиваат пари, овие возачи се обидуваат на учениците од прва и од втора година да им наплатат за превозот, манипулирајќи ги децата дека слободните билети кај нив не им важат или дека не важат во празнични денови. Покрај парите што ги добиваат од организираниот превоз на учениците, тие повторно наплатуваат и стават пари в џеб од две страни. Учениците не можат да им се спротивстават, па или се симнуваат од нивниот автобус или мораат да платат за да не доцнат на часови.

Не знаат каде и кому да се пожалат и да ги пријават овие возачи, а најчесто не го прават тоа ниту нивните родители. Никој од нив не ги пријавил ваквите примери во Градот во секторот за образование, а малкумина се јавиле во приватните претпријатија „Слобода превоз“ и „Макексрес“. До нив стигнале по две до три пријави.

За жал, овие возачи го нарушуваат угледот на претпријатието, бидејќи и покрај тоа што добиваат пари за организираниот превоз на учениците, тие се обидуваат да заработат на ситно. Во прашање е самоволие на поединци и таквите ги казнуваме со одземање на налогот за една или две седмици или во краен случај ќе ги исклучиме од Здружението, вели Милорад Димитриевски, еден од основачите на „Макекспрес“.

Од одделението за односи со јавноста во Градот велат дека на иницијатива по градоначалникот Коце Трајановски била нарачана студија со која егзактно, до најмал процент бил пресметан уделот, кој треба да им припадне на ЈСП и на приватните превозници од организираниот превоз на средношколци. Студијата не остава простор ниту еден од субјектите да биде финансиски оштетен од услугата што им ја обезбедуваат на средношколците.

За десет дена ЈСП ќе избере фирма за „смарт“-тикетите       На 25 мај ќе заврши тендерот што јавното сообраќајно претпријатие „Скопје“ го распиша за избор на „смарт“-картичките, кои ќе ги заменат хартиените билети во автобусите на ЈСП                   На тендерот досега се пријавени 20 заинтересирани фирми, меѓу кои има и неколку странски од Хрватска, Турција и од Словачка. Мишо Николов, директорот на ЈСП „Скопје“, вели дека со овој вид билети ќе се олесни возењето со градските автобуси. Во автобусите нема да се чека за да се наплати автобускиот билет, а со тоа ќе се намали нервозата и кај патниците кај возачите. - На овој тендер се пријавија дваесетина фирми, од кои неколку наши и неколку странски. Се надевам дека овој пат тендерот ќе биде успешен и дека конечно ќе можеме да ги воведеме овие „умни“ тикети и кај нас - изјави Николов. Директорот на ЈСП исто така информира и дека наскоро ќе се постават и 80 нови информативни табли, кои на станиците ќе го покажуваат точното време на пристигнување на автобусите. - Идната недела ќе се одржи презентација на веќе постојните табли. На некои од поставените сé уште се случуваат грешки, па ќе ни треба една недела за решавање на проблемите. Во план ни е вакви табли да поставиме на сите автобуски станици во градот- најави Николов. Од ЈСП информираат и дека е при крај и тендерот за уредување на 329 автобуски станици, на кој треба да се избере фирма што ќе ги прави новите стојалишта. Фирмата избрана на тендерот за возврат ќе го добие рекламниот простор на автобуските. На тендерот засега се пријавени 14 заинтересирани фирми, од кои две француски фирми, една шпанска и една од Австралија.               Автор: А.М.Д.

http://www.novamakedonija.com.mk/NewsDetal.asp?vest=515101042116&id=14&setIzdanie=21984

 

Edited by SkyBoy - 11-May-2010 at 22:32

НЕПРИЈАТНО ИСКУСТВО НА ПАТНИЦИ ВО ВОЗИЛО НА ЈСП „СКОПЈЕ“
Нервозен возач ги исфрли патниците од автобус

Елена Вељановска

Патниците кои патуваа со автобусот 7Б на релација од Дом на печат до населбата Вардарска, деновиве имаа непријатно искуство кога возачот на автобусот застана на станицата кај „Југодрво“ и нервозно го испразни автобусот до последниот патник. На ваквото однесување на возачот му претходеа вербални расправии меѓу него и дел од патниците, кои го прекоруваа дека доцни половина час, дека пребрзо вози и дека не треба постојано да се трка со останатите возила, кои се вклучени во сообраќајот. Сепак, и покрај ваквите опомени од патниците, кои во тој момент се превезуваа со автобусот, возачот продолжи да вози со голема брзина во време кога на метеж во сообраќајот, притоа претекнувајќи го секое возило. Кога автобусот стигна на станицата кај „Југодрво“, наеднаш возачот го запре возилото на средната лента, ги отвори трите врати, ги тргна таблите од автобусот и така прикован за улицата, блокирајќи го сообраќајот, стоеше околу десетина минути. - Не ни беше јасно што се случува. Наеднаш автобусот застана на средна лента, ги отвори вратите и само стоеше, без притоа возачот да ни објасни што се случува. Кога почнавме да негодуваме, тој само дрско ни рече дека треба да се симнеме затоа што тој немало да вози - раскажува патничка во автобусот. Таа вели дека возачот не се ни обидел да им објасни што се случува, туку ги оставил да чекаат уште половина час, додека да дојде следниот автобус со број 7б. - Н* избрка на средината на булеварот, како да сме животни. Имавме платено карти, одевме кон Вардарска. Н* остави без да ни објасни што се случува, но најверојатно затоа што негодувавме поради неговото доцнење. Надлежните кои работат во претпријатието треба да ги санкционираат ваквите возачи, за патниците да ја добиваат услугата за која си плаќаат - раскажува патничката. Директорот на ЈСП „ Скопје“ Мишо Николов изненаден поради ваквата несекојдневна ситуација, возач да ги остави патниците на средина на линијата, најави санкции против несовесниот возач. - Според известувањето, причината за тоа возачот да застане и да ги симне патниците на „Југодрво“, а не да ги однесе до Вардарска не било несогласувањето меѓу него и дел од патниците туку тоа што приватниот автобус со број 23 му го скршил ретровизорот на автобусот- вели Николов. Сепак, тој признава дека на ова му претходело неколкуминутно тркање меѓу овие два автобуси. Според Николов, сепак, нема оправдување за тоа што возачот ги оставил патниците. - Станува збор за возач кој неодамна е примен на работа. Сепак, за да почне со возење, тој морал да исполни низа критериуми, меѓу кои и да помине на тестовите на нашата комисија, која ги тестира сите кандидати заинтересирани да работат кај нас - објаснува Николов. Скопјани честопати реагираат на несоодветното однесување и на ризичното управување на некои од возачите во јавниот градски сообраќај. До сега, и покрај санкциите, кои законски постојат и кои одговорните во јавното претпријатие можат да ги изречат, граѓаните не забележуваат подобрување на услугите во градските автобуси.

http://www.vreme.com.mk/DesktopDefault.aspx?tabindex=1&tabid=1&EditionID=2017&ArticleID=140412

ТЕТОВО / 5.02.10 / 18:09 Два автобуси за билет од 10 денари, почнаа да ги развезуваат тетовчани со што профункционира долго најавуваниот градски превоз. Како што јавија, локалните медиуми едниот од автобусите сообраќа од Штуловиот универзитет до центарот на градот и обратно, а другиот од центарот на градот, преку булеварите „Маршал Тито“ и „Благоја Тоска“ и кружниот тек на улицата „Иво Лола Рибар“. Двата автобуси со симболична цена на билетот ќе обраќаат само од понеделник до петок. Од фирмата „Башкими турс“, која ги превезува тетовчани најавија дека ако има потреба бројот на автобуси ќе се зголеми. Автобуски постројки кои во Тетово беа поставени уште пред две години, иако неискористени веќе се дотрајаа, поради што ќе бидат заменети со нови. Тетово, со новата територијална поделба има околу 100 000 жители./крај/еР/ег/мс

http://www.ereporter.com.mk/mk-mk/Details.aspx?Title=4685



Edited by гитардемон - 03-May-2010 at 01:06

Смешно! А Лиде да земе да чита книга во возилото за промена? Според начинот на изразување, не би и се одразило лошо...

ГРАЃАНИТЕ ПОДЕЛЕНИ ОКОЛУ НОВИОТ ПРОЕКТ НА ЈСП „СКОПЈЕ“
Младите „за“, постарите „против“ интернет во автобус

Елена М. Вељановска

Средношколците и студентите, кои што се возат на релација од Ново Лисиче до населбата Дексион и обратно, често ја користат интернет-конекцијата преку своите мобилни телефони или на лаптоп, која е достапна само во автобусот со број пет. Наспроти нив постарите патници се незадоволни и сметаат дека ваквата услуга воопшто не е потребна и дека претставува само фрлање пари, велат од ЈСП „Скопје“. Според надлежните од ова јавно сообраќајно претпријатие, овој пилот-проект, кој функционира неколку недели, можат да го користат сите оние, кои се превезуваат со возилото 694 на кое има поставено налепници дека во возилото има рутер за ваерлес. Ваквата бесплатна услуга во првите два месеци функционира како пилот-проект и е достапна за сите оние кои со себе носат лаптоп, посовремен мобилен телефон, „ајпод“, или, пак, МП3-плеер. Идејата е за поздравување и навистина е штета што ваквата услуга е достапна само во еден автобус на ЈСП „Скопје“. Јас неа секојдневно ја користам и на тој начин наместо да губам време додека седам во возилото, се приклучувам на интертнет, на „фејсбук“ или на „скајп“ и комуницирам со пријателите - вели средношколката Лидија од Ново Лисиче. Повозрасните граѓани, пак, велат дека ваквата услуга, која што од неодамна ја има воведено сообраќајното претпријатие, создава дополнителен метеж во возилото, затоа што интернетот е бесплатен и оние кои имаат можност гледаат максимално да го искористат.
Поради оваа услуга, младите брзаат да го зафатат секое слободно седиште и притоа немаат никаква почит кон постарите, кои се принудени да стојат. Никој веќе не станува на постар човек, а поради овој проект има и голем метеж. Според мене, ова се само залудно потрошени пари. На кого му треба интернет нека си стави дома, а не да користи во автобус - вели пензионерката Ката. Таа смета дека наместо да се даваат пари за воведување бесплатен интернет во старите автобуси, повеќе средства би можело да се издвојат за поправка на автобусите, кои многу често се расипуваат, на хигиената во нив како и за реконструкција на станиците, кои во моментот се наоѓаат во очајна состојба. Директорот на ЈСП „ Скопје“, пак, вели дека за поделеноста на мислењата во врска со интернетот во „петка“, според возраста на патниците, веќе е информиран и дека по два месеца откако ќе бидат сумирани резултатите од тоа колава била заинтересираноста на патниците за оваа услуга, ќе одлучат дали истата ќе биде воведена во сите автобуси и на сите линии на кои сообраќаат возилата. - Наидовме на најразлични реакции. Во моментов се уште тече пробниот период од два месеци и по неговото завршување од резултатите ќе зависи дали рутери за ваерлес ќе добијат сите линии - вели Николов.

http://www.vreme.com.mk/DesktopDefault.aspx?tabindex=1&tabid=1&EditionID=2001&ArticleID=138999