Урбана мафија и дивоградби (општо)

Дали новата градба пред ТЦ „Мавровка“ е легална градба или дивоградба?



НОВИ ГРАДЕЖНИ ЗАФАТИ НАСПРОТИ УНИВЕРЗИТЕТОТ И УНИВЕРЗИТЕТСКАТА БИБЛИОТЕКА, ВО ЦЕНТАРОТ НА МЕТРОПОЛАТА

По речиси четири месеци откако беше урната дивоградбата пред трговскиот центар „Мавровка“, сега повторно може да се забележат градежни активности на истата локација. Се поставува лесна конструкција, а од она што може да се забележи е дека на истото место ќе се гради објект сличен на претходниот што со години стоеше на оваа локација, а функционираше како кафуле.
Од Општина Чаир информираат дека во согласност со одредбите на Законот за градење, сопственикот има право на локацијата да го врати објектот во првобитната состојба.
– Врз основа на првобитниот објект, врз чија основа сопственикот има добиено одобрение и дозвола за градба, тој има право повторно да го изгради објектот каков што беше во првобитната состојба – информираат од Општина Чаир.
Случајот предизвика низа бурни реакции во јавноста. Првично вниманието на јавноста беше насочено кон овој објект откако во него избувна пожар и тој изгоре до темел, а по некое време на местото на поранешното кафуле почнаа да се одвиваат градежни активности со цврста конструкција, на површина од 330 квадратни метри.
Љубопитноста на јавноста долго време беше оставена да виси во воздух, бидејќи некое време надлежните не можеа да откријат кој ја реализира изградбата.
Изградбата на цврста конструкција пред „Мавровка“ ги принуди надлежните институции да издадат решение за уривање на објектот, откако беше утврдено дека тој е дивоградба и според тамошниот план не беше предвидена изградба на цврста градба.
Решението долго време не можеше да биде доставено, бидејќи не се знаеше во чија сопственост е местото и кој е инвеститорот.
Општина Чаир распиша тендер за уривање на објектот, меѓутоа ниту една фирма не пројави интерес за негово уривање, па надлежните го ангажираа Јавното претпријатие за државни патишта, кое во септември почна со уривање на дивоизградениот објект. Токму тогаш во јавноста се појави Мевљудин Алити, сопственик и инвеститор на изградбата на објектот. Алити тогаш пред медиумите изјави дека не дејствувал на сопствена рака, односно дека за изградбата имал дозвола за градба.
– Еве што сум добил од Град Скопје, еве сумата што сум ја платил спрема Град Скопје, еве ги и потписите откај Петре Шилегов. Еве го решението за другиот објект, за парцелата од 86 квадратни метри, со потпис, со датум, со сѐ – изјави тогаш Алити.
Тој исто така тврдеше дека има одобрение за обнова на објектот што му изгорел до темел.
– Ова е од Општина Чаир, што сум го добил за расчистување на парцелата каде што се гради сега, на 24 јуни 2020 година. Значи, не сум отишол по свој памет таму да градам или да обновувам. Тоа е прво. Второ, ова е едниот имотен лист од парцела, еве го едниот имотен лист од Град Скопје, еве ја сумата што сум ја платил, еве го решението од општината за едната парцела што сум ја легализирал. Еве и за другата парцела со елаборат. Еве имотен лист од другата парцела – рече Алити.
Неговиот адвокат Александар Варела тогаш најави дека правдата ќе ја бараат по судски пат.

За случајот беше поведена и истрага за бесправно градење. Основното јавно обвинителство Скопје донесе наредба за спроведување истражна постапка против едно лице поради бесправно градење од членот 244-а став 1 од Кривичниот законик.
– Осомничениот во текот на јуни и јули, во својство на инвеститор, градел објект со површина од 330 квадратни метри пред трговскиот центар „Мавровка“ во Скопје без притоа да добие одобрение за градба од надлежен орган. За обезбедување на присуството на осомничениот во текот на постапката, надлежниот јавен обвинител денеска до судијата на претходна постапка од Основниот кривичен суд Скопје достави предлог за определување мерки на претпазливост – забрана за напуштање на живеалиштето/престојувалиштето, обврска да се јавува повремено во Основниот кривичен суд Скопје, привремено одземање на патната или друга исправа за преминување на државната граница, односно забрана за издавање нова​ – соопшти тогаш обвинителството.

https://www.novamakedonija.com.mk/makedonija/skopje/дали-новата-градба-пред-тц-мавровка/

Уште еден сличен пример незнам точно каде е(од твитер)

Некаде во Кисела Вода(од твитер),тротоарот доста тешко некој да го користи

Повик до граѓаните на Скопје: Помогни да ја истражиме урбаната мафија

Доколку живеете во некоја од десетте скопски општини, Ве молиме одговорете го овој прашалник и помогнете нѝ да ја почнеме борбата против корумпираните со цел да ги заштитиме животите, егзистенцијата и здравјето на сите граѓани, не само на привилегираните.

Сама по себе, урбанизацијата не е лош процес. Но, кога животите и здравјето на граѓаните и нивното секојдневно функционирање се нарушени, а мала група на моќни поединци профитира од градежните активности и лошите планирања, тогаш станува збор за корупција и организиран криминал.

Тимот на Истражувачката репортерска лабораторија минатите три години ја истражуваше рапидната урбанизација во Тафталиџе, Водно, Кисела Вода, Аеородром. Сите приказни не доведоа до исти заклучоци: Градските власти и администрација работеле за интересите на политички и финансиски моќните. За нивните потреби се менувале урбанистичките планови, се издавале непокриени градежни дозволи, се менувале законите за полесно да се приграби државната земја, се поткупувале инспектори и државни службеници. Сето тоа на штета на интерсите на обичните граѓани.

Резултатот од непланското и корумпирано градење го нагрди градот и им го оневозможи нормалното функционирање на граѓаните на Скопје. Во одредени делови од градот, ваквите градби ги ставија под ризик и животите на жителите поради несоодветните терени за градба и лизгања на земјата. Во други делови се оневозможи проток на воздухот со што загадувањето постигнува рекордни нивоа. Проблемите се бројни и ни одблиску не се лимитирани на овие примери.

Нашиот тим е мал, но го чинат посветени и енергични репортери, истражувачи и дизајнери. Ни треба вашата помош за да ги мапираме сите урбани злосторства во градот и да почнеме да истражуваме. Доколку живеете во некоја од десетте скопски општини (Карпош, Ѓорче Петров, Сарај, Центар, Кисела Вода, Аеродром, Чаир, Бутел, Гази Баба, Шуто Оризари), Ве молиме одговорете го овој прашалник и помогнете ни да ја почнеме борбата против корумипираните со цел да ги заштитиме животите, егзистенцијата и зравјето на сите граѓани, не само на привилегираните.

https://irl.mk/povik-do-graanite-na-skope-pomogni-da-a-istrazhime-urbanata-mafia/

Во Кисела Вода на ул.Емил Зола(твитер)

Си направил уште еден стан без дозвола во Буњаковец, Општина Центар го урива



https://kanal5.com.mk/si-napravil-ushte-eden-stan-bez-dozvola-vo-bunjakovec-opshtina-centar-go-uriva/a453546

ОПШТИНА ЦЕНТАР УРИВА ТЕНИСКИ ТЕРЕНИ НА ВОДНО, ВЕЛАТ ЦЕЛ КОМПЛЕКС Е ИЗГРАДЕН БЕЗ ДОЗВОЛА



Општина Центар денеска почна со уривање на тениски терени со придружни елементи на Водно. Како што велат од Општина Центар станува збор за комплекс на тениски клуб, во кој покрај терените изградени без дозвола се и кафуле и санитарни јазли. Објектите се наоѓаат на улицата Славејко Арсов.

„За овој комплекс издадено беше решение за уривање бидејќи уште пред неколку години целиот комплекс е подигнат без дозвола. Бидејќи сопствeникот во предвидениот рок на постапи сам, ние преземавме акција за уривање, а трошокот ќе го сноси инвеститорот. Станува збор за поголем објект, па уривањето ќе трае неколку дена“, велат од Општина Центар.

Општина Центар минатата недела почна со акција за уривање на 18 дивоизградени објекти. Урнати беа објект и трафика на улицата Водњанска, како и трафиките кај Зелен пазар.

https://sdk.mk/index.php/dopisna-mrezha/opshtina-tsentar-uriva-teniski-tereni-na-vodno-velat-tsel-kompleks-e-izgraden-bez-dozvola/

.

Edited by user8642 - 14-Dec-2020 at 19:58

Продолжуваме со акцијата за отстранување на нелегално поставени и изградени објекти на територија на Општина Центар.
Откако инвеститорите, односно сопствениците на нелегално поставените објекти не постапија по издадените решенија за отстранување, Секторот за инспекции на Општина Центар отстрани 5 времени објекти кои се наоѓаа во близина на Зелен пазар, спроти поранешна Градска болница.







https://www.facebook.com/sasha.bogdanovikj/

кој сака да се клади дека ова ќе трае со години вака и ќе има натегања кај што ќе си прават столбови и ќе си рушат, а платото ќе си остане нефункционално ругло