Јавна чистота

Браво, со апел ќе решат све! Ипосле ќе вадиме теории за менталитет и слични будалаштини. Едноставно нема економска логика да плаќаш. Глупа стратегија, псоле работниците пак го чинат комуналното претпријатие исто пари за да чистат околу контињери. Подобро бесплатно целосно.

Или најевтино...го оставиш пред контињер

ФОТОВЕСТ: Цело Скопје е со депонии, алишта, кревети, фотелји




Горе-долу во речиси сите скопски населби граѓаните објавуваат на Фејсбук фотографии од депонии што ги направиле некои нивни соседи.
– Цело Скопје е со депонии, расфрлани алишта, кревети, фотелји, на нередот му нема крај. Самите сме виновни, да живееш во својот град и да фрлаш во својот град….само казни и патроли, волонтери, а за награда ваучери за ЈСП, кино, храна – коментира Слаѓана Танчева.

Лиле Живковиќ објави фотографии од расфрлано ѓубре околу контејнерите пред зграда на улица „ 16. Македонска бригада“ (спроти стадионот на Металург).



– Секој коментар е непотребен. Ова ѓубре е расфрлано и вака стои со денови. Со оглед на ниската свест, немањето совест, високиот примитивизам, безобразлук, простотилак… веројатно треба контејнерите да бидат под видеонадзор и под итно да се пропишат строги казни, па можеби и ќе се решат овие проблеми. За жал, ова е слика скоро околу сите контејнери, Имаат ли надлежните идеја, план, стратегија… или само фотелјите ги интересираат – прашува таа.

https://www.vecer.press/фотовест-цело-скопје-е-со-депонии-алиш/

СЕ ЧИСТИ СЕВЕРНАТА СТРАНА НА КЕЈОТ НА ВАРДАР
Екипи на градските јавни претпријатија континуирано работат на терен на чистење и уредување на северната страна од кејот на Вардар, на потегот од реката Лепенец до Аеродром.
Оваа акција која започна минатиот месец, Град Скопје ја реализира во соработка со УНДП, кои помагаат со поставување урбана опрема – корпи за џебен отпад кои недостасуваат од оваа страна на реката.
Оваа запоставена страна од кејот на Вардар, наскоро ќе стане нов добро уреден јавен простор.









https://www.facebook.com/CityofSkopje

Потегот меѓу напуштената зграда спроти Вип Хотел и МРТВ тотално запуштен и полн со отпад,дивонаселени семејства,импровизирани живеалишта,спалување отпад...











https://www.facebook.com/groups/883203825068334/

ШИЛЕГОВ: НОВИ ПОЛУПОДЗЕМНИ КОНТЕЈНЕРИ СЕ ТЕСТИРААТ ВО КАРПОШ 3

Град Скопје започнува пилот проект за тестирање нов вид контејнери за отпад од домаќинствата, односно полуподземни контејнери. Градоначалникот на Град Скопје, Петре Шилегов, градоначалникот на Општина Карпош, Стефан Богоев и директорот на ЈП Комунална хигиена-Скопје, Абдусамед Шабани, денеска одржаа прес-конференција на улицата „Никола Русински“ во Карпош 3 каде што се поставени полуподземни контејнери.

- Станува збор за полуподземни контејнери со капацитет од 3 до 5 кубни метри од реномираниот фински производител Molok Ltd. кој преку своите локални партнери покрена иницијатива за тестирање на овие контејнери во Скопје. За таа цел на ул. Никола Русински, зад ТЦ Лептокарија во Карпош, поставени се 6 вакви контејнери, од кои 2 се со капацитет од 3 кубни метри, а 4 се со капацитет од 5 кубни метри. Овие контејнери имаат извесни предности во однос на другите видови од кои може да се издвојат заради поголемиот капацитет, мал надземен дел, побрзо празнење, можност за заклучување и поголем век на експлоатација – рече Шилегов.

Тој додаде дека овој пилот проектот ја дава и можност за селектирање на отпад и граѓаните покрај селекцијата на комуналниот отпад ќе можат да селектираат и електронски и кабаст отпад.

- Во неколку месечниот тест период во рамките на овој пилот проект ќе ги согледаме сите предности и предизвици од користењето на овие садови за отпад од домаќинствата, по што ќе бидат направени внимателни анализи за исплатливоста на инвестирањето во вакви контејнери барем за оние делови од градот каде што просторните услови тоа го дозволуваат. Граѓаните веќе ги чувствуваат промените со новиот концепт на третманот на комуналниот отпад во Град Скопје. Промените се видливи и мерливи. Градските улици се почисти, сменети се голем дел од садовите за комунален отпад и нивното празнење е сега побрзо и поефикасно, во тек се повеќе активни кампањи за услугите за подигање кабаст отпад и бесплатното подигање на стрништата и отпадот после берба на земјоделските производи. Тоа значи дека се движиме во правилна насока и доколку сите заедно се погрижиме, за релативно кратко време ќе имаме неколкукратно почист град од она што сме навикнале да го гледаме до неодамна – кажа Шилегов.

Шилегов денеска уште еднаш упати апел граѓаните прописно да го фрлаат отпадот од домаќинствата користејќи ги садовите исклучиво во согласност со нивната намена и да го фрлаат отпадот во пропишаното време, односно од 19 до 22 часот навечер, во затворени пластични кеси, не оставајќи храна и облека надвор од контејнерите и слично.

- Епидемијата на коронавирусот не потсети сите, како граѓани, дека мораме да се грижиме за личната хигиена, хигиената во нашите домови, но и надвор од нашите домови на ист начин, со цел сите заедно да ги користиме придобивките кои ги нуди живеењето во еколошки чистата животна средина – порача Шилегов.













https://www.facebook.com/CityofSkopje/

Низ Бутел...















https://www.facebook.com/SkopjeMoraDaDise

Ако служи за утеха да напоменам дека беше десетпати полошо од ова пред месец дена.
-------------------------------------------------------------
ЉУБАНИШТА

(празнична глетка)

Некои го љубат, други го ништат природното наследство на Охридскиот Регион. Едни објавуваат со желба да се укаже на проблемите, јавни служби, поединци или групи чистат. Некои повторно загадуваат, фрлаат најразличен отпад, се однесуваат неодговорно. И тоа е еден постојан циклус. Не може да запре. Ни со апели, ни со опомени. Можеби со казни. Доколку навистина се казнат тие што го прават ова.

Им благодариме на сите совесни сограѓани, сонародници, кои споделуваат, кои објавуваат, реагираат, кои организираат и најмали акции за чистење. Апелираме на институциите за поригорозен пристап кон овој проблем. Да се љубит природата а да се ништат овие лоши навики.















Фејсбук пост на Охрид СОС

КОМУНАЛНА ХИГИЕНА“ ЃУБРЕТО ЌЕ ГО СОБИРА ДО 21 ЧАСОТ ОТКАКО ВИКЕНДОВ КОНТЕЈНЕРИТЕ НИЗ СКОПЈЕ БЕА ПРЕПОЛНИ

Јавното претпријатие „Комунална хигиена“ од денеска ѓубрето од контејнерите во Скопје ќе го собира до 21 часот. Од средата, кога беше воведен полициски час од 16 до 5 часот наутро, ѓубрето се собираше само во една смена.

Директорот на „Комунална хигиена“ Абдусамед Шабани во средата рече дека ќе работат само до 16 часот, бидејќи не добиле дозвола од Министерството за информатичко општество и администрација да работат додека трае полицискиот час. Поради тоа, контејнерите низ Скопје беа преполни со ѓубре, а бидејќи во нив немаше место, расфрлани кеси имаше на тротоарите и улиците околу нив.

Градоначалникот на Скопје Петре Шилегов вели дека поради состојбата на терен направен е нов режим на работа и од денеска контејнерите ќе се празнат од 5 до 21 часот.

„Пред да биде воведен полицискиот час немавме проблеми ниту поплаки од граѓаните за собирање на ѓубрето низ Скопје. Изминативе денови работевме со намалена динамика поради воведениот полициски час. Вчера имавме состанок со Кризниот штаб на Град Скопје, направивме анализа и нов распред за подигнување на ѓубрето во две смени. Ќе се работи и во сабота. Работевме и оваа сабота, но екипите не можеа да постигнат секаде со оглед на режимот по кој работеа претходните три дена. Од денеска, состојбата ќе се стабилизира“, вели градоначалникот Шилегов.

Во Скопје има 6.000 контејнери од кои секојдневно се собира ѓубрето. Дневно комуналните работници на „Комунална хигиена“ подигнуваат околу 500 тони отпад.

https://sdk.mk/index.php/dopisna-mrezha/komunalna-higiena-gubreto-ke-go-sobira-do-21-chasot-otkako-vikendov-kontejnerite-niz-skopje-bea-prepolni/

Скопје се гуши во отпад, од Комунална Хигиена велат го собирале и вчера редуцирано
Полиицискиот час кој започна во петокот во 16 и ќе трае до утре –понеделник до 05 часот наутро, ги затвори граѓаните по домовите, но и ги преполни контејнерите. При нашата денешна обиколка низ Скопје, најмногу полни контејнери видовме во населбата Аеродром. Од Комунална Хигиена велат дека за разлика од регуларното собирање отпад , кое трае до 5 часот наутро, после четвртокот , тие и вчера –сабота излегле на терен , но собирале отпад само до 14 часот и тоа од индивидуалните домови.

Од ЈП „ Комунална Хигиена“ бараат разбирање од граѓаните за насобраниот смет , зашто како што велат, во ограничени околности за работа, со скратено работно време во втората и со укината трета смена, не можеле да постигнат повеќе.

Ние се потрудивме колку што можеме , во рамките на она овластување што го имаме да го собереме сметот. Секако дека оние критики , што ги добиваме од граѓаните , на нас ни е јасно што се случува. Јасно ни е дека граѓаните се револтирани. Меѓутоа и тие треба да сфатат дека едноставно не можеме да постигнеме во толку краток рок , секаде да поминеме. А , забележавме и појава дека и покрај полицискиот час, одредени испразнети контејнери, повторно се преполнети, во извесна мера- Ана Марија Бранџолица – портпарол во ЈП„ Комунална Хигиена.
Не се прави разлика при собирањето на отпадот, дали потекнува од домовите на здрави или заболени со ковид-19 граѓани, во домашна изолација. Но, ако се работи за инфицирани, важно е отпадот да биде во две кеси, а првата да биде исполнета само 2/3 од содржината, потенцираат од „ Комунална Хигиена“’.

Нашите вработени не бираат , ниту пак прашуваат дали граѓаните се заболени или не. Тие го собираат отпадот кој што е одложен во садовите , без разлика дали се работи за контејнери или за куќи, каде отпадот се одлага во канти- Ана Марија Бранџолица- портпарок на ЈП„ Комунална хигиена.
За престојната работна недела и православниот Велигден, од „ Комунална Хигиена“ очекуваат да добијат дозвола за работа до прва и втора смена, до 21 часот навечер, со цел непречено да собираат поголеми количества отпад низ Скопје, согласно мерките и препораките. Но, за тоа прецизен одговор се очекува од утре.



https://telma.com.mk/skopje-se-gushi-vo-otpad-od-komunalna-higiena-velat-go-sobirale-i-vchera-redutsirano/