Мојот плац е праисториски и цените по кои земен одавна не кореспондираат со реалноста.

Колку точно беа во 2005 година цените незнам но знам дека Сончев град ги набилда до околу 100ЕУР/квадрат.

Денеска колку што следам може да се најде пристоен плац од 25-50ЕУР/квадрат, во зависност од позиција, дали е поврзан на водовод, дали има струја и сл.

Бројките велат - низок старт, теренот – градежна експанзија

Несовпаѓање меѓу статистиката и реалноста

Бројот на издадени одобренија за градба во февруари годинава изнесува 212. И, во однос на февруари лани, тоа претставува намалување од девет проценти, покажуваат последните податоци од Државниот завод за статистика. Од вкупно издадените одобренија, дури 159, или 75 отсто, се наменети за објекти од високоградба, 16 или 7,5 отсто се за нискоградба, а 37 или 17,5 отсто за реконструкција.

Предвидената вредност на објектите за кои се издадени одобренија за градење изнесува над 32 милиони евра, што е за 12,5 проценти повеќе во однос на февруари минатата година. Од вкупно 212 објекти, кај 175 од нив, или 82,5 отсто, инвеститори се физички лица, а кај 37 или 17,5 отсто - деловни субјекти.

Предвидена е изградба на 300 станови, со вкупна корисна површина од 26.531 квадратен метар.

Ваквите податоци укажуваат на бавен почеток на градежната сезона. За разлика од лани, кога во време на криза имаше поголема градежна активност, првите два месеци од годинава се издадени значително помал број дозволи за градба. Така, во првиот месец од годинава издадени се за 34 отсто помалку дозволи во споредба со истиот месец лани, а во февруари за девет проценти помалку од лани.

Наспроти ова, на терен постојано се гради. И тоа, најмногу станбени објекти кои се најбарани. Ваквите состојби за познавачите претставуваат почеток на градежна експанзија, бидејќи на терен веќе чекаат голем број проекти за реализација. Само во февруари почнале да се градат 300 нови станови, а вкупната вредност на објектите за кои се издадени дозволи во овој месец е проценета на 32 милиони евра. Во тек е и изградба на социјалните станови кои ги гради државата, односно станува збор за вкупно 37 згради, а се градат и станови за припадниците на Армијата.

Министерството за транспорт речиси секој ден на јавно наддавање распродава државно земјиште. Целта на ваквата брза продажба на државното земјиште е да се влијае врз намалување на цената на станбениот квадрат. Но, експертите велат дека оваа акција ќе влијае само на раздвижување на градежниот бизнис и на ангажирање поголем број градежни работници, но не и на намалување на цената на квадратот.
Сепак, според градежниците процедурата за добивање градежна дозвола се уште е комплицирана, а проблем претставуваат бавната општинска администрација и големиот број детални урбанистички планови, кои се уште не се донесени во некои општини. 

Иако на пазарот за недвижности расте побарувачката за станови, градежните компании ги мачат истите проблеми кои минатата година ја кочеа градежната експанзија. Покрај спорото издавање на документацијата од општините и недостигот од земјиште за градба, еден од постојаните проблеми во секторот се задоцнетите плаќања од страна на клиентите и зголемените финансиски трошоци на компаниите.

Градежниот бизнис веќе долго време е во стагнација. Државниот завод за статистика речиси секој месец минатата година регистрираше пад на градежните работи дома и во странство. Останува да видиме дали годинава ќе заврши негативниот тренд во градежништвото.                                                                                                                                                                                                                                                                            http://www.biznis24.com.mk/node/7172  

Бавен старт на градежната сезона?

Edited by pbanks - 07-Apr-2010 at 20:11

ГРАДЕЖНИЦИТЕ СО ПРЕГОЛЕМИ АПЕТИТИ
Скопје со поскапи станови од Виена

Наталија Скалова

Цените на недвижниот имот во Македонија се повисоки и од тие во најпознатите европски метрополи како Берлин, Виена и Париз, тврдат трговците со недвижен имот. Но, градежниците не се задоволни и со ова, па најавуваат дека со добивањето на датум за преговори во ЕУ цените на становите ќе се зголемат до 40 проценти. Со тоа, Скопје ќе биде најскапа европска метропола уште пред да влезе во Европската унија. На веб-локациите за недвижен имот стои оглас според кој за да се купи огромен плац од 3.000 квадратни метри на кој може да се направите ранч, во близина на Виена, се потребни само 33.000 евра. Ваков плац во скопско Сопиште чини 210.000 евра. Пристојни станови во Виена се продаваат по цена од 80.000 евра. Покрај море, како во Валенсија, во Шпанија, може да си купи апартман со две спални соби и со две бањи, во зграда со сопствен базен и со поглед на море, за 99.000 евра. Но, и покрај ова, нашите градежници очекуваат дека со добивањето датум за преговори, странците што ќе инвестираат тука ќе сакаат да купат стан по цена што ќе биде за 50 проценти повисока од таа кај нив. Томе Костадиновски од фирмата „Конструктор инженеринг“ вели дека со добивањето датум за преговори цената на становите ќе се зголеми за 40 проценти, а слични прогнози најавуваат и другите градежни компании. - Сега градиме кај „Алумина“ во населбата Тафталиџе, а становите очекуваме да се продаваат по цена од 1.500 евра за еден квадратен метар. Со добивање датум за преговори цените, сигурно, ќе се зголемат. Тогаш повеќе ќе се гради, повеќе ќе се купува. Очекуваме повеќе инвеститори и поголеми плати, тогаш би имале европски плати - вели Чедомир Додевски, од градежната компанија „Мива градби“.
Додевски признава дека и сега цените се високи, но, според него, тој што мора да купи ќе купи стан.
Според Ѓорги Николов, од фирмата „МЃ инженеринг“ побарувачка на станови нема, но и покрај тоа цените на становите треба да растат, а не да се намалуваат. - Со добивањето датум за преговори луѓето ќе имаат поголема сигурност и цените, сигурно, ќе пораснат. Цените сега се ниски. Во Центарот на градот реална цена од еден метар квадратен е 1.200 евра. Но, нема економска оправданост да се намалат цените и покрај тоа што нема побарувачка. По Букурешт продажбата застана. Место да се продаваат 100 стана годишно се продаваат по пет до шест стана. Но, подобро да не го продадам станот и да земам кредит отколку да го продадам станот и да остварам загуба - објаснува Николов. Тој вели дека само во поранешните југословенски републики се уште се плаќаат комуналии, за разлика од европските држави, кои не плаќаат вакви даноци на државата.
Агенциите за недвижен имот, пак, се револтирани од ваквите најави на градежниците најавувајќи дека ќе формираат здружение за да се заштитат купувачите. - Нереално е да се зголемат цените на становите бидејќи и сега се многу скапи. Европската унија ги намали цените, а ние ќе ги зголемуваме. Цената на еден квадратен метар стан во центарот на Берлин е 1.000 евра, а кај нас е 1,200 евра. Кој ќе купува стан? Некој од ЕУ ќе дојде да купи? Кај нас нема стандард за да се купи стан по овие цени, а не па по повисоки цени. Треба да бидеш буџетар со плата од 30.000 денари за да купиш стан - вели Сашо Поп Илиески, сопственик на агенцијата за недвижен имот „Хепинес“.
Според него нема никаква логика за да се зголемат цените.
- Ниту материјалот за градба е поскап, ниту работната рака. Работници земаат од внатрешноста и ги плаќаат само по осум илјади денари, без притоа да им обезбедат престој и храна. Сакаат да соберат 200 проценти приход. Сега сосе комуналии изградбата на еден квадратен метар стан чини 500 евра, а тие ќе се продаваат по 1.500 евра - револтиран е Илиоски.


Цените не паднаа со пониското ДДВ


По намалувањето на данокот од 18 на пет проценти речиси ниту една фирма не ги поевтини становите, тврдат градежниците.
- За да се намалат посериозно цените треба да се намалат и цените на материјалите за градба – објаснува Томе Костадиновски, од фирмата „Контруктор инженеринг“.
Само од фирмата „Бортас“ ни изјавија дека ги поевтиниле становите за 12 проценти.
- Становите што ги продававме по 970 евра за еден квадратен метар сега ги продаваме за 880 евра. Продажбата веднаш ни се зголеми од два стана на 20 стана месечно – информира Љупчо Бораниев, директорот на фирмата.

                                                    http://www.vreme.com.mk/DesktopDefault.aspx?tabindex=5&tabid=1&EditionID=1894&ArticleID=129214                                                                                                       < = < =

ПО ОДЛУКАТА ЗА НАМАЛУВАЊЕ НА ДДВ Расте продажбата на нови станови Градежните компании почнаа да ги намалуваат цените на становите пред да влезе во сила мерката за намалувањето на данокот на додадена вредност за промет на станови од 18 на пет проценти. Нога повлече фирмата „Бортас“, која ги намали цените на становите за 12 проценти. Другите фирми најавија дека ќе ја следат, но дека ја чекаат официјалната примена на законот. Измените во законот треба да влезат во сила за десетина дена. Според агенциите за недвижен имот, мерката нема значително да влијае на раздвижување на пазарот, зашто 70 проценти од прометот го формира купопродажбата на стари станови за кои не се плаќа ДДВ. Градежната компанија „Бортас“, пак, е презадоволна од ефектот на намалениот данок што го има врз продажбата на нови станови. - Ако порано продававме еден до два стана месечно, сега за две недели се продадоа 13 станови. Секој ден склучуваме по еден до три договори за продажба. Цената на еден квадратен метар во скопската населба Расадник сега се движи од 880 до 1.014 евра во споредба со порано, кога квадратот чинеше од 980 до 1.400 евра. Ефектот е економски, не политички. Тоа се пари на државата, а не на инвеститорот. Таа тие ги дава за стимулација на поголема изградба и за поттикнување на побарувачката - вели Љупчо Бораниев, директор во градежната компанија „Бортас“. Во градежната фирма „Тим - инженеринг“ велат дека ќе ги намалат цените на становите, но дека се уште прават калкулации за колкав процент ќе биде тоа. - Ќе има намалување на цените, но не знам да кажам за колку. Мерката е стумулативна, но нема многу да влијае на зголемување на продажбата поради скапите станбени кредити и лошиот кредитен потенцијал на населението - велат во „Тим - инженеринг“. Според агенциите за недвижен имот, за да се зголеми вкупниот промет со станови, вклучувајќи ги и старите, потребно е намалување на данокот на промет со недвижен имот, кој сега е три проценти. - Многу често каталошката вредност според која државата пресметува данокот е поголема од вистинската купопродажна вредност на имотот. Тоа дополнително и неоправдано ја оптоварува цената на становите - вели Сашо Поп Илоски, директор на агенцијата за недвижен имот „Хепинес“. На почетокот од септември Владата најави дека намалувањето на ДДВ за промет на станови за 13 проценти ќе придонесе во ист толкав процент да се намали цената на станбениот простор. Според премиерот Никола Груевски оваа двегодишна мерка ќе го реши станбеното прашање на многу граѓани.

http://vreme.com.mk/DesktopDefault.aspx?tabindex=4&tabid=1&EditionID=1858&ArticleID=125800

Можеби вака од дистанца апостериори примената кога ќе се погледне може да се види дека и друг начин имало да се влијае на цената на становите. Односно днаместо да се идеше со намалувањето на ддв-то може би владата требаше да се обиде преку јавното претпријатие да понуди пониска цена па јавното претпријатие како најголем градител пазарно да ги потегне другите компании да ја смалат цената.

ДДВ за становите помина во Собрание Пратениците ги прифатија законските измени со кои се намалува стапката на ДДВ од 18 на пет отсто за продажба на новоизградени станови Опозициските пратеници бараат да се намали и стапката на данокот на додадена вредност за градежните материјали, покрај таа за становите, за да се подобри состојбата во градежништвото и граѓаните полесно да дојдат до стан. На вчерашната собраниска седница помина првото читање од измените на Законот за ДДВ со кој ставката за становите се намалува од 18 на пет отсто. Заменик-министерот за финансии Недим Рамизи образложи дека предложеното намалување на даночната стапка се однесува на првиот промет со станбени згради и станови, кој ќе се изврши во период до пет години по изградбата. Тој додаде дека се очекува цената на станбениот простор да се намали за 11 отсто и со тоа станбениот простор да стане подостапен за граѓаните. Позитивни ефекти од предложените измени, како што рече Рамизи, се стимулирање на изградбата на станови од страна на градежните претпријатија, заживување на градежништвото, но и на другите стопански гранки поврзани со изградбата на станбениот простор. Повластената даночна стапка од пет отсто ќе се применува до 31 декември 2011 година. За Миле Андонов од СДСМ прифатливо е намалувањето на даночната стапка кај новоизградените станови, но смета дека не е доволно за во целост да се оствари она што сака и Владата - подобрување на состојбите во градежништвото и другите дваесетина занаетчиски гранки и полесно да дојдат граѓаните до стан. Според него, овој ефект би можел да се оствари само со намалување на стапката и за градежните материјали. Со ваков став беа и неговиот сопартиец Томе Чинговски и Роза Топузова-Каревска од ЛДП. - Ако не се намали ДДВ кај градежните материјали, ефектот од измените ќе биде многу мал - рече Чинговски. Според Топузова-Каревска, ако не поевтинат градежните материјали, станбениот простор нема да поевтини. Според неа, позитивни ефекти ќе има само кај становите што ги гради државата. За Марјанчо Николов од СДСМ измените во делот на намалување на стапката на ДДВ за становите нема да придонесе за подобрување на состојбата во градежништвото и на намалување на цената. Според него, на тоа може државата да влијае со зголемување на понудата преку изградба на становите.

http://dnevnik.com.mk/?ItemID=03C65BBCF9CE184B9153D7127873A495

Мислам дека пресудно за ваков потег било и непријавувањето никој на тендерите за земјиште наменето за станови и онаа рачуницата на нова македонија околу исплатливоста па затоа и мислам дека се пристапило кон вакво решение. Далеку од тоа дека цените ќе паднат за сите цели тринаесет проценти колку што е намалувањето на данокот. Во еден дел овој процедн ќе иде за стимулација на градежните компании, а помал дел ќе заврши како поевтинување на купувачите.

Од Altitlan се бесплатно достапни две базични анализи
(PDF формат)


Shopping Mall Development in Macedonia, Autumn 2008

Skopje Office Market Report, Autumn 2008

Цените на становите паѓаат, во Битола интензивно се гради Четврток, 25 Јуни 2009 17:52 Светската економска криза предизвика психолошка реакција кај граѓаните која се манифестираше со застој во продажбата на недвижностите, по што следуваше извесен период на нормализирање на продажбата, но во последните три месеци забележан е значителен пад на цените на становите: ,, Мислам дека тоа се должи најмногу на цената која ланската година по мое беше и вештачки подигната со размислувањето кое постоеше за влез во НАТО и цената се покачи над онаа што требаше да се очекува и сега се движи околу 600 евра по метар квадратен просечно за половен стан, вели Снежана Настевска, агенција за недвижности Стрелец Големата побарувачка на станбени кредити и отвореноста на банките за хипотекарно кредитирање минатата година им го реши станбеното прашање на многу млади луѓе. Но, тоа не е случај годинава: ,, Оваа година некако и банките намалија со одобрување на кредити ја заострија банкарската политика и стравот за отплатување на кредите од страна на граѓаните ја намали побарувачката на станови со тој начин на купување, вели Снежана Настевска, агенција за недвижности Стрелец Наспроти таквата состојба, во моментов Битола станува градилиште какво што не било во последните десет години: ,, Новоградбата оваа година како да процвета во Битола. Можеби се должи на добрата политика на Општина Битола во однос на одобрување на документацијата за изградба и во однос на тоа што инвеститорите сакаат да ги вложат цените во изградба на станови. Со тоа се зголемува понудата на нови станови по не многу висока цена, вели Снежана Настевска, агенција за недвижности Стрелец Со тоа граѓаните ќе имаат можност за поголем избор, но дали ќе купат стан ќе зависи од нивната куповна моќ и економската состојба во државата и светот: ,, Просечната цена за метар квадратен за половен стан е 600 евра, а за новите кои се градат околу нас од поголемите фирми каде сигурно ќе се сместат 200 семејства од 700 до 750 евра, вели Снежана Настевска, агенција за недвижности Стрелец Ваквата цена на новите станови е приближно иста со онаа на половните. Но, има и некои инвеститори кои градат згради со помалку станови, а цената кај нив по метар квадратен се движи од 800 па над 1000 евра. Овогодинашните цени на становите во споредба со ланските бележат намалување во просек по 100 евра од метар квадратен.

http://tera.mk/index.php?option=com_content&task=view&id=9444&Itemid=106