ВО НЕДОСТИГ НА ВОЗДУХОПЛОВЕН КАДАР

Пилоти пензионери ќе ги летаат ер-тракторите

Шпанскиот производител побарал пилотите што ќе управуваат со ер - трак­то­ри­те да имаат најмалку 800 часа летачко искуство, па Дирекцијата за заштита и спасување била принудена да ги ангажира пензионираните пи­ло­ти што ги летаа првите воени авиони на АРМ

Пи­ло­ти­те, меѓу кои и пензионери што ги летаа првите воени авиони на АРМ кои државата ги продаде во 2002 година, ќе пилотираат со новите про­тив­по­жар­ни авиони ер-трактори. Дирекцијата за заштита и спасување ги ан­га­жи­ра­ла пензионираните пилоти бидејќи, по долга потрага, заклучила дека во Македонија нема доволно искусен воздухопловен кадар.
Од Дирекцијата за заштита и спасување потврдуваат дека тројца, од вкуп­но шест пилоти на ер-тракторите, биле во пензија пред да дојдат на ра­бо­та во Дирекцијата.
"Тоа се луѓе што се на возраст од 40 до 46 години. Дел од нив беа во пен­зи­ја, а дел беа вработени во Агенцијата за цивилно воздухопловство, но уш­те пред да ги потпишат договорите за редовен работен однос со Ди­рек­ци­ја­та за заштита и спасување, тие се откажаа и од пензијата и од ра­бот­но­то место", вели Шабан Салиу, директор на Дирекцијата за заштита и спа­су­ва­ње.
Са­лиу објаснува дека главната причина поради која биле принудени да ба­ра­ат искусен кадар, биле строгите услови кои ги поставил шпанскиот про­из­во­ди­тел "Ер-трактор". Пилотите за десетина дена заминуваат на 40- днев­на дообука во фабриката.
"По­ба­раа пилотите што ќе ги ангажираме да имаат најмалку 800 часа ле­тач­ко искуство, што е престрог критериум за наши услови, бидејќи ваков ви­со­копрофесионален кадар во Македонија е дефицитарен", вели Салиу.
Ос­вен шесте пилоти за потребите на ер-тракторите се ангажирани и 4 ави­о­ме­ха­ни­ча­ри и 2 инженери. Еден од инженерите, вели Салиу, е Македонец што живеел во Канада, но по понуденото работно место, се вратил во Ма­ке­до­ни­ја.
Ма­ке­до­ни­ја од шпанскиот производител "Ер-трактор" на меѓународен тен­дер за 8,2 милиони евра купи три противпожарни авиони од типот АТ-802. Две од леталата пристигнаа во државава лани во ноември и се чуваат на Скоп­ски­от аеродром "Александар Велики". Во цената од 8,2 милиона е вклу­че­на и обука за шест пилоти, тројца инженери и двајца одржувачи, ка­ко и сервисирање и резервни делови во Шпанија. (И.С.)                                                                                                                                                     http://www.vest.com.mk/?ItemID=F2FBDF62BA2A6942862E46DC955E6DAE