Сончев Град

по ПРОПАДНАтата ИЗРАЕЛСКА ИНВЕСТИЦИЈА

Ќе се бара нов градител за Сончев град

Министерството за транспорт се спогодило со несудениот инвеститор и сега чекаат Општина Сопиште да усвои нов план, па повторно да разгласат дека се продава земјиште на Водно за елитна населба

Пропадна израелската инвестиција во населбата Сончев град, која досега требаше да биде изградена на јужната падина на Водно, во Сопиште. Поминаа пет години од продажбата на земјиштето и имаше куп најави дека ќе се реализира годинава, наредната, сега, утре, задутре, но досега не беше поставена ниту една тула. Немаше можност, затоа што проектот помина многу премрежиња и бирократски проблеми, пред Израелците да решат да си заминат. Но, Владата не се откажува од својата идеја, па земјиштето повторно ќе се продава и ќе се бара нов инвеститор кој е подготвен да ја изгради елитната населба со 600 куќи.

Кој кому што му плати?

Соочувајќи се со катастарски проблеми од самиот почеток, кои не беа надминати ниту по три години, израелската фирма „Индастријал билдингс корпорејшн“, кај нас регистрирана како „Сан Сити“, ја тужеше државата, а неодамна спорот заврши. Од Министерството за транспорт и врски, иако прашани, не појаснија во детали за каква судска одлука станува збор, односно дали на Израелците ќе им ги вратат парите за земјиштето, околу 3,6 милиони евра, што е многу веројатно, со оглед што инвеститорот не беше виновен за проблемите што настанаа. Министерството, пак, имаше можност да активира банкарска гаранција доколку изградбата не се реализира во одреден рок.

- За предметот што го наведувате е постигната судска спогодба и судскиот предмет е решен. Министерството за транспорт не се откажува од реализацијата на проектот за изградба на нова населба во општина Сопиште. Во следниот период се очекува да бидат преземени активности за усвојување на соодветниот урбанистички план од страна на локалната самоуправа, по што локацијата ќе биде предмет на отуѓување со цел реализација на предвидените градежни инвестиции - изјавија од Одделението за односи со јавноста при Министерството.

Новата шанса без старите проблеми

Причина за тужбата беше урбанистичкиот план за Сончев град кој не соодветствуваше со состојбата на теренот. Општинските службеници објаснуваа дека бил изготвен според погрешни геодетски податоци базирани на авиоснимки од 1962 година. За да тргне работата, Општината Сопиште во 2007 година усвои нов план, кој по неколку месеци беше соборен на Уставен суд поради неправилности во процедурата.

Освен катастарските проблеми, инвестицијата ја отежна и тоа што населението од Патишка Река со блокади не дозволуваше тамошниот извор да се искористи за изградба на водовод за новата населба. Не се оствари ниту замислата за сообраќајното поврзување меѓу Скопје и Сончев град преку шумата Водно, поради реакциите од јавноста за еколошките ризици.

Додека овие проблеми не бидат целосно решени, не е реално да се очекува да ја видиме населбата. Сончев град, според проектот, предвидува на површина од 6,4 хектари да се изградат 11 згради, 600 куќи и други објекти и содржини за 6.000 жители. Инвестицијата се проценува на околу 100 милиони евра.

http://www.dnevnik.com.mk/?ItemID=40024EC52FBC3D43917355815DABF720

Знам луѓе кои веќе уплатиле за место и имат озбилни намери да градат таму.
Незнам што ќе биде со тие луѓе. На крај може ќе им се дозволи да градат на своја иницијатива.

Израелците дефинитивно се повлекоа од проектот Сончев град

среда, 27 јули 2011, 16:38

Израелците и дефинитивно нема да го градат Сончев град. Минатата недела инвеститорот Индастриал Билдинг Корпорејшн кој основа и своја фирма во земјава Сан Сити ја повлече тужбата против државата и се откажа од изградба на елитната населба. Договорот спогодбено го раскинале двете страни. Нема информации дали на инвеститорот ќе му бидат вратени вложените 3 ипол милиони евра за купување на земјиштето или Македонија ќе ги задржи парите, а за возврат нема да ја активира банкарската гаранција поради незапочнатата градба.

Според градоначалникот на општина Сопиште Јован Ѓорѓијоски, за проектот Сончев град ќе се бара нов инвеститор на меѓународен тендер. Во изминатите четири години проектот постојано го следеа контроверзи. Реагираше локалното население, а случајот се најде и пред Уставниот суд кој го поништи урбанистичкиот план бидејќи бил донесен без претходна согласност на Министерството за транспорт и врски.

http://vesti.alfa.mk/default.aspx?mId=37&eventId=39356

Originally posted by pbanks Иако сум скептик дека израелците „не се повлекле“, изградбата на водоводот и патот се битни и треба да се одвиваат ако во иднина сакаме да привлечеме нов инвеститор кој нема потреба повторно да се судри со истиве проблеми.

Daj boze da se desi ovoj proekt ke imame gasovod vo komshii

Се готви теренот за елитниот Сончевград Во тек е изградба на водоводот Патишка Река, а распишана е јавна набавка за изградба на регионален пат Снежана Калабакова Се подготвува теренот за старт на изградбата на резиденцијалната населба Сончевград. Моментно течат градежните зафати за изградба на водоводот во Патишка Река, а завчера Агенцијата за државни патишта обелодени јавни набавки за изработка на проект за инфраструктура, основен и изведбен проект за регионален пат кој ќе биде врска со патот за населбата Сончевград. Заинтересираните фирми понудите до Агенцијата ќе можат да ги доставуваат до 1 декември годинава. Дали тоа значи дека нема да пропадне големата израелска инвестиција во општината Сопиште и дали можеби се наѕира зелено светло за скорешна судска разрешница на спорната постапка во која беше донесен ДУП за Сопиште. Токму начинот на кој беше усвоен урбанистичкиот план беше причината зошто проектот „Сончевград“ се најде пред Уставен суд. Израелската инвестиција тешка 100 милиони евра стана спорна уште пред да почне да се гради новата населба. Судот привремено забрани секакви градежни активности се' додека не дојде до решавање на управниот спор. „Пред неколку месеци на средба во Министерството за транспорт и врски беше разговарано околу Сончевград и ни беше соопштено дека Израелците не се заминати“, вели Трајче Андреевски, раководител на Секторот за локален економски развој во Општина Сопиште и додава дека оттогаш немаат подетални информации. Катерина Панова-Илиевска, портпаролка на Агенцијата за државни патишта, појаснува дека ќе се гради регионален пат како крак на постојниот регионален пат што поминува кај ИЗИИС. Како ќе биде проектиран и од каде ќе поминува новиот пат, ќе зависи од идејното решение што ќе биде прифатено. Градежните работи околу населбата треба да се одвиваат во две фази, прво да се изведе водоводната, канализациската, електричната и гасификациската мрежа, јавното осветление и улиците, а потоа да се градат објектите. Населбата Сончевград ќе се простира на површина од 636.459 квадратни метри. „Индустријал билдингс корпорејшн“ од Израел го купи земјиштето на лицитација во мај 2007 година и за него плати 350 денари за квадрат. Резиденцијалната населба ќе ја сочинуваат 603 семејни куќи, 11 станбени згради со повеќе апартмани и два спортски комплекса. Новата модерна, урбана и еколошка населба треба да се гради според највисоки стандарди. На целата површина за градба решени се имотноправните односи.

http://www.utrinski.com.mk/?ItemID=9B8994B09AE48A49B83D337DDD96E51F

Edited by Cloverstack - 06-Nov-2010 at 09:34

Па добро... тие што прават водовос сигурно знаат како да прават водовод... и владава или општината сигурно не е ненормална да им скрати довод на вода.... е сега ако они мислат да си полеваат ниви како во Сарај па да им нема.... тоа воопшто не ни доаѓа во предвид да се толерира, или пак да се прават отстапки....

Колку што знам јас... секој мора да има пристап до вода.... ако излезе некој проблем по изградбата... можат да постават појака пумпа а ако нема вода.... е тоа ќе мисли владата тогаш да најде извор во близина..... во што се сомневам дека такво нешто ќе се случи, односно дека ќе им снема вода....

Добро јас не сфаќам.... им прават водовод и протестираат....

Imalo tenzii natamu, selanite go blokirale patot.


http://www.a1.com.mk/vesti/video-player.asp?Video=10%2Ftelefonsko%2Dsuncica%2D25%2D09%2Ewmv&VestID=127896

Да видиме да не веруваме

Уставен го укина урбанистичкиот план на Сопиште за Сончев град

Скопје

Уставниот суд ја укина одлуката на урбанистичкиот план за село Сопиште, локалитет Сончев град,  донесена од советот на општината во февруари 2007 година.

Уставните судии утврдиле дека во постапката на донесувањето и на овој општински пропис не биле преземени потребните законски дејствија.

„Нацртот на планот бил изработен пред да се издадат услови за планирање на просторот“ велат од судот.

Иницијативата за поништување на урбанистичкиот план пред уставните судии ја поведе израелската компанија, која ја купи локацијата.

Проблемот настана оти сметаат дека добиле погрешни параметри за земјиштето и поради тоа не можат да почнат со градење на елитната населба, за што веќе се спорат со државата и пред Управен суд.

„Сан сити“, фирмата што требаше до 2011 година да го реализира проектот Сончев град, е фирма на израелските инвеститори, кои во 2007 година на јавно наддавање купија 640.000 квадратни метри во близината на Сопиште за околу 3,6 милиони евра /крај/фф

http://www.makfax.com.mk/_home/home#110634